| ᠴᠦᠷᠬᠦᠯᠡᠭᠡ ᠭᠠᠯᠠᠭᠤᠳ ᠮᠢᠨᠢ | ● ᠪᠣᠷᠵᠢᠬᠢᠨ ᠨᠠᠷᠠᠨᠴᠣᠭᠳᠣ | ᠣᠷᠢᠨ ᠣᠯᠠᠷᠢᠯ ᠤᠨ ᠡᠶᠡᠪᠡᠷᠬᠦᠦ ᠳᠤ ᠪᠠᠨ | ᠣᠬᠠᠭᠠ ᠰᠦᠢᠭ᠌ᠰᠠᠭᠠᠷ ᠨᠣᠳᠤᠭ ᠰᠣᠪᠢᠨ | ᠣᠨᠠᠭᠠᠨ ᠪᠠᠶᠢᠭᠠᠯᠢ ᠶᠢᠨ ᠡᠯᠴᠢᠨ ᠪᠣᠯᠣᠭᠰᠠᠨ | ᠠᠩᠬᠢᠷ ᠬᠤᠨ ᠮᠢᠨᠢ ᠬᠤᠰᠢᠭᠤᠷᠠᠨ ᠬᠤᠯᠠᠳᠣᠯᠠ | ᠦᠨᠳᠡᠭᠡ ᠬᠡᠮᠡᠷᠬᠡᠨ ᠪᠦᠮᠪᠦᠷᠢᠭᠰᠡᠨ ᠢᠶᠠᠷ | ᠣᠷᠣᠰᠬᠠᠯ ᠤᠨ ᠴᠢᠯᠠᠭᠤᠳ ᠲᠠᠶᠢᠪᠣᠩᠬᠠᠨ | ᠦᠷᠳᠡᠭᠡ ᠬᠡᠮᠡᠨ ᠰᠠᠭᠯᠠᠶᠢᠭᠰᠠᠨ ᠢᠶᠠᠷ | ᠣᠳᠠᠨ ᠮᠦᠴᠢᠷ ᠨᠢ ᠨᠠᠶᠢᠭᠤᠭᠰᠠᠭᠠᠷ ᠯᠠ | ᠭᠠᠩᠭᠠᠷ ᠭᠤᠩᠭᠤᠷ ᠲᠠᠭᠤ ᠪᠠᠨ ᠦᠭᠬᠦᠨ | ᠭᠠᠯᠠᠭᠤᠳ ᠮᠢᠨᠢ ᠴᠣᠪᠣᠨ ᠨᠢᠰᠦᠩᠬᠡᠨ | ᠭᠠᠩᠭᠠᠩ ᠨᠣᠳᠤᠭ ᠤᠨ ᠢᠶᠠᠨ ᠲᠡᠭᠡᠭᠦᠷ | ᠭᠠᠩᠬᠤᠭᠤᠯᠵᠣ ᠲᠡᠬᠦᠯᠢᠨ ᠣᠳᠣᠯᠠ | ᠨᠠᠭᠤᠷ ᠤᠨ ᠣᠰᠣᠨ ᠢᠶᠠᠨ ᠲᠣᠯᠢᠳᠠᠨ | ᠨᠠᠭᠠᠯᠢᠩᠬᠠᠢ ᠠᠭᠠᠯᠢ ᠪᠠᠨ ᠱᠣᠮᠪᠠᠭᠤᠯᠣᠨ | ᠨᠠᠮᠣᠷ ᠤᠨ ᠬᠤᠩᠭᠤᠷ ᠰᠠᠯᠬᠢᠨ ᠢᠶᠠᠷ | ᠨᠠᠪᠴᠢᠰ ᠤᠨ ᠲᠡᠯᠪᠡᠬᠡᠨ ᠰᠢᠷᠭᠠᠯᠳᠣᠭᠤᠯᠣᠨ | ᠵᠡᠬᠡᠰᠦᠨ ᠣᠳᠣᠯ ᠨᠢ ᠣᠩᠭᠠᠷᠢᠯᠠᠨ ᠬᠡᠶᠢᠰᠬᠦ ᠨᠢ | ᠵᠡᠬᠦᠳᠦᠨ ᠬᠤᠨ ᠤ ᠮᠢᠨᠢ ᠦᠳᠦ ᠴᠤ ᠪᠢᠯᠡ ᠤᠤ︖ | ᠵᠢᠷᠦᠬᠡᠨ ᠳᠤ ᠣᠶᠠᠭᠠᠳᠠᠢ ᠨᠣᠳᠤᠭ ᠤᠨ ᠮᠢᠨᠢ | ᠵᠠᠶᠠᠭᠠ ᠬᠤᠯᠪᠣᠭᠰᠠᠨ ᠲᠠᠯᠠᠯᠭᠠ ᠴᠤ ᠪᠤᠯᠪᠠ ᠤᠤ︖ | ᠠᠬᠠᠯᠠᠭᠴᠢ ᠭᠠᠯᠠᠭᠤ ᠨᠢ ᠲᠠᠭᠠᠭᠤᠯᠣᠨ ᠨᠢᠰᠬᠦ ᠨᠢ | ᠠᠷᠣ ᠭᠠᠵᠠᠷ ᠤᠨ ᠵᠢᠩᠴᠢᠨ ᠴᠤ ᠶᠣᠮ ᠦᠦ︖ | ᠠᠶᠠᠯᠳᠣᠨ ᠬᠤᠰᠢᠭᠤᠷᠠᠬᠤ ᠬᠠᠨᠢᠳᠠᠨ ᠨᠤᠭᠤᠳ ᠨᠢ | ᠠᠷᠠᠰᠣᠨ ᠲᠡᠪᠡᠯᠳᠦ ᠲᠠᠶᠢᠴᠢᠳ ᠴᠤ ᠪᠢᠯᠡ ᠦᠦ︖ | ᠶᠡᠭᠡ ᠡᠷᠳᠡᠨ ᠤ ᠨᠡᠭᠦᠳᠡᠯ ᠣᠳᠣᠮᠳᠠᠳ ᠤᠨ ᠢᠶᠠᠨ | ᠶᠢᠷᠳᠢᠨᠴᠦ ᠳᠤ ᠬᠤᠴᠣᠷᠣᠭᠰᠠᠨ ᠠᠮᠢᠳᠣ ᠴᠢᠯᠠᠭᠤᠵᠢᠮᠠᠯ ᠮᠢᠨᠢ | ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠬᠡᠢ ᠡᠷᠢᠭᠳᠡᠬᠦ ᠨᠣᠳᠤᠭ ᠲᠤ ᠪᠠᠨ | ᠶᠠᠷᠢᠭᠳᠠᠬᠤ ᠲᠣᠮᠤᠭ ᠢᠶᠠᠨ ᠬᠤᠴᠣᠷᠭᠠᠬᠤ ᠰᠦᠨᠡᠰᠦ ᠮᠢᠨᠢ | ᠬᠠᠩᠭᠠᠢ ᠨᠢᠷᠣᠭᠤᠨ ᠳᠤ ᠪᠠᠨ ᠴᠣᠣᠷᠢᠶᠠ ᠬᠠᠨᠳᠢᠪᠯᠠᠨ | ᠬᠠᠶᠠᠯᠠᠬᠤ ᠰᠡᠳᠬᠢᠯ ᠤᠨ ᠣᠶᠠᠩᠭᠠ ᠶᠢ ᠦᠯᠡᠳᠡᠬᠡᠨ | ᠬᠠᠶᠢᠷᠠ ᠶᠢᠨ ᠮᠦᠷᠡᠨ ᠳᠤ ᠪᠠᠨ ᠲᠣᠯᠬᠢᠶᠠ ᠠᠷᠯᠠᠭᠤᠯᠣᠨ | ᠬᠠᠨᠢᠰᠬᠤ ᠪᠣᠳᠣᠯ ᠤᠨ ᠨᠢᠭᠤᠴᠠᠩᠬᠠᠢ ᠠᠴᠢᠭᠰᠠᠭᠠᠷ ᠯᠡ | ᠬᠤᠨ ᠤ ᠴᠦᠷᠬᠦᠯᠡᠭᠡ ᠮᠢᠨᠢ ᠬᠤᠯᠠᠳᠣᠨ ᠬᠤᠯᠠᠳᠣᠭᠰᠠᠭᠠᠷ | ᠬᠤᠰᠢᠭᠤᠷᠠᠭᠰᠠᠨ ᠰᠦᠷᠦᠭ ᠤᠨ ᠲᠣᠷᠠᠰᠣᠯ ᠬᠡᠯᠬᠢᠭᠰᠡᠭᠡᠷ | ᠬᠤᠯᠠᠬᠢ ᠲᠡᠷᠡ ᠡᠪᠦᠯᠵᠡᠬᠡᠨ ᠪᠠᠭᠤᠴᠠᠨ ᠳᠤ ᠪᠠᠨ | ᠬᠤᠨᠤᠭ ᠢᠶᠠᠨ ᠠᠪᠣᠨ ᠲᠠᠶᠢᠪᠦᠰᠢᠷᠠᠬᠤ ᠪᠠᠶᠢᠯᠬᠦᠢ︖ | ᠲᠣᠣᠯᠢᠰ ᠪᠦᠳᠦᠬᠡᠯ ᠤᠨ ᠰᠠᠬᠢᠭᠤᠰᠣ ᠪᠣᠯᠣᠭᠰᠠᠨ | ᠲᠣᠲ᠋ᠧᠮ ᠰᠢᠳᠦᠬᠡᠨ ᠤ ᠰᠦᠯᠳᠡ ᠬᠤᠨ ᠮᠢᠨᠢ | ᠲᠡᠯᠬᠡᠷ ᠪᠠᠶᠢᠭᠠᠯᠢ ᠶᠢᠨ ᠬᠠᠯᠠᠭᠤᠨ ᠠᠮᠢ ᠶᠢᠨ | ᠲᠡᠨᠢᠬᠡᠷ ᠣᠭᠳᠠᠷᠭᠤᠢ ᠶᠢᠨ ᠴᠠᠭᠠᠨ ᠲᠠᠬᠢᠨᠢᠰ ᠡ | ᠬᠡᠨ ᠳᠤ ᠬᠡᠯᠡᠵᠦ ᠴᠢᠳᠠᠬᠤ ᠦᠬᠡᠢ ᠲᠣᠭᠳᠣᠯᠣᠯ ᠢᠶᠠᠷ | ᠬᠤᠨ ᠢᠶᠠᠨ ᠦᠳᠡᠬᠦ ᠮᠢᠨᠢ ᠵᠢᠷᠭᠠᠯ ᠪᠠᠶᠢᠭᠰᠠᠨ ᠡ | ᠬᠡᠨ ᠠᠴᠠ ᠴᠤ ᠠᠰᠠᠭᠤᠬᠤ ᠦᠬᠡᠢ ᠡᠮᠵᠡᠭᠯᠡᠯ ᠮᠢᠨᠢ | ᠬᠤᠷᠸᠠ ᠭᠤᠨᠢᠳᠣᠯ ᠣᠷᠠᠯᠢᠭ ᠪᠠᠶᠢᠭᠰᠠᠨ ᠶᠣᠮ ᠡ | ᠠᠬᠢᠭᠠᠳ ᠨᠠᠭᠠᠰᠢᠯᠠᠬᠤ ᠬᠠᠪᠣᠷ ᠤᠨ ᠣᠷᠢᠨ ᠢᠶᠠᠷ | ᠠᠯᠢᠶᠠ ᠵᠡᠷᠭᠡᠯᠬᠡᠨ ᠮᠢᠷᠠᠯᠵᠠᠨ ᠮᠢᠰᠢᠯᠵᠡᠬᠦ ᠪᠠᠷ | ᠠᠯᠳᠠᠨ ᠠᠴᠠ ᠦᠨᠡᠳᠡᠢ ᠨᠣᠳᠤᠭ ᠢᠶᠠᠨ ᠬᠡᠳ | ᠠᠶᠠᠯᠠᠨ ᠬᠤᠰᠢᠭᠤᠷᠠᠬᠤ ᠨᠢ ᠯᠠᠪᠳᠠᠢ ᠪᠠᠶᠢᠬᠤ ᠡ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠡᠭᠤᠨ ᠭᠠᠷᠣᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠤ ᠲᠡᠪᠰᠡᠭ ᠰᠤᠷᠭᠠᠭᠤᠯᠢ |