ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠬᠡᠷᠡᠯᠳᠦᠭᠰᠡᠨ ᠣᠯᠠᠭᠠᠨ ᠯᠣᠣᠪᠠᠩ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-06-27
                ᠬᠡᠷᠡᠯᠳᠦᠭᠰᠡᠨ ᠣᠯᠠᠭᠠᠨ ᠯᠣᠣᠪᠠᠩ             ᠨᠢᠬᠡ     ︽ᠨᠣᠬᠠᠢ ᠳᠤ ᠬᠠᠵᠠᠭᠳᠠᠪᠠ ᠤᠤ︖ ᠪᠡᠳᠡᠬᠢ ᠭᠠᠷᠣᠭᠰᠠᠨ ᠤᠤ︖ ᠮᠣᠳᠣᠨ ᠳᠤ ᠠᠪᠠᠷᠢᠭᠠᠳ ᠵᠦᠰᠴᠢᠬᠡᠪᠡ ᠤᠤ  ︖ ᠬᠦᠬᠡᠷᠦᠬᠦᠢ ᠠᠮᠢᠳᠠᠨ ᠴᠢ ᠁︾       ᠬᠠᠷ᠎ᠠ ᠬᠦᠦ ᠳᠣᠭᠳᠣᠯᠣᠨ ᠳᠣᠯᠣᠭᠠᠢ ᠡᠷᠬᠦᠵᠦ᠂ ᠬᠡᠣᠬᠡᠨ ᠤ ᠳᠦᠬᠦᠷᠢᠭ ᠰᠠᠶᠢᠬᠠᠨ ᠡᠷᠡᠣ ᠶᠢ ᠬᠠᠷᠠᠨ᠂ ᠬᠠᠮᠠᠷ  ᠎ ᠢᠶᠠᠨ ᠰᠠᠷᠳᠠᠯᠵᠠᠭᠤᠯᠵᠣ ᠠᠪᠣᠪᠠ᠃     ︽ᠵᠢᠦᠢ ᠽᠢ ᠡ᠂ ᠬᠠᠭᠤᠷᠠᠢ ᠬᠦᠦ ᠳᠠᠨᠢᠬᠤ ᠰᠠᠨᠠᠭ᠎ᠠ ᠲᠠᠢ ᠤᠤ︖︾ ᠭᠡᠵᠤ ᠶᠣᠯᠬᠤᠭᠤᠷ ᠬᠠᠴᠠᠷ ᠲᠠᠢ ᠨᠢᠬᠡ   ᠪᠦᠰᠡᠬᠦᠢ ᠬᠡᠣᠬᠡᠨ ᠵᠦᠭ ᠪᠠᠷᠬᠢᠷᠠᠪᠠ᠃     ᠬᠠᠷ᠎ᠠ ᠬᠦᠦ ᠶᠢᠨ ᠨᠢᠳᠦ ᠨᠢ ᠡᠷᠬᠢᠯᠳᠦᠨ᠂ ᠴᠠᠭᠠᠨ ᠨᠢᠳᠦ ᠨᠢ ᠡᠷᠪᠡᠬᠡᠢ ᠰᠢᠭ ᠡᠷᠪᠡᠯᠵᠡᠪᠠ᠃     ︽ᠳᠡᠶᠢᠮᠣ᠂ ᠪᠢ ᠵᠢᠦᠢ ᠽᠢ ᠬᠡᠳᠡᠭ᠂ ᠡᠮᠦᠨ᠎ᠡ ᠳᠣᠰᠬᠤᠨ ᠤ ᠬᠢ᠂ ᠠᠳᠡ ᠠᠴᠠ ᠠᠷᠪᠠᠨ ᠬᠡᠳᠦᠨ ᠭᠠᠵᠠᠷ ᠪᠣᠢ᠂   ᠴᠢ ᠦᠭᠡ ᠶᠠᠷᠢᠬᠤ ᠳᠣᠷᠠᠳᠠᠢ ᠪᠣᠯ ᠨᠠᠮᠠᠢᠢ ᠵᠢᠦᠢ ᠽᠢ ᠡᠬᠡᠴᠢ ᠬᠡᠪᠡᠯ ᠪᠣᠯᠴᠢᠬᠠᠨ᠎ᠠ︕︾ ᠭᠡᠵᠤ ᠬᠡᠣᠬᠡᠨ ᠬᠠᠷ᠎ᠠ ᠬᠦᠦ  ᠎ ᠳᠤ ᠬᠡᠯᠡᠪᠡ᠃       ︽ᠵᠢᠦᠢ ᠽᠢ ᠡ᠂ ᠳᠡᠷᠡ ᠶᠢ ᠳᠣᠭᠤᠴᠢᠬᠠᠪᠠ ᠤᠤ︖ ᠵᠣᠯᠵᠠᠭᠠᠨ ᠬᠦᠷᠭᠡᠨ ᠠᠪᠬᠤ ᠨᠢ ᠤᠤ︖ ᠵᠦᠳᠡᠷᠡᠨ᠎ᠡ ᠳ᠋ᠡ   ᠴᠢ᠂ ᠡᠨᠡ ᠳᠡᠭᠳᠡᠭᠡᠭᠡᠢ ᠳᠠᠯᠠᠪᠴᠢ ᠪᠠᠨ ᠳᠡᠪᠢᠳᠡᠯ᠎ᠡ ᠬᠡᠳᠦᠨ ᠵᠢᠯ ᠪᠣᠯᠣᠨ᠎ᠠ ᠁︾     ︽ᠦᠮᠡᠬᠡᠢ ᠬᠦᠭᠰᠢᠨ ᠠᠮᠠ ᠨᠡᠬᠡᠬᠡᠪᠡᠯ ᠮᠣᠭᠠᠢ ᠮᠡᠯᠡᠬᠡᠢ ᠴᠣᠪᠣᠷᠠᠭᠤᠯᠣᠭᠠᠳ︕︾ ᠭᠡᠵᠤ ᠵᠢᠦᠢ ᠽᠢ ᠶᠣᠯᠬᠤᠭᠤᠷ   ᠬᠠᠴᠠᠷᠳᠣ ᠶᠢ ᠬᠠᠷᠢᠶᠠᠨ᠂ ᠬᠠᠷ᠎ᠠ ᠬᠦᠦ ᠶᠢ ᠬᠦᠳᠦᠯᠦᠨ ᠠᠭᠤᠯᠠ ᠳᠠᠪᠠᠭ᠎ᠠ ᠬᠡᠮᠡᠷ ᠬᠡᠮᠬᠡᠳᠡᠭ ᠴᠢᠯᠠᠭᠤᠨ ᠎ ᠤ ᠣᠪᠣᠭᠠᠨ ᠤ   ᠡᠮᠦᠨ᠎ᠡ ᠠᠪᠠᠴᠢᠵᠦ᠂ ᠳᠡᠭᠰᠢᠬᠡᠨ ᠴᠢᠯᠠᠭᠤ ᠣᠯᠵᠣ ᠦᠭᠬᠦᠬᠡᠳ᠄ ︽ᠠᠳᠡ ᠰᠠᠭᠤ᠂ ᠨᠠᠮᠠᠢᠢ ᠳᠦᠰᠢᠬᠡᠷᠡᠢ᠂   ᠠᠭᠠᠵᠢᠭᠤᠬᠠᠨᠨ ᠬᠡᠮᠬᠡᠴᠡ︕︾ ᠬᠡᠮᠡᠨ ᠬᠡᠯᠡᠬᠡᠳ ᠬᠠᠷᠠᠵᠣ ᠪᠠᠶᠢᠵᠠᠢ᠃ ᠬᠡᠬᠦ ᠳᠡᠭᠡᠨ ᠳᠡᠷᠡ ᠭᠤᠣᠯ ᠎ ᠠᠴᠠ ᠳᠣᠭᠤᠯᠳᠠᠵᠣ   ᠢᠷᠡᠬᠦ ᠰᠦᠷᠦᠭ ᠵᠢᠭᠠᠰᠣ ᠢᠷᠠᠭᠠᠯᠠᠬᠤ ᠰᠢᠭ᠋᠂ ᠨᠠᠷᠢᠨ ᠠᠭᠠᠳ ᠬᠡᠰᠡᠭ ᠬᠤᠯᠠᠳᠠᠵᠣ ᠬᠡᠰᠡᠭ ᠣᠶᠢᠷᠠᠳᠬᠤ ᠰᠣᠨᠢᠨ ᠳᠠᠭᠤ  ᠎ ᠶᠢ ᠣᠯᠵᠣ ᠰᠣᠨᠣᠰᠣᠭᠰᠠᠨ ᠠᠵᠢ᠃ ᠳᠡᠷᠡ ᠬᠦᠴᠦ ᠳᠠᠯᠪᠢᠨ ᠴᠢᠩᠨᠠᠵᠣ᠂ ᠬᠠᠷᠠᠭ᠎ᠠ ᠰᠣᠨᠣᠷ ᠢᠶᠠᠨ ᠵᠡᠷᠭᠡ ᠬᠡᠷᠡᠭᠯᠡᠨ᠂   ᠭᠤᠣᠯ ᠠᠴᠠ ᠬᠡᠷᠡᠯᠳᠦᠭᠰᠡᠨ ᠭᠡᠢ ᠪᠡᠶᠡᠳᠦ ᠳᠡᠬᠡᠭᠰᠢ ᠳᠡᠭᠳᠡᠬᠦ ᠪᠦᠬᠡᠳ ᠳᠠᠭᠤ ᠨᠢ ᠳᠡᠷᠡ ᠬᠡᠢ ᠪᠡᠶᠡᠳᠦ ᠳᠤ ᠪᠠᠶᠢᠭ᠎ᠠ ᠶᠢ   ᠮᠡᠳᠡᠵᠡᠢ᠃ ᠳᠡᠷᠡ ᠬᠦ ᠭᠠᠶᠢᠬᠠᠮᠰᠢᠭᠳᠣ ᠬᠡᠢ ᠪᠡᠶᠡᠳᠦ ᠶᠢ ᠬᠠᠷᠠᠭᠠᠳ ᠪᠠᠶᠢᠪᠠᠯ ᠰᠣᠨᠣᠰᠣᠪᠣᠷᠢ ᠲᠠᠢ ᠭᠤᠶᠢᠳᠠ ᠳᠠᠭᠤ   ᠴᠢᠬᠢᠨ ᠠᠴᠠ ᠨᠢ ᠠᠯᠳᠠᠭᠳᠠᠬᠤ ᠨᠢ ᠦᠭᠡᠢ ᠠᠪᠠᠢ᠃ ᠬᠠᠷ᠎ᠠ ᠬᠦᠦ ᠶᠢᠨ ᠴᠢᠷᠠᠢ ᠨᠢ ᠣᠯᠠᠪᠢᠷᠳᠣᠨ ᠣᠷᠣᠭᠤᠯ ᠳᠡᠬᠡᠷ᠎ᠡ ᠨᠢ   ᠬᠦᠮᠦᠨ ᠢ ᠳᠣᠭᠳᠣᠯᠣᠭᠤᠯᠣᠮ᠎ᠠ ᠢᠨᠢᠶᠡᠳᠦ ᠴᠠᠯᠬᠢᠯᠠᠪᠠ᠃ ᠳᠡᠷᠡ ᠦᠪᠡᠷ ᠤᠨ ᠢᠶᠠᠨ ᠶᠠᠮᠠᠷ ᠭᠠᠵᠠᠷ ᠰᠠᠭᠤᠵᠣ ᠶᠠᠭᠤ ᠬᠢᠬᠡ  ᠎ ᠪᠠᠨ ᠮᠠᠷᠳᠠᠵᠣ ᠣᠷᠬᠢᠭᠰᠠᠨ ᠪᠦᠬᠡᠳ ᠡᠷᠬᠦᠵᠦ ᠪᠠᠶᠢᠭ᠎ᠠ ᠭᠠᠷ ᠨᠢ ᠴᠦ ᠦᠬᠡᠷ᠎ᠡ ᠬᠦᠮᠦᠨ ᠤ ᠬᠢ ᠰᠢᠭ᠋ ᠪᠣᠯᠵᠠᠢ᠃   ᠰᠡᠬᠦᠯᠳᠡᠵᠦ ᠢᠷᠡᠭᠡᠳ ᠪᠠᠷᠠᠭᠤᠨ ᠭᠠᠷ ᠤᠨ ᠳᠣᠯᠢᠶᠠᠪᠣᠷ ᠬᠤᠷᠣᠭᠤ ᠨᠢ ᠮᠢᠴᠦᠬᠦᠷᠡᠵᠦ ᠵᠡᠬᠦᠨ ᠭᠠᠷ ᠨᠢ ᠴᠦ ᠦᠪᠡᠷ ᠤᠨ   ᠮᠡᠳᠡᠯ ᠦᠭᠡᠢ ᠳᠠᠳᠠᠯᠳᠣᠵᠣ ᠪᠠᠶᠢᠭ᠎ᠠ ᠪᠠᠨ ᠰᠡᠷᠡᠵᠦ᠂ ᠭᠠᠰᠠᠯᠵᠣ ᠰᠡᠬᠦᠷᠡᠰᠦᠯᠡᠬᠦ ᠶᠢᠨ ᠬᠤᠭᠤᠷᠣᠨᠳᠣ ᠬᠢᠩᠬᠢᠨᠡᠪᠡ᠃   ᠳᠣᠷᠣᠭᠰᠢ ᠬᠠᠷᠠᠪᠠᠯ ᠳᠣᠯᠢᠶᠠᠪᠣᠷ ᠬᠤᠷᠣᠭᠤᠨ ᠤ ᠬᠢᠨᠢ ᠬᠢᠮᠣᠰᠣ ᠬᠡᠳᠦᠶᠢᠨ ᠬᠡᠳᠦ   ᠲᠠᠯᠪᠢᠭᠳᠠᠴᠢᠬᠠᠭᠠᠳ ᠵᠠᠪᠰᠠᠷ ᠢᠶᠠᠷ ᠨᠢ   ᠴᠢᠰᠦ ᠳᠠᠭᠠᠭᠠᠪᠣᠷᠢᠯᠠᠵᠣ ᠪᠠᠶᠢᠪᠠ᠃     ︽ᠬᠠᠷ᠎ᠠ ᠬᠦᠦ ᠡ᠂ ᠭᠠᠷ ᠢᠶᠠᠨ ᠴᠣᠬᠢᠴᠢᠬᠠᠯ᠎ᠠ ᠪᠠ︖︾ ᠭᠡᠵᠤ ᠬᠡᠣᠬᠡᠨ ᠪᠣᠰᠴᠣ ᠢᠷᠡᠨ ᠬᠠᠷ᠎ᠠ ᠬᠦᠦ ᠎ ᠶᠢᠨ   ᠡᠮᠦᠨ᠎ᠡ ᠣᠴᠣᠶᠢᠵᠣ ᠰᠠᠭᠤᠭᠠᠳ᠄ ︽ᠡᠯᠡᠢ ᠮᠢᠨᠢ ᠡ᠂ ᠶᠠᠭᠠᠬᠢᠵᠣ ᠴᠣᠬᠢᠴᠢᠬᠠᠵᠣ ᠪᠣᠢ︖ ᠴᠢᠮ᠎ᠠ ᠰᠢᠭ᠋ ᠠᠵᠢᠯ ᠬᠢᠳᠡᠭ   ᠬᠦᠮᠦᠨ ᠪᠣᠢ ᠤᠤ︖ ᠬᠦᠮᠦᠨ ᠨᠢ ᠠᠳᠡ ᠰᠠᠨᠠᠭ᠎ᠠ ᠬᠠᠮᠢᠭ᠎ᠠ ᠣᠴᠢᠭᠠᠳ ᠪᠠᠶᠢᠭ᠎ᠠ ᠪᠣᠢ︕︾ ᠭᠡᠵᠤ ᠵᠢᠮᠡᠯᠡᠨ᠎ᠡ᠃       ᠬᠠᠷ᠎ᠠ ᠬᠦᠦ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠰᠢᠷᠣᠢ ᠠᠳᠬᠤᠵᠣ᠂ ᠴᠣᠬᠢᠭᠳᠠᠭᠰᠠᠨ ᠭᠠᠷ ᠳᠡᠬᠡᠷ᠎ᠡ ᠪᠠᠨ ᠬᠢᠪᠡ᠃     ︽ᠬᠠᠷ᠎ᠠ ᠬᠦᠦ᠂ ᠴᠢ ᠮᠡᠨᠡᠭᠭᠦᠤ ᠪᠣᠯᠴᠢᠬᠠᠪᠠ ᠤᠤ︖ ᠰᠢᠷᠣᠶᠢᠨ ᠳᠤ ᠶᠠᠮᠠᠷ ᠴᠦ ᠪᠣᠵᠠᠷ ᠶᠠᠭᠤᠮ᠎ᠠ ᠪᠣᠢ ᠰᠢᠦ ︕  ︾ ᠬᠡᠭᠰᠡᠭᠡᠷ ᠬᠡᠣᠬᠡᠨ ᠬᠠᠷ᠎ᠠ ᠬᠦᠦ ᠶᠢ ᠴᠢᠷᠴᠦ ᠭᠤᠣᠯ ᠤᠨ ᠬᠦᠪᠡᠭᠡ ᠣᠷᠣᠭᠤ ᠶᠠᠪᠣᠪᠠ᠃ ᠬᠦᠦ ᠶᠢᠨ ᠬᠦᠯ ᠬᠦᠯᠢᠢᠭᠰᠡᠨ   ᠭᠠᠵᠠᠷ ᠢ ᠳᠠᠭᠤ ᠭᠠᠷᠳᠠᠯ᠎ᠠ ᠬᠢᠰᠬᠢᠯᠡᠵᠦ ᠪᠠᠶᠢᠯ᠎ᠠ᠃ ᠭᠤᠣᠯ ᠤᠨ ᠬᠦᠪᠡᠬᠡᠨ ᠳᠤ ᠣᠴᠣᠶᠢᠵᠣ ᠰᠠᠭᠤᠭᠠᠳ᠂ ᠬᠡᠣᠬᠡᠨ ᠬᠠᠷ᠎ᠠ   ᠬᠦᠦ ᠶᠢᠨ ᠭᠠᠷ ᠢ ᠠᠳᠬᠤᠨ ᠣᠰᠣᠨ ᠳᠤ ᠳᠦᠷᠦᠪᠡ᠃ ᠬᠠᠷ᠎ᠠ ᠬᠦᠦ ᠶᠢᠨ ᠬᠤᠷᠣᠭᠤᠨ ᠤ ᠡᠮᠦᠨ᠎ᠡ ᠪᠣᠯᠠᠩᠬᠢᠷᠳᠣᠭᠰᠠᠨ   ᠰᠢᠷ᠎ᠠ ᠣᠷᠣᠰᠬᠠᠯ ᠳᠣᠳᠣᠷᠠᠯ᠎ᠠ᠃ ᠰᠢᠷ᠎ᠠ ᠰᠢᠷᠣᠢ ᠶᠢ ᠵᠠᠶᠢᠯᠠᠵᠣ ᠪᠠᠷᠠᠮᠠᠭᠴᠠ ᠬᠤᠷᠠᠭᠰᠠᠨ ᠴᠢᠰᠣ ᠮᠥᠨ ᠯᠠ   ᠳᠠᠭᠠᠭᠠᠪᠣᠷᠢᠯᠠᠨ ᠢᠯᠡᠷᠡᠵᠦ᠂ ᠣᠰᠣᠨ ᠳᠣᠳᠣᠷ᠎ᠠ ᠣᠯᠠᠭᠠᠨ ᠣᠳᠠᠰᠣ ᠰᠢᠭ᠋ ᠴᠡᠴᠡᠷᠬᠡᠨᠡᠵᠦ ᠬᠢᠮᠦᠰᠦ ᠨᠢ ᠬᠡᠮᠬᠡᠷᠡᠭᠰᠡᠨ ᠬᠠᠰ   ᠰᠢᠭ᠋ ᠬᠠᠷᠠᠭᠳᠠᠨ᠎ᠠ᠃       ︽ᠡᠪᠡᠳᠴᠦ ᠪᠠᠶᠢᠨ᠎ᠠ ᠤᠤ︖︾     ᠬᠠᠷ᠎ᠠ ᠬᠦᠦ ᠬᠠᠷᠢᠭᠤᠯᠣᠭᠰᠠᠨ ᠦᠭᠡᠢ᠂ ᠨᠢᠳᠦ ᠨᠢ ᠪᠠᠰᠠ ᠯᠠ ᠣᠰᠣᠨ ᠤ ᠢᠷᠣᠭᠠᠷ ᠲᠠᠬᠢ ᠰᠡᠮ ᠬᠤᠷᠣᠬᠠᠢ   ᠳᠡᠬᠡᠷ᠎ᠡ ᠳᠣᠭᠳᠠᠪᠠ᠂ ᠭᠤᠣᠯ ᠤᠨ ᠰᠡᠮ ᠬᠤᠷᠣᠬᠠᠢ ᠬᠢᠯᠳᠦᠬᠡᠨᠡᠭᠰᠡᠨ ᠪᠡᠶ᠎ᠡ ᠲᠠᠢ᠂ ᠣᠷᠳᠣ ᠬᠤᠶᠠᠷ ᠰᠠᠬᠠᠯ ᠢᠶᠠᠨ   ᠨᠠᠮᠢᠷᠠᠭᠤᠯᠣᠭᠠᠳ ᠴᠣᠬᠤᠮ ᠭᠤᠶᠣ᠃ ᠬᠡᠣᠬᠡᠨ ᠰᠠᠷᠠᠨᠠᠢ ᠴᠡᠴᠡᠭ ᠬᠠᠳᠬᠤᠮᠠᠯᠯᠠᠭᠰᠠᠨ ᠭᠠᠷ ᠠᠯᠴᠢᠭᠤᠷ ᠢᠶᠠᠨ ᠭᠠᠷᠭᠠᠨ   ᠬᠤᠷᠣᠭᠤ ᠶᠢ ᠨᠢ ᠪᠣᠭᠤᠵᠣ᠂ ᠴᠢᠯᠠᠭᠤᠨ ᠣᠪᠣᠭᠠᠨ ᠤ ᠬᠠᠵᠠᠭᠤᠳᠠ ᠠᠪᠴᠢᠷᠠᠭᠠᠳ᠄ ︽ᠪᠣᠯᠵᠠᠢ᠂ ᠰᠠᠭᠤᠭᠠᠳ ᠨᠠᠭᠠᠳ︕ ᠴᠢᠮᠠᠢᠢ ᠬᠠᠮᠢᠶᠠᠷᠬᠤ ᠬᠦᠮᠦᠨ ᠦᠭᠡᠢ᠂ ᠬᠡᠷᠡᠭ ᠤᠨ ᠡᠵᠡᠨ ᠮᠢᠨᠢ︕︾ ᠭᠡᠪᠡ᠃ ᠪᠦᠰᠡᠬᠦᠶᠢᠴᠦᠳ ᠭᠠᠷ ᠲᠠᠬᠢ ᠠᠵᠢᠯ ᠢᠶᠠᠨ ᠵᠣᠭᠰᠣᠵᠣ᠂ ᠴᠢᠬᠢᠭᠳᠦᠭᠰᠡᠨ ᠨᠢᠳᠦ ᠪᠠᠷ ᠨᠠᠭᠠᠰᠢ ᠬᠠᠷᠠᠵᠠᠭᠠᠨ᠂ ᠴᠢᠯᠠᠭᠤᠨ   ᠣᠪᠣᠭᠠᠨ ᠤ ᠬᠠᠵᠠᠭᠤᠳᠠ ᠬᠡᠰᠡᠭ ᠵᠠᠭᠤᠷ᠎ᠠ ᠨᠠᠮ ᠵᠢᠮ ᠪᠣᠯᠪᠠ᠃ ᠬᠤᠨᠢᠨ ᠴᠠᠭᠠᠨ ᠡᠬᠦᠯᠡᠰ ᠬᠦᠨ ᠴᠡᠩᠬᠡᠷ ᠳᠡᠭᠷᠢ ᠪᠠᠷ   ᠳᠦᠷᠭᠡᠨ ᠭᠡᠭᠴᠢ ᠨᠡᠬᠦᠳᠡᠯᠯᠡᠨ᠂ ᠳᠣᠣᠷᠠᠬᠠᠨ ᠢᠶᠠᠨ ᠦᠩᠬᠡᠷᠡᠬᠦ ᠰᠡᠬᠦᠳᠡᠷ ᠨᠢ ᠴᠠᠶᠢᠪᠠᠯᠵᠠᠭᠰᠠᠨ ᠭᠤᠣᠯ ᠤᠨ ᠳᠣᠬᠤᠢ ᠪᠠ   ᠠᠷᠭ᠎ᠠ ᠠᠯᠳᠠᠷᠠᠮ᠎ᠠ ᠭᠤᠣᠯ ᠤᠨ ᠣᠰᠣᠨ ᠳᠡᠬᠡᠬᠦᠷ ᠵᠢᠷᠪᠢᠬᠡᠨᠡᠨ᠎ᠡ᠃ ᠪᠦᠰᠡᠬᠦᠶᠢᠴᠦᠳ ᠤᠨ ᠴᠢᠷᠠᠢ ᠶᠠᠭ ᠯᠠ ᠬᠠᠮᠠᠷ   ᠬᠠᠳᠬᠤᠬᠤ ᠡᠪᠡᠰᠦ ᠦᠭᠡᠢ ᠬᠤᠵᠢᠷᠯᠢᠭ ᠭᠠᠵᠠᠷ ᠰᠢᠭ᠋ ᠬᠤᠷᠪᠣᠶᠢᠨ᠂ ᠳᠣᠩ ᠣᠳᠠᠭᠠᠳ ᠰᠠᠶ᠋ᠢ ᠵᠡᠬᠦᠳᠦᠨ ᠠᠴᠠ ᠪᠠᠨ   ᠰᠡᠷᠢᠭᠰᠡᠨ ᠮᠡᠳᠦ ᠴᠢᠯᠠᠭᠤ ᠪᠠᠨ ᠬᠡᠮᠬᠡᠯᠡᠬᠦ ᠠᠵᠢᠯ ᠳᠠᠭᠠᠨ ᠣᠷᠣᠵᠠᠭᠠᠪᠠ᠃ ᠳᠢᠩᠬᠡᠷ ᠳᠠᠩᠭᠠᠷ ᠳᠠᠭᠤᠨ ᠠᠴᠠ ᠳᠡᠳᠡ ᠨᠠᠷ  ᠎ ᠤᠨ ᠠᠷᠭ᠎ᠠ ᠠᠯᠳᠠᠷᠠᠭᠰᠠᠨ ᠨᠢ ᠢᠯᠡᠳᠳᠡ ᠪᠠᠶᠢᠯ᠎ᠠ᠃     ᠬᠠᠷ᠎ᠠ ᠬᠦᠦ ᠳᠣᠪ ᠳᠣᠭᠤᠢ ᠰᠠᠭᠤᠵᠣ ᠭᠠᠷ ᠠᠯᠴᠢᠭᠤᠷ ᠳᠡᠬᠡᠷᠡᠬᠢ ᠣᠯᠠᠭᠠᠨ ᠴᠡᠴᠡᠭ ᠢ ᠬᠠᠷᠠᠭ᠎ᠠ ᠰᠠᠯᠭᠠᠯ ᠦᠭᠡᠢ   ᠰᠢᠷᠳᠡᠨ᠎ᠡ᠃ ᠣᠯᠠᠭᠠᠨ ᠴᠡᠴᠡᠭ ᠤᠨ ᠬᠠᠵᠠᠭᠤ ᠪᠠᠷ ᠪᠠᠰᠠ ᠨᠢᠬᠡ ᠴᠡᠴᠡᠭ ᠳᠡᠯᠬᠡᠷᠡᠭᠰᠡᠨ ᠨᠢ ᠬᠢᠮᠣᠰᠣᠨ ᠵᠠᠪᠰᠠᠷ ᠠᠴᠠ   ᠨᠡᠪᠴᠢᠵᠦ ᠭᠠᠷᠣᠭᠰᠠᠨ ᠴᠢᠰᠦ ᠠᠵᠢ᠃ ᠪᠦᠰᠡᠬᠦᠶᠢᠴᠦᠳ ᠣᠳᠠᠯ ᠴᠦ ᠦᠭᠡᠢ ᠪᠠᠷ ᠳᠡᠬᠦᠨ ᠢ ᠮᠠᠷᠳᠠᠵᠣ ᠣᠷᠬᠢᠭᠠᠳ ︽  ᠬᠢᠳ ᠭᠠᠳ︾ ᠢᠨᠢᠶᠡᠯᠳᠦᠵᠦ ᠭᠠᠷᠪᠠ᠃ ᠬᠠᠷ᠎ᠠ ᠬᠦᠦ ᠰᠢᠷᠬᠠᠳᠠᠢ ᠭᠠᠷ ᠢᠶᠠᠨ ᠠᠮᠠᠨ ᠎ ᠳᠠᠭᠠᠨ ᠣᠶᠢᠷᠠᠳᠣᠭᠤᠯᠵᠣ᠂ ᠭᠠᠷ   ᠠᠯᠴᠢᠭᠤᠷ ᠤᠨ ᠵᠠᠩᠬᠢᠯᠠᠭ᠎ᠠ ᠶᠢ ᠬᠠᠵᠠᠵᠣ ᠠᠯᠳᠠᠷᠠᠭᠠᠭᠠᠳ᠂ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠎ ᠢᠶᠠᠨ ᠨᠢᠬᠡ ᠠᠳᠬᠤ ᠰᠢᠷᠣᠢ   ᠠᠳᠬᠤᠵᠣ ᠰᠢᠷᠬᠠᠳᠠᠢ ᠬᠤᠷᠣᠭᠤᠨ ᠳᠡᠬᠡᠷ᠎ᠡ ᠪᠠᠨ ᠪᠦᠷᠢᠪᠡ᠃ ᠬᠡᠣᠬᠡᠨ ᠠᠮᠠ ᠨᠡᠭᠡᠭᠡᠬᠦ ᠬᠡᠳᠡᠯ᠎ᠡ ᠬᠠᠷ᠎ᠠ ᠬᠦᠦ ᠰᠢᠳᠦ ᠪᠠ   ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠭᠠᠷ ᠠᠯᠴᠢᠭᠤᠷ ᠢᠶᠠᠨ ᠳᠠᠬᠢᠨ ᠪᠣᠭᠤᠴᠢᠬᠠᠪᠠ᠃ ᠬᠡᠣᠬᠡᠨ ᠣᠷᠳᠣ ᠭᠡᠭᠴᠢ ᠠᠮᠢᠰᠬᠤᠭ᠎ᠠ   ᠠᠪᠣᠭᠠᠳ ᠠᠯᠤᠬ᠎ᠠ ᠪᠠᠨ ᠡᠷᠬᠦᠨ ᠬᠠᠪᠳᠠᠭᠠᠢ ᠬᠦᠷᠡᠩ ᠴᠢᠯᠠᠭᠤ ᠶᠢ ᠬᠦᠴᠦᠳᠡᠶᠢᠬᠡᠨ ᠪᠠᠯᠪᠠᠪᠠ᠃ ᠴᠢᠯᠠᠭᠤ ᠰᠦᠷᠡᠬᠡᠢ   ᠬᠠᠳᠠᠭᠤ᠂ ᠦᠵᠦᠬᠦᠷ ᠤᠳ ᠨᠢ ᠬᠢᠳᠣᠭᠠᠨ ᠢᠷ ᠰᠢᠭ ᠬᠤᠷᠴᠠ ᠪᠠᠶᠢᠵᠣ᠂ ᠳᠣᠮᠣ ᠳᠣᠮᠣ ᠣᠴᠢ ᠪᠣᠳᠠᠷᠠᠬᠤ ᠨᠢ ᠬᠡᠬᠡᠨ   ᠡᠳᠦᠷ ᠢᠶᠠᠷ ᠳᠣᠳᠣ ᠬᠠᠷᠠᠭᠳᠠᠪᠠ᠃       ᠦᠳᠡ ᠳᠤ ᠯᠢᠦ ᠳᠡᠳ᠋ ᠡᠷᠬᠢᠯᠡᠭᠴᠢ ᠲᠠᠰ ᠬᠠᠷ᠎ᠠ ᠳᠣᠭᠤᠢ ᠳᠡᠷᠭᠡ ᠣᠨᠣᠵᠣ᠂ ᠬᠠᠷ᠎ᠠ ᠬᠦᠦ ᠪᠠ ᠪᠢᠴᠢᠬᠠᠨ   ᠴᠢᠯᠠᠭᠤᠨ ᠲᠠᠷᠬᠠᠨ ᠤ ᠳᠣᠰᠬᠤᠨ ᠠᠴᠠ ᠬᠦᠷᠴᠦ ᠢᠷᠡᠪᠡ᠃ ᠳᠡᠷᠡ ᠬᠠᠭᠠᠯᠳᠠ ᠳᠡᠬᠡᠷ᠎ᠡ ᠵᠣᠭᠰᠣᠨ ᠠᠮᠠᠷᠠᠬᠤ ᠱᠦᠭᠯᠦ   ᠦᠯᠢᠶᠡᠭᠡᠳ᠂ ᠳᠣᠭᠤᠭᠠᠨ ᠭᠡᠷ ᠤᠨ ᠬᠤᠭᠤᠯᠠ ᠪᠣᠯᠣᠭᠰᠠᠨ᠂ ᠭᠡᠷ ᠠᠴᠠ ᠪᠠᠨ ᠳᠠᠪᠣᠨ ᠭᠠᠵᠠᠷ ᠵᠠᠶᠢᠳᠠᠢ ᠡᠷᠦᠬᠡ ᠎ ᠶᠢᠨ   ᠠᠵᠢᠯᠴᠢᠨ ᠰᠠᠶ᠋ᠢ ᠬᠤᠭᠤᠯᠠ ᠢᠳᠡᠬᠦ ᠬᠢᠷᠢ ᠬᠡᠮ ᠲᠠᠢ ᠭᠡᠵᠤ ᠳᠣᠩᠬᠠᠭᠯᠠᠪᠠ᠃ ᠬᠦᠮᠦᠰ ᠰᠠᠩᠳᠠ ᠮᠡᠩᠳᠡ ᠪᠠᠭᠠᠵᠢ ᠪᠠᠨ   ᠬᠤᠷᠢᠶᠠᠵᠣ᠂ ᠬᠡᠣᠬᠡᠨ ᠴᠦ᠂ ᠬᠠᠷ᠎ᠠ ᠬᠦᠦ ᠴᠦ ᠪᠣᠰᠴᠣ ᠵᠣᠭᠰᠣᠯ᠎ᠠ᠃         ︽ᠬᠠᠷ᠎ᠠ ᠬᠦᠦ ᠡ᠂ ᠭᠡᠷ ᠴᠢᠨᠢ   ᠬᠡᠳᠦᠢ ᠭᠠᠵᠠᠷ ᠪᠠᠶᠢᠨ᠎ᠠ︖︾       ᠬᠠᠷ᠎ᠠ ᠬᠦᠦ ᠬᠡᠣᠬᠡᠨ ᠢ ᠣᠶᠢᠰᠢᠶᠠᠭᠰᠠᠨ ᠦᠭᠡᠢ᠂ ᠶᠠᠭᠤ ᠨᠢᠬᠡ ᠶᠢ ᠡᠷᠢᠵᠦ ᠪᠠᠶᠢᠬᠤ ᠰᠢᠭ᠋ ᠪᠠᠶᠢᠪᠠ᠃ ᠬᠡᠣᠬᠡᠨ   ᠬᠠᠷ᠎ᠠ ᠬᠦᠦ ᠶᠢ ᠳᠠᠭᠠᠵᠣ ᠳᠣᠯᠣᠭᠠᠢ ᠪᠠᠨ ᠨᠠᠭᠠᠰᠢ ᠴᠠᠭᠠᠰᠢ ᠬᠦᠳᠡᠯᠬᠡᠨ ᠠᠭᠰᠠᠭᠠᠷ ᠬᠠᠷ᠎ᠠ ᠬᠦᠦ ᠡᠶᠢᠰᠢ ᠳᠡᠶᠢᠰᠢ   ᠬᠦᠳᠡᠯᠬᠦ ᠪᠠᠨ ᠵᠣᠭᠰᠣᠮᠠᠭᠴᠠ ᠳᠡᠷᠡ ᠪᠠᠰᠠ ᠵᠣᠭᠰᠣᠵᠣ᠂ ᠣᠷᠣᠭᠰᠢ ᠬᠠᠷᠠᠬᠤ ᠳᠠᠭᠠᠨ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠤ   ᠴᠤᠭ ᠪᠠᠳᠠᠷᠠᠩᠭᠤᠢ ᠬᠠᠷᠠᠴᠠ ᠲᠠᠢ ᠬᠠᠷᠠᠭ᠎ᠠ ᠮᠦᠷᠬᠦᠯᠳᠦᠵᠦ ᠬᠤᠶᠠᠭᠤᠯᠠ ᠠᠷᠪᠠᠭᠠᠳ ᠰᠧᠺᠦ᠋ᠨ᠋ᠳ᠋ ᠰᠢᠷᠳᠡᠯᠴᠡᠪᠡ᠃   ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ᠄ ︽ᠬᠠᠷ᠎ᠠ ᠬᠦᠦ ᠡ᠂ ᠬᠠᠷᠢᠵᠣ ᠬᠤᠭᠤᠯᠠ ᠪᠠᠨ ᠢᠳᠡᠶ᠎ᠡ᠂ ᠴᠢ ᠬᠦᠯᠢᠪᠡᠯᠵᠡᠬᠦ ᠬᠡᠷᠡᠭ   ᠦᠭᠡᠢ᠂ ᠪᠢᠳᠡ ᠬᠤᠶᠠᠷ ᠤᠨ ᠭᠡᠷ ᠬᠤᠶᠠᠷ ᠭᠠᠵᠠᠷ ᠬᠦᠷᠬᠦ ᠦᠭᠡᠢ᠂ ᠬᠤᠭᠤᠯᠠᠨ ᠭᠡᠷ ᠤᠨ ᠬᠤᠭᠤᠯᠠ ᠶᠢ ᠵᠣᠭᠤᠭᠯᠠᠬᠤ   ᠪᠣᠶᠠᠨ ᠦᠭᠡᠢ︕︾ ᠭᠡᠪᠡ᠃     ︽ᠲᠠ ᠬᠤᠶᠠᠷ ᠨᠢᠬᠡ ᠳᠣᠰᠬᠤᠨ ᠤ ᠤᠤ︖︾ ᠭᠡᠵᠤ ᠬᠡᠣᠬᠡᠨ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠠᠴᠠ ᠠᠰᠠᠭᠤᠪᠠ᠃       ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠳᠣᠭᠳᠣᠯᠵᠠᠬᠤ ᠳᠠᠭᠠᠨ ᠬᠡᠯᠡᠬᠡᠶᠢᠯᠡᠵᠤ᠂ ᠳᠣᠰᠬᠤᠨ ᠢᠶᠠᠨ ᠵᠢᠭᠠᠨ ᠪᠢᠳᠡ ᠬᠤᠶᠠᠷ   ᠳᠡᠨᠳᠡᠬᠢ᠂ ᠬᠦᠬᠦᠷᠬᠡ ᠦᠩᠬᠡᠷᠡᠪᠡᠯ ᠭᠡᠷ ᠲᠡᠭᠡᠨ ᠬᠦᠷᠴᠢᠬᠡᠨ᠎ᠡ ᠭᠡᠯ᠎ᠡ᠃ ᠬᠡᠣᠬᠡᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠬᠤᠶᠠᠷ ᠡᠩ ᠤᠨ   ᠠᠳᠠᠯ᠎ᠠ ᠪᠠᠨ ᠬᠠᠯᠠᠭᠤᠮᠰᠤᠭ ᠢᠶᠠᠷ ᠬᠡᠰᠡᠭ ᠵᠣᠭᠤᠭᠳᠠᠯ᠎ᠠ᠃ ᠴᠢᠯᠠᠭᠤᠨ ᠲᠠᠷᠬᠠᠨ ᠬᠡᠣᠬᠡᠨ ᠢ ᠡᠮᠦᠨ᠎ᠡ ᠳᠣᠰᠬᠤᠨ ᠤ ᠬᠢ᠂   ᠬᠤᠭᠤᠯᠠᠨ ᠭᠡᠷ ᠤᠨ ᠬᠤᠭᠤᠯᠠ ᠶᠢ ᠢᠳᠡᠵᠦ᠂ ᠬᠦᠬᠦᠷᠬᠡᠨ ᠭᠤᠯᠳᠣᠩ ᠳᠤ ᠬᠤᠨᠣᠬᠤ ᠶᠤᠮ ᠪᠠᠶᠢᠨ᠎ᠠ ᠭᠡᠵᠤ ᠮᠡᠳᠡᠪᠡ᠃   ᠬᠤᠭᠤᠯᠠᠨ ᠭᠡᠷ ᠤᠨ ᠬᠤᠭᠤᠯᠠ ᠶᠢ ᠢᠳᠡᠬᠦ ᠳᠤ ᠪᠣᠯᠣᠨ᠎ᠠ᠂ ᠬᠦᠬᠦᠷᠬᠡᠨ ᠭᠤᠯᠳᠣᠩ ᠳᠤ ᠬᠤᠨᠣᠬᠤ ᠳᠣᠷ᠎ᠠ ᠦᠭᠡᠢ᠂   ᠨᠠᠮᠣᠷ ᠤᠨ ᠰᠠᠯᠬᠢᠨ ᠦᠯᠢᠶᠡᠭᠡᠳ ᠳᠡᠩᠳᠡᠬᠦᠦ ᠵᠢᠩᠳᠡᠬᠦᠨ ᠭᠡᠵᠤ ᠬᠡᠣᠬᠡᠨ ᠶᠠᠷᠢᠵᠠᠢ᠃ ᠬᠡᠣᠬᠡᠨ ᠪᠠᠰᠠ ᠪᠢᠴᠢᠬᠠᠨ   ᠴᠢᠯᠠᠭᠤᠨ ᠲᠠᠷᠬᠠᠨ ᠠᠴᠠ ᠬᠠᠷ᠎ᠠ ᠬᠦᠦ ᠶᠢ ᠶᠠᠪᠠ ᠤᠤ ᠭᠡᠵᠤ ᠰᠡᠮᠬᠡᠨ ᠠᠰᠠᠭᠤᠪᠠ᠃ ᠪᠢᠰᠢ ᠡ᠂ ᠡᠨᠡ ᠬᠡᠣᠬᠡᠳ ᠬᠡᠷᠡᠭ   ᠰᠡᠷᠬᠦᠯᠡᠩ᠂ ᠳᠦᠷᠪᠡ ᠳᠠᠪᠣᠳᠠᠢ ᠳᠠᠭᠠᠨ ᠦᠬᠡ ᠶᠠᠷᠢᠬᠤ ᠎ ᠨᠢ ᠬᠤᠯᠣᠰᠣᠨ ᠲᠦᠩᠰᠡᠨ ᠳᠤ ᠪᠣᠷᠴᠠᠭ ᠰᠢᠯᠬᠡᠬᠡᠬᠦ‍ ᠰᠢᠭ   ᠪᠠᠶᠢᠭᠰᠠᠨ᠂ ᠬᠡᠪᠡᠴᠦ ᠰᠡᠬᠦᠯᠳᠡᠵᠦ ᠢᠷᠡᠭᠡᠳ ᠦᠭᠡ ᠬᠠᠮᠠᠷ ᠨᠢ ᠴᠦᠬᠡᠷᠡᠵᠦ᠂ ᠳᠣᠷᠣᠰᠬᠢᠪᠡᠯ ᠵᠢᠵᠢᠭ ᠴᠢᠯᠠᠭᠤᠨ ᠱᠣᠭᠤᠮᠠᠯ   ᠰᠢᠭ᠋ ᠬᠦᠯᠢᠷᠡᠬᠦ ᠪᠣᠯᠣᠭᠰᠠᠨ᠃ ᠶᠠᠭᠤ ᠪᠣᠳᠣᠳᠠᠭ ᠢ ᠨᠢ ᠬᠡᠨ ᠮᠡᠳᠡᠬᠦᠪ᠃ ᠨᠢᠳᠦ ᠶᠢ ᠨᠢ ᠬᠠᠷᠠᠯ ᠳ᠋ᠠ᠂ ᠮᠡᠯ ᠬᠠᠷ᠎ᠠ᠂   ᠬᠠᠷᠠᠭᠠᠳ ᠪᠠᠶᠢᠮᠠᠷ ᠭᠡᠵᠤ ᠴᠢᠯᠠᠭᠤᠨ ᠲᠠᠷᠬᠠᠨ ᠬᠡᠯᠡᠪᠡ᠃ ᠡᠨᠡ ᠬᠦᠦ ᠶᠢᠨ ᠰᠡᠷᠬᠦᠯᠡᠩ ᠴᠣᠪᠣᠭᠤ ᠬᠡᠳᠡᠭ ᠨᠢ ᠮᠡᠳᠡᠭᠳᠡᠵᠦ   ᠪᠠᠶᠢᠨ᠎ᠠ᠂ ᠪᠢ ᠬᠦᠦ ᠶᠢ ᠳᠡᠬᠦᠦ ᠪᠠᠨ ᠰᠢᠭ ᠰᠠᠨᠠᠬᠤ ᠶᠤᠮ ᠭᠡᠵᠤ ᠬᠡᠣᠬᠡᠨ ᠦᠴᠢᠪᠡ᠃ ᠰᠡᠳᠬᠢᠯ ᠴᠢᠨᠢ ᠴᠠᠶᠢᠯᠭᠠᠨ   ᠪᠣᠯᠬᠤᠷ ᠳᠡᠬᠡᠬᠡ ᠭᠡᠵᠤ ᠴᠢᠯᠠᠭᠤᠨ ᠲᠠᠷᠬᠠᠨ ᠬᠡᠯᠡᠵᠡᠢ᠃         ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ᠂ ᠬᠡᠣᠬᠡᠨ᠂ ᠬᠠᠷ᠎ᠠ   ᠬᠦᠦ ᠭᠤᠷᠪᠠ ᠨᠢᠬᠡ ᠮᠡᠳᠡᠬᠦ ᠳᠤ ᠪᠦᠷ ᠬᠤᠴᠣᠷᠣᠭᠰᠠᠨ ᠪᠠᠶᠢᠪᠠ᠃ ᠵᠠᠯᠠᠭᠤ ᠬᠡᠣᠬᠡᠨ ᠬᠤᠶᠠᠷ ᠰᠦᠷᠡᠬᠡᠢ ᠬᠠᠯᠠᠭᠤᠮᠰᠤᠭ   ᠶᠠᠷᠢᠯᠴᠠᠵᠣ᠂ ᠬᠤᠴᠣᠷᠣᠶ᠎ᠠ ᠬᠠᠯᠠᠭ ᠭᠡᠵᠤ ᠪᠠᠶᠢᠯ᠎ᠠ᠃ ᠬᠠᠷ᠎ᠠ ᠬᠦᠦ ᠳᠡᠷᠡ ᠬᠤᠶᠠᠷ ᠤᠨ ᠠᠷᠣ ᠠᠴᠠ ᠳᠠᠭᠠᠵᠣ᠂ ᠬᠦᠯ   ᠨᠢᠬᠡ ᠶᠡᠭᠡ ᠡᠷᠬᠦᠪᠡᠴᠦ ᠠᠯᠬᠤᠮ ᠢᠶᠠᠨ ᠪᠠᠭ᠎ᠠ ᠳᠠᠯᠪᠢᠵᠣ᠂ ᠬᠡᠷᠡᠮ ᠤᠨ ᠣᠷᠣᠢ ᠪᠠᠷ ᠮᠠᠷᠢᠶᠠᠵᠣ ᠶᠠᠪᠣᠭ᠎ᠠ ᠵᠣᠯᠵᠠᠭᠠᠨ ᠮᠣᠣᠷ   ᠰᠢᠭ᠋ ᠵᠣᠯᠪᠣᠭᠠᠳᠠᠢ ᠶᠠᠪᠣᠵᠣ ᠪᠠᠶᠢᠪᠠ᠃ ᠶᠢᠰᠦᠨ ᠭᠤᠯᠳᠣᠩᠳᠣ ᠬᠦᠬᠦᠷᠬᠡᠨ ᠳᠡᠬᠡᠷ᠎ᠡ ᠰᠠᠶ᠋ᠢᠬᠠᠨ ᠪᠣᠷᠣ ᠰᠠᠴᠣᠭᠳᠣ   ᠬᠤᠩᠭᠤᠷᠴᠣᠭᠳᠣ ᠮᠣᠳᠣᠨ ᠣᠢ ᠳᠤ ᠴᠠᠭ ᠎ ᠢᠶᠠᠨ ᠰᠠᠭᠠᠳᠣᠭᠠᠭᠰᠠᠨ ᠯᠢᠦ ᠨᠠᠷᠠᠨ ᠳᠣᠭᠤᠢ ᠪᠠᠨ ᠵᠠᠷᠵᠠᠭᠠᠨᠠᠭᠤᠯᠣᠨ   ᠬᠦᠢᠴᠡᠵᠦ ᠢᠷᠡᠭᠡᠳ ᠬᠦᠬᠦᠷᠬᠡ ᠨᠠᠷᠢᠬᠠᠨ ᠪᠣᠯᠬᠤᠷ ᠠᠷᠭ᠎ᠠ ᠦᠭᠡᠢ ᠳᠣᠭᠤᠢ ᠠᠴᠠ ᠪᠠᠨ ᠪᠠᠭᠤᠪᠠ᠃         ︽ᠲᠠᠨᠣᠰ ᠪᠠᠰᠠ ᠠᠳᠡ ᠭᠤᠶᠢᠭᠤᠷᠠᠵᠣ ᠪᠠᠶᠢᠨ᠎ᠠ ᠤᠤ︖ ᠰᠠᠮᠵᠠᠨ ᠳᠣᠷᠣᠰᠬ᠎ᠠ ᠦᠳᠡ ᠶᠢᠨ ᠡᠮᠦᠨ᠎ᠡ ᠶᠠᠮᠠᠷ ᠰᠢᠦ   ᠬᠢᠪᠡ ᠳ᠋ᠠ︖ ᠦ᠂ ᠰᠠᠪᠠᠷ ᠴᠢᠨᠢ ᠶᠠᠭᠠᠬᠢᠴᠢᠬᠠᠪᠠ︖︾       ︽ᠳᠡᠷᠡ ᠠᠯᠤᠬ᠎ᠠ ᠪᠠᠷ ᠭᠠᠷ ᠢᠶᠠᠨ ᠴᠣᠬᠢᠴᠢᠬᠠᠵᠠᠢ︕︾       ︽ᠡᠬᠡ ᠶᠢᠨ ᠬᠢᠨᠢ︕ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠡ᠂ ᠴᠢ ᠦᠳᠡ ᠳᠤ ᠪᠠᠷᠢᠭᠠᠳᠠ ᠶᠢᠨ ᠲᠠᠷᠤᠭ᠎ᠠ ᠎ ᠳᠠᠭᠠᠨ   ᠡᠷᠳᠡᠬᠡᠨ ᠬᠦᠮᠦᠨ ᠰᠣᠯᠢ ᠬᠡ᠂ ᠠᠮᠢᠨ ᠬᠡᠷᠡᠭ ᠭᠠᠷᠪᠠᠯ ᠪᠢ ᠯᠠ ᠳᠣᠯᠣᠭᠠᠢ ᠳᠠᠭᠠᠭᠠᠵᠣ ᠴᠢᠳᠠᠬᠤ ᠦᠭᠡᠢ ᠳ᠋ᠠ︕︾     ︽ᠳᠡᠷᠡ ᠠᠯᠪᠠᠨ ᠠᠵᠢᠯ ᠢᠶᠠᠷ ᠰᠢᠷᠬ᠎ᠠ ᠣᠯᠣᠭᠰᠠᠨ ᠰᠢᠦ᠂ ᠲᠠ ᠳᠡᠬᠦᠨ ᠢ ᠬᠦᠬᠡᠬᠡᠵᠦ ᠳᠦᠪᠳᠡᠨ᠎ᠡ ᠤᠤ︖︾   ᠭᠡᠵᠤ ᠬᠡᠣᠬᠡᠨ ᠳᠡᠬᠡᠷ᠎ᠡ ᠳᠠᠭᠤ ᠪᠠᠷ ᠬᠡᠯᠡᠪᠡ᠃       ︽ᠯᠢᠦ ᠡᠷᠬᠢᠯᠡᠭᠴᠢ ᠡ᠂ ᠪᠢᠳᠡ ᠬᠤᠶᠠᠷ ᠣᠳᠠᠭᠠᠨ ᠵᠢᠯ ᠶᠠᠪᠣᠯᠴᠠᠵᠣ ᠪᠠᠶᠢᠨ᠎ᠠ᠂ ᠡᠶᠢᠮᠣ ᠳᠣᠮᠣ ᠠᠵᠢᠯ ᠤᠨ ᠭᠠᠵᠠᠷ  ᠎ ᠲᠤ ᠡᠶᠢᠮᠣ ᠨᠢᠬᠡ ᠬᠡᠣᠬᠡᠳ ᠢᠯᠡᠬᠦᠳᠡᠨ᠎ᠡ ᠭᠡᠵᠢ ᠤᠤ︖ ᠲᠠ ᠬᠡᠯᠡᠯ ᠳ᠋ᠡ᠂ ᠭᠠᠷ ᠢ ᠨᠢ ᠳᠠᠭᠢᠢᠯᠠᠭᠠᠴᠢᠬᠠᠭᠠᠳ ᠪᠠᠷᠢᠭᠠᠳᠠ  ᠎ ᠳᠤᠨᠢ ᠣᠴᠢᠭᠤᠯᠵᠣ ᠶᠠᠭᠤ ᠬᠢᠯᠬᠡᠬᠦ ᠭᠡᠵᠢ︖︾ ᠭᠡᠵᠤ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠦᠬᠦᠯᠡᠪᠡ᠃       ︽ᠮᠠᠭᠤ ᠰᠠᠮᠵᠠᠨ ᠳᠣᠷᠣᠰᠬ᠎ᠠ᠂ ᠡᠬᠡ ᠶᠢᠨ ᠴᠢᠨᠢ︕︾ ᠭᠡᠵᠤ ᠯᠢᠦ ᠨᠠᠷᠠᠨ ᠳᠦᠳᠡᠬᠡᠯᠵᠡᠰᠬᠢᠬᠡᠳ᠄ ︽ ᠴᠢᠮ᠎ᠠ   ᠮᠠᠭᠤ ᠳᠤ ᠨᠢᠬᠡ ᠠᠵᠢᠯ ᠰᠣᠯᠢᠵᠣ ᠦᠭᠬᠦᠶ᠎ᠡ᠂ ᠲᠡᠮᠦᠷᠴᠢᠨ ᠳᠤ ᠬᠦᠬᠡᠷᠬᠡ ᠳᠠᠳᠠᠵᠣ ᠦᠭᠴᠦ ᠴᠢᠳᠠᠬᠤ ᠤᠤ︖ ︾ ᠬᠡᠪᠡ  ᠃       ᠬᠠᠷ᠎ᠠ ᠬᠦᠦ ᠳᠣᠰᠠᠯᠠᠮᠵᠢ ᠬᠦᠰᠡᠭᠰᠡᠨ ᠬᠠᠷᠠᠴᠠ ᠪᠠᠷ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ᠂ ᠬᠡᠣᠬᠡᠨ ᠬᠤᠶᠠᠷ ᠢ   ᠡᠬᠡᠯᠵᠢᠯᠡᠨ ᠬᠠᠷᠠᠪᠠ᠃       ︽ᠴᠢᠳᠠᠨ᠎ᠠ᠂ ᠳᠡᠶᠢᠮᠣ ᠪᠢᠵᠡ᠂ ᠬᠠᠷ᠎ᠠ ᠬᠦᠦ︖︾ ᠭᠡᠵᠤ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ   ᠬᠡᠯᠡᠪᠡ᠃       ᠬᠡᠣᠬᠡᠨ ᠴᠦ ᠣᠷᠮ᠎ᠠ ᠱᠠᠩᠨᠠᠵᠣ ᠳᠣᠯᠣᠭᠠᠢ ᠳᠣᠬᠢᠯ᠎ᠠ᠃                           ᠬᠤᠶᠠᠷ       ᠬᠠᠷ᠎ᠠ ᠬᠦᠦ ᠲᠡᠮᠦᠷᠴᠢᠨ ᠳᠤ ᠬᠦᠬᠡᠷᠬᠡ ᠳᠠᠳᠠᠭᠰᠠᠨ ᠤ ᠳᠠᠪᠣᠳᠣᠭᠠᠷ ᠡᠳᠦᠷ᠂ ᠨᠢᠴᠦᠬᠦᠨ ᠪᠡᠶ᠎ᠡ ᠨᠢ ᠣᠬᠢ ᠴᠢᠨᠠᠷ  ᠎ ᠤᠨ ᠨᠡᠬᠦᠷᠡᠰᠦ ᠰᠢᠭ ᠬᠦᠯᠳᠦᠬᠡᠨᠡᠨ ᠬᠠᠷᠠᠯᠠᠵᠣ᠂ ᠨᠢᠳᠦᠨ ᠤ ᠬᠢᠨᠢ ᠴᠠᠭᠠᠨ ᠪᠠ ᠰᠢᠳᠦᠨ ᠠᠴᠠ ᠨᠢ ᠦᠬᠡᠷ᠎ᠡ ᠴᠠᠭᠠᠨ   ᠶᠠᠭᠤᠮ᠎ᠠ ᠠᠯᠠᠭ᠎ᠠ ᠪᠣᠯᠪᠠ᠃ ᠢᠩᠬᠢᠭᠰᠡᠨ ᠴᠢᠨᠢ ᠨᠢᠳᠦ ᠨᠢ ᠪᠦᠷ ᠴᠦ ᠬᠦᠮᠦᠨ ᠤ ᠬᠠᠶᠢᠷ᠎ᠠ ᠶᠢ ᠳᠠᠳᠠᠵᠣ᠂ ᠣᠷᠣᠭᠤᠯ  ᠎ ᠢᠶᠠᠨ ᠬᠠᠮᠬᠢᠨ ᠪᠣᠰᠣᠳ ᠢ ᠬᠠᠷᠠᠬᠤ ᠳᠤᠨᠢ ᠬᠡᠨ ᠢ ᠬᠠᠷᠠᠪᠠᠯ ᠬᠡᠨ ᠤ ᠳᠣᠳᠣᠷ᠎ᠠ ᠢᠯᠡᠣᠷ ᠢᠶᠠᠷ ᠢᠯᠢᠵᠣ ᠪᠠᠶᠢᠬᠤ ᠰᠢᠭ᠋   ᠵᠣᠪᠠᠭᠤᠷᠢᠯᠠᠵᠣ ᠪᠠᠶᠢᠪᠠ᠃ ᠬᠠᠷ᠎ᠠ ᠬᠦᠦ ᠶᠢᠨ ᠬᠠᠮᠠᠷ ᠤᠨ ᠬᠤᠶᠠᠷ ᠬᠠᠵᠠᠭᠤ ᠪᠠᠷ ᠨᠡᠬᠦᠷᠡᠰᠦᠨ ᠬᠤᠮᠠᠬᠢ ᠰᠠᠭᠤᠵᠣ᠂   ᠦᠰᠦ ᠨᠢ ᠬᠠᠭᠠᠰ ᠢᠮᠠᠬᠤ ᠣᠷᠭᠤᠵᠠᠢ᠃ ᠪᠠᠷᠢᠯᠭ᠎ᠠ ᠶᠢᠨ ᠭᠠᠵᠠᠷ ᠤᠨ ᠬᠢᠨ ᠪᠦᠷ ᠳᠡᠬᠦᠨ ᠢ ︽ᠬᠠᠷ᠎ᠠ ᠬᠦᠦ︾ ᠭᠡᠵᠤ   ᠳᠠᠭᠤᠳᠠᠨ᠎ᠠ᠂ ᠳᠡᠷᠡ ᠬᠡᠨ ᠢ ᠴᠦ ᠣᠶᠢᠰᠢᠶᠠᠬᠤ ᠦᠭᠡᠢ᠂ ᠶᠠᠳᠠᠵᠣ ᠨᠠᠷᠢᠨ ᠠᠵᠢᠭᠯᠠᠬᠤ ᠴᠦ ᠦᠭᠡᠢ᠂ ᠵᠦᠪᠬᠡᠨ ᠵᠢᠦᠢ ᠽᠢ   ᠬᠡᠣᠬᠡᠨ ᠪᠠ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠦᠭᠡ ᠳᠣᠣᠭᠠᠷᠬᠤ ᠪᠠᠷ ᠬᠠᠷᠠᠴᠠ ᠎ ᠪᠠᠷ ᠢᠶᠠᠨ ᠬᠠᠷᠢᠭᠤ ᠦᠭᠬᠦᠨ᠎ᠡ᠃   ᠦᠴᠦᠬᠡᠳᠦᠷ ᠦᠳᠡ ᠳᠤ᠂ ᠪᠠᠷᠢᠯᠭ᠎ᠠ ᠶᠢᠨ ᠭᠠᠵᠠᠷ ᠤᠨ ᠬᠢᠨ ᠪᠦᠷ ᠬᠤᠭᠤᠯᠠᠨ ᠎ ᠳᠠᠭᠠᠨ ᠶᠠᠪᠣᠭᠰᠠᠨ ᠤ ᠳᠠᠷᠠᠭ᠎ᠠ   ᠳᠡᠮᠦᠷᠴᠢᠨ ᠪᠠᠭᠰᠢ ᠶᠢᠨ ᠵᠢᠵᠢᠭ ᠠᠯᠤᠬ᠎ᠠ ᠪᠠ ᠣᠯᠠᠶᠢᠰᠬᠠᠨ ᠳᠠᠪᠳᠠᠬᠤ ᠳᠤ ᠬᠡᠷᠡᠭᠯᠳᠡᠭ ᠰᠢᠨ᠎ᠡ ᠣᠰᠣᠨ ᠰᠠᠭᠤᠯᠭ᠎ᠠ ᠶᠢ   ᠬᠤᠯᠠᠭᠠᠢ ᠠᠪᠣᠭᠠᠳ ᠶᠠᠪᠣᠴᠢᠬᠠᠪᠠ᠃ ᠯᠢᠦ ᠨᠠᠷᠠᠨ ᠦᠶᠡᠷ ᠤᠨ ᠬᠠᠰᠢᠯᠭ᠎ᠠ ᠳᠡᠬᠡᠷ᠎ᠡ ᠬᠠᠭᠠᠰ ᠴᠠᠭ ᠬᠠᠷᠢᠶᠠᠯ ᠳᠠᠯᠪᠢᠵᠣ᠂   ᠬᠠᠷ᠎ᠠ ᠬᠦᠦ ᠳᠤ ᠦᠳᠡ ᠶᠢᠨ ᠬᠤᠭᠤᠯᠠᠨ ᠤ ᠦᠶ᠎ᠡ ᠳᠤ ᠠᠵᠢᠯ ᠤᠨ ᠭᠠᠵᠠᠷ ᠦᠯᠡᠳᠡᠨ ᠪᠠᠭᠠᠵᠢ ᠬᠠᠷᠠᠬᠤ ᠰᠢᠨ᠎ᠡ ᠡᠬᠦᠷᠬᠡ   ᠦᠭᠪᠡ᠃ ᠦᠳᠡ ᠶᠢᠨ ᠬᠤᠭᠤᠯᠠ ᠶᠢ ᠴᠢᠨᠢ ᠳᠡᠮᠦᠷᠴᠢᠨ ᠳᠣᠭᠤᠭᠠᠨ ᠭᠡᠷ ᠠᠴᠠ ᠴᠢᠮ᠎ᠠ ᠳᠤ ᠠᠪᠴᠢᠷᠠᠵᠣ ᠦᠭᠬᠦᠭ᠂   ᠮᠠᠭᠤ ᠬᠦᠯᠦᠬᠡ ᠦᠳᠡ ᠶᠢᠨ ᠬᠤᠭᠤᠯᠠ ᠬᠤᠨᠵᠢᠭ ᠭᠡᠵᠤ ᠯᠢᠦ ᠳᠡᠳ᠋ ᠡᠷᠬᠢᠯᠡᠭᠴᠢ ᠬᠡᠯᠡᠭᠰᠡᠨ ᠠᠵᠢ᠃       ᠬᠦᠮᠦᠰ ᠪᠦᠷ ᠶᠠᠪᠣᠵᠣ᠂ ᠨᠢᠬᠡ ᠦᠳᠡ ᠶᠢᠨ ᠡᠮᠦᠨ᠎ᠡ ᠱᠣᠣᠬᠢᠭᠰᠠᠨ ᠪᠠᠷᠢᠯᠭ᠎ᠠ ᠶᠢᠨ ᠭᠠᠵᠠᠷ ᠨᠠᠮ ᠬᠦᠮ ᠪᠣᠯᠪᠠ᠃   ᠬᠠᠷ᠎ᠠ ᠬᠦᠦ ᠬᠦᠬᠦᠷᠬᠡᠨ ᠤ ᠭᠤᠯᠳᠣᠩ ᠠᠴᠠ ᠭᠠᠷᠴᠣ᠂ ᠬᠠᠭᠠᠯᠳᠠ ᠶᠢᠨ ᠡᠮᠦᠨᠡᠬᠢ ᠡᠯᠡᠰᠦᠨ ᠳᠡᠬᠡᠷ᠎ᠡ ᠬᠤᠯᠬᠢᠴᠠᠯ᠎ᠠ᠃   ᠳᠡᠷᠡ ᠨᠢᠷᠣᠭᠤ ᠪᠠᠨ ᠡᠬᠦᠷᠴᠦ᠂ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠪᠦᠭᠰᠡ ᠪᠠᠨ ᠬᠠᠯᠬᠠᠯᠠᠨ᠂ ᠬᠦᠮᠦᠰᠬᠡ ᠎ ᠪᠠᠨ ᠵᠠᠩᠬᠢᠳᠬᠤ ᠳᠤ   ᠮᠠᠩᠨᠠᠢ ᠳᠡᠬᠡᠷ᠎ᠡ ᠨᠢ ᠬᠦᠨ ᠭᠡᠭᠴᠢ ᠭᠤᠷᠪᠠᠨ ᠠᠳᠣᠷᠢᠶ᠎ᠠ ᠳᠣᠳᠣᠷᠠᠨ᠎ᠠ᠃ ᠳᠡᠷᠡ ᠬᠦᠬᠦᠷᠬᠡᠨ ᠤ ᠭᠤᠯᠳᠣᠩ ᠢ ᠠᠬᠢᠨ   ᠳᠠᠬᠢᠨ ᠳᠣᠭᠠᠯᠠᠭᠰᠠᠭᠠᠷ᠂ ᠠᠮᠠᠨ ᠠᠴᠠ ᠪᠠᠨ ᠵᠢᠵᠢᠭ ᠬᠦᠬᠡᠰᠦ ᠦᠯᠢᠶᠡᠨ ᠭᠠᠷᠭᠠᠵᠣ ᠪᠠᠶᠢᠪᠠ᠃ ᠬᠦᠬᠦᠷᠬᠡᠨ ᠤ   ᠳᠣᠯᠣᠳᠣᠭᠠᠷ ᠳᠣᠯᠭᠠᠭᠤᠷᠢ ᠳᠤ ᠬᠦᠷᠦᠬᠡᠳ ᠳᠡᠷᠡ ᠴᠢᠯᠠᠭᠤᠨ ᠪᠠᠭᠠᠨ᠎ᠠ ᠬᠦᠯ ᠢᠶᠠᠷ ᠢᠶᠠᠨ ᠬᠠᠪᠴᠢᠨ ᠳᠡᠭᠡᠭᠰᠢ ᠮᠠᠴᠣᠪᠠ᠃   ᠬᠠᠭᠠᠰ ᠲᠤᠨᠢ ᠬᠦᠷᠬᠦ ᠶᠢᠨ ᠠᠯᠳᠠ ᠪᠠᠷ ᠭᠤᠯᠭᠤᠷᠢᠭᠰᠠᠨ ᠢᠶᠠᠷ ᠬᠡᠳᠡᠰᠦ ᠨᠢ ᠦᠷᠬᠦᠯᠵᠢ ᠎ ᠳᠡᠭᠡᠨ ᠰᠢᠬᠠᠭᠤ ᠬᠠᠷᠣᠭᠳᠠᠵᠣ   ᠴᠢᠰᠦᠨ ᠴᠦᠪᠦᠷᠢᠬᠦᠦ ᠭᠠᠷᠪᠠ᠃ ᠳᠡᠷᠡ ᠪᠦᠬᠦᠶᠢᠵᠦ ᠨᠢᠬᠡ ᠠᠳᠬᠤ ᠰᠢᠷᠣᠢ ᠠᠪᠴᠣ ᠬᠡᠳᠡᠰᠡᠦᠨ ᠳᠡᠬᠡᠷ᠎ᠡ ᠪᠠᠨ ᠳᠠᠯᠪᠢᠪᠠ  ᠃ ᠳᠡᠬᠡᠬᠡᠳ ᠬᠡᠳᠦᠨ ᠠᠯᠬᠤᠮ ᠣᠬᠤᠷᠢᠵᠣ ᠬᠦᠬᠦᠷᠬᠡᠨ ᠤ ᠳᠣᠯᠭᠠᠭᠤᠷᠢ ᠪᠠ ᠬᠦᠬᠦᠷᠬᠡᠨ ᠤ ᠠᠭᠤᠯᠵᠠᠭᠤᠷ ᠤᠨ ᠴᠢᠯᠠᠭᠤᠨ   ᠵᠠᠪᠰᠠᠷ ᠢ ᠰᠠᠷᠠᠪᠴᠢᠯᠠᠨ ᠠᠵᠢᠭᠯᠠᠭᠠᠳ ᠰᠠᠨᠠᠭ᠎ᠠ ᠠᠮᠠᠷᠠᠯ᠎ᠠ᠃     ᠳᠦᠳᠡᠬᠡᠨ ᠵᠠᠭᠤᠷ᠎ᠠ ᠳᠤ ᠳᠡᠷᠡ ᠪᠠᠷ ᠪᠦᠰᠡᠬᠦᠶᠢᠴᠦᠳ ᠤᠨ ᠴᠢᠯᠠᠭᠤ ᠬᠡᠮᠬᠡᠯᠡᠳᠡᠭ ᠭᠠᠵᠠᠷ ᠬᠦᠷᠪᠡᠯ ᠰᠠᠭᠤᠵᠣ   ᠦᠩᠬᠡᠷᠡᠭᠰᠡᠨ ᠴᠢᠯᠠᠭᠤ ᠨᠢ ᠠᠯᠠᠭ᠎ᠠ ᠪᠣᠯᠣᠭᠰᠠᠨ ᠪᠣᠯᠪᠠᠴᠣ᠂ ᠵᠢᠦᠢ ᠽᠢ ᠬᠡᠣᠬᠡᠨ ᠤ ᠰᠠᠭᠤᠳᠠᠭ ᠴᠢᠯᠠᠭᠤ ᠶᠢ ᠳᠣᠣᠷᠠᠬᠠᠨ  ᠎ ᠢᠶᠠᠨ ᠣᠯᠪᠠ᠃ ᠬᠡᠣᠬᠡᠨ ᠤ ᠬᠡᠷᠡᠭᠯᠡᠳᠡᠭ ᠳᠡᠮᠦᠷᠴᠢᠨ ᠤ ᠠᠯᠤᠬ᠎ᠠ ᠶᠢ ᠳᠡᠷᠡ ᠳᠠᠨᠢᠨ᠎ᠠ᠃ ᠳᠡᠷᠡ ᠪᠠᠷ ᠬᠡᠣᠬᠡᠨ ᠤ ᠰᠠᠭᠤᠳᠠᠯ   ᠳᠡᠬᠡᠷ᠎ᠡ ᠰᠠᠭᠤᠭᠠᠳ᠂ ᠪᠡᠶ᠎ᠡ ᠪᠠᠨ ᠵᠠᠶᠢᠮᠣᠴᠠᠭᠤᠯᠣᠨ ᠰᠠᠭᠤᠳᠠᠯ ᠲᠠᠢ ᠪᠠᠨ ᠣᠭᠤᠭᠰᠠᠭᠠᠷ᠂ ᠳᠣᠯᠣᠳᠣᠭᠠᠷ ᠳᠣᠯᠭᠠᠭᠤᠷᠢ  ᠎ ᠶᠢᠨ ᠴᠢᠯᠠᠭᠤᠨ ᠵᠠᠪᠰᠠᠷ ᠲᠠᠢ ᠰᠢᠯᠣᠭᠤᠨ ᠱᠣᠭᠤᠮ ᠪᠣᠯᠬᠤ ᠳᠤ ᠰᠠᠶ᠋ᠢ ᠯᠠᠪᠳᠠᠭᠤᠬᠠᠨ ᠰᠠᠭᠤᠵᠣ᠂ ᠴᠢᠯᠠᠭᠤᠨ ᠵᠠᠪᠰᠠᠷ  ᠎ ᠲᠠᠬᠢ ᠳᠡᠷᠡ ᠶᠠᠭᠤᠮ᠎ᠠ ᠶᠢ ᠴᠣᠭᠤ ᠰᠢᠷᠳᠡᠨ ᠪᠠᠶᠢᠯ᠎ᠠ᠃     ᠳᠡᠷᠡ ᠦᠳᠡ ᠳᠤ ᠬᠠᠷ᠎ᠠ ᠬᠦᠦ ᠡᠷᠳᠡᠬᠡᠨ ᠭᠡᠭᠴᠢ ᠬᠠᠰᠢᠯᠭ᠎ᠠ ᠶᠢᠨ ᠳᠣᠣᠷ᠎ᠠ ᠬᠦᠶᠦᠨ ᠬᠦᠷᠴᠦ᠂ ᠪᠠᠷᠠᠭᠤᠨ ᠎ ᠠᠴᠠ   ᠨᠢᠬᠡᠳᠦᠬᠡᠷ ᠭᠤᠯᠳᠣᠩ ᠳᠤ ᠣᠴᠣᠶᠢᠨ ᠰᠠᠭᠤᠵᠣ᠂ ᠣᠯᠠᠶᠢᠭᠰᠠᠨ ᠵᠣᠤᠬ᠎ᠠ᠂ ᠲᠡᠮᠦᠷ ᠵᠠᠭᠤᠳᠠᠭ᠂ ᠮᠠᠨᠴᠣ᠂ ᠠᠯᠤᠬ᠎ᠠ᠂   ᠲᠡᠮᠦᠷ ᠰᠠᠭᠤᠯᠭ᠎ᠠ᠂ ᠨᠡᠬᠦᠷᠡᠰᠦᠨ ᠬᠤᠰᠣᠭᠤᠷ᠂ ᠴᠢᠨᠠᠭᠰᠢᠯᠠᠭᠠᠳ ᠨᠡᠬᠦᠷᠡᠰᠦ᠂ ᠨᠡᠬᠦᠷᠡᠰᠦᠨ ᠰᠢᠭᠠᠷᠣ ᠶᠢ ᠨᠢᠬᠡᠳ ᠨᠢᠬᠡ   ᠰᠢᠷᠪᠢᠨ ᠬᠠᠷᠠᠵᠣ ᠪᠢᠯᠡ᠃ ᠠᠵᠢᠯ ᠳᠤ ᠭᠠᠷᠬᠤ ᠠᠶᠠᠳᠠᠵᠣ ᠪᠠᠶᠢᠯ᠎ᠠ᠃ ᠳᠡᠷᠡ ᠪᠠᠷᠠᠭᠤᠨ ᠭᠠᠷ ᠎ ᠲᠠᠭᠠᠨ ᠨᠡᠬᠦᠷᠡᠰᠦᠨ   ᠬᠤᠰᠣᠭᠤᠷ ᠪᠠᠷᠢᠵᠣ᠂ ᠭᠠᠯ ᠢ ᠮᠠᠨᠠᠭᠰᠠᠨ ᠣᠯᠠᠶᠢᠰᠣᠭᠰᠠᠨ ᠵᠣᠤᠬ᠎ᠠ ᠶᠢ ᠰᠢᠯᠬᠡᠬᠡᠨ᠂ ᠵᠡᠬᠦᠨ ᠭᠠᠷ ᠢᠶᠠᠷ ᠢᠶᠠᠨ ᠬᠦᠬᠡᠷᠬᠡ  ᠎ ᠪᠠᠨ ᠬᠦᠴᠦᠳᠡᠢ ᠳᠠᠳᠠᠬᠤ ᠳᠤ ᠣᠳᠤᠭ᠎ᠠ ᠪᠣᠷᠬᠢᠯᠣᠨ ᠦᠨᠡᠰᠦ ᠴᠢᠨᠳᠣᠷᠣᠣ ᠪᠣᠵᠢᠬᠢᠨᠠᠵᠣ᠂ ᠨᠢᠳᠦᠨ ᠳᠤᠨᠢ ᠣᠷᠣᠪᠠ᠃   ᠳᠡᠷᠡ ᠢᠳᠡ ᠮᠡᠳᠡᠨ ᠨᠣᠬᠤᠯᠠᠪᠠᠯ ᠨᠢᠳᠦ ᠨᠢ ᠣᠯᠠᠶᠢᠵᠣ ᠤᠯᠠᠭᠠᠨ ᠰᠣᠳᠠᠰᠣ ᠳᠠᠳᠠᠯ᠎ᠠ᠃ ᠬᠦᠬᠡᠷᠬᠡᠨ ᠤ ᠳᠠᠬᠢᠶᠠᠨ ᠦᠳᠦ  ᠎ ᠶᠢ ᠰᠢᠨ᠎ᠡ ᠪᠠᠷ ᠣᠷᠢᠶᠠᠭᠰᠠᠨ ᠪᠣᠯᠬᠤᠷ ᠬᠦᠨᠳᠦ ᠬᠡᠳᠡᠭ ᠨᠢ ᠰᠦᠷᠡᠬᠡᠢ᠂ ᠳᠡᠷᠡ ᠲᠠᠯ᠎ᠠ ᠭᠠᠷ ᠢᠶᠠᠷ ᠢᠶᠠᠨ ᠳᠠᠳᠠᠬᠤ ᠳᠤ   ᠬᠦᠴᠢᠷᠳᠡᠵᠦ ᠪᠠᠶᠢᠪᠠ᠃ ᠵᠡᠬᠦᠨ ᠭᠠᠷ ᠤᠨ ᠳᠣᠯᠢᠶᠠᠪᠣᠷ ᠬᠤᠷᠣᠭᠤ ᠪᠠᠨ ᠶᠠᠭᠤᠮᠠᠨ ᠳᠤ ᠮᠦᠷᠬᠦᠬᠦᠯᠵᠦ᠂ ᠭᠠᠷ ᠢᠶᠠᠨ   ᠬᠠᠷᠠᠬᠤ ᠳᠠᠭᠠᠨ ᠰᠢᠷᠬ᠎ᠠ ᠣᠷᠢᠶᠠᠭᠰᠠᠨ ᠭᠠᠷ ᠠᠯᠴᠢᠭᠤᠷ ᠢ ᠬᠠᠷᠠᠪᠠ᠃ ᠨᠦᠬᠦᠬᠡ ᠠᠯᠴᠢᠭᠤᠷ ᠴᠠᠭᠠᠨ ᠪᠢᠰᠢ ᠪᠣᠯᠣᠭᠰᠠᠨ   ᠴᠦ ᠰᠠᠷᠨᠠᠢ ᠴᠡᠴᠡᠭ ᠨᠢ ᠬᠤᠷᠴᠠ ᠣᠯᠠᠭᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠯ᠎ᠠ᠃ ᠬᠠᠷ᠎ᠠ ᠬᠦᠦ ᠳᠤ ᠨᠢᠬᠡ ᠪᠣᠳᠣᠯ ᠳᠦᠷᠦᠭᠳᠡᠵᠦ᠂   ᠬᠦᠬᠦᠷᠬᠡᠨ ᠤ ᠭᠤᠯᠳᠣᠩ ᠠᠴᠠ ᠭᠠᠷᠣᠨ ᠳᠦᠷᠪᠡᠨ ᠵᠦᠭ ᠲᠤ ᠠᠵᠢᠭᠯᠠᠪᠠ᠃ ᠳᠡᠷᠡ ᠳᠣᠯᠣᠳᠣᠭᠠᠷ ᠳᠣᠯᠭᠠᠭᠤᠷᠢ ᠶᠢᠨ   ᠡᠮᠦᠨ᠎ᠡ ᠭᠠᠷ ᠠᠯᠴᠢᠭᠤᠷ ᠢ ᠠᠯᠳᠠᠷᠭᠠᠨ ᠠᠮᠠᠨ ᠳᠠᠭᠠᠨ ᠵᠠᠭᠤᠭᠰᠠᠭᠠᠷ ᠵᠦᠳᠡᠬᠦᠷᠢᠳᠡᠶᠢᠬᠡᠨ ᠮᠠᠴᠣᠨ ᠭᠠᠷᠴᠣ᠂ ᠦᠨᠦ   ᠠᠯᠴᠢᠭᠤᠷ ᠢ ᠳᠡᠷᠡ ᠬᠦ ᠴᠢᠯᠠᠭᠤᠨ ᠵᠠᠪᠰᠠᠷ ᠬᠢᠭᠰᠡᠨ ᠰᠠᠨ ᠁ ᠬᠡᠳᠦ ᠰᠡᠳᠬᠡᠵᠦ ᠰᠢᠯᠬᠡᠬᠡᠳᠡᠯ᠎ᠡ ᠭᠠᠯ ᠨᠣᠴᠣᠴᠢᠬᠠᠪᠠ᠃ ᠬᠠᠷ᠎ᠠ ᠬᠦᠦ ᠶᠢᠨ ᠮᠠᠩᠨᠠᠢ ᠳᠡᠬᠡᠷ᠎ᠡ ᠬᠦᠯᠦᠰᠦ ᠪᠣᠷᠴᠠᠭᠯᠠᠯ᠎ᠠ᠃ ᠳᠡᠬᠡᠳᠡᠯ᠎ᠡ ᠭᠠᠳᠠᠨ᠎ᠠ ᠠᠴᠠ ᠬᠦᠯ ᠤᠨ ᠴᠢᠮᠡᠭᠡ ᠭᠠᠷᠬᠤ  ᠎ ᠪᠠᠷ ᠬᠠᠷ᠎ᠠ ᠬᠦᠦ ᠡᠮᠢᠶᠡᠨ ᠣᠬᠤᠷᠢᠭᠰᠠᠭᠠᠷ ᠮᠦᠯᠦᠶᠢᠮ᠎ᠡ ᠬᠦᠢᠳᠡᠨ ᠴᠢᠯᠠᠭᠤᠨ ᠬᠠᠨᠠᠨ ᠳᠤ ᠨᠢᠷᠣᠭᠤ ᠨᠢ ᠳᠣᠯᠪᠠ᠃   ᠣᠬᠤᠷ ᠦᠮᠦᠳᠦ ᠲᠠᠢ ᠵᠠᠯᠠᠭᠤ ᠦᠨᠳᠦᠷ ᠎ ᠢᠶᠠᠨ ᠭᠠᠶᠢᠬᠠᠭᠤᠯᠬᠤ ᠬᠡᠰᠡᠨ ᠰᠢᠭ ᠪᠦᠬᠦᠶᠢᠭᠰᠡᠭᠡᠷ ᠣᠷᠣᠵᠣ ᠢᠷᠡᠬᠦ ᠳᠤ᠂   ᠬᠠᠷ᠎ᠠ ᠬᠦᠦ ᠣᠷᠣᠭᠤᠯ ᠢᠶᠠᠨ ᠦᠮᠦᠯᠵᠡᠬᠦᠯᠪᠡ᠃ ᠣᠬᠤᠷ ᠦᠮᠦᠳᠦ ᠲᠠᠢ ᠵᠠᠯᠠᠭᠤ ᠭᠠᠯ ᠢ ᠨᠢ ᠰᠢᠯᠬᠡᠬᠡᠭᠰᠡᠨ ᠵᠣᠤᠬ᠎ᠠ ᠪᠠ   ᠬᠠᠭᠠᠰ ᠳᠠᠳᠠᠵᠣ ᠭᠠᠷᠭᠠᠭᠰᠠᠨ ᠬᠦᠬᠡᠷᠬᠡᠨ ᠤ ᠪᠠᠷᠢᠭᠤᠯ ᠢ ᠬᠠᠷᠠᠵᠣ᠂ ᠬᠡᠷᠡᠮ ᠨᠠᠭᠠᠯᠳᠣᠭᠰᠠᠨ ᠬᠠᠷ᠎ᠠ ᠬᠦᠦ ᠶᠢ ᠬᠠᠷᠠᠭᠠᠳ᠄   ︽ᠮᠠᠭᠤ ᠬᠦᠯᠦᠭᠡ︕ ᠴᠢ ᠰᠠᠨᠳᠠᠭᠠᠭᠠᠳ ᠶᠠᠭᠠᠬᠢᠬᠤ ᠶᠤᠮ︖ ᠭᠠᠯ ᠢ ᠰᠢᠯᠬᠡᠬᠡᠳ ᠣᠨᠳᠠᠷᠠᠭᠠᠵᠣ᠂ ᠬᠦᠬᠡᠷᠬᠡ ᠶᠢ ᠴᠦ   ᠮᠣᠷᠣᠢ ᠳᠠᠳᠠᠭᠠᠳ᠂ ᠵᠠᠨᠴᠢᠭᠳᠠᠬᠤ ᠪᠠᠨ ᠡᠷᠢᠭᠰᠡᠨ ᠮᠠᠭᠤ ᠪᠡᠯᠳᠡᠷᠬᠡ︕︾ ᠭᠡᠵᠤ ᠬᠠᠷᠢᠶᠠᠪᠠ᠃ ᠬᠠᠷ᠎ᠠ ᠬᠦᠦ ᠶᠢᠨ   ᠳᠣᠯᠣᠭᠠᠢ ᠳᠡᠬᠡᠬᠦᠷ ᠰᠠᠯᠬᠢ ᠱᠣᠣᠬᠢᠬᠤ ᠰᠢᠭ᠋ ᠪᠣᠯᠵᠣ᠂ ᠳᠠᠷᠰᠠᠭᠠᠷ ᠰᠢᠷᠦᠬᠦᠨ ᠠᠯᠠᠭ᠎ᠠ ᠵᠣᠯᠠᠢ ᠶᠢ ᠨᠢ ᠱᠦᠷᠬᠦᠨ᠂   ᠵᠠᠯᠭᠠᠭᠠᠳ ᠴᠠᠷᠴᠠᠬᠠᠢ ᠬᠢᠰᠬᠢᠬᠦ ᠰᠢᠭ᠋ ᠴᠢᠷᠠᠭᠤᠨ ᠳᠠᠭᠤ ᠭᠠᠷᠪᠠ᠃     ︽ᠴᠢᠯᠠᠭᠤ ᠪᠠᠨ ᠬᠡᠮᠬᠡᠴᠡᠬᠦ ᠪᠠᠷ ᠦᠩᠬᠦᠷᠢᠳᠦ︕ ᠮᠠᠭᠤ ᠪᠡᠯᠳᠡᠷᠡᠭᠡ︕︾ ᠭᠡᠵᠤ ᠵᠠᠯᠠᠭᠤ ᠬᠠᠷᠢᠶᠠᠭᠰᠠᠭᠠᠷ ᠪᠠᠶᠢᠪᠠ᠃     ᠬᠠᠷ᠎ᠠ ᠬᠦᠦ ᠢᠩᠬᠢᠬᠡᠳ ᠰᠠᠶ᠋ᠢ ᠡᠨᠡ ᠪᠣᠯ ᠵᠠᠯᠠᠭᠤ ᠳᠡᠮᠦᠷᠴᠢᠨ ᠬᠡᠳᠡᠭ ᠢ ᠮᠡᠳᠡᠯ᠎ᠡ᠃ ᠵᠠᠯᠠᠭᠤ ᠲᠡᠮᠦᠷᠴᠢᠨ ᠤ   ᠬᠠᠴᠠᠷ ᠨᠢ ᠰᠡᠪᠬᠡᠯᠢᠭ ᠪᠣᠯᠳᠣᠷᠣᠣ ᠪᠠᠷ ᠳᠦᠬᠦᠷᠴᠦ᠂ ᠬᠠᠮᠠᠷ ᠨᠢ ᠳᠣᠭᠤᠯ ᠤᠨ ᠬᠢ ᠬᠠᠪᠳᠠᠭᠠᠷ ᠪᠦᠬᠡᠳ ᠬᠦᠯᠦᠰᠦ   ᠪᠣᠷᠴᠠᠭᠯᠠᠭᠰᠠᠨ ᠬᠠᠷᠠᠭᠳᠠᠨ᠎ᠠ᠃ ᠳᠡᠷᠡ ᠵᠣᠤᠬ᠎ᠠ ᠶᠢᠨ ᠬᠤᠭᠤᠯᠠᠢ ᠱᠠᠯᠠᠮᠠᠭ ᠰᠠᠶᠢᠬᠠᠨ ᠴᠡᠪᠡᠷᠯᠡᠵᠦ   ᠠᠰᠠᠭᠠᠭᠠᠳ᠂   ᠬᠦᠬᠡᠷᠬᠡ ᠶᠢ ᠬᠦᠩᠬᠡᠬᠡᠨ ᠳᠠᠳᠠᠬᠤ ᠳᠤ ᠪᠣᠭᠤᠳᠠᠢ ᠶᠢᠨ ᠰᠦᠷᠡᠯ ᠬᠦᠪ ᠬᠦᠩᠬᠡᠬᠡᠨ ᠴᠠᠭᠠᠨ ᠣᠳᠤᠭ᠎ᠠ ᠪᠣᠷᠬᠢᠵᠣ   ᠠᠪᠣᠭᠰᠠᠨ ᠢᠶᠠᠨ ᠭᠠᠯ ᠤᠨ ᠰᠣᠷ ᠴᠣᠷᠬᠢᠪᠠ᠃ ᠵᠠᠯᠠᠭᠤ ᠲᠡᠮᠦᠷᠴᠢᠨ ᠨᠣᠶᠢᠳᠠᠨ ᠨᠡᠬᠦᠷᠡᠰᠦ ᠶᠢ ᠬᠤᠰᠣᠭᠤᠷᠳᠠᠵᠣ   ᠳᠦᠷᠡᠯᠵᠡᠨ ᠨᠣᠴᠣᠵᠣ ᠪᠣᠢ ᠪᠣᠭᠤᠳᠠᠢ ᠶᠢᠨ ᠰᠦᠷᠡᠯ ᠳᠡᠬᠡᠬᠦᠷ ᠵᠣᠯᠠᠵᠣ ᠳᠠᠯᠪᠢᠬᠤ ᠶᠢᠨ ᠳᠠᠭᠠᠣ ᠬᠦᠬᠡᠷᠬᠡ ᠪᠠᠨ ᠵᠣᠭᠰᠣᠯ   ᠦᠭᠡᠢ ᠳᠠᠳᠠᠵᠣ ᠪᠠᠶᠢᠪᠠ᠃ ᠨᠡᠬᠦᠷᠡᠰᠦ ᠶᠢ ᠳᠠᠪᠬᠤᠷ ᠳᠠᠪᠬᠤᠷ ᠵᠣᠯᠠᠵᠣ᠂ ᠵᠣᠣᠬᠠᠨ ᠠᠴᠠ ᠡᠬᠡᠬᠦᠨ ᠰᠢᠷ᠎ᠠ ᠣᠳᠤᠭ᠎ᠠ   ᠪᠠᠭᠠᠬᠢᠨ ᠨᠡᠬᠦᠷᠡᠰᠦᠨ ᠣᠳᠤᠭ᠎ᠠ ᠬᠠᠭ᠋ᠠᠭᠠᠮᠠᠷ ᠦᠨᠤᠷᠲᠦᠭᠳᠡᠨ᠎ᠡ᠃ ᠵᠠᠯᠠᠭᠤ ᠲᠡᠮᠦᠷᠴᠢᠨ ᠬᠤᠰᠣᠭᠤᠷ ᠤᠨ ᠎ ᠢᠶᠠᠨ ᠦᠵᠦᠬᠦᠷ  ᠎ ᠢᠶᠠᠷ ᠵᠣᠣᠬᠠᠨ ᠳᠠᠬᠢ ᠨᠡᠬᠦᠷᠡᠰᠦ ᠶᠢ ᠰᠡᠳᠬᠡᠭᠰᠡᠨ ᠳᠤ ᠨᠦᠯ ᠣᠯᠠᠭᠠᠨ ᠭᠠᠯ ᠤᠨ ᠰᠣᠷ ᠲᠦᠷᠪᠡᠨ ᠨᠡᠬᠦᠷᠡᠰᠦ ᠨᠣᠴᠣᠵᠣ   ᠭᠠᠯ ᠬᠦᠭᠵᠢᠪᠡ᠃ ᠬᠠᠷ᠎ᠠ ᠬᠦᠦ ᠪᠠᠶᠠᠷᠯᠠᠬᠤ ᠳᠠᠭᠠᠨ ᠳᠠᠭᠤ ᠠᠯᠳᠠᠪᠠ᠃     ︽ᠪᠠᠰᠠ ᠦᠩᠬᠦᠷᠢᠳᠦᠬᠦ ᠦᠭᠡᠢ ᠤᠤ᠂ ᠮᠠᠭᠤ ᠪᠡᠯᠳᠡᠷᠬᠡ︕︾     ᠨᠢᠬᠡ ᠳᠣᠷᠠᠩᠬᠠᠢ ᠦᠨᠳᠦᠷ ᠡᠪᠦᠬᠡᠨ ᠠᠭᠠᠵᠢᠭᠤᠬᠠᠨ ᠣᠷᠣᠵᠣ ᠢᠷᠡᠭᠡᠳ᠂ ᠵᠠᠯᠠᠭᠤ ᠠᠴᠠ᠄ ︽ᠭᠠᠯ ᠢᠶᠠᠨ   ᠮᠠᠨᠠᠭᠰᠠᠨ ᠪᠢᠰᠢ ᠪᠢᠯᠡ ᠤᠤ︖ ᠨᠣᠴᠣᠭᠠᠵᠣ ᠪᠠᠶᠢᠬᠤ ᠴᠢᠨᠢ︖︾ ᠭᠡᠵᠤ ᠠᠰᠠᠭᠤᠪᠠ᠃ ᠳᠡᠬᠦᠨ ᠤ ᠳᠠᠭᠤ ᠨᠢ   ᠳᠣᠣᠷ᠎ᠠ᠂ ᠶᠠᠭ ᠯᠠ ᠴᠡᠬᠡᠵᠢᠨ ᠬᠦᠨᠳᠡᠢ ᠠᠴᠠ ᠨᠢ ᠠᠴᠠ ᠭᠠᠷᠴᠣ ᠪᠠᠶᠢᠭ᠎ᠠ ᠰᠢᠭ᠋ ᠠᠵᠢ᠃     ︽ᠡᠨᠡ ᠮᠠᠭᠤ ᠪᠡᠯᠳᠡᠷᠭᠡ ᠬᠠᠳᠬᠤᠴᠢᠬᠠᠵᠣ ᠪᠠ ᠳ᠋ᠠ︕︾ ᠭᠡᠵᠤ ᠵᠠᠯᠠᠭᠤ ᠲᠡᠮᠦᠷᠴᠢᠨ ᠨᠡᠬᠦᠷᠡᠰᠦᠨ ᠬᠤᠰᠣᠭᠤᠷ  ᠎ ᠢᠶᠠᠨ ᠠᠪᠴᠣ ᠬᠠᠷ᠎ᠠ ᠬᠦᠦ ᠶᠢ ᠵᠢᠭᠠᠪᠠ᠃     ︽ᠳᠡᠬᠦᠨ ᠢᠶᠠᠷ ᠳᠠᠳᠠᠭᠤᠯ︕︾ ᠭᠡᠵᠤ ᠡᠪᠦᠬᠡᠨ ᠬᠡᠯᠡᠪᠡ᠃ ᠳᠡᠷᠡ ᠪᠠᠷ ᠨᠢᠬᠡ ᠬᠡᠰᠡᠭ ᠦᠨᠳᠡᠭᠡᠨ ᠰᠢᠷ᠎ᠠ   ᠦᠩᠬᠡᠳᠡᠢ ᠬᠤᠯᠳᠠᠭᠠᠰᠣ ᠡᠩᠭᠡᠷᠣᠪᠴᠢ ᠪᠦᠰᠡᠯᠡᠵᠦ᠂ ᠬᠤᠶᠠᠷ ᠬᠡᠰᠡᠭ ᠦᠨᠳᠡᠬᠡᠨ ᠰᠢᠷ᠎ᠠ ᠬᠤᠯᠳᠠᠭᠠᠰᠣ ᠪᠠᠷ ᠰᠢᠯᠪᠢ ᠎ ᠪᠠᠨ   ᠪᠠᠬᠢᠯᠡᠨ ᠬᠦᠯ ᠢᠶᠠᠨ ᠬᠠᠯᠬᠠᠯᠠᠵᠠᠢ᠃ ᠬᠤᠯᠳᠠᠭᠠᠰᠣ ᠳᠡᠬᠡᠷ᠎ᠡ ᠣᠴᠢ ᠦᠰᠦᠷᠦᠭᠰᠡᠭᠡᠷ ᠪᠠᠶᠢᠵᠣ ᠨᠦᠬᠡᠨ ᠣᠷᠣᠮ ᠭᠠᠷᠣᠭᠰᠠᠨ   ᠪᠠᠶᠢᠬᠤ ᠪᠠᠷ ᠨᠢ ᠬᠠᠷ᠎ᠠ ᠬᠦᠦ ᠡᠪᠦᠬᠡᠨ ᠲᠡᠮᠦᠷᠴᠢᠨ ᠭᠡᠵᠤ ᠮᠡᠳᠡᠯ᠎ᠡ᠃ ︽ᠳᠡᠷᠡ ᠪᠠᠷ ᠬᠦᠬᠡᠷᠬᠡ ᠳᠠᠳᠠᠭᠤᠯ︕ ᠴᠢ ᠳᠣᠰᠬᠠᠶᠢᠯᠠᠨ ᠳᠠᠪᠳᠠ᠂ ᠠᠵᠣ ᠴᠢᠨᠢ ᠬᠦᠩᠬᠡᠷᠡᠨ᠎ᠡ ᠪᠢᠵᠡ︕︾ ᠭᠡᠵᠤ   ᠡᠪᠦᠬᠡᠨ ᠲᠡᠮᠦᠷᠴᠢᠨ ᠬᠡᠯᠡᠯ᠎ᠡ᠃     ︽ᠡᠨᠡ ᠬᠡᠣᠬᠡᠳ ᠢᠶᠠᠷ ᠬᠦᠬᠡᠷᠬᠡ ᠳᠠᠳᠠᠭᠤᠯᠣᠨ᠎ᠠ ᠭᠡᠵᠢ ᠤᠤ︖ ᠠᠷᠠᠰᠣ ᠶᠠᠰᠣ ᠪᠣᠯᠴᠢᠬᠠᠭᠠᠳ᠂ ᠭᠠᠯ ᠤᠨ   ᠬᠠᠵᠠᠭᠤᠳᠠ ᠪᠦᠷ ᠰᠢᠷᠠᠭᠰᠠᠨ ᠪᠣᠷᠴᠠ ᠪᠣᠯᠴᠢᠬᠠᠬᠤ ᠦᠭᠡᠢ ᠤᠤ︖︾ ᠭᠡᠵᠤ ᠵᠠᠯᠠᠭᠤ ᠲᠡᠮᠦᠷᠴᠢᠨ ᠳᠣᠭᠤᠮᠵᠢᠷ ᠦᠭᠡᠢ   ᠳᠦᠳᠦᠬᠡᠨᠡᠨ᠎ᠡ᠃     ᠯᠢᠦ ᠨᠠᠷᠠᠨ ᠰᠢᠭᠤᠳ ᠣᠷᠣᠵᠣ ᠢᠷᠡᠭᠡᠳ᠄ ︽ᠶᠠᠭᠠᠬᠢᠴᠢᠬᠠᠪᠠ︖ ᠬᠦᠬᠡᠷᠬᠡᠴᠢᠨ ᠠᠪᠣᠨ᠎ᠠ ᠬᠡᠰᠡᠨ ᠪᠢᠰᠢ ᠤᠤ ︖︾ ᠭᠡᠵᠤ ᠨᠢᠳᠦ ᠡᠷᠡᠶᠢᠯᠬᠡᠪᠡ᠃     ︽ᠬᠦᠬᠡᠷᠬᠡ ᠳᠠᠳᠠᠭᠴᠢ ᠠᠪᠣᠨ᠎ᠠ᠂ ᠳᠡᠬᠦᠨ ᠢ ᠠᠪᠬᠤ ᠦᠭᠡᠢ︕ ᠯᠢᠦ ᠳᠡᠳ᠋ ᠡ᠂ ᠡᠴᠡᠵᠦ ᠳᠣᠷᠠᠭᠰᠠᠨ ᠰᠢᠨᠵᠢ  ᠎ ᠶᠢ ᠨᠢ ᠦᠵᠡ᠂ ᠨᠡᠬᠦᠷᠡᠰᠦᠨ ᠬᠤᠰᠣᠭᠤᠷ ᠢᠶᠠᠨ ᠴᠦ ᠡᠷᠬᠦᠵᠦ ᠳᠠᠭᠠᠭᠠᠬᠤ ᠦᠭᠡᠢ᠂ ᠳᠡᠬᠦᠨ ᠢ ᠢᠷᠡᠭᠦᠯᠦᠬᠡᠳ ᠶᠠᠭᠠᠬᠢᠬᠤ   ᠬᠡᠰᠡᠨ ᠶᠤᠮ︖ ᠱᠣᠷᠣ ᠵᠣᠷᠭᠤᠵᠣ ᠣᠷᠣ ᠪᠦᠭᠯᠡᠵᠦ ᠪᠠᠶᠢᠨ᠎ᠠ ᠤᠤ︖︾     ︽ᠴᠢᠨᠦ ᠣᠪ ᠵᠢᠪ ᠲᠠᠢ ᠶᠢ ᠪᠢ ᠮᠡᠳᠡᠨ᠎ᠡ᠂ ᠳᠣᠮᠣ ᠬᠡᠣᠬᠡᠨ ᠠᠪᠴᠢᠷᠠᠵᠣ ᠬᠦᠬᠡᠷᠬᠡᠴᠢᠨ ᠪᠣᠯᠭᠠᠶ᠎ᠠ ᠭᠡᠵᠤ ᠤᠤ︖   ᠬᠠᠮᠤᠭ ᠭᠤᠶᠣ ᠶᠢ ᠰᠣᠩᠭᠤ᠂ ᠳᠦᠷᠪᠡᠯᠵᠢᠨ ᠣᠯᠠᠭᠠᠨ ᠠᠯᠴᠢᠭᠤᠷ ᠪᠣᠭᠤᠭᠰᠠᠨ ᠢ ᠢᠷᠡᠬᠦᠯᠬᠦ ᠤᠤ︖ ᠶᠡᠭᠡ ᠪᠠᠷ   ᠰᠠᠨᠠᠵᠣ ᠬᠦᠬᠡ ᠪᠠᠷ ᠬᠠᠳᠠ ᠳ᠋ᠠ ᠴᠢ᠂ ᠬᠠᠷ᠎ᠠ ᠬᠦᠦ᠂ ᠬᠦᠬᠡᠷᠬᠡ ᠪᠠᠨ ᠳᠠᠳᠠ︕︾ ᠭᠡᠵᠤ ᠯᠢᠦ ᠨᠠᠷᠠᠨ ᠵᠠᠯᠠᠭᠤ   ᠲᠡᠮᠦᠷᠴᠢᠨ ᠳᠤ ᠬᠡᠯᠡᠬᠡᠳ᠄ ︽ᠡᠬᠡ ᠶᠢᠨ ᠬᠢᠨᠢ᠂ ᠳᠡᠷᠡᠨ ᠳᠤ ᠰᠠᠶᠢᠬᠠᠨ ᠵᠢᠭᠠᠵᠣ ᠦᠭ︕︾ ᠭᠡᠪᠡ᠃       ᠬᠠᠷ᠎ᠠ ᠬᠦᠦ ᠢᠳᠠᠭ ᠳᠠᠳᠠᠭ ᠭᠡᠭᠰᠡᠭᠡᠷ ᠬᠦᠬᠡᠷᠬᠡᠨ ᠤ ᠡᠮᠦᠨ᠎ᠡ ᠣᠴᠢᠵᠣ ᠵᠣᠭᠰᠣᠭᠠᠳ᠂ ᠶᠠᠭᠤ ᠨᠢᠬᠡ ᠶᠢ   ᠭᠤᠷᠢᠳᠠᠭᠰᠠᠨ ᠬᠠᠷᠠᠴᠠ ᠪᠠᠷ ᠡᠪᠦᠬᠡᠨ ᠲᠡᠮᠦᠷᠴᠢᠨ ᠢ ᠰᠢᠷᠳᠡᠪᠡ᠃ ᠡᠪᠦᠬᠡᠨ ᠲᠡᠮᠦᠷᠴᠢᠨ ᠤ ᠴᠢᠷᠠᠢ ᠬᠠᠭᠤᠷᠬᠤ ᠨᠢ   ᠬᠡᠳᠦᠷᠡᠵᠦ ᠰᠢᠳᠠᠭᠳᠠᠭᠰᠠᠨ ᠪᠣᠭᠤᠳᠠᠢ ᠰᠢᠭ᠋᠂ ᠬᠠᠮᠠᠷ ᠤᠨ ᠦᠵᠦᠬᠦᠷ ᠨᠢ ᠪᠣᠯᠪᠠᠰᠣᠷᠠᠭᠰᠠᠨ ᠳᠣᠯᠣᠭᠤᠨ᠎ᠠ ᠰᠢᠭ᠋ ᠠᠵᠢ ᠃   ᠳᠡᠷᠡ ᠣᠷᠣᠭᠰᠢ ᠢᠷᠡᠵᠦ᠂ ᠬᠠᠷ᠎ᠠ ᠬᠦᠦ ᠳᠤ ᠭᠠᠯ ᠳᠦᠯᠡᠬᠦ ᠶᠢᠨ ᠠᠨᠢᠰᠣ ᠶᠢ ᠵᠢᠭᠠᠵᠣ ᠦᠭᠪᠡ᠃ ᠬᠠᠷ᠎ᠠ ᠬᠦᠦ ᠎ ᠶᠢᠨ   ᠴᠢᠬᠢ ᠨᠢ ᠴᠡᠴᠡᠷᠬᠡᠨᠡᠨ ᠬᠦᠳᠡᠯᠵᠦ ᠡᠪᠦᠬᠡᠨ ᠤ ᠦᠭᠡ ᠶᠢ ᠪᠦᠬᠦᠨ ᠢ ᠰᠣᠨᠣᠰᠴᠣ ᠳᠦᠬᠦᠬᠡᠷᠪᠡ᠃     ᠡᠬᠢᠯᠡᠭᠡᠳ ᠬᠦᠬᠡᠷᠭᠡ ᠳᠠᠳᠠᠬᠤ ᠳᠤ ᠭᠠᠷ ᠬᠦᠯ ᠨᠢ ᠰᠠᠮᠭᠠᠷᠳᠠᠭᠠᠳ ᠪᠦᠬᠦ ᠪᠡᠶ᠎ᠡ ᠨᠢ ᠬᠦᠯᠦᠰᠦ ᠪᠣᠯᠵᠣ᠂ ᠭᠠᠯ ᠎ ᠤᠨ   ᠳᠦᠯᠦᠨ ᠳᠤ ᠠᠷᠠᠰᠣ ᠨᠢ ᠵᠡᠬᠦᠦ ᠳᠤ ᠰᠢᠪᠡᠭᠳᠡᠵᠦ ᠪᠠᠶᠢᠬᠤ ᠰᠢᠭ᠋ ᠡᠪᠡᠳᠴᠦ ᠪᠠᠶᠢᠭᠰᠠᠨ ᠴᠦ ᠡᠪᠦᠬᠡᠨ ᠳᠡᠮᠦᠷᠴᠢᠨ ᠤ   ᠴᠢᠷᠠᠢ ᠳᠤ ᠶᠠᠮᠠᠷ ᠢᠯᠡᠷᠡᠯ ᠦᠭᠡᠢ᠂ ᠳᠣᠭᠤᠰᠬ᠎ᠠ ᠰᠢᠭ᠋ ᠬᠦᠬᠡᠶᠢᠬᠡᠳ᠂ ᠬᠠᠷᠠᠬᠤ ᠴᠦ ᠦᠭᠡᠢ ᠪᠠᠶᠢᠯ᠎ᠠ ᠃ ᠬᠠᠷ᠎ᠠ ᠬᠦᠦ   ᠰᠢᠵᠠᠭᠤᠷ ᠢᠶᠠᠨ ᠵᠠᠭᠤᠵᠣ᠂ ᠬᠠᠪ ᠬᠠᠷ᠎ᠠ ᠭᠠᠷ ᠢᠶᠠᠷ ᠢᠶᠠᠨ ᠨᠢᠳᠦᠨ ᠳᠡᠬᠡᠷ᠎ᠡ ᠨᠢ ᠪᠠᠭᠤᠬᠤ ᠬᠦᠯᠦᠰᠦ ᠪᠠᠨ ᠳᠠᠰᠣᠷᠠᠯ   ᠦᠭᠡᠢ ᠠᠷᠴᠢᠵᠣ ᠪᠠᠶᠢᠪᠠ᠃ ᠬᠡᠷᠳᠡᠭᠡᠷ ᠴᠡᠭᠡᠵᠢ ᠨᠢ ᠳᠦᠪᠦᠯᠵᠡᠬᠦ ᠪᠦᠷᠢ ᠳᠤ ᠠᠮᠠ ᠬᠠᠮᠠᠷ ᠎ ᠨᠢ ᠶᠠᠭ ᠬᠦᠬᠡᠷᠬᠡ ᠠᠳᠠᠯᠢ   ᠰᠡᠷᠴᠢᠬᠢᠨᠡᠨ ᠬᠡᠢ ᠭᠠᠷᠣᠨ᠎ᠠ᠃     ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠮᠣᠬᠤᠵᠣ ᠳᠡᠭᠰᠢᠬᠡᠨ ᠪᠣᠯᠣᠭᠰᠠᠨ ᠪᠣᠯᠣᠳ ᠦᠷᠦᠮᠳᠡᠬᠦᠷ ᠢᠶᠠᠨ ᠢᠷᠯᠡᠬᠦᠯᠬᠦ ᠪᠠᠷ   ᠢᠷᠡᠬᠦ ᠳᠡᠭᠡᠨ ᠬᠠᠷ᠎ᠠ ᠬᠦᠦ ᠶᠢ ᠬᠠᠷᠠᠭᠠᠳ᠄ ︽ᠳᠡᠰᠴᠦ ᠳᠡᠶᠢᠯᠦᠨ᠎ᠡ ᠤᠤ︖ ᠳᠡᠶᠢᠯᠬᠦ ᠦᠭᠡᠢ ᠪᠣᠯ ᠬᠡᠯᠡᠬᠡᠷᠡᠢ᠂   ᠣᠴᠢᠵᠣ ᠴᠢᠯᠠᠭᠤ ᠪᠠᠨ ᠬᠡᠮᠬᠡᠴᠡ︕︾ ᠭᠡᠬᠦ ᠳᠤ᠂ ᠬᠠᠷ᠎ᠠ ᠬᠦᠦ ᠶᠠᠳᠠᠵᠣ ᠳᠣᠯᠣᠭᠠᠢ ᠪᠠᠨ ᠴᠦ ᠦᠨᠳᠡᠶᠢᠭᠰᠡᠨ ᠦᠭᠡᠢ᠃       ︽ᠵᠦᠷᠢᠬᠦᠳ ᠰᠢᠬᠡᠰᠦ︕︾ ᠭᠡᠵᠤ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠦᠷᠦᠮᠳᠡᠬᠦᠷ ᠢᠶᠠᠨ ᠭᠠᠵᠠᠷ ᠴᠢᠯᠠᠭᠤᠳᠠᠭᠠᠳ   ᠶᠠᠪᠣᠵᠣ ᠦᠭᠪᠡ᠃ ᠬᠡᠪᠡᠴᠦ ᠣᠳᠠᠯ ᠦᠭᠡᠢ ᠵᠢᠦᠢ ᠽᠢ ᠬᠡᠣᠬᠡᠨ ᠲᠠᠢ ᠴᠤᠭ ᠪᠣᠴᠠᠵᠣ ᠢᠷᠡᠪᠡ᠃ ᠵᠢᠦᠢ ᠽᠢ ᠳᠦᠷᠪᠡᠯᠵᠢᠨ   ᠠᠯᠴᠢᠭᠤᠷ ᠢᠶᠠᠨ ᠬᠦᠵᠦᠬᠦᠦ ᠳᠡᠭᠡᠨ ᠵᠠᠩᠬᠢᠳᠣᠭᠰᠠᠨ ᠢᠶᠠᠷ ᠴᠢᠷᠠᠢ ᠨᠢ ᠨᠡᠩ ᠳᠦᠬᠦᠷᠢᠭ ᠰᠠᠶᠢᠬᠠᠨ ᠬᠠᠷᠠᠭᠳᠠᠨ᠎ᠠ᠃         ᠬᠦᠬᠦᠷᠬᠡᠨ ᠭᠤᠯᠳᠣᠩ ᠳᠠᠬᠢ ᠵᠠᠯᠠᠭᠤ ᠲᠡᠮᠦᠷᠴᠢᠨ ᠤ ᠨᠢᠳᠦᠨ ᠡᠮᠦᠨᠡᠬᠦᠷ ᠬᠡᠷᠡᠯ ᠰᠠᠴᠣᠷᠠᠬᠤ ᠰᠢᠭ᠋ ᠪᠣᠯᠵᠣ   ᠰᠢᠯᠦᠰᠦ ᠪᠠᠨ ᠬᠦᠴᠦᠯᠡᠨ ᠵᠠᠯᠬᠢᠭᠠᠳ᠂ ᠵᠣᠵᠠᠭᠠᠨ ᠭᠡᠭᠴᠢ ᠬᠡᠯᠡ ᠪᠠᠷ ᠢᠶᠠᠨ ᠬᠠᠳᠠᠵᠣ ᠬᠠᠭᠠᠷᠠᠭᠰᠠᠨ ᠣᠷᠣᠭᠤᠯ ᠢᠶᠠᠨ   ᠳᠣᠯᠢᠶᠠᠯᠠᠪᠠ᠃ ᠳᠡᠬᠦᠨ ᠤ ᠬᠤᠶᠠᠷ ᠨᠢᠳᠣ ᠬᠠᠷ᠎ᠠ ᠬᠦᠦ ᠶᠢᠨ ᠠᠴᠠ ᠪᠠᠭ᠎ᠠ ᠦᠭᠡᠢ᠂ ᠬᠡᠪᠡᠴᠦ ᠵᠡᠬᠦᠨ ᠨᠢᠳᠦᠨ ᠳᠤᠨᠢ   ᠨᠣᠭᠤᠰᠣᠨ ᠦᠨᠳᠡᠬᠡᠨ ᠤ ᠦᠩᠬᠡᠳᠡᠢ ︽ᠯᠣᠣᠪᠠᠩ ᠤᠨ ᠴᠡᠴᠡᠭ︾ ᠪᠠᠶᠢᠵᠣ ᠴᠡᠴᠡᠭᠡᠢ ᠶᠢ ᠨᠢ ᠬᠠᠯᠬᠠᠯᠠᠵᠠᠢ᠃ ᠳᠠᠩᠳᠠ   ᠵᠡᠬᠦᠨ ᠨᠢᠳᠦ ᠪᠠᠷ ᠢᠶᠠᠨ ᠶᠠᠭᠤᠮ᠎ᠠ ᠬᠠᠷᠠᠬᠤ ᠪᠣᠯᠬᠤᠷ ᠳᠣᠯᠣᠭᠠᠢ ᠪᠠᠨ ᠪᠠᠷᠠᠭᠤᠨᠰᠢ ᠳᠠᠯᠵᠢᠢᠯᠭᠠᠵᠣ ᠵᠠᠩᠰᠢᠵᠠᠢ᠃ ᠳᠡᠷᠡ  ᠎ ᠪᠠᠷ ᠪᠠᠷᠠᠭᠤᠨ ᠮᠦᠷᠦ ᠪᠠᠨ ᠳᠡᠷᠡᠯᠡᠵᠦ ᠵᠡᠬᠦᠨ ᠨᠢᠳᠦᠨ ᠠᠴᠠ ᠪᠠᠨ ᠬᠠᠯᠠᠭᠤᠨ ᠳᠣᠶᠠᠭ᠎ᠠ ᠣᠶᠢᠯᠣᠰᠭᠤᠯᠣᠨ᠂ ᠬᠡᠣᠬᠡᠨ ᠤ   ᠣᠯᠠᠭ᠎ᠠ ᠪᠣᠳᠠᠷᠠᠭᠰᠠᠨ ᠴᠢᠷᠠᠢ ᠶᠢ ᠡᠭᠴᠡᠯᠡᠨ ᠰᠢᠷᠳᠡᠪᠡ᠃ ᠠᠷᠪᠠᠨ ᠨᠠᠢᠮᠠᠨ ᠹᠦᠨ᠋ᠲ ᠎ ᠶᠢᠨ ᠳᠣᠮᠣ ᠲᠡᠮᠦᠷ ᠠᠯᠤᠬ᠎ᠠ   ᠰᠠᠯᠳᠠᠭᠠᠨ ᠬᠤᠭᠤᠷᠣᠨᠳᠣ ᠨᠢ ᠳᠣᠯᠣᠭᠠᠢ ᠪᠠᠷ ᠢᠶᠠᠨ ᠭᠠᠵᠠᠷ ᠭᠠᠳᠠᠵᠣ᠂ ᠳᠡᠷᠡ ᠪᠠᠷ ᠡᠰᠢ ᠶᠢ ᠨᠢ ᠪᠠᠷᠢᠭᠰᠠᠨ ᠨᠢ ᠲᠠᠶ᠋ᠢᠭ   ᠳᠣᠯᠵᠣ ᠪᠠᠶᠢᠭ᠎ᠠ ᠰᠢᠭ᠋᠃ ᠵᠣᠣᠬᠠᠨ ᠳᠠᠬᠢ ᠭᠠᠯ ᠲᠦᠷᠪᠡᠨ ᠳᠣᠸᠠᠯᠠᠵᠣ᠂ ᠣᠴᠢ ᠲᠠᠢ ᠬᠠᠷ᠎ᠠ ᠣᠳᠤᠭ᠎ᠠ ᠬᠦᠬᠦᠷᠬᠡᠨ ᠳᠤ ᠳᠣᠯᠣᠭᠠᠳ ᠠᠭᠤᠷᠳᠠᠶᠢᠬᠠᠨ   ᠬᠤᠶᠢᠯᠠᠷᠠᠨ ᠪᠣᠴᠠᠨ᠎ᠡ᠃ ᠬᠠᠷ᠎ᠠ ᠬᠦᠦ ᠎ ᠶᠢᠨ ᠴᠢᠷᠠᠢ ᠣᠳᠣᠭᠠᠨ ᠣᠨᠢᠶᠠᠷ ᠲᠤ ᠪᠦᠷᠬᠦᠭᠳᠡᠵᠦ᠂ ᠬᠠᠨᠢᠶᠠᠯᠭᠠᠨ᠂ ᠴᠡᠬᠡᠵᠢ ᠨᠢ   ᠰᠡᠷᠴᠢᠬᠡᠨᠡᠨ᠎ᠡ᠃ ᠡᠪᠦᠬᠡᠨ ᠲᠡᠮᠦᠷᠴᠢᠨ ᠬᠠᠷ᠎ᠠ ᠬᠦᠦ ᠶᠢ ᠬᠦᠢᠳᠡᠨ ᠬᠠᠷᠠᠴᠠ ᠪᠠᠷ ᠰᠢᠷᠪᠢ ᠳᠠᠳᠠᠭᠠᠳ᠂ ᠦᠷᠦᠭᠳᠡᠭᠰᠡᠭᠡᠷ   ᠬᠦᠯᠢᠬᠡᠷ ᠪᠣᠯᠣᠭᠰᠠᠨ ᠬᠠᠷᠮᠠᠨ ᠠᠴᠠ ᠪᠠᠨ ᠳ᠋ᠠᠢ ᠳᠠᠮᠠᠬᠢ ᠪᠠᠨ ᠭᠠᠷᠭᠠᠵᠣ᠂ ᠶᠠᠭᠠᠷᠠᠯ ᠦᠭᠡᠶᠢᠬᠡᠨ ᠳᠠᠮᠠᠬᠢ ᠪᠠᠨ   ᠭᠠᠩᠰᠠᠯᠠᠭᠠᠳ᠂ ᠵᠣᠣᠬᠠᠨ ᠎ ᠠᠴᠠ ᠨᠣᠴᠣᠭᠠᠵᠣ᠂ ᠬᠤᠶᠠᠷ ᠵᠣᠷᠪᠣᠰ ᠴᠠᠭᠠᠨ ᠣᠳᠤᠭ᠎ᠠ ᠶᠢ ᠬᠠᠷ᠎ᠠ ᠣᠳᠣᠭᠠᠨ ᠳᠤ ᠦᠯᠢᠶᠡᠨ   ᠣᠷᠣᠭᠤᠯᠪᠠ᠃ ᠡᠪᠦᠬᠡᠨ ᠤ ᠬᠠᠮᠠᠷ ᠲᠠᠬᠢ ᠬᠠᠷ᠎ᠠ ᠦᠰᠦ ᠴᠡᠴᠡᠷᠬᠡᠨᠡᠨ᠂ ᠣᠳᠣᠭᠠᠨ ᠣᠨᠢᠶᠠᠷ ᠳᠣᠳᠣᠷ᠎ᠠ ᠠᠴᠠ ᠭᠤᠯᠳᠣᠩ  ᠎ ᠤᠨ ᠠᠮᠠᠨ ᠎ ᠳᠤ ᠵᠣᠭᠰᠤᠭ᠎ᠠ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠪᠠ ᠵᠢᠦᠢ ᠽᠢ ᠬᠤᠶᠠᠷ ᠢ ᠬᠠᠶᠢᠩᠭᠤᠬᠠᠨ ᠬᠠᠷᠠᠵᠣ ᠠᠪᠣᠭᠰᠠᠨ  ᠎ ᠢᠶᠠᠨ ᠬᠠᠷ᠎ᠠ ᠬᠦᠦ ᠳᠤ᠄ ︽ᠨᠡᠬᠦᠷᠡᠰᠦ ᠪᠠᠭ᠎ᠠ ᠰᠢᠦ ᠨᠡᠮᠡ᠂ ᠳᠡᠩᠴᠡᠬᠦᠦ ᠰᠢᠭ ᠬᠢ︕︾ ᠭᠡᠪᠡ᠃     ᠬᠠᠷ᠎ᠠ ᠬᠦᠦ ᠬᠦᠬᠡᠷᠬᠡ ᠪᠠᠨ ᠰᠠᠨᠳᠣᠷᠠᠩᠭᠤᠢ ᠳᠠᠳᠠᠵᠣ᠂ ᠳᠣᠷᠠᠩᠬᠠᠢ ᠪᠡᠶ᠎ᠡ ᠨᠢ ᠦᠨᠳᠡᠯᠵᠡᠨ᠂ ᠬᠦᠯᠦᠰᠦᠨ ᠳᠤ   ᠳᠡᠪᠳᠦᠭᠰᠡᠨ ᠴᠡᠬᠡᠵᠢ ᠪᠠ ᠬᠡᠷᠳᠡᠭᠡᠷ ᠬᠠᠪᠢᠷᠭ᠎ᠠ ᠨᠤᠭᠤᠳ ᠨᠢ ᠭᠠᠯ ᠤᠨ ᠭᠡᠷᠡᠯ ᠳᠤ ᠳᠣᠪ ᠳᠣᠳᠣ ᠬᠠᠷᠠᠭᠳᠠᠨ᠂ ᠵᠡᠬᠦᠨ   ᠲᠠᠯ᠎ᠠ ᠶᠢᠨ ᠬᠡᠷᠵᠢᠬᠡᠷ ᠬᠠᠪᠢᠷᠭᠠᠨ ᠤ ᠴᠠᠭᠠᠨ᠎ᠠ ᠠᠴᠠ ᠵᠢᠷᠦᠬᠡ ᠨᠢ ᠵᠢᠭᠠᠬᠠᠨ ᠬᠤᠯᠣᠭᠠᠨ᠎ᠠ ᠳᠡᠪᠬᠡᠴᠡᠬᠦ‍ ᠰᠢᠭ   ᠬᠦᠬᠡᠷᠦᠬᠦᠶᠢᠯᠡᠯᠳᠡᠢ ᠠᠵᠢ᠃ ᠡᠪᠦᠬᠡᠨ ᠲᠡᠮᠦᠷᠴᠢᠨ᠄ ︽ᠣᠷᠳᠣᠬᠠᠨ ᠳᠠᠳᠠ᠂ ᠨᠢᠬᠡᠳ ᠨᠢᠬᠡ ᠪᠠᠷ︕︾ ᠬᠡᠨ᠎ᠡ᠃     ᠵᠢᠦᠢ ᠽᠢ ᠬᠡᠣᠬᠡᠨ ᠬᠠᠷ᠎ᠠ ᠬᠦᠦ ᠶᠢᠨ ᠳᠣᠣᠷᠠᠳᠣ ᠣᠷᠣᠭᠤᠯ ᠠᠴᠠ ᠦᠳᠬᠡᠨ ᠬᠠᠷ᠎ᠠ ᠴᠢᠰᠦ ᠣᠷᠣᠰᠬᠤ ᠶᠢ   ᠬᠠᠷᠠᠭᠠᠳ ᠨᠢᠯᠪᠣᠰᠣ ᠨᠢ ᠵᠠᠶᠢᠷᠯᠠᠵᠣ᠄ ︽ᠬᠠᠷ᠎ᠠ ᠬᠦᠦ᠂ ᠳᠡᠳᠡᠨ ᠲᠠᠢ ᠬᠢᠯᠬᠡᠨ ᠦᠭᠡᠢ᠂ ᠶᠠᠪᠣᠶ᠎ᠠ᠂ ᠣᠴᠢᠵᠣ ᠴᠢᠯᠠᠭᠤ  ᠎ ᠪᠠᠨ ᠬᠡᠮᠬᠡᠴᠡᠶ᠎ᠡ︕︾ ᠭᠡᠵᠤ ᠪᠠᠷᠬᠢᠷᠠᠭᠠᠳ ᠬᠦᠬᠡᠷᠬᠡ ᠶᠢᠨ ᠬᠠᠵᠠᠭᠤᠳᠠ ᠣᠴᠢᠵᠣ ᠬᠠᠷ᠎ᠠ ᠬᠦᠦ ᠶᠢᠨ ᠳᠡᠷᠡᠰᠦ ᠬᠡᠮᠡᠷ   ᠨᠠᠷᠢᠬᠠᠨ ᠬᠠᠷᠢᠳᠣᠨ ᠠᠴᠠ ᠴᠢᠩᠭᠠᠭᠠᠪᠠ᠃ ᠬᠠᠷ᠎ᠠ ᠬᠦᠦ ᠠᠮᠢ ᠴᠦᠯᠡᠨ ᠳᠡᠯᠴᠢᠯᠡᠵᠦ᠂ ᠬᠤᠭᠤᠯᠠᠢ ᠎ ᠨᠢ ᠬᠡᠷᠴᠢᠬᠡᠨᠡᠬᠡᠳ   ᠬᠡᠳᠡᠷ ᠬᠦᠯᠦᠬᠡ ᠬᠡᠮᠡᠷ᠃ ᠳᠡᠬᠦᠨ ᠤ ᠪᠡᠶ᠎ᠡ ᠨᠢ ᠬᠦᠩᠬᠡᠨ ᠪᠣᠯᠬᠤᠷ ᠬᠡᠣᠬᠡᠨ ᠰᠣᠭᠤᠳᠠᠨ ᠡᠷᠬᠦᠵᠦ ᠠᠪᠣᠭᠠᠳ ᠭᠤᠯᠳᠣᠩ  ᠎ ᠠᠴᠠ ᠭᠠᠷᠪᠠ᠃ ᠬᠠᠷ᠎ᠠ ᠬᠦᠦ ᠶᠢᠨ ᠳᠠᠷᠰᠠᠭᠠᠷ ᠦᠯᠮᠡᠢ ᠨᠢ ᠭᠠᠵᠠᠷ ᠴᠢᠷᠦᠭᠳᠡᠨ ᠴᠢᠯᠠᠭᠤᠨ ᠬᠡᠮᠬᠡᠳᠡᠭ ᠢ ᠱᠠᠷᠴᠢᠬᠢᠨᠠᠭᠤᠯᠵᠣ   ᠪᠠᠶᠢᠯ᠎ᠠ᠃     ︽ᠬᠠᠷ᠎ᠠ ᠬᠦᠦ᠂ ᠳᠡᠳᠡᠨ ᠲᠠᠢ ᠬᠢᠯᠬᠡᠨ ᠦᠭᠡᠢ᠂ ᠴᠢ ᠣᠳᠣᠭᠳᠠᠬᠤ ᠶᠢ ᠳᠠᠭᠠᠭᠠᠵᠣ ᠳᠡᠶᠢᠯᠬᠦ ᠦᠭᠡᠢ᠂ ᠡᠶᠢᠮᠣ   ᠳᠣᠷᠠᠩᠬᠠᠢ ᠶᠤᠮ ᠴᠢᠨᠢ ᠬᠦᠯᠦᠰᠦ ᠴᠢᠨᠢ ᠣᠷᠣᠰᠣᠭᠠᠳ ᠪᠠᠷᠠᠪᠠᠯ ᠳᠣᠭᠤᠭᠠᠨ ᠬᠤᠰᠣᠮ ᠯᠠ ᠦᠯᠡᠳᠡᠨ᠎ᠡ ᠰᠢᠦ᠂ ᠬᠠᠰᠢᠯᠠ   ᠡᠬᠡᠴᠢ ᠲᠠᠢ ᠪᠠᠨ ᠣᠴᠢᠵᠣ ᠴᠢᠯᠠᠭᠤ ᠬᠡᠮᠬᠡᠴᠡᠭᠰᠡᠨ ᠨᠢ ᠬᠦᠩᠬᠡᠨ ᠠᠵᠣ︕︾ ᠭᠡᠵᠤ ᠬᠡᠣᠬᠡᠨ ᠬᠡᠯᠡᠬᠦ ᠎ ᠶᠢᠨ ᠳᠠᠭᠠᠣ   ᠳᠡᠬᠦᠨ ᠢ ᠳᠠᠯᠪᠢᠵᠣ᠂ ᠲᠠᠯ᠎ᠠ ᠭᠠᠷ ᠢᠶᠠᠷ ᠢᠶᠠᠨ ᠬᠦᠳᠦᠯᠦᠨ ᠴᠢᠯᠠᠭᠤᠨ ᠣᠪᠣᠭ᠎ᠠ ᠳᠡᠶᠢᠰᠢ ᠶᠠᠪᠣᠪᠠ᠃ ᠬᠡᠣᠬᠡᠨ ᠤ ᠭᠠᠷ ᠨᠢ   ᠪᠦᠳᠦᠬᠦᠨ᠂ ᠲᠠᠷ ᠲᠠᠢ᠂ ᠬᠡᠬᠦ ᠳᠡᠭᠡᠨ ᠶᠡᠭᠡ ᠵᠦᠬᠡᠯᠡᠨ᠂ ᠬᠠᠷ᠎ᠠ ᠬᠦᠦ ᠶᠢᠨ ᠴᠠᠷᠪᠠᠭᠤ ᠠᠴᠠ ᠢᠰᠢᠬᠡ ᠰᠢᠬᠢᠷᠡᠳᠡᠭᠰᠡᠨ   ᠰᠢᠭ᠋ ᠠᠳᠬᠤᠵᠣ ᠪᠠᠶᠢᠯ᠎ᠠ᠃ ᠬᠠᠷ᠎ᠠ ᠬᠦᠦ ᠠᠷᠣᠨᠰᠢ ᠰᠠᠭᠤᠵᠣ᠂ ᠦᠰᠦᠬᠡᠢ ᠨᠢ ᠭᠠᠵᠠᠷ ᠳᠡᠬᠡᠷᠡᠬᠢ ᠴᠢᠯᠠᠭᠤᠨ ᠬᠡᠮᠬᠡᠳᠡᠭ ᠢ   ᠱᠠᠷᠴᠢᠬᠢᠨᠠᠭᠤᠯᠣᠨ᠎ᠠ᠃ ︽ᠵᠢᠭᠠᠬᠠᠨ ᠳᠡᠨᠡᠭ ᠮᠢᠨᠢ᠂ ᠨᠠᠮᠠᠢᠢ ᠰᠠᠶᠢᠬᠠᠨ ᠳᠠᠭᠠᠭᠠᠳ ᠶᠠᠪᠤ︾ ᠭᠡᠵᠤ ᠬᠡᠣᠬᠡᠨ ᠠᠯᠬᠤᠮ ᠢᠶᠠᠨ   ᠵᠣᠭᠰᠣᠵᠣ᠂ ᠪᠡᠶ᠎ᠡ ᠡᠷᠬᠢᠨ ᠬᠡᠯᠡᠬᠦ ᠳᠡᠭᠡᠨ ᠬᠠᠷ᠎ᠠ ᠬᠦᠦ ᠶᠢᠨ ᠪᠠᠭᠤᠣ ᠶᠢ ᠬᠦᠴᠦᠳᠡᠢ ᠠᠳᠬᠤᠨ᠄ ︽ᠮᠠᠭᠤ ᠬᠦᠯᠦᠬᠡ ᠶᠢ   ᠦᠵᠡ ᠬᠡᠮ᠂ ᠪᠢ ᠬᠦᠴᠦ ᠭᠠᠷᠭᠠᠬᠤ ᠶᠤᠮ ᠪᠣᠯ ᠬᠤᠭᠤ ᠠᠳᠬᠤᠴᠢᠬᠠᠨ᠎ᠠ᠂ ᠳᠡᠶᠢᠮᠣ ᠬᠦᠨᠳᠦ ᠠᠵᠢᠯ ᠢ ᠴᠢ ᠬᠢᠵᠦ   ᠳᠡᠶᠢᠯᠬᠦ ᠶᠤᠮ ᠤᠤ︖︾ ᠬᠡᠪᠡ᠃ ᠬᠠᠷ᠎ᠠ ᠬᠦᠦ ᠳᠡᠬᠦᠨ ᠢ ᠮᠠᠭᠤᠬᠠᠢ ᠬᠠᠷᠠᠵᠣ ᠠᠪᠣᠭᠠᠳ ᠪᠦᠬᠦᠶᠢᠮᠡᠭᠴᠡ ᠪᠠᠨ ᠬᠡᠣᠬᠡᠨ  ᠎ ᠤ ᠪᠠᠭᠤᠣ ᠶᠢ ᠭᠠᠶᠢᠭᠤᠢ ᠨᠢᠬᠡ ᠬᠠᠵᠠᠪᠠ᠃ ᠬᠡᠣᠬᠡᠨ ︽ᠶᠣ︾ ᠭᠡᠵᠤ ᠳᠠᠭᠤ ᠠᠯᠳᠠᠨ ᠭᠠᠷ ᠢᠶᠠᠨ ᠳᠠᠯᠪᠢᠬᠤ ᠵᠠᠭᠤᠷ᠎ᠠ   ᠬᠠᠷ᠎ᠠ ᠬᠦᠦ ᠪᠡᠶ᠎ᠡ ᠡᠷᠬᠢᠨ ᠪᠣᠴᠠᠵᠣ ᠬᠦᠶᠦᠵᠦ ᠣᠷᠣᠪᠠ᠃     ᠬᠠᠷ᠎ᠠ ᠬᠦᠦ ᠶᠢᠨ ᠰᠢᠳᠦ ᠬᠤᠷᠴᠠ ᠬᠡᠳᠡᠭ ᠨᠢ᠂ ᠬᠡᠣᠬᠡᠨ ᠤ ᠪᠠᠭᠤᠣ ᠳᠡᠬᠡᠷ᠎ᠡ ᠬᠦᠨ ᠭᠡᠭᠴᠢ ᠬᠤᠶᠠᠷ ᠮᠦᠷ   ᠰᠢᠳᠦᠨ ᠤ ᠣᠷᠣᠮ ᠭᠠᠷᠴᠠᠢ᠃ ᠬᠠᠷ᠎ᠠ ᠬᠦᠦ ᠶᠢᠨ ᠡᠬᠦᠳᠡᠨ ᠰᠢᠳᠦᠨ ᠤ ᠬᠠᠵᠠᠭᠤ ᠶᠢᠨ ᠬᠤᠶᠠᠷ ᠰᠣᠶᠤᠭ᠎ᠠ ᠨᠢ ᠬᠡᠣᠬᠡᠨ  ᠎ ᠤ ᠪᠠᠭᠤᠣ ᠳᠡᠬᠡᠷ᠎ᠡ ᠨᠦᠬᠡ ᠴᠣᠭᠤᠯᠣᠨ ᠴᠢᠰᠦ ᠭᠠᠷᠭᠠᠵᠠᠢ᠃ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠣᠷᠣᠭᠰᠢ ᠣᠴᠢᠵᠣ   ᠦᠩᠬᠢᠴᠢᠭᠳᠡᠭᠰᠡᠨ ᠭᠠᠷ ᠠᠯᠴᠢᠭᠤᠷ ᠭᠠᠷᠭᠠᠨ ᠬᠡᠣᠬᠡᠨ ᠤ ᠰᠢᠷᠬ᠎ᠠ ᠶᠢ ᠪᠣᠭᠤᠵᠣ ᠦᠭᠬᠦ ᠬᠡᠪᠡᠯ ᠬᠡᠣᠬᠡᠨ ᠳᠦᠯᠬᠢᠵᠦ   ᠵᠠᠶᠢᠯᠠᠭᠤᠯᠣᠭᠠᠳ᠂ ᠬᠠᠯᠠᠮᠵᠢᠯᠠᠵᠣ ᠢᠷᠡᠭᠰᠡᠨ ᠳᠡᠬᠦᠨ ᠬᠠᠷᠠᠭᠰᠠᠨ ᠴᠦ ᠦᠭᠡᠢ ᠪᠠᠷ ᠪᠡᠶ᠎ᠡ ᠪᠦᠬᠦᠶᠢᠨ ᠭᠠᠵᠠᠷ ᠠᠴᠠ ᠰᠢᠷᠣᠢ   ᠠᠳᠬᠤᠵᠣ ᠰᠢᠷᠬᠠᠨ ᠳᠡᠬᠡᠷ᠎ᠡ ᠪᠠᠨ ᠳᠠᠷᠣᠪᠠ᠃     ︽ᠫᠺᠠᠲ᠋ᠧᠷᠢ ᠲᠠᠢ ᠰᠢᠦ︕︾ ᠭᠡᠵᠤ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ ᠰᠣᠴᠢᠨ ᠪᠠᠷᠬᠢᠷᠠᠪᠠ᠃       ᠬᠡᠣᠬᠡᠨ ᠣᠨᠳᠣᠢ ᠰᠣᠨᠳᠣᠢ ᠴᠢᠯᠠᠭᠤᠨ ᠣᠪᠣᠭᠠᠨ ᠤ ᠡᠮᠦᠨ᠎ᠡ ᠪᠣᠴᠠᠵᠣ ᠣᠴᠢᠭᠠᠳ ᠰᠠᠭᠤᠳᠠᠯ ᠢᠶᠠᠨ ᠡᠷᠢᠨ   ᠰᠠᠭᠤᠵᠣ᠂ ᠭᠤᠣᠯ ᠤᠨ ᠣᠰᠣᠨ ᠤ ᠮᠢᠷᠠᠯᠵᠠᠵᠣ ᠪᠠᠷᠠᠰᠢ ᠦᠭᠡᠢ ᠢᠷᠠᠯᠵᠠᠭ᠎ᠠ ᠶᠢ ᠬᠠᠷᠠᠵᠣ᠂ ᠴᠢᠯᠠᠭᠤ ᠪᠠᠨ ᠴᠦ ᠬᠡᠮᠬᠡᠯᠡᠯ   ᠦᠭᠡᠢ ᠬᠦᠯᠢᠷᠡᠪᠡ᠃     ︽ᠦᠵᠡ ᠬᠡᠮ᠂ ᠪᠠᠰᠠ ᠨᠢᠬᠡ ᠨᠢ ᠳᠦᠵᠢᠷᠡᠭᠡ ᠪᠣᠯᠴᠢᠬᠠᠯ᠎ᠠ︕︾     ︽ᠬᠠᠷ᠎ᠠ ᠬᠦᠦ ᠠᠳᠠ ᠶᠢᠨ ᠣᠪᠠᠳᠢᠰ ᠲᠠᠢ ᠴᠦ ᠮᠠᠭᠠᠳ︕︾       ᠪᠦᠰᠡᠬᠦᠶᠢᠴᠦᠳ ᠴᠢᠬᠢ ᠴᠢᠬᠢ ᠪᠠᠨ ᠵᠠᠭᠤᠯᠴᠠᠨ ᠰᠢᠪᠡᠨᠡᠯᠳᠦᠨ᠎ᠡ᠃       ︽ᠬᠠᠷ᠎ᠠ ᠬᠦᠦ᠂ ᠴᠢ ᠦᠩᠬᠦᠷᠢᠳᠦᠨ ᠭᠠᠷᠴᠣ ᠢᠷ᠎ᠡ︕ ᠮᠠᠭᠤ ᠬᠦᠯᠦᠬᠡ ᠴᠢ︕ ᠡᠷᠬᠢᠬᠦᠦ ᠨᠣᠬᠠᠢ ᠡᠵᠡᠨ ᠎ ᠢᠶᠠᠨ   ᠬᠠᠵᠠᠨ᠎ᠠ ᠭᠡᠵᠢ᠂ ᠬᠦᠮᠦᠨ ᠤ ᠰᠠᠶᠢᠨ ᠢ ᠮᠡᠳᠡᠬᠦ ᠦᠭᠡᠢ︕︾ ᠭᠡᠵᠤ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠳᠠᠷᠬᠠᠨ ᠬᠠᠷᠢᠶᠠᠯ   ᠳᠠᠯᠪᠢᠭᠰᠠᠭᠠᠷ ᠲᠡᠮᠦᠷᠴᠢᠨ ᠤ ᠵᠣᠤᠬ᠎ᠠ ᠪᠣᠢ ᠭᠤᠯᠳᠣᠩ ᠵᠦᠭ ᠶᠠᠪᠣᠪᠠ᠃ ᠠᠪᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠪᠣᠵᠠᠷ ᠮᠦᠷᠳᠡᠭᠡᠨ ᠬᠠᠪ ᠬᠠᠯᠠᠭᠤᠨ ᠣᠰᠣ ᠰᠠᠴᠣᠭᠳᠠᠨ ᠭᠠᠷᠴᠣ ᠢᠷᠡᠭᠡᠳ ᠪᠢᠴᠢᠬᠠᠨ   ᠴᠢᠯᠠᠭᠤᠨ ᠳᠠᠷᠬᠠᠨ ᠢ ᠱᠠᠯᠪᠠᠶᠢᠯᠭᠠᠪᠠ᠃ ᠣᠴᠢᠬᠤ ᠴᠢᠭ ᠰᠠᠴᠣᠬᠤ ᠵᠦᠭ ᠶᠠᠭ ᠳᠠᠭᠠᠷᠠᠭᠰᠠᠨ ᠢᠶᠠᠷ ᠳᠣᠰᠣᠯ ᠣᠰᠣ ᠴᠦ   ᠪᠦᠷᠢᠯᠬᠡᠭᠳᠡᠭᠰᠡᠨ ᠦᠭᠡᠢ᠃ ᠴᠢᠯᠠᠭᠤᠨ ᠲᠠᠷᠬᠠᠨ ᠤ ᠵᠦᠬᠡᠯᠡᠨ ᠰᠢᠷ᠎ᠠ ᠦᠰᠦ᠂ ᠢᠯᠬᠢᠨ ᠮᠠᠶ᠋ᠢᠭ ᠤᠨ ᠰᠢᠷᠢᠩᠬᠢ ᠬᠦᠷᠮ᠎ᠡ᠂   ᠲᠠᠮᠢᠷᠴᠢᠨ ᠎ ᠤ ᠳᠡᠯᠬᠡᠮᠡᠯ ᠵᠠᠭᠠᠮ᠎ᠠ ᠲᠠᠢ ᠣᠯᠠᠭᠠᠨ ᠴᠠᠮᠴᠠ ᠨᠢ ᠪᠦᠷ ᠲᠡᠮᠦᠷ ᠤᠨ ᠦᠷᠦᠪᠳᠡᠰᠦ ᠪᠠ ᠨᠡᠬᠦᠷᠡᠰᠦᠨ ᠦᠨᠡᠰᠦᠨ  ᠎ ᠳᠤ ᠪᠢᠯᠳᠠᠵᠣ᠂ ᠪᠣᠵᠠᠷ ᠣᠰᠣ ᠳᠣᠯᠣᠭᠠᠢ ᠠᠴᠠ ᠨᠢ ᠬᠦᠯ ᠣᠷᠣᠭᠤ ᠨᠢ ᠭᠤᠷᠤᠬ᠎ᠠ ᠰᠢᠭ᠋ ᠣᠷᠣᠰᠣᠨ᠎ᠠ᠃     ︽ᠨᠢᠳᠦ ᠴᠢᠨᠢ ᠨᠦᠬᠡ ᠪᠣᠯᠴᠢᠬᠠᠪᠠ ᠤᠤ︖ ᠬᠡᠨ ᠶᠤᠮ︖︾ ᠭᠡᠭᠰᠡᠭᠡᠷ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠲᠠᠷᠬᠠᠨ   ᠭᠤᠯᠳᠣᠩ ᠳᠤ ᠳᠠᠭᠠᠷᠢᠵᠣ ᠣᠷᠣᠪᠠ᠃ ᠳᠡᠬᠦᠨ ᠢ ᠣᠶᠢᠰᠢᠶᠠᠭᠰᠠᠨ ᠬᠦᠮᠦᠨ ᠦᠭᠡᠢ᠃ ᠭᠤᠯᠳᠣᠩ ᠳᠠᠬᠢ ᠬᠠᠷ᠎ᠠ ᠣᠳᠤᠭ᠎ᠠ ᠵᠠᠮᠬᠠᠷᠠᠵᠣ᠂ ᠵᠣᠤᠬ᠎ᠠ ᠶᠢᠨ ᠭᠠᠯ ᠶᠠᠭ   ᠰᠠᠶᠢᠬᠠᠨ ᠳᠦᠷᠡᠯᠵᠡᠬᠡᠳ᠂ ᠪᠣᠷᠣ ᠣᠯᠠᠭᠠᠨ ᠦᠩᠬᠡᠳᠡᠢ ᠡᠪᠦᠬᠡᠨ ᠲᠡᠮᠦᠷᠴᠢᠨ ᠣᠷᠳᠣ ᠭᠡᠭᠴᠢ ᠲᠡᠮᠦᠷ ᠤᠨ ᠵᠠᠭᠤᠳᠠᠭ ᠢᠶᠠᠷ   ᠰᠢᠳᠠᠭᠳᠠᠭᠠᠳ ᠨᠡᠪᠳᠡ ᠴᠠᠶᠢᠷᠠᠭᠰᠠᠨ ᠦᠷᠦᠮᠳᠡᠬᠦᠷ ᠢ ᠵᠣᠣᠬᠠᠨ ᠠᠴᠠ ᠭᠠᠷᠭᠠᠵᠣ ᠪᠠᠶᠢᠪᠠ᠃ ᠦᠷᠦᠮᠳᠡᠬᠦᠷ ᠤᠨ ᠦᠵᠦᠬᠦᠷ   ᠫᠢᠱ ᠫᠠᠱ ᠬᠢᠨ ᠨᠢᠳᠦ ᠡᠷᠢᠶᠡᠯᠵᠡᠮ᠎ᠡ ᠪᠣᠯᠣᠳ ᠣᠴᠢ ᠰᠠᠳᠠᠷᠠᠨ᠎ᠠ᠃ ᠡᠪᠦᠬᠡᠨ ᠲᠡᠮᠦᠷᠴᠢᠨ ᠦᠷᠦᠮᠳᠡᠬᠦᠷ ᠢ ᠳᠦᠰᠢ   ᠳᠡᠬᠡᠷ᠎ᠡ ᠳᠠᠯᠪᠢᠵᠣ᠂ ᠵᠢᠵᠢᠭ ᠠᠯᠤᠬ᠎ᠠ ᠪᠠᠷ ᠦᠷᠦᠮᠳᠡᠬᠦᠷ ᠤᠨ ᠬᠦᠪᠡᠭᠡ ᠶᠢ ᠳᠡᠯᠡᠰᠦᠭᠰᠡᠨ ᠳᠤ ᠦᠷᠦᠮᠳᠡᠬᠦᠷ ᠴᠠᠩᠬᠢᠨᠠᠮ᠎ᠠ   ᠳᠠᠭᠤ ᠭᠠᠷᠪᠠ᠃ ᠡᠪᠦᠬᠡᠨ ᠵᠡᠬᠦᠨ ᠭᠠᠷ ᠲᠠᠬᠢ ᠣᠷᠳᠣ ᠵᠠᠭᠤᠳᠠᠭ ᠢᠶᠠᠷ ᠢᠶᠠᠨ ᠦᠷᠦᠮᠳᠡᠬᠦᠷ ᠢ ᠬᠠᠪᠴᠢᠵᠣ ᠰᠠᠨᠠᠭ᠎ᠠ ᠪᠠᠷ  ᠎ ᠢᠶᠠᠨ ᠣᠷᠪᠠᠭᠤᠯᠵᠣ ᠬᠦᠷᠪᠡᠬᠦᠯᠦᠨ᠂ ᠪᠠᠭ᠎ᠠ ᠠᠯᠤᠬ᠎ᠠ ᠪᠠᠷ ᠢᠶᠠᠨ ᠪᠣᠯᠣᠳ ᠦᠷᠦᠮᠳᠡᠬᠦᠷ ᠢ ᠳᠦᠷᠬᠡᠨ ᠳᠦᠷᠭᠡᠨ   ᠳᠣᠭᠰᠢᠨ᠎ᠠ᠃   ︵  ᠁ ᠂ ᠲᠤ᠋ · ᠰᠡᠴᠡᠨᠪᠠᠶᠠᠷ ᠤᠷᠴᠢᠭᠤᠯᠪᠠ︶                             ︵ᠦᠷᠭᠦᠯᠵᠢᠯᠡᠯ ᠪᠤᠢ︶
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
 
ᠮᠤᠩᠭᠤᠯ
ᠴᠢᠮ᠎ᠠ ᠳᠤ ᠬᠡᠯᠡᠮᠡᠷ ᠬᠡᠳᠥᠨ ᠥᠭᠡ
ᠰᠡᠳᠬᠢᠯ ᠬᠡᠳᠡᠭ
ᠴᠤᠤᠯ ᠭᠤᠤᠯ — ᠪᠤᠯᠤᠷ ᠷᠠᠰᠢᠶᠠᠨ
ᠵᠠᠯᠠᠶᠢᠤᠨ ᠤᠨ ᠮᠠᠭᠳᠠᠭᠠᠯ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号