ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠨᠤᠳᠤᠭ ᠤᠨ ᠮᠦᠷᠦᠭᠡᠳᠦᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-06-25
ᠨᠠᠷᠠᠨᠴᠤᠭᠳᠤ                   ᠨᠤᠳᠤᠭ ᠤᠨ ᠮᠦᠷᠦᠭᠡᠳᠦᠯ                   — ᠦᠰᠴᠦ ᠲᠤᠷᠨᠢᠭᠰᠠᠨ ᠦᠯᠦᠭᠡᠢ ᠨᠤᠳᠤᠭ ᠠᠯᠳᠠᠷᠳᠤ ᠰᠤᠮᠤ ᠳᠠᠭᠠᠨ                 ᠪᠠᠶᠠᠨᠳᠤᠬᠤᠢ ᠮᠢᠨᠢ           ᠠᠯᠳᠠᠷᠳᠤ ᠰᠤᠮᠤ ᠶᠢᠨ   ᠲᠦᠪ           ᠠᠪᠤ ᠶᠢᠨ ᠮᠢᠨᠢ ᠬᠤᠶᠠᠳᠡᠬᠢ ᠨᠤᠳᠤᠭ   ᠪᠢᠯᠡ           ᠠᠷᠪᠠᠨ ᠨᠠᠢᠮᠠᠨ ᠨᠠᠰᠤᠨ ᠤ           ᠠᠮᠢᠳᠤᠷᠠᠯ ᠰᠤᠷᠤᠯᠭ᠎ᠠ ᠶᠢᠨ ᠦᠯᠦᠭᠡᠢ ᠪᠢᠯᠡ     ᠲᠡᠮᠡᠭᠡᠨ ᠭᠤᠤᠯ ᠤᠨ ᠢᠶᠠᠨ ᠦᠷᠭᠡᠨ ᠲᠡᠨᠵᠢ ᠶᠢᠨ     ᠲᠠᠯ᠎ᠠ ᠶᠢᠨ ᠲᠤᠬᠤᠢ  ᠎ ᠳᠤᠨᠢ ᠰᠠᠭᠤᠷᠢᠰᠢᠭᠰᠠᠨ ᠠᠴᠠ     ᠪᠤᠭᠤᠷᠤᠯ ᠡᠪᠦᠭᠡᠳ ᠮᠢᠨᠢ ᠡᠨᠡ ᠨᠤᠳᠤᠭ ᠢᠶᠠᠨ     ᠪᠠᠶᠠᠨᠳᠤᠬᠤᠢ ᠬᠡᠮᠡᠨ ᠨᠡᠷᠡᠶᠢᠳᠦᠭᠰᠡᠨ ᠪᠢᠯᠡ           ᠴᠡᠩᠭᠡᠵᠦ ᠨᠠᠭᠠᠳᠤᠨ ᠲᠤᠭᠯᠠᠭᠰᠠᠨ           ᠴᠡᠴᠡᠭᠳᠦ ᠲᠠᠯ᠎ᠠ ᠨᠢ ᠮᠦᠷᠦᠭᠡᠳᠦᠯ ᠳᠤ ᠮᠦᠰᠢᠶᠡᠨ᠎ᠡ           ᠴᠡᠴᠡᠭ ᠵᠢᠮᠢᠰ ᠮᠢᠷᠠᠯᠵᠠᠭᠰᠠᠨ           ᠴᠡᠩᠭᠡᠷ ᠠᠭᠤᠯᠠᠰ ᠨᠢ ᠡᠷᠬᠢᠴᠡᠭᠦᠯᠦᠯ ᠳᠤ ᠰᠦᠮᠪᠦᠷᠯᠡᠨ᠎ᠡ     ᠠᠯᠳᠠᠷᠳᠤ ᠰᠤᠮᠤ ᠶᠢᠨ ᠪᠠᠶᠠᠨᠳᠤᠬᠤᠢ     ᠠᠩᠬᠢᠷᠬᠠᠨ ᠨᠠᠰᠤᠨ ᠤ ᠮᠦᠷᠦᠭᠡᠳᠦᠯ ᠤᠨ ᠲᠤᠬᠤᠢ     ᠠᠯᠤᠰ ᠨᠢᠰᠦᠭᠰᠡᠨ ᠰᠢᠪᠠᠭᠤᠳ ᠰᠢᠭ᠋ ᠬᠡᠤᠬᠡᠳ ᠤᠨ ᠢᠶᠠᠨ     ᠠᠯᠠᠭ ᠬᠤᠷᠸ᠎ᠠ ᠶᠢᠨ ᠬᠠᠶᠢᠷ᠎ᠠ ᠶᠢᠨ ᠲᠤᠬᠤᠢ                               ᠠᠶᠠᠭᠠᠨ ᠪᠤᠯᠠᠭ                       —   ᠠᠯᠳᠠᠷᠳᠤ ᠰᠤᠮᠤ ᠶᠢᠨ ᠲᠦᠪ                           ᠪᠠᠶᠠᠨᠳᠤᠬᠠᠢ ᠠᠶᠢᠯ ᠶᠢᠨ ᠠᠷᠤ ᠳᠤ           ᠠᠶᠠᠭ᠎ᠠ ᠰᠢᠭ᠋ ᠪᠢᠴᠢᠬᠠᠨ ᠪᠤᠯᠠᠭ ᠪᠤᠢ         ᠠᠩᠬᠢᠷᠬᠠᠨ ᠨᠠᠰᠤᠨ ᠤ ᠮᠦᠷᠦᠭᠡᠳᠦᠯ   ᠬᠠᠶᠢᠯᠠᠵᠤ         ᠠᠶᠠᠭᠠᠨ ᠪᠤᠯᠠᠭ ᠮᠢᠨᠢ ᠠᠷᠬᠢᠯᠤᠨ ᠤᠷᠤᠰᠤᠨ᠎ᠠ         ᠡᠪᠦᠯ ᠵᠤᠨ ᠭᠠᠩᠳᠠᠯ ᠦᠭᠡᠢ         ᠡᠭᠡᠰᠢᠭ ᠲᠠᠭᠤᠤ ᠲᠠᠢ ᠭᠤᠷᠴᠢᠬᠢᠨᠡᠨ ᠤᠷᠤᠰᠤᠨ᠎ᠠ         ᠬᠠᠶᠢᠯᠠᠰᠤ ᠮᠠᠶᠢᠯᠠᠰᠤᠨ ᠤ ᠵᠢᠵᠢᠭᠬᠡᠨ ᠬᠦᠳᠦᠯ ᠨᠢ         ᠬᠠᠶᠠ ᠬᠠᠶᠠ ᠵᠡᠭᠦᠳᠦᠨ ᠳᠤ ᠢᠯᠡᠷᠡᠨ᠎ᠡ         ᠬᠠᠷᠠᠵᠠ ᠶᠢᠨ ᠤᠰᠤᠨ ᠳᠤᠨᠢ ᠬᠤᠨᠢᠳ ᠢᠶᠠᠨ ᠤᠰᠤᠯᠠᠭᠰᠠᠨ         ᠬᠠᠶᠢᠷᠠᠳᠤ ᠡᠵᠢ ᠶᠢᠨ ᠮᠢᠨᠢ ᠪᠠᠷ᠎ᠠ ᠴᠦ ᠪᠦᠷᠳᠦᠯᠵᠡᠨ᠎ᠡ         ᠠᠶᠠᠭᠠᠨ ᠪᠤᠯᠠᠭ ᠤᠨ ᠮᠢᠨᠢ ᠤᠰᠤ         ᠠᠩᠬᠢᠷ ᠰᠦ ᠰᠢᠭ ᠢᠶᠠᠨ ᠠᠮᠳᠠᠳᠠᠢ         ᠠᠯᠳᠠᠨ ᠠᠶᠠᠭᠠᠨ ᠠᠴᠠ ᠤᠰᠤ ᠤᠤᠭᠤᠭᠰᠠᠨ ᠴᠦ         ᠠᠶᠠᠭᠠᠨ ᠪᠤᠯᠠᠭ ᠢᠶᠠᠨ ᠮᠠᠷᠳᠠᠬᠤ ᠦᠭᠡᠢ                             ᠬᠠᠷ᠎ᠠ ᠠᠭᠤᠯᠠ                     — ᠠᠯᠳᠠᠷᠳᠤ ᠰᠤᠮᠤ ᠶᠢᠨ ᠲᠦᠪ ᠪᠠᠶᠠᠨᠳᠤᠬᠤᠢ ᠠᠶᠢᠯ ᠤᠨ                         ᠪᠠᠷᠠᠭᠤᠨ ᠡᠮᠦᠨ᠎ᠠ ᠰᠦᠨᠳᠡᠷᠯᠡᠭᠡ ᠬᠠᠳᠠ ᠴᠢᠯᠠᠭᠤ ᠬᠠᠷ᠎ᠠ                         ᠴᠠᠷᠠᠰᠤ ᠡᠯᠪᠡᠭ ᠠᠭᠤᠯᠠ               ᠬᠠᠷ᠎ᠠ ᠠᠭᠤᠯᠠ ᠶᠢᠨ ᠤᠷᠤᠶᠢᠳ ᠰᠠᠯᠬᠢᠨ ᠳᠤ ᠨᠠᠶᠢᠭᠤᠨ᠎ᠠ               ᠬᠠᠳᠠ ᠴᠢᠯᠠᠭᠤ ᠮᠤᠳᠤᠳ ᠨᠢ ᠰᠡᠳᠬᠢᠯ ᠳᠤ ᠱᠤᠤᠬᠢᠨ᠎ᠠ               ᠬᠠᠩᠭᠠᠢ ᠲᠡᠷᠭᠡᠨ ᠤ ᠰᠤᠨᠤᠯᠵᠠᠭᠰᠠᠨ ᠵᠦᠷᠢᠭ ᠪᠤᠳᠤᠯ ᠳᠤ ᠵᠤᠷᠠᠶᠢᠨ᠎ᠠ               ᠬᠠᠶᠢᠷᠠᠳᠤ ᠡᠴᠢᠭᠡ ᠶᠢᠨ   ᠲᠦᠯᠡᠭᠡᠨ ᠲᠡᠷᠭᠡ ᠲᠤᠷᠠᠳᠬᠠᠯ ᠳᠤ ᠬᠢᠬᠤᠨᠠᠨ᠎ᠠ         ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠬᠠᠷᠠᠪᠤᠷ ᠴᠡᠴᠡᠭ ᠤᠯᠠᠯᠵᠠᠨ᠎ᠠ         ᠬᠠᠯᠠᠭᠤᠨ ᠵᠤᠨ ᠳᠤ ᠬᠠᠳᠠ ᠴᠢᠯᠠᠭᠤ ᠨᠢ ᠴᠦ ᠴᠡᠯᠭᠡᠷᠡᠨ᠎ᠠ         ᠬᠠᠩᠭᠠᠯ ᠨᠠᠮᠤᠷ ᠲᠤ ᠬᠠᠮᠤᠭ ᠴᠤᠭᠴᠠᠰ ᠨᠢ   ᠰᠢᠷᠭᠠᠯᠳᠤᠨ᠎ᠠ         ᠬᠠᠬᠢᠷ ᠡᠪᠦᠯ ᠳᠤ ᠬᠤᠩᠭᠠᠷ ᠴᠠᠰᠤ  ᠎ ᠨᠢ ᠬᠢᠯᠡᠯᠵᠠᠨ᠎ᠠ               ᠦᠷᠦᠨ᠎ᠠ ᠵᠦᠭ ᠠᠴᠠ ᠬᠦᠶᠦᠯᠳᠦᠵᠦ ᠢᠷᠡᠭᠰᠡᠨ               ᠦᠷᠭᠦᠭᠰᠡᠨ ᠲᠡᠮᠡᠭᠡᠳ ᠤᠨ ᠴᠢᠯᠠᠭᠤᠵᠢᠮᠠᠯ ᠬᠡᠮᠡᠷ               ᠤᠨᠠᠭᠠᠨ ᠪᠠᠭ᠎ᠠ ᠶᠢᠨ ᠲᠤᠷᠠᠳᠬᠠᠯ ᠳᠤ ᠰᠦᠮᠪᠦᠷᠯᠡᠭᠰᠡᠨ               ᠦᠯᠢᠭᠡᠷ ᠲᠤᠮᠤᠭ ᠤᠨ ᠠᠭᠤᠯᠠ ᠯᠡ ᠪᠠᠶᠢᠨ᠎ᠠ                   ᠲᠡᠮᠡᠭᠡᠨ ᠭᠤᠤᠯ                         — ᠲᠡᠮᠡᠭᠡᠨ ᠠᠭᠤᠯᠠ ᠠᠴᠠ ᠡᠬᠢ                         ᠠᠪᠴᠤ᠂ ᠠᠯᠳᠠᠷᠳᠤ ᠰᠤᠮᠤ ᠶᠢᠨ ᠨᠤᠳᠤᠭ ᠢᠶᠠᠷ ᠤᠷᠤᠰᠴᠤ ᠪᠠᠶᠢᠭ᠎ᠠ ᠭᠤᠤᠯ               ᠲᠡᠮᠡᠭᠡᠨ ᠭᠤᠤᠯ ᠲᠤᠨᠤᠯᠵᠢᠨ ᠤᠷᠤᠰᠤᠨ᠎ᠠ               ᠲᠤᠬᠤᠢ ᠪᠤᠯᠤᠩ ᠢᠶᠠᠨ ᠤᠷᠢᠶᠠᠵᠤ ᠨᠠᠮᠤᠭᠤᠬᠠᠨ ᠤᠷᠤᠰᠤᠨ᠎ᠠ               ᠲᠤᠷᠠᠳᠬᠠᠯ ᠤᠷᠤᠰᠤᠨ᠎ᠠ᠂ ᠮᠦᠷᠦᠭᠡᠳᠦᠯ ᠤᠷᠤᠰᠤᠨ᠎ᠠ               ᠲᠤᠭᠯᠠᠵᠤ ᠦᠰᠦᠭᠰᠡᠨ ᠠᠩᠬᠢᠷᠬᠠᠨ ᠨᠠᠰᠤ ᠮᠢᠨᠢ ᠤᠷᠤᠰᠤᠨ᠎ᠠ     《 ᠲᠡᠮᠡᠭᠡᠨ ᠭᠤᠤᠯ ᠤᠨ ᠪᠤᠷᠭᠠᠰᠤ 》᠎ ᠶᠢ ᠤᠩᠰᠢᠨ ᠰᠠᠭᠤᠬᠤ ᠳᠤ         ᠲᠡᠮᠡᠭᠡᠨ ᠭᠤᠤᠯ ᠤᠨ ᠤᠰᠤ ᠡᠷᠭᠢ  ᠎ ᠪᠠᠨ ᠪᠢᠯᠬᠠᠭᠤᠯᠵᠤ ᠢᠷᠡᠬᠦ‍ ᠰᠢᠭ         ᠲᠠᠩ ᠤᠨ ᠴᠢᠯᠠᠭᠤᠨ ᠲᠡᠭᠡᠬᠦᠷ ᠨᠢ ᠲᠠᠶᠢᠪᠤᠩ ᠠᠯᠬᠤᠯᠠᠬᠤ ᠳᠤ         ᠲᠠᠩᠬᠢᠯ ᠨᠠᠰᠤᠨ ᠮᠢᠨᠢ ᠲᠠᠴᠢᠬᠢᠨᠠᠵᠤ ᠬᠦᠶᠦᠯᠳᠦᠨ ᠠᠶᠢᠰᠤᠢ ᠰᠢᠭ᠋               ᠭᠠᠵᠠᠷ ᠤᠨ ᠵᠢᠷᠤᠭ ᠲᠤ ᠲᠡᠮᠡᠭᠡᠨ ᠭᠤᠤᠯ               ᠭᠠᠷ ᠤᠨ ᠵᠢᠷᠤᠭᠠᠰᠤ ᠶᠢᠨ ᠬᠢᠷᠢ ᠤᠷᠤᠮ ᠦᠭᠡᠢ ᠴᠦ               ᠭᠠᠩᠭᠠᠩ ᠨᠤᠳᠤᠭ ᠤᠨ ᠢᠶᠠᠨ ᠮᠦᠩᠬᠡ ᠴᠤᠬᠢᠯᠠᠬᠤ                 ᠠᠮᠢᠯᠠᠯ ᠤᠨ ᠴᠡᠩᠭᠡᠷ ᠰᠤᠳᠠᠰᠤ ᠪᠢᠯᠠ                   ᠬᠠᠷ᠎ᠠ ᠮᠤᠳᠤᠨ ᠭᠤᠪᠢ                     — ᠬᠠᠷ᠎ᠠ ᠠᠭᠤᠯᠠ ᠶᠢᠨ ᠨᠢᠭᠡᠨ ᠬᠠᠷ᠎ᠠ                           ᠴᠠᠷᠠᠰᠤ ᠤᠯᠠᠨ ᠤᠷᠭᠤᠭᠰᠠᠨ ᠭᠤᠪᠢ         ᠬᠠᠷ᠎ᠠ ᠮᠤᠳᠤᠨ ᠭᠤᠪᠢ         ᠬᠠᠷ᠎ᠠ ᠴᠠᠷᠠᠰᠤᠨ ᠤ ᠪᠠᠷᠳᠠᠭᠠᠳᠤ ᠭᠤᠪᠢ       ᠬᠠᠶᠢᠷᠠᠳᠤ ᠡᠴᠢᠭᠡ ᠶᠢᠨ ᠮᠢᠨᠢ ᠲᠠᠷ ᠢ ᠰᠢᠪᠬᠠᠭᠰᠠᠨ       ᠬᠠᠬᠢᠷ ᠡᠪᠦᠯ ᠤᠨ ᠴᠠᠰᠦᠳᠤ ᠭᠤᠪᠢ       ᠠᠴᠢᠳᠤ ᠠᠪᠤ ᠶᠢᠨ ᠮᠢᠨᠢ   ᠬᠤᠷᠴᠠ ᠰᠦᠭᠡ       ᠠᠭᠤᠯᠠᠨ ᠤ ᠴᠠᠷᠠᠰᠤ ᠶᠢ ᠬᠠᠯᠴᠠᠭᠠᠶᠢᠷᠠᠳᠠᠯ᠎ᠠ ᠴᠠᠪᠴᠢᠪᠠ       ᠡᠨᠡᠷᠢᠯᠳᠦ ᠡᠵᠢ ᠶᠢᠨ ᠮᠢᠨᠢ ᠲᠦᠯᠡᠭᠰᠡᠨ ᠴᠠᠷᠠᠰᠤᠨ ᠭᠠᠯ       ᠡᠪᠦᠯ ᠲᠤᠵᠢ ᠡᠷᠦᠭᠡ ᠭᠡᠷ ᠢ ᠮᠢᠨᠢ ᠨᠢᠯ   ᠬᠠᠯᠠᠭᠤᠨ ᠪᠠᠶᠢᠯᠭᠠᠪᠠ       ᠡᠴᠢᠭᠡ ᠶᠢᠨ ᠬᠠᠶᠠᠭᠰᠠᠨ ᠰᠦᠭᠡ ᠶᠢ ᠤᠳᠤ ᠡᠷᠭᠦᠪᠡᠯ       ᠡᠰᠢ ᠨᠢ ᠨᠢᠭᠡᠨᠳᠡ ᠬᠤᠭᠤᠷᠠᠭᠰᠠᠨ ᠪᠦᠭᠡᠳ ᠢᠷ ᠨᠢ ᠴᠦ ᠨᠢᠭᠡᠮᠦᠰᠦᠨ ᠵᠢᠪᠠᠷᠠᠪᠠ       ᠤᠨᠢᠶᠠᠷ ᠬᠦᠳᠡᠩ ᠲᠠᠲᠠᠭᠰᠠᠨ ᠬᠦᠭᠡ   ᠠᠭᠤᠯᠠᠰ ᠮᠢᠨᠢ       ᠤᠷᠤ ᠤᠷᠤᠨ ᠳᠠᠭᠠᠨ ᠲᠦᠨᠳᠦᠶᠢᠯᠴᠠᠨ ᠤᠶᠢᠳᠬᠠᠷᠳᠠᠶᠢᠬᠠᠨ ᠱᠤᠤᠬᠢᠨ᠎ᠠ                                 ᠴᠠᠭᠠᠨ ᠤᠯᠢᠶᠠᠰᠤᠨ ᠭᠤᠪᠢ                       — ᠴᠠᠭᠠᠨ ᠤᠯᠢᠶᠠᠰᠤ ᠡᠯᠪᠡᠭ ᠤᠷᠭᠤᠭᠰᠠᠨ                               ᠬᠠᠷ᠎ᠠ ᠠᠭᠤᠯᠠ ᠶᠢᠨ ᠨᠢᠭᠡᠨ ᠭᠤᠪᠢ               ᠴᠠᠭᠠᠨ ᠤᠯᠢᠶᠠᠰᠤᠨ ᠭᠤᠪᠢ             ᠴᠡᠴᠡᠭ ᠵᠢᠮᠢᠰ ᠤᠨ ᠭᠤᠪᠢ             ᠴᠠᠶᠢᠯᠭᠠᠨ ᠪᠠᠯᠴᠢᠷᠬᠠᠨ ᠨᠠᠰᠤᠨ ᠤ ᠮᠢᠨᠢ               ᠴᠡᠩᠬᠡᠯ ᠵᠢᠷᠭᠠᠯ ᠤᠨ ᠭᠤᠪᠢ       ᠴᠠᠭ ᠤᠨ ᠰᠠᠶᠢᠬᠠᠨ ᠬᠤᠷ᠎ᠠ ᠨᠢ       ᠴᠠᠶᠢᠷᠠᠵᠤ ᠨᠡᠯᠦᠶᠢᠭᠡᠳ ᠢᠷᠡᠳᠡᠭ       ᠴᠡᠯᠡᠭᠡᠷ ᠨᠤᠭᠤᠭᠠᠨ ᠭᠤᠪᠢ ᠨᠢ       ᠴᠠᠩᠭ᠎ᠠ ᠪᠠᠨ ᠲᠠᠶᠢᠯᠤᠭᠠᠳ ᠲᠡᠨᠡᠶᠢᠳᠡᠭ               ᠬᠦᠭᠡ ᠴᠠᠭᠠᠨ ᠮᠦᠬᠦ ᠨᠢ               ᠬᠦᠷᠢᠶ᠎ᠠ ᠲᠠᠳᠠᠨ ᠬᠦᠭᠡᠷᠡᠳᠡᠭ               ᠬᠦᠷᠡᠩ ᠤᠯᠠᠭᠠᠨ ᠵᠢᠮᠢᠰ ᠨᠢ               ᠬᠦᠨᠳᠡᠢ ᠲᠦᠭᠦᠷᠡᠳᠡᠯ᠎ᠠ ᠤᠯᠠᠶᠢᠳᠠᠭ                         ᠡᠭᠡ ᠰᠤᠷᠭᠠᠭᠤᠯᠢ   ᠮᠢᠨᠢ                       — ᠠᠯᠳᠠᠷᠳᠤ ᠲᠤᠮᠳᠠᠳᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ                     ᠨᠡᠶᠢᠳᠡ ᠨᠠᠢᠮᠠᠨ ᠵᠢᠯ ᠪᠢᠴᠢᠭ ᠦᠵᠡᠪᠡ       ᠡᠭᠡ ᠰᠤᠷᠭᠠᠭᠤᠯᠢ ᠮᠢᠨᠢ       ᠠᠪᠦ ᠶᠢᠨ ᠬᠠᠳᠠᠭᠤ ᠵᠠᠷᠯᠢᠭ ᠰᠢᠭ᠋       ᠠᠯᠳᠠᠨ ᠬᠤᠩᠬᠤ ᠶᠢᠨ ᠲᠠᠭᠤ ᠴᠢᠨᠢ       ᠠᠳᠡᠷ ᠲᠡᠨᠢᠬᠦᠨ ᠪᠡᠯᠴᠢᠭᠡᠷ ᠰᠢᠭ       ᠠᠭᠤᠳᠠᠮ ᠲᠠᠮᠢᠷ ᠤᠨ ᠲᠠᠯᠠᠪᠤᠷ ᠴᠢᠨᠢ       ᠲᠤᠷᠠᠳᠬᠠᠯ ᠪᠤᠯᠵᠦ ᠮᠦᠷᠦᠭᠡᠳᠡᠭᠳᠡᠨ᠎ᠠ       ᠲᠤᠪ ᠲᠤᠭᠤᠶᠢᠬᠠᠨ ᠲᠤᠪ ᠲᠤᠭᠤᠶᠢᠬᠠᠨ       ᠲᠤᠭᠵᠢᠷᠠᠭᠰᠠᠨ ᠨᠤᠶᠢᠷ ᠲᠤ ᠵᠡᠭᠦᠳᠦᠯᠡᠭᠳᠡᠨ᠎ᠡ                       ᠵᠢᠪᠳᠦ ᠶᠢᠨ ᠲᠠᠪᠠᠭ᠎ᠠ               — ᠠᠯᠳᠠᠷᠳᠤ ᠰᠤᠮᠦ ᠶᠢᠨ ᠪᠠᠶᠠᠨᠳᠤᠬᠤᠢ                   ᠠᠶᠢᠯ ᠤᠨ ᠵᠡᠭᠦᠨ ᠡᠮᠦᠨ᠎ᠡ ᠪᠠᠶᠢᠭ᠎ᠠ     ᠤᠷᠢᠳ ᠤᠨ ᠵᠠᠰᠠᠮᠠᠯ ᠵᠠᠮ   ᠵᠠᠪᠠᠯ ᠦᠩᠭᠡᠷᠡᠳᠡᠭ ᠲᠠᠪᠠᠭ᠎ᠠ ᠵᠢᠪᠳᠦ ᠶᠢᠨ ᠲᠠᠪᠠᠭ᠎ᠠ ᠵᠢᠷ ᠤᠨ ᠨᠢᠭᠡᠨ ᠲᠠᠪᠠᠭ᠎ᠠ ᠵᠢᠷᠦᠬᠡ ᠰᠡᠳᠬᠢᠯ ᠳᠤ ᠬᠤᠨᠤᠭᠰᠢᠭᠰᠠᠨ ᠵᠢᠷ ᠤᠨ ᠪᠤᠰᠤ ᠮᠦᠷᠦᠭᠡᠳᠦᠯ ᠤᠨ ᠲᠠᠪᠠᠭ᠎ᠠ ᠠᠷᠪᠠᠨ ᠨᠠᠢᠮᠠᠨ ᠨᠠᠰᠤᠨ ᠤ ᠠᠩᠬ᠎ᠠ ᠲᠠᠪᠠᠭᠰᠠᠨ ᠲᠠᠪᠠᠭ᠎ᠠ ᠠᠯᠤᠰ ᠬᠤᠯᠠ ᠮᠤᠷᠳᠠᠬᠤ ᠳᠤ ᠠᠷᠤ ᠠᠴᠠ ᠮᠢᠨᠢ ᠦᠳᠡᠭᠰᠡᠨ ᠲᠠᠪᠠᠭ᠎ᠠ   ᠵᠢᠪᠳᠤ ᠶᠢᠨ ᠲᠠᠪᠠᠭ᠎ᠠ   ᠵᠠᠭᠦᠳᠦ ᠵᠡᠷᠭᠡᠯᠭᠡᠨ ᠳᠤ ᠨᠠᠶᠢᠭᠤᠨ᠎ᠠ   ᠵᠠᠯᠠᠭᠤ ᠪᠠᠯᠴᠢᠷ ᠨᠠᠰᠤ ᠮᠢᠨᠢ   ᠵᠠᠯᠠᠭᠠᠳᠤ ᠶᠢᠨ ᠲᠠᠯ᠎ᠠ ᠳᠤᠨᠢ ᠲᠤᠭᠯᠠᠨ᠎ᠠ         ᠡᠯᠴᠢᠳᠡᠢ ᠠᠭᠤᠯᠠ           — ᠪᠤᠭᠳᠠ ᠠᠭᠤᠯᠠ ᠶᠢᠨ ᠲᠠᠪᠤᠨ ᠰᠢᠳᠦᠭᠡᠨ ᠤ ᠨᠢᠭᠡ ᠡᠯᠴᠢᠨ                 ᠰᠠᠶᠢᠳ ᠤᠨ ᠤᠷᠤᠩᠨᠠᠭᠰᠠᠨ ᠵᠠᠯᠠᠶᠢᠳ ᠮᠤᠩᠭᠤᠯᠴᠤᠳ ᠤᠨ                 ᠰᠢᠳᠦᠬᠡᠨᠳᠦ ᠠᠭᠤᠯᠠ᠂ ᠠᠯᠳᠠᠷᠳᠤ ᠰᠤᠮᠦ ᠪᠠ   ᠬᠦᠷᠡᠯ                 ᠪᠠᠯᠭᠠᠰᠤᠨ ᠤ ᠬᠢᠯᠢ ᠲᠠᠭᠡᠷ᠎ᠡ ᠰᠦᠨᠳᠡᠷᠯᠡᠵᠤ ᠪᠤᠢ       ᠡᠯᠴᠢᠨ ᠰᠠᠶᠢᠳ ᠤᠨ ᠠᠭᠤᠯᠠ       ᠡᠬᠦᠯᠡ ᠪᠤᠷᠤᠭᠠᠨ ᠢᠶᠠᠨ ᠤᠷᠢᠵᠤ ᠰᠦᠮᠪᠦᠷᠯᠡᠨ᠎ᠡ       ᠡᠷᠬᠢᠨ ᠲᠤᠭᠤᠷᠢᠨ ᠤ ᠬᠢᠨᠢ ᠠᠶᠢᠯ ᠲᠤᠰᠬᠤᠨ       ᠡᠯᠴᠢᠳᠡᠢ ᠠᠭᠤᠯᠠ ᠪᠠᠨ ᠰᠢᠳᠦᠵᠦ ᠵᠢᠷᠭᠠᠨ᠎ᠠ       ᠡᠩᠭᠦᠷᠡᠢ ᠦᠷ᠎ᠡ ᠪᠠᠨ ᠦᠭᠡᠶᠢᠯᠡᠨ ᠦᠨᠳᠡᠯᠵᠡᠭᠰᠡᠨ       ᠡᠵᠢ ᠠᠪᠤ ᠶᠢᠨ ᠬᠤᠶᠠᠷ ᠱᠤᠷᠤᠩ ᠨᠢ       ᠡᠨᠡ ᠬᠤᠷᠸ᠎ᠠ ᠳᠤ ᠦᠨᠢ ᠰᠡᠭᠦᠶᠢᠬᠦ   ᠬᠠᠶᠢᠷ᠎ᠠ ᠶᠢᠨ ᠬᠤᠶᠠᠷ ᠤᠷᠬᠢᠯ ᠪᠢᠯᠡ       ᠡᠯᠴᠢᠨ ᠰᠠᠶᠢᠳ ᠤᠨ ᠠᠭᠤᠯᠠ       ᠡᠨᠡ ᠨᠤᠳᠤᠭ ᠤᠨ   ᠰᠢᠳᠤᠭᠡᠨᠳᠤ ᠠᠭᠤᠯᠠ       ᠡᠷᠪᠡᠢ ᠪᠠᠭ᠎ᠠ ᠨᠠᠰᠤᠨ ᠤ ᠮᠢᠨᠢ       ᠡᠷᠬᠢᠴᠡᠭᠦᠯᠦᠯ ᠳᠤ ᠮᠦᠩᠭᠡᠷᠡᠭᠰᠡᠨ ᠠᠭᠤᠯᠠ             ᠬᠠᠷ᠎ᠠ ᠴᠡᠭᠡᠯ             —   ᠪᠠᠶᠠᠨᠳᠤᠬᠤᠢ ᠶᠢᠨ ᠡᠮᠦᠨᠡᠭᠦᠷ ᠤᠷᠤᠰᠴᠤ ᠪᠠᠶᠢᠭ᠎ᠠ                   ᠲᠡᠮᠡᠭᠡᠨ ᠭᠤᠤᠯ ᠤᠨ ᠬᠠᠮᠤᠭ ᠤᠨ ᠬᠦᠨ ᠴᠡᠭᠡᠯ         ᠬᠠᠷ᠎ᠠ ᠴᠡᠬᠡᠯ ᠤᠨ ᠴᠡᠩᠭᠡᠷ ᠤᠷᠤᠰᠬᠠᠯ         ᠬᠤᠶᠠᠷ ᠡᠷᠭᠢ ᠪᠠᠨ ᠪᠢᠯᠬᠠᠭᠤᠯᠤᠨ ᠲᠤᠯᠬᠢᠶᠠᠯᠠᠳᠠᠭ ᠪᠠᠶᠢᠭᠰᠠᠨ         ᠬᠠᠶᠢᠯᠠᠰᠤ ᠮᠠᠶᠢᠯᠠᠰᠤᠨ ᠨᠤᠭᠤᠭᠠᠨ ᠤᠢ ᠨᠢ         ᠬᠠᠷᠢ ᠶᠢᠨ ᠰᠢᠪᠠᠭᠤᠳ ᠢᠶᠠᠨ ᠤᠷᠢᠵᠤ ᠲᠤᠩᠭᠤᠳᠤᠭᠤᠯᠳᠠᠭ ᠪᠠᠶᠢᠭᠰᠠᠨ   ᠲᠠᠷᠢᠶᠠᠨ ᠵᠤᠷᠬ᠎ᠠ ᠠᠭᠠᠯᠵᠢᠨ ᠲᠤᠤᠷ ᠰᠢᠤᠬᠠᠨ ᠲᠠᠯ᠎ᠠ ᠬᠦᠳᠡᠭᠡ ᠶᠢ ᠡᠷᠢᠶᠠᠴᠡᠨ ᠰᠡᠭᠴᠢᠭᠰᠡᠨ ᠴᠦ ᠲᠠᠷᠭᠤᠨ ᠰᠦᠷᠦᠭ ᠤᠨ ᠨᠤᠭᠤᠭᠠᠨ ᠪᠡᠯᠴᠢᠭᠡᠷ ᠮᠢᠨᠢ ᠲᠠᠷᠢᠶᠠᠯᠠᠩ ᠤᠨ ᠵᠠᠬ᠎ᠠ ᠳᠤ ᠰᠢᠬᠠᠭᠳᠠᠨ ᠦᠯᠡᠳᠡᠭᠰᠡᠨ ᠴᠦ         ᠴᠡᠭᠡᠯ ᠤᠨ ᠤᠰᠤ ᠴᠢᠨᠢ ᠰᠢᠷᠬᠢᠭᠰᠡᠨ ᠢᠶᠠᠷ ᠦᠭᠡᠢ         ᠴᠡᠭᠡᠨ ᠴᠢᠯᠠᠭᠤ ᠴᠢᠨᠢ ᠬᠠᠭᠠᠷᠠᠭᠰᠠᠨ ᠢᠶᠠᠷ ᠦᠭᠡᠢ         ᠴᠡᠴᠡᠭᠳᠤ ᠡᠷᠬᠢ   ᠴᠢᠨᠢ ᠶᠡᠭᠦᠷᠡᠭᠰᠡᠨ ᠢᠶᠠᠷ ᠦᠭᠡᠢ         ᠴᠡᠩᠬᠡᠷᠯᠡᠨ ᠲᠤᠨᠤᠯᠵᠢᠬᠤ ᠬᠠᠷ᠎ᠠ ᠴᠡᠭᠡᠯ ᠮᠢᠨᠢ               ᠲᠠᠭᠳᠤ ᠶᠢᠨ ᠠᠭᠤᠢ                   — ᠬᠢᠩᠭᠠᠨ ᠤ ᠤᠳᠠᠢ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠠᠯᠳᠠᠷᠳᠤ ᠰᠤᠮᠦ              ᠎ ᠶᠢᠨ ᠪᠠᠶᠠ ᠭᠠᠴᠠᠭᠠᠨ ᠤ ᠪᠠᠷᠠᠭᠤᠨ ᠬᠤᠶᠢᠨ᠎ᠠ ᠪᠠᠶᠢᠭ᠎ᠠ                   ᠲᠤᠮᠤᠭᠳᠤ ᠠᠭᠤᠢ           ᠲᠤᠷᠤᠮ ᠬᠡᠬᠡᠨ ᠤ ᠰᠠᠬᠢᠭᠤᠰᠤ ᠲᠠᠢ ᠬᠡᠮᠡᠨ           ᠲᠠᠶᠠᠭᠠᠷ ᠴᠢᠮ᠎ᠠ  ᠎ ᠳᠤ ᠰᠦᠰᠦᠭᠯᠡᠨ᠎ᠠ           ᠲᠠᠭᠲᠠᠷ ᠮᠤᠭᠠᠢ ᠶᠢ ᠲᠠᠷᠤᠭᠰᠠᠨ ᠬᠡᠮᠡᠨ           ᠲᠤᠮᠤᠭ ᠦᠯᠢᠬᠡᠷ ᠤᠯᠠᠮᠵᠢᠯᠠᠭᠳᠠᠨ᠎ᠠ     ᠡᠪᠳᠡᠷᠬᠡᠢ   ᠪᠠᠭᠤᠷᠢ ᠠᠳᠡ ᠲᠡᠨᠳᠡ     ᠡᠷᠡᠮ᠎ᠠ ᠰᠢᠷᠠᠯᠵᠢ ᠬᠦᠷᠢᠶ᠎ᠠ ᠲᠦᠬᠦᠷᠡᠩ     ᠡᠭᠡᠰᠢᠭᠯᠡᠨ ᠤᠩᠰᠢᠬᠤ ᠨᠤᠮ ᠤᠨ   ᠲᠠᠭᠤᠨ  ᠎ ᠢ     ᠡᠷᠬᠢᠴᠡᠬᠦᠯᠦᠨ ᠴᠢᠩᠨᠡᠨ ᠨᠠᠮ ᠵᠤᠭᠰᠤᠬᠤ ᠳᠤ           ᠬᠦᠵᠢᠰ ᠤᠨ ᠤᠳᠤᠭ᠎ᠠ ᠰᠤᠭᠤᠨᠠᠭᠯᠠᠬᠤ ᠰᠢᠭ᠋ ᠬᠠᠷᠠᠭᠳᠠᠨ᠎ᠠ           ᠬᠤᠩᠬᠤ ᠲᠠᠮᠤᠷᠦ ᠬᠠᠩᠬᠢᠨᠠᠬᠤ ᠰᠢᠭ᠋ ᠰᠤᠨᠤᠰᠳᠠᠨ᠎ᠠ           ᠬᠤᠯᠠ ᠶᠢᠨ ᠲᠡᠤᠭᠡ ᠪᠤᠴᠠᠨ ᠢᠷᠡᠬᠦ‍ ᠰᠢᠭ ᠰᠠᠨᠠᠭᠳᠠᠨ᠎ᠠ           ᠬᠤᠪᠢᠯᠭᠠᠨ ᠭᠡᠭᠡᠨ ᠵᠠᠯᠠᠷᠠᠨ ᠪᠠᠭᠤᠬᠤ ᠰᠢᠭ᠋ ᠦᠵᠡᠭᠳᠡᠨ᠎ᠡ                 ᠡᠵᠢ ᠶᠢᠨ ᠮᠢᠨᠢ ᠭᠠᠭᠴᠠ ᠮᠤᠳᠤ ᠲᠠᠢ ᠲᠠᠯ᠎ᠠ             —   ᠵᠤᠨ ᠤ ᠪᠤᠷᠤᠭᠠᠨ ᠤ ᠲᠠᠷᠠᠭ᠎ᠠ ᠡᠵᠢ ᠶᠢᠨ ᠮᠢᠨᠢ ᠮᠦᠬᠦ ᠲᠡᠬᠦᠳᠡᠭ                   ᠦᠩ ᠰᠢᠮᠢᠯᠢᠭ ᠲᠠᠯ᠎ᠠ᠂ ᠪᠠᠶᠠᠨᠳᠤᠬᠤᠢ ᠶᠢᠨ ᠪᠠᠷᠠᠭᠤᠨ ᠳᠤ ᠪᠤᠢ           ᠡᠵᠢ ᠶᠢᠨ ᠮᠢᠨᠢ ᠭᠠᠭᠴᠠ ᠮᠤᠳᠤ ᠲᠠᠢ ᠲᠠᠯ᠎ᠠ           ᠡᠷᠬᠢᠴᠡᠬᠦᠯᠦᠯ ᠳᠤ ᠦᠩᠬᠡᠳᠦ   ᠵᠢᠷᠤᠭ ᠰᠢᠭ᠋ ᠬᠠᠯᠢᠭᠤᠷᠠᠨ᠎ᠠ           ᠡᠪᠦᠭᠡᠨ ᠭᠠᠭᠴᠠ ᠱᠠᠩᠰᠢ ᠨᠢ ᠮᠦᠷᠦᠭᠡᠳᠦᠯ ᠳᠤ           ᠡᠭᠦᠯᠡ ᠴᠦ ᠬᠡᠮᠡᠷ ᠰᠢᠬᠦᠷᠯᠡᠵᠦ ᠬᠠᠷᠠᠭᠳᠠᠨ᠎ᠠ   ᠦᠩᠭᠡᠷᠡᠭᠰᠡᠨ ᠪᠤᠷᠤᠭᠠᠨ ᠤ ᠲᠠᠷᠠᠭ᠎ᠠ ᠵᠠᠪᠠᠯ   ᠲᠠᠲᠠᠳᠠᠭ   ᠦᠩᠭᠡᠳᠦ ᠰᠤᠯᠤᠩᠭ᠎ᠠ ᠨᠢ ᠬᠠᠷᠠᠭᠠᠨ ᠳᠤ ᠨᠤᠮᠤᠯᠵᠠᠨ᠎ᠠ ᠦᠷᠦᠰᠢᠶᠡᠯᠳᠦ ᠡᠵᠢ ᠶᠢᠨ ᠮᠢᠨᠢ ᠪᠠᠭ᠋ᠠᠷᠬᠠᠨ ᠲᠡᠬᠦᠳᠡᠭ ᠦᠨᠦᠷᠳᠤ ᠮᠦᠬᠦ ᠨᠢ ᠰᠡᠳᠬᠢᠯ ᠳᠤ ᠰᠡᠩᠬᠢᠨᠡᠨ᠎ᠡ           ᠤᠯᠠᠭᠠᠨ ᠰᠢᠰᠢ ᠲᠦᠷᠡᠯᠵᠡᠨ ᠤᠷᠭᠤᠭᠰᠠᠨ ᠡᠨᠡ ᠲᠠᠯ᠎ᠠ ᠠᠴᠠ           ᠦᠡᠭᠬᠡᠷᠡᠨ ᠤᠳᠤᠭᠰᠠᠨ ᠤᠨ ᠰᠠᠷ᠎ᠠ ᠶᠢ ᠤᠷᠪᠠᠭᠤᠯᠤᠨ ᠰᠠᠭᠤᠬᠤ ᠳᠤ           ᠦᠩᠭᠡᠳᠦ ᠰᠤᠯᠤᠩᠭ᠎ᠠ  ᠂ ᠦᠨᠦᠷᠳᠦ ᠮᠦᠬᠦ᠂ ᠦᠷᠦᠰᠢᠶᠡᠯᠳᠦ ᠡᠵᠢ ᠮᠢᠨᠢ           ᠡᠪᠬᠡᠮᠡᠯ   ᠵᠢᠷᠤᠭ ᠬᠠᠭᠤᠳᠠᠰᠤᠨ ᠳᠤ ᠨᠠᠮᠢᠯᠵᠠᠨ ᠢᠷᠡᠬᠦ‍ ᠰᠢᠭ
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
 
ᠬᠡᠷᠡᠯᠳᠦᠭᠰᠡᠨ ᠣᠯᠠᠭᠠᠨ ᠯᠣᠣᠪᠠᠩ
ᠮᠤᠩᠭᠤᠯ
ᠴᠢᠮ᠎ᠠ ᠳᠤ ᠬᠡᠯᠡᠮᠡᠷ ᠬᠡᠳᠥᠨ ᠥᠭᠡ
ᠰᠡᠳᠬᠢᠯ ᠬᠡᠳᠡᠭ
ᠴᠤᠤᠯ ᠭᠤᠤᠯ — ᠪᠤᠯᠤᠷ ᠷᠠᠰᠢᠶᠠᠨ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号