| ᠰᠢᠯᠦᠭ ᠭᠤᠷᠪᠠ | ● ᠱᠤᠸᠠᠩ ᠶᠢᠨ ᠪᠤᠤ | ᠨᠢᠭᠡ᠂ ᠰᠢᠳᠤᠭᠡᠨ ᠤ ᠬᠤᠤᠰ ᠦᠡᠭᠭᠡ | ᠴᠠᠭᠠᠨ | ᠤᠨ ᠤᠨ ᠡᠭᠡᠯᠵᠢᠯᠡᠬᠦ ᠡᠬᠢᠨ ᠤ ᠰᠠᠷᠠ ᠴᠠᠭᠠᠨ | ᠦᠯᠵᠠᠢ ᠬᠡᠰᠢᠭ ᠲᠠᠢ ᠠᠯᠬᠤᠵᠤ ᠭᠠᠷᠬᠤ ᠵᠠᠮ ᠮᠦᠷ ᠴᠠᠭᠠᠨ | ᠢᠵᠠᠭᠤᠷ ᠮᠤᠩᠭᠤᠯ ᠠᠴᠠ ᠤᠯᠠᠮᠵᠢᠯᠠᠬᠰᠠᠨ ᠢᠳᠡᠬᠡᠨ ᠤᠮᠳᠠᠭᠠᠨ ᠴᠠᠭᠠᠨ | ᠤᠷᠴᠢᠯᠠᠩ ᠤᠨ ᠠᠯᠢᠪᠠ ᠶᠢ ᠪᠠᠭᠳᠠᠭᠠᠬᠤ ᠰᠠᠨᠠᠭᠠ ᠰᠡᠳᠬᠢᠯ ᠴᠠᠭᠠᠨ | ᠬᠦᠳᠡᠭᠡ ᠲᠠᠯᠠ ᠪᠠᠷ ᠪᠡᠯᠴᠢᠭᠡᠷᠯᠡᠬᠦ ᠬᠤᠨᠢᠨ ᠰᠦᠷᠦᠭ ᠴᠠᠭᠠᠨ | ᠬᠦᠨᠦᠭ ᠰᠠᠪᠠ ᠳᠤ ᠪᠢᠯᠬᠠᠬᠰᠠᠨ ᠰᠥ ᠰᠠᠭᠠᠯᠢ ᠴᠠᠭᠠᠨ | ᠬᠦᠭᠡ ᠤᠬᠳᠠᠷᠭᠤᠢ ᠪᠠᠷ ᠨᠡᠭᠦᠳᠡᠯᠯᠡᠬᠦ ᠬᠦᠪᠤᠡᠭ ᠡᠭᠦᠯᠡ ᠴᠠᠭᠠᠨ | ᠬᠦᠰᠡᠯ ᠢᠶᠠᠨ ᠲᠠᠭᠠᠳᠬᠠᠵᠤ ᠵᠠᠯᠪᠡᠷᠢᠯ ᠢᠶᠠᠨ ᠭᠦᠢᠴᠡᠳᠭᠡᠬᠦ ᠤᠪᠤᠭᠠᠨ ᠲᠠᠬᠢᠯᠭᠠ ᠴᠠᠭᠠᠨ | ᠲᠤᠭᠤᠨᠤ ᠪᠠᠷ ᠰᠤᠭᠤᠨᠠᠭᠯᠡᠨ ᠪᠦᠵᠢᠭᠯᠡᠬᠦ ᠠᠷᠭᠠᠯ ᠤᠨ ᠤᠳᠤᠭᠠ ᠴᠠᠭᠠᠨ | ᠲᠠᠯᠠ ᠪᠠᠷ ᠲᠦᠭᠦᠷᠢᠭᠯᠡᠨ ᠬᠠᠷᠠᠬᠳᠠᠬᠤ ᠢᠰᠡᠭᠡᠢ ᠭᠡᠷ ᠴᠠᠭᠠᠨ | ᠲᠤᠷᠨᠢᠭᠤᠯᠤᠨ ᠪᠤᠶᠢᠵᠢᠭᠤᠯᠤᠬᠰᠠᠨ ᠠᠴᠢᠳᠤ ᠡᠬᠡ ᠶᠢᠨ ᠠᠩᠬᠢᠷ ᠤᠭᠤᠷᠠᠬ ᠴᠠᠭᠠᠨ | ᠲᠢᠪ ᠲᠡᠯᠡᠬᠡᠢ ᠶᠢ ᠲᠤᠩᠰᠤᠯᠭᠠᠬᠰᠠᠨ ᠴᠢᠩᠭᠢᠰ ᠤᠨ ᠦᠷᠡᠰ ᠤᠨ ᠢᠷᠡᠭᠡᠳᠤᠢ ᠶᠢᠨ ᠦᠢᠯᠡᠰ ᠴᠠᠭᠠᠨ | ᠬᠦᠭᠡ | ᠤᠷᠤᠰᠢᠨ ᠰᠠᠭᠤᠷᠢᠰᠢᠭᠠᠳ ᠠᠮᠢᠳᠤᠷᠠᠬᠰᠠᠨ ᠨᠤᠳᠤᠭ ᠤᠰᠤ ᠬᠦᠭᠡ | ᠤᠡᠭᠭᠤᠨ ᠪᠠᠶᠢᠭᠠᠯᠢ ᠪᠠᠨ ᠰᠠᠬᠢᠬᠰᠠᠨ ᠨᠠᠭᠤᠷ ᠱᠠᠩᠳᠤ ᠬᠦᠭᠡ | ᠠᠷᠢᠶᠠᠳᠡᠨ ᠬᠦᠷᠤᠭᠡᠰᠤ ᠤᠷᠤᠰᠢᠬᠰᠠᠨ ᠠᠭᠤᠯᠠ ᠬᠠᠶᠢᠷᠬᠠᠨ ᠬᠦᠭᠡ | ᠤᠷᠡᠨ ᠪᠤᠯᠵᠤᠮᠤᠷ ᠲᠤᠩᠭᠤᠳᠤᠬᠰᠠᠨ ᠠᠭᠠᠷ ᠤᠬᠳᠠᠷᠭᠤᠢ ᠬᠦᠭᠡ | ᠦᠷᠤᠰᠢᠶᠡᠨ ᠬᠠᠶᠢᠷᠠᠯᠠᠵᠤ ᠢᠪᠡᠬᠡᠨ ᠲᠡᠳᠭᠦᠬᠦ ᠡᠴᠢᠬᠡ ᠲᠡᠭᠷᠢ ᠬᠦᠭᠡ | ᠦᠨᠳᠤᠰᠤᠳᠡᠨ ᠤᠬᠰᠠᠭᠠᠳᠡᠨ ᠤ ᠡᠷᠭᠦᠨ ᠰᠢᠳᠦᠬᠦ ᠤᠮᠤᠭ ᠰᠦᠯᠳᠡ ᠬᠦᠭᠡ | ᠦᠪ ᠰᠤᠶᠤᠯ ᠤᠨ ᠲᠡᠤᠬᠡ ᠴᠠᠳᠢᠭ ᠤᠨ ᠰᠤᠳᠤᠷ ᠪᠢᠴᠢᠭ ᠬᠦᠭᠡ | ᠦᠪᠴᠢ ᠪᠡᠶᠠ ᠳᠤ ᠪᠠᠨ ᠬᠡᠳᠤᠷᠡᠭᠡᠳ ᠭᠠᠷᠬᠤ ᠲᠡᠷᠯᠢᠭ ᠵᠠᠰᠡᠯ ᠬᠦᠭᠡ | ᠡᠪᠦᠭᠡ ᠲᠡᠭᠡᠳᠤᠰ ᠤᠨ ᠭᠤᠯᠤᠮᠳᠡ ᠠᠴᠠ ᠠᠰᠬᠠᠬᠰᠠᠨ ᠭᠠᠯ ᠬᠦᠭᠡ | ᠡᠷᠭᠦᠨ ᠲᠡᠪᠰᠢᠬᠦᠯᠬᠦ ᠲᠤᠷᠭᠠᠨ ᠰᠠᠮᠪᠠᠢ ᠬᠠᠳᠠᠬ ᠬᠦᠭᠡ | ᠤᠷᠬᠢᠯᠤᠬᠰᠠᠨ ᠲᠤᠭᠤᠭᠠᠨ ᠳᠤ ᠠᠭᠠᠭ ᠲᠠᠢ ᠪᠤᠷᠬᠢᠯᠬᠤ ᠴᠠᠢ ᠬᠦᠭᠡ | ᠠᠯᠤᠰ ᠤᠨ ᠵᠡᠭᠦᠳᠤᠨ ᠳᠤ ᠲᠡᠷᠭᠡᠯᠰᠢᠨ ᠪᠠᠶᠠᠰᠬᠤ ᠬᠦᠰᠡᠯ ᠬᠦᠭᠡ | ᠬᠤᠶᠠᠷ᠂ ᠬᠠᠷᠠᠮᠰᠡᠯ | ᠬᠠᠶᠢᠷᠠ ᠰᠡᠳᠬᠢᠯᠭᠡ ᠲᠠᠢ ᠠᠮᠠᠷᠠᠭ ᠬᠤᠤᠰ ᠤᠨ | ᠬᠠᠭᠠᠴᠡᠨ ᠰᠠᠯᠤᠯᠴᠠᠬᠤ ᠨᠢ ᠬᠠᠷᠠᠮᠰᠡᠯ ᠲᠠᠢ | ᠬᠡᠷᠡᠭᠦᠯ ᠮᠠᠷᠭᠤᠭᠠᠨ ᠢᠶᠠᠷ ᠡᠳᠤᠷ ᠬᠤᠨᠤᠭ ᠢ ᠨᠦᠭᠴᠢᠭᠡᠪᠡᠯ | ᠬᠠᠮᠳᠤᠷᠠᠵᠤ ᠠᠮᠢᠳᠤᠷᠠᠬᠰᠠᠨ ᠴᠤ ᠬᠠᠷᠠᠮᠰᠡᠯ ᠲᠠᠢ | ᠲᠠᠷᠢᠶᠠ ᠪᠠᠨ ᠤᠷᠬᠢᠭᠠᠳ ᠲᠠᠪᠠ ᠪᠠᠷ ᠢᠶᠠᠨ ᠲᠡᠷᠪᠡᠭᠰᠡᠨ | ᠲᠠᠷᠢᠶᠠᠴᠢᠨ ᠬᠦᠮᠤᠨ ᠳᠤ ᠬᠠᠷᠠᠮᠰᠡᠯ ᠲᠠᠢ | ᠨᠤᠳᠤᠭ ᠢᠶᠠᠨ ᠬᠤᠳᠠᠯᠳᠤᠭᠠᠳ ᠨᠢᠳᠤᠨ ᠡᠮᠤᠨᠡᠬᠢ ᠪᠠᠨ ᠪᠤᠳᠤᠯᠬᠢᠯᠠᠬᠰᠠᠨ | ᠮᠠᠯᠴᠢᠨ ᠬᠦᠮᠤᠨ ᠳᠤ ᠬᠠᠷᠠᠮᠰᠡᠯ ᠲᠠᠢ | ᠡᠪᠦᠭᠡ ᠲᠡᠭᠡᠳᠤᠰ ᠤᠨ ᠨᠤᠳᠤᠭ ᠢᠶᠠᠨ ᠠᠷᠠᠯᠵᠢᠶᠠᠯᠠᠭᠠᠳ | ᠦᠮᠴᠢ ᠪᠠᠨ ᠬᠤᠭᠤᠰᠤᠷᠠᠭᠤᠯᠤᠬᠰᠠᠨ ᠬᠦᠮᠤᠨ ᠬᠠᠷᠠᠮᠰᠡᠯ ᠲᠠᠢ | ᠦᠨᠳᠤᠰᠤᠳᠡᠨ ᠤ ᠦᠰᠦᠭ ᠪᠢᠴᠢᠭ ᠢᠶᠠᠨ ᠲᠠᠶᠠᠬᠳᠠᠭᠠᠳ | ᠦᠵᠡᠬᠦ ᠨᠢᠳᠤ ᠨᠢ ᠰᠤᠬᠤᠷᠠᠬᠰᠠᠨ ᠬᠦᠮᠤᠨ ᠬᠠᠷᠠᠮᠰᠡᠯ ᠲᠠᠢ | ᠬᠠᠰᠢᠷ ᠠᠩᠴᠢᠨ ᠤ ᠬᠠᠷᠪᠤᠬᠰᠠᠨ ᠰᠤᠮᠤ | ᠬᠤᠭᠤᠰᠤᠨ ᠲᠤᠰᠬᠤ ᠨᠢ ᠬᠠᠷᠠᠮᠰᠡᠯ ᠲᠠᠢ | ᠬᠠᠤᠯᠢ ᠶᠢ ᠵᠦᠷᠢᠴᠡᠭᠰᠡᠨ ᠬᠤᠪᠳᠤᠭ ᠨᠤᠶᠠᠳ | ᠬᠤᠷᠢᠭᠤᠯ ᠳᠤ ᠤᠷᠤᠭᠠᠳ ᠬᠠᠷᠠᠮᠰᠡᠯ ᠲᠠᠢ | ᠬᠦᠬᠢᠳᠡᠭᠰᠡᠨ ᠵᠢᠭᠠᠰᠤ ᠪᠠᠨ ᠠᠯᠳᠠᠬᠰᠠᠨ ᠬᠦᠮᠤᠨ ᠳᠤ | ᠬᠡᠮᠰᠢᠯ ᠬᠠᠷᠠᠮᠰᠡᠯ ᠲᠠᠢ ᠭᠡᠳᠡᠭ ᠪᠤᠯᠪᠠᠴᠤ | ᠢᠳᠡᠰᠢᠨ ᠳᠤ ᠨᠢ ᠬᠤᠷᠭᠤᠳᠠᠭᠠᠳ ᠤᠷᠤᠭᠤᠯ ᠢᠶᠠᠨ ᠰᠢᠷᠬᠠᠳᠤᠭᠤᠯᠤᠬᠰᠠᠨ | ᠠᠮᠢ ᠵᠢᠭᠤᠳᠠᠬᠰᠠᠨ ᠵᠢᠭᠠᠰᠤᠨ ᠳᠤ ᠨᠡᠩ ᠶᠡᠭᠡ ᠬᠠᠷᠠᠮᠰᠡᠯ ᠲᠠᠢ | ᠭᠤᠷᠪᠠ᠂ ᠬᠠᠪᠤᠷ ᠰᠠᠶᠢᠬᠠᠨ | ᠭᠤᠯᠭᠤᠢ ᠴᠡᠴᠡᠭ ᠲᠡᠯᠭᠡᠷᠡᠭᠡᠳ ᠭᠦᠢᠯᠡᠰᠤᠨ ᠬᠤᠸᠠᠷ ᠴᠠᠶᠢᠯᠵᠡᠨᠡᠮ | ᠭᠤᠤᠯ ᠭᠤᠷᠤᠬᠠ ᠬᠤᠷᠴᠢᠬᠢᠨᠠᠭᠠᠳ ᠤᠳᠠ ᠤᠯᠢᠶᠠᠰᠤ ᠨᠤᠭᠤᠭᠠᠷᠠᠨᠡᠮ | ᠡᠪᠡᠰᠤ ᠨᠤᠭᠤᠭᠠ ᠴᠤᠬᠤᠢᠢᠭᠠᠳ ᠠᠭᠤᠯᠠ ᠲᠠᠯᠠ ᠬᠦᠬᠡᠷᠡᠨᠡᠮ | ᠠᠭᠤᠷ ᠠᠮᠢᠰᠬᠤᠯ ᠲᠤᠯᠠᠭᠠᠷᠠᠭᠠᠳ ᠤᠷᠡᠨ ᠬᠠᠷᠢᠶᠠᠴᠠᠢ ᠪᠦᠵᠢᠭᠯᠡᠨᠡᠮ | ᠪᠤᠯᠵᠤᠮᠤᠷ ᠰᠢᠪᠠᠭᠤᠳ ᠵᠢᠷᠬᠢᠭᠡᠳ ᠪᠤᠯᠠᠭ ᠱᠠᠩᠳᠤ ᠤᠷᠬᠢᠯᠤᠨᠠ | ᠬᠤᠷᠠᠭᠠ ᠢᠰᠢᠭᠡ ᠮᠠᠶᠢᠯᠠᠯᠳᠤᠭᠠᠳ ᠬᠤᠨ ᠤ ᠰᠦᠷᠦᠭ ᠪᠠᠭᠤᠳᠠᠯᠯᠠᠨᠠ | ᠨᠠᠭᠤᠷ ᠴᠦᠬᠦᠷᠤᠮ ᠮᠡᠯᠮᠡᠯᠵᠡᠭᠡᠳ ᠨᠤᠭᠤᠰᠤ ᠭᠠᠯᠠᠭᠤ ᠱᠤᠩᠪᠠᠯᠳᠤᠨᠠ | ᠡᠪᠡᠰᠤᠨ ᠦᠨᠤᠷ ᠬᠠᠨᠭ᠍ᠬᠤᠯᠤᠭᠠᠳ ᠦᠭᠡᠷ ᠬᠤᠨᠢᠳ ᠪᠡᠯᠴᠢᠭᠡᠷᠯᠡᠨᠠ | ᠠᠳᠤᠭᠤᠨ ᠰᠦᠷᠦᠭ ᠢᠨᠴᠠᠭᠠᠨᠠᠭᠠᠳ ᠠᠷᠢᠶᠠᠳᠡᠨ ᠬᠦᠷᠤᠭᠡᠰᠤ ᠲᠤᠬᠯᠠᠯᠳᠤᠨᠠ | ᠲᠦᠮᠡᠨ ᠪᠤᠳᠠᠰ ᠲᠦᠯᠵᠢᠭᠡᠳ ᠲᠤᠭᠤᠯ ᠦᠨᠢᠶᠡᠳ ᠮᠦᠭᠡᠷᠤᠯᠳᠤᠨᠠ | ᠲᠷᠠᠺᠲ᠋ᠤᠷ ᠮᠠᠰᠢᠨ ᠬᠦᠷᠴᠢᠬᠢᠨᠡᠭᠡᠳ ᠲᠠᠷᠢᠶᠠᠴᠢᠨ ᠠᠷᠠᠳ ᠶᠠᠭᠠᠷᠠᠯᠳᠤᠨᠠ | ᠵᠢᠷᠤᠭ ᠲᠦᠯᠦᠪᠯᠡᠭᠡ ᠪᠠᠨ ᠲᠤᠬᠳᠠᠭᠠᠭᠠᠳ ᠵᠢᠯ ᠤᠨ ᠠᠵᠢᠯ ᠡᠬᠢᠯᠠᠨᠠ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠵᠠᠯᠠᠶᠢᠳ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ |