| ︽ᠬᠠᠰᠠᠭ ᠲᠡᠷᠭᠡᠨ ᠤ ᠮᠦᠷ ᠲᠠᠮᠠᠭᠠᠯᠠᠭᠰᠠᠨ | ᠬᠠᠨᠠᠭᠠᠷ ᠠᠭᠤᠳᠠᠮ ᠲᠠᠯᠠ ᠮᠢᠨᠢ | ᠲᠡᠮᠡᠭᠡᠨ ᠵᠢᠩ ᠤᠨ ᠴᠦᠷᠬᠡᠯᠡᠭᠡ ᠴᠤᠪᠤᠷᠠᠭᠰᠠᠨ | ᠲᠩᠷᠢ ᠤᠩᠭᠤᠨ ᠲᠠᠯᠠ ᠨᠤᠲᠤᠭ ᠮᠢᠨᠢ︾ ᠭᠡᠬᠦ ᠳᠠᠭᠤᠤ ᠶᠢᠨ ᠦᠭᠡ ᠴᠢᠬᠢᠨ ᠳᠤ ᠰᠤᠨᠤᠰᠳᠠᠬᠤ ᠲᠠᠢ ᠵᠡᠷᠭᠡ | ᠳᠠᠶᠢᠴᠢᠨᠲᠠᠯᠠ ᠨᠤᠲᠤᠭ ᠮᠢᠨᠢ ᠨᠢᠳᠤᠨ ᠳᠤ ᠲᠤᠳᠤᠷᠠᠨᠠ᠃ ᠪᠢ ᠪᠣᠯ ᠳᠠᠶᠢᠴᠢᠨᠲᠠᠯᠠ ᠨᠤᠲᠤᠭ ᠤᠨ ᠢᠶᠠᠨ ᠡᠯᠢᠭᠡᠨ ᠳᠤ | ᠤᠨᠠᠵᠤ᠂ ᠡᠩᠭᠡᠷ ᠲᠤ ᠨᠢ ᠲᠤᠷᠨᠢᠭᠰᠠᠨ ᠬᠦᠮᠦᠨ ᠶᠤᠮ᠃ ᠮᠦᠨ ᠴᠤ ᠡᠭᠦᠨ ᠠᠴᠠ ᠪᠤᠯᠵᠤ ᠨᠤᠲᠤᠭ ᠤᠨ ᠢᠶᠠᠨ ᠨᠢᠭᠡ | ᠠᠳᠬᠤ ᠰᠢᠷᠤᠢ᠂ ᠨᠢᠭᠡ ᠳᠣᠰᠣᠯ ᠣᠰᠣᠨ ᠳᠤ ᠨᠢ ᠪᠦᠷ ᠭᠦᠨ ᠭᠡᠭᠴᠢ ᠬᠠᠶᠢᠷᠠ ᠮᠥᠷᠥᠭᠡᠳᠦᠯ ᠠᠭᠤᠯᠳᠠᠭ᠃ | ᠳᠠᠶᠢᠴᠢᠨᠲᠠᠯᠠ ᠭᠡᠳᠡᠭ ᠨᠢ᠂ ᠮᠤᠩᠭᠤᠯ ᠦᠭᠡᠨ ᠳᠤ ︽ᠪᠠᠭᠠᠲᠤᠷ ᠤᠨ ᠲᠠᠯᠠ ᠨᠤᠲᠤᠭ︾ ᠭᠡᠬᠦ ᠣᠳᠬᠠ ᠲᠠᠢ | ᠭᠡᠵᠦ ᠨᠤᠲᠤᠭ ᠤᠨ ᠦᠲᠡᠭᠦᠰ ᠨᠠᠰᠤᠲᠠᠳ ᠤᠨ ᠬᠡᠯᠡᠯᠴᠡᠭᠡᠨ ᠠᠴᠠ ᠰᠤᠨᠤᠰᠣᠯᠠ᠃ ᠲᠠᠯᠠ ᠭᠠᠵᠠᠷ ᠥᠷᠭᠡᠨ | ᠪᠠᠶᠢᠭᠰᠠᠨ ᠠᠴᠠ ᠪᠤᠯᠪᠠ ᠤᠤ︖ ᠪᠠᠭᠠᠲᠣᠷ ᠬᠦᠮᠦᠨ ᠤᠯᠠᠨ ᠪᠠᠶᠢᠭᠰᠠᠨ ᠠᠴᠠ ᠪᠤᠯᠪᠠ ᠤᠤ︖ ᠮᠠᠨ ᠤ | ᠨᠤᠲᠤᠭ ᠲᠤ ᠡᠶᠢᠮᠦ ᠨᠡᠷᠡ ᠣᠯᠭᠤᠭᠰᠠᠨ ᠭᠡᠵᠤ ᠪᠢ ᠪᠣᠳᠣᠳᠠᠭ᠃ | ᠳᠠᠶᠢᠴᠢᠨᠲᠠᠯᠠ ᠨᠤᠲᠤᠭ ᠤᠨ ᠪᠠᠲᠤᠴᠠᠭᠠᠨ᠂ ᠸᠠᠩ ᠤᠨ ᠤᠷᠳᠤᠨ᠂ ᠵᠢᠷᠦᠬᠡᠨ ᠠᠭᠤᠯᠠ᠂ ᠲᠠᠪᠤᠨ ᠲᠤᠯᠤᠭᠠᠳ | ᠠᠭᠤᠯᠠ ᠭᠡᠪᠡᠯ ᠮᠡᠳᠡᠬᠦ ᠦᠭᠡᠢ ᠬᠦᠮᠦᠨ ᠠᠯᠠᠭᠠ᠃ ᠸᠠᠩ ᠤᠨ ᠤᠷᠳᠤᠨ ᠨᠢ ᠬᠡᠳᠦᠨ ᠦᠶᠡ ᠶᠢᠨ ᠲᠦᠰᠢᠶᠡᠲᠦ ᠸᠠᠩ | ᠰᠠᠭᠤᠷᠰᠢᠭᠰᠠᠨ ᠠᠴᠠ ᠪᠤᠯᠵᠤ ︽ᠸᠠᠩ ᠤᠨ ᠤᠷᠳᠤᠨ︾ ᠬᠡᠮᠡᠭᠳᠡᠵᠠᠢ᠃ ᠭᠡᠪᠡᠴᠦ ᠰᠣᠶᠥᠯ ᠤᠨ ᠶᠡᠭᠡ | ᠬᠤᠪᠢᠰᠬᠠᠯ ᠤᠨ ᠭᠡᠴᠡᠬᠦᠤ ᠴᠠᠭ ᠡᠷᠡᠨ ᠳᠤ ᠸᠠᠩ ᠤᠨ ᠣᠷᠳᠣᠨ ᠪᠠᠰᠠ ᠲᠦᠯᠬᠢᠭᠳᠡᠨ ᠤᠨᠠᠭᠠᠭᠳᠠᠭᠰᠠᠨ ᠪᠠᠶᠢᠨᠠ᠃ | ᠤᠷᠢᠳ ᠬᠡᠳᠤᠨ ᠵᠢᠯ ᠨᠦᠬᠦᠴᠡᠯ ᠰᠠᠶᠢᠵᠢᠷᠠᠭᠠᠳ ᠮᠠᠨ ᠤ ᠨᠤᠲᠤᠭ ᠲᠤ ᠸᠠᠩ ᠤᠨ ᠤᠷᠳᠤᠨ ᠰᠥᠨᠳᠡᠷᠯᠡᠨ ᠪᠣᠰᠣᠭᠰᠠᠨ | ᠪᠠᠶᠢᠨᠠ᠂ ᠸᠠᠩ ᠤᠨ ᠤᠷᠳᠣᠨ ᠤ ᠪᠠᠷᠢᠯᠭᠠ ᠶᠢᠨ ᠬᠡᠪ ᠮᠠᠶ᠋ᠢᠭ ᠨᠢ ᠶᠠᠭ ᠯᠡ ᠪᠡᠭᠡᠵᠢᠩ ᠤᠨ ᠸᠠᠩ ᠤᠨ ᠤᠷᠳᠤᠨ | ᠠᠳᠠᠯᠢᠪᠲᠤᠷ᠂ ᠭᠡᠪᠡᠴᠦ ᠬᠡᠪᠴᠢᠶᠡ ᠨᠢ ᠪᠠᠭᠠ ᠰᠢᠬ ᠪᠤᠯᠬᠤ ᠶᠢ ᠪᠢ ᠡᠪᠦᠭᠡ ᠠᠴᠠ ᠪᠠᠨ ᠣᠯᠵᠤ ᠰᠤᠨᠤᠰᠤᠯᠠ᠃ | ᠸᠠᠩ ᠤᠨ ᠤᠷᠳᠣᠨ ᠪᠤᠯ ᠨᠢᠭᠡᠨ ᠰᠦᠷᠯᠢᠭᠦᠨ ᠪᠠᠷᠢᠯᠭᠠ ᠪᠢᠯᠠ᠃ | ᠬᠠᠪᠣᠷ ᠪᠣᠯᠪᠠᠯ ᠠᠭᠤᠷ ᠠᠮᠢᠰᠬᠤᠯ ᠳᠣᠯᠠᠭᠠᠷᠠᠵᠤ᠂ ᠲᠦᠰᠢᠯᠭᠡ ᠪᠣᠯᠵᠤ ᠪᠠᠶᠢᠭᠠ ᠵᠢᠷᠦᠬᠡᠨ ᠠᠭᠤᠯᠠ᠂ ᠲᠠᠪᠤᠨ | ᠲᠤᠯᠤᠭᠠᠳ ᠠᠭᠤᠯᠠ ᠬᠦᠬᠡᠷᠡᠵᠦ᠂ ᠭᠦᠢᠯᠡᠰᠦᠨ ᠴᠡᠴᠡᠭ ᠪᠠ ᠠᠯᠢᠮᠠᠨ ᠴᠡᠴᠡᠭ ᠡᠷᠴᠢ ᠪᠤᠯᠢᠶᠠᠯᠳᠤᠨ ᠳᠡᠯᠭᠡᠷᠡᠵᠦ᠂ | ᠡᠬᠡ ᠨᠤᠲᠤᠭ ᠤᠨ ᠠᠯᠢᠪᠠ ᠪᠦᠬᠦᠨ ᠡᠷᠳᠡᠨᠢ ᠶᠢᠨ ᠯᠠ ᠪᠢᠷ ᠢᠶᠠᠷ ᠪᠤᠳᠤᠭᠰᠠᠨ ᠰᠢᠬ ᠣᠷᠮᠠ ᠵᠤᠷᠢᠭ ᠢ ᠬᠥᠭᠵᠢᠭᠡᠳᠡᠭ᠃ | ᠡᠨᠡ ᠦᠶᠡᠰ ᠪᠤᠯᠤᠭᠰᠠᠭᠠᠷ ᠲᠠᠷᠢᠶᠠᠴᠢᠨ ᠠᠪᠠᠭᠠ ᠨᠠᠷ ᠮᠢᠨᠢ ︽ᠡᠨᠡ ᠵᠢᠯ ᠭᠦᠢᠯᠡᠰᠦᠨ ᠴᠡᠴᠡᠭ ᠤᠯᠠᠨ ᠳᠡᠯᠭᠡᠷᠡᠯᠡ᠂ | ᠲᠠᠷᠢᠶᠠ ᠡᠯᠪᠡᠭ ᠬᠤᠷᠢᠶᠠᠬᠤ ᠨᠢ ᠡ︾ ᠭᠡᠵᠤ ᠨᠢᠭᠤᠷ ᠳᠦᠭᠦᠷᠡᠩ ᠪᠠᠶᠠᠰᠦᠯ ᠲᠠᠢ ᠶᠠᠷᠢᠬᠤ ᠨᠢ ᠦᠷᠬᠦᠯᠵᠢ ᠴᠢᠬᠢᠨ ᠳᠤ | ᠰᠤᠨᠤᠰᠳᠠᠨᠠ᠃ | ᠵᠤᠨ ᠪᠣᠯᠪᠠᠯ ᠮᠠᠨ ᠤ ᠨᠤᠲᠤᠭ ᠲᠤ ᠣᠯᠠᠨ ᠬᠦᠮᠦᠨ ᠸᠠᠩ ᠤᠨ ᠤᠷᠳᠤᠨ᠂ ᠲᠠᠪᠤᠨ ᠲᠤᠯᠤᠭᠠᠳ᠂ ᠵᠢᠷᠦᠬᠡᠨ | ᠠᠭᠤᠯᠠ ᠪᠠᠷ ᠵᠤᠭᠠᠴᠠᠬᠤ ᠪᠠᠷ ᠢᠷᠡᠳᠡᠭ᠃ ᠡᠨᠡ ᠦᠶᠠᠰ ᠲᠠᠯᠠ ᠳᠦᠭᠦᠷᠡᠩ ᠬᠤᠸᠠᠷ ᠴᠡᠴᠡᠭ ᠳᠡᠯᠭᠡᠷᠡᠨ ᠪᠠᠲᠤᠴᠠᠭᠠᠨ | ᠴᠤ ᠥᠪᠡᠷ ᠤᠨ ᠢᠶᠠᠨ ᠥᠩᠭᠡ ᠭᠠᠯᠪᠢᠷ ᠢᠶᠠᠨ ᠭᠠᠶᠢᠬᠠᠭᠤᠯᠵᠤ ᠪᠠᠶᠢᠳᠠᠭ᠃ ᠮᠦᠨ ᠴᠤ ᠪᠣᠯᠵᠣᠮᠤᠷ ᠰᠢᠪᠠᠭᠤ | ᠵᠢᠷᠭᠢᠯᠳᠤᠨ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠯᠠ ᠳᠦᠭᠦᠷᠡᠩ ᠪᠡᠯᠴᠢᠵᠤ᠂ ᠳᠠᠶᠢᠴᠢᠨᠲᠠᠯᠠ ᠬᠠᠭ ᠮᠢᠨᠢ ᠭᠢᠯᠲᠠᠭᠠᠨᠠᠨ | ᠭᠢᠯᠠᠯᠵᠠᠵᠤ ᠲᠤᠩᠭᠠᠯᠠᠭ ᠲᠤᠯᠢ ᠮᠡᠲᠦ᠃ ᠨᠠᠷᠠ ᠤᠨᠠᠬᠤ ᠰᠢᠬᠠᠬᠤ ᠪᠠᠷ ᠪᠢᠳᠡ ᠠᠭᠤᠯᠠᠨ ᠳᠤ ᠭᠠᠷᠴᠤ ᠠᠯᠢᠮᠠ ᠵᠢᠮᠢᠰ | ᠲᠡᠭᠦᠨ ᠢᠳᠡᠳᠡᠭ᠃ ᠠᠭᠤᠯᠠᠨ ᠳᠤ ᠮᠢᠨᠤ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠦᠯᠢᠭᠡᠷ ᠮᠥᠷᠥᠭᠡᠳᠦᠯ ᠪᠠᠶᠢᠳᠠᠭ᠃ | ᠨᠠᠮᠣᠷ ᠪᠣᠯᠪᠠᠯ᠂ ᠬᠦᠳᠡᠭᠡ ᠶᠢᠨ ᠨᠠᠮᠣᠷ ᠠᠯᠢᠮᠠ ᠵᠢᠮᠢᠰ ᠢᠶᠠᠨ ᠳᠡᠭᠦᠵᠢᠯᠡᠭᠰᠡᠭᠡᠷ ᠡᠷᠲᠡ ᠪᠠᠭᠤᠬᠤ ᠨᠢ ᠡ᠃ | ᠪᠠᠲᠣᠴᠠᠭᠠᠨ ᠤ ᠨᠠᠪᠴᠢᠰ ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠤᠯᠠᠯᠵᠠᠵᠤ᠂ ᠬᠦᠳᠡᠭᠡ ᠨᠤᠲᠤᠭ ᠢ ᠮᠢᠨᠢ ᠰᠢᠵᠢᠷ ᠥᠩᠭᠡ ᠪᠠᠷ ᠴᠢᠮᠡᠨ | ᠨᠠᠶᠢᠭᠤᠯᠵᠠᠨᠠ᠃ ᠴᠡᠩᠭᠡᠷ ᠤᠭᠲᠠᠷᠭᠤᠢ ᠶᠢᠨ ᠭᠦᠨ ᠳᠤ ᠰᠦᠷᠦᠭ ᠰᠦᠷᠦᠭ ᠭᠠᠯᠠᠭᠤᠳ ᠳᠤᠤᠭᠠᠷᠤᠨ᠂ ᠠᠶᠢᠵᠠᠮ | ᠲᠠᠲᠠᠨ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠵᠤ ᠡᠮᠤᠨᠡ ᠤᠷᠤᠨ ᠵᠥᠭ ᠡᠪᠦᠯᠵᠢᠬᠦ ᠪᠠᠷ ᠶᠠᠪᠤᠳᠠᠭ᠃ ᠡᠨᠡ ᠦᠶᠠᠰ ᠲᠠᠷᠢᠶᠠᠴᠢᠨ | ᠠᠪᠠᠭᠠ ᠨᠠᠷ ᠦᠷ ᠤᠨ ᠭᠡᠭᠡ ᠪᠠᠷ ᠬᠠᠯᠢᠭᠤᠷᠠᠨ ᠳᠣᠯᠭᠢᠶᠠᠯᠠᠭᠰᠠᠨ ᠲᠠᠷᠢᠶᠠᠨ ᠳᠤ ᠪᠠᠨ ᠬᠦᠷᠴᠦ ᠡᠯᠪᠡᠭ | ᠬᠤᠷᠢᠶᠠᠯᠲᠠ ᠶᠢᠨ ᠡᠭᠡᠰᠢᠭ ᠳᠠᠭᠤᠣ ᠪᠠᠨ ᠬᠠᠩᠬᠢᠨᠠᠭᠤᠯᠤᠨᠠ᠃ ᠠᠶᠢᠯ ᠤᠨ ᠪᠦᠰᠡᠭᠦ᠋ᠢᠴᠦᠳ ᠰᠠᠭᠰᠤ ᠪᠠᠨ | ᠳᠡᠭᠦᠵᠢᠯᠡᠨ ᠭᠠᠵᠠᠷ ᠰᠠᠢ ᠦᠭᠡᠢ ᠪᠤᠯᠪᠠᠰᠣᠷᠠᠭᠰᠠᠨ ᠵᠢᠮᠢᠰ ᠲᠡᠭᠦᠨ ᠶᠠᠭᠠᠷᠠᠯᠳᠣᠨᠠ᠃ ᠬᠤᠨᠢᠴᠢᠨ ᠠᠬᠠ ᠡᠭᠡᠴᠢ ᠨᠠᠷ | ᠲᠠᠷᠭᠤᠨ ᠰᠦᠷᠦᠭ ᠢᠶᠠᠨ ᠲᠠᠭᠤᠭᠰᠠᠭᠠᠷ᠂ ᠭᠤᠤᠯ ᠤᠨ ᠣᠰᠣᠨ ᠳᠤ ᠵᠢᠰᠤ ᠪᠠᠨ ᠲᠤᠯᠢᠳᠠᠨᠠ᠃ ᠬᠤᠷᠸᠠ ᠶᠢᠷᠲᠢᠨᠴᠤ | ᠪᠦᠬᠦᠨ ᠢᠶᠠᠷ ᠢᠶᠠᠨ ᠨᠠᠮᠤᠷ ᠤᠨ ᠬᠤᠪᠴᠠᠰᠤ ᠡᠮᠦᠰᠴᠣ᠂ ᠬᠦᠮᠦᠨ ᠪᠦᠬᠦᠨ ᠤ ᠴᠢᠷᠠᠢ ᠳᠤ ᠪᠠᠶᠠᠷ ᠤᠨ ᠮᠥᠰᠢᠶᠡᠳᠣ | ᠲᠤᠳᠤᠷᠠᠨᠠ᠃ | ᠡᠪᠦᠯ ᠪᠣᠯᠪᠠᠯ᠂ ᠡᠬᠡ ᠭᠠᠵᠠᠷ ᠪᠠᠰᠠ ᠳᠠᠭᠠᠷᠠᠬᠤ ᠠᠴᠠ ᠪᠠᠨ ᠠᠶᠤᠵᠤ ᠮᠥᠩᠭᠦᠨ ᠴᠠᠭᠠᠨ ᠲᠡᠷᠯᠢᠭ ᠡᠮᠦᠰᠳᠡᠭ᠃ | ᠦᠩᠭᠡᠷᠡᠭᠰᠡᠨ ᠵᠢᠯ ᠤᠳ ᠲᠤ ᠣᠷᠣᠢ ᠪᠣᠯᠬᠤ ᠲᠠᠢ ᠵᠡᠷᠭᠡ ᠠᠩᠴᠢᠳ ᠠᠪᠠᠯᠠᠬᠤ ᠪᠠᠷ ᠭᠠᠷᠳᠠᠭ᠃ ᠮᠠᠨ ᠤ ᠨᠤᠲᠤᠭ ᠲᠤ | ᠢᠲᠠᠭᠤ ᠭᠤᠷᠭᠤᠤᠯ ᠣᠯᠠᠨᠲᠠᠢ᠃ ᠴᠠᠰᠤᠨ ᠳᠠᠬᠢ ᠮᠦᠷ ᠢ ᠨᠢ ᠳᠠᠭᠠᠭᠠᠳ ᠶᠠᠪᠤᠪᠠᠯ ᠤᠯᠬᠤ ᠯᠡ ᠪᠤᠶᠠᠨ᠃ ᠭᠡᠪᠡᠴᠤ | ᠡᠨᠡ ᠬᠡᠳᠦᠨ ᠵᠢᠯ ᠠᠩ ᠠᠪᠠᠯᠬᠤ ᠶᠢ ᠡᠷᠡᠰ ᠴᠠᠭᠠᠵᠠᠯᠠᠭᠰᠠᠨ ᠠᠴᠠ ᠭᠡᠭᠡᠷᠠ ᠶᠢᠨ ᠠᠮᠢᠳᠠᠨ ᠨᠡᠩ ᠤᠯᠠᠰᠢᠷᠠᠭᠰᠠᠨ | ᠪᠠᠶᠢᠨᠠ᠃ ᠪᠢᠳᠡ ᠪᠠᠰᠠ ᠴᠠᠰᠤᠨ ᠪᠥᠮᠪᠦᠭᠡ ᠰᠢᠲᠡᠯᠴᠡᠨ᠂ ᠴᠠᠰᠤᠨ ᠬᠦᠮᠦᠨ ᠪᠠᠷᠢᠨ ᠨᠠᠭᠠᠳᠴᠤ᠂ ᠳᠠᠶᠢᠴᠢᠨᠲᠠᠯᠠ | ᠬᠠᠭ ᠳᠡᠭᠡᠷᠡ ᠮᠦᠰᠦ ᠭᠤᠯᠭᠤᠬᠤ ᠪᠠᠷ ᠤᠴᠢᠳᠠᠭ᠃ | ᠡᠯᠢᠭᠡᠨ ᠬᠠᠶᠢᠷᠠᠲᠤ ᠳᠠᠶᠢᠴᠢᠨᠲᠠᠯᠠ ᠮᠢᠨᠢ ᠮᠠᠨᠳᠤᠬᠤ ᠨᠠᠷᠠ ᠰᠢᠬ ᠡᠭᠡᠯᠢᠲᠡᠢ ᠰᠠᠶᠢᠬᠠᠨ᠂ ᠡᠯᠢᠭᠡᠨ ᠬᠠᠶᠢᠷᠠᠲᠤ | ᠳᠠᠶᠢᠴᠢᠨᠲᠠᠯᠠ ᠮᠢᠨᠢ ᠮᠥᠩᠬᠡ ᠣᠷᠣᠰᠢᠬᠤ ᠳᠣᠯᠠᠭᠠᠨ ᠥᠯᠥᠭᠡᠢ᠃ ︽ᠤᠤᠭᠤᠭᠰᠠᠨ ᠤᠰᠤ ᠷᠠᠰᠢᠶᠠᠨ᠂ ᠤᠨᠠᠭᠰᠠᠨ | ᠰᠢᠷᠤᠢ ᠠᠯᠲᠠ︾ ᠭᠡᠳᠡᠭᠴᠢᠯᠡᠨ ᠲᠠᠨ ᠤ ᠪᠠᠨ ᠡᠪᠦᠷ ᠲᠤ ᠪᠦᠪᠠᠶᠢᠯᠡᠭᠳᠡᠨ ᠤᠬᠠᠭᠠ ᠪᠤᠳᠤᠯ ᠢᠶᠠᠨ ᠰᠡᠭᠡᠭᠡᠷᠡᠭᠦᠯᠵᠦ | ᠵᠤᠷᠢᠭ ᠢᠶᠠᠨ ᠴᠢᠩᠭᠠᠯᠠᠨ ᠡᠷᠳᠡᠮ ᠤᠨ ᠣᠷᠭᠢᠯ ᠳᠤ ᠡᠷᠲᠡ ᠨᠢᠭᠡᠨ ᠡᠳᠦᠷ ᠮᠠᠴᠤᠨ ᠭᠠᠷᠴᠤ᠂ ᠢᠷᠡᠭᠡᠳᠦᠢ ᠶᠢᠨ ᠨᠢᠭᠡᠨ | ᠤᠳᠤᠨ ᠪᠤᠯᠵᠤ᠂ ᠲᠠᠨ ᠢ ᠪᠠᠨ ᠠᠴᠢᠯᠠᠨᠠ᠃ | ᠵᠤᠬᠢᠶᠠᠭᠴᠢ᠄ ᠬᠠᠶᠢᠷᠠᠬᠠᠨ ︵ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ ᠲᠦᠷᠪᠡᠳᠤᠭᠡᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠪᠤᠤ ᠰᠠᠷᠠᠭᠤᠯ |