| ᠡᠨᠡ ᠶᠢᠷᠳᠢᠨᠴᠦ ᠳᠤ ᠠᠩᠬᠠᠨ ᠤ ᠲᠠᠭᠤ ᠪᠠᠨ ᠲᠠᠭᠤᠷᠢᠰᠤᠭᠤᠯᠬᠤ ᠳᠤ ᠡᠨᠡᠷᠢᠯᠳᠦ ᠡᠵᠢ ᠮᠢᠨᠢ ᠠᠩᠭᠢᠷ | ᠤᠭᠤᠷᠠᠭ ᠢᠶᠠᠨ ᠰᠢᠮᠡᠭᠦᠯᠵᠦ᠂ ᠠᠴᠢᠳᠦ ᠠᠪᠦ ᠮᠢᠨᠢ ᠠᠯᠠᠭᠠᠨ ᠳᠤ ᠪᠠᠨ ᠲᠤᠰᠴᠦ᠄ ︽ᠡᠷᠡ ᠪᠤᠯ︕︾ ᠭᠡᠵᠦ | ᠢᠷᠦᠭᠡᠭᠰᠡᠨ᠃ ᠲᠡᠭᠡᠭᠡᠳ ᠯᠡ ᠬᠠᠩᠬᠤᠯᠤᠬᠤᠨ ᠰᠡᠳᠬᠢᠯ ᠲᠠᠢ ᠡᠵᠢ ᠶᠢᠨ ᠰᠤᠷᠭᠠᠯ᠂ ᠬᠠᠩᠬᠠᠭᠠᠷ ᠰᠦᠷ ᠲᠠᠢ | ᠠᠪᠤ ᠶᠢᠨ ︽ᠬᠠᠯᠠ︾ ᠲᠠᠢ ᠬᠠᠶᠢᠷᠠ ᠪᠠᠷ ᠬᠡᠯᠡ ᠳᠤ ᠤᠷᠤᠵᠦ᠂ ᠬᠦᠯ ᠳᠤ ᠤᠷᠤᠵᠦ ᠲᠤᠮᠤᠭᠠᠵᠢᠭᠰᠠᠨ ᠶᠤᠮ᠃ | ᠦᠰᠦᠭ ᠨᠢᠳᠦᠯᠡᠬᠦᠯᠵᠦ ᠬᠠᠷᠠᠭᠠ ᠤᠷᠤᠭᠤᠯᠬᠤ ᠭᠡᠵᠦ ᠠᠷᠠᠳ ᠤᠨ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠭᠡᠴᠢᠭᠡᠭᠡᠳ᠂ | ᠠᠮᠳᠠᠳᠦ ᠬᠤᠭᠤᠯᠠ ᠰᠢᠮᠡ ᠲᠠᠢ ᠴᠠᠢ ᠪᠠᠨ ᠬᠦᠦ ᠨᠠᠳᠠ ᠳᠤ ᠪᠠᠨ ᠦᠯᠡᠳᠡᠭᠡᠵᠦ᠂ ᠠᠯᠤᠰ ᠤᠨ ᠰᠢᠷᠠ ᠵᠠᠮ ᠢ | ᠰᠠᠷᠠᠪᠴᠢᠯᠠᠨ ᠰᠠᠷᠠᠪᠴᠢᠯᠠᠨ ᠬᠦᠯᠢᠶᠡᠵᠦ ᠰᠠᠭᠤᠳᠠᠭ ᠨᠢ ᠮᠢᠨᠦ ᠡᠵᠢ᠃ ︽ᠤᠯᠠᠨ ᠤ ᠪᠠᠨ ᠤᠳᠤᠨ᠂ ᠲᠦᠮᠡᠨ ᠤ | ᠲᠦᠷᠦᠭᠦᠦ︾ ᠪᠤᠯᠵᠦ ᠬᠦᠮᠦᠨ ᠤ ᠤᠷᠤᠰᠬᠠᠯ ᠳᠤ ᠬᠦᠮᠦᠨ ᠰᠢᠦᠬᠠᠨ ᠬᠢᠯᠠᠷᠠᠭᠤᠯᠵᠦ ᠶᠠᠪᠤᠬᠤ ᠶᠢ ᠰᠠᠨᠠᠵᠦ᠂ ᠬᠦᠴᠢᠷ | ᠪᠦᠬᠦᠨ ᠢ ᠲᠤᠭᠤᠯᠵᠦ ᠵᠢᠳᠬᠦᠭᠰᠡᠭᠡᠷ ᠭᠠᠩᠭᠠᠩ ᠰᠠᠶᠢᠬᠠᠨ ᠵᠢᠰᠦ ᠶᠢ ᠨᠢ ᠨᠡᠭᠦᠳᠡᠯᠯᠡᠬᠦ ᠭᠠᠯᠠᠭᠤᠳ ᠵᠠᠭᠤᠭᠠᠳ | ᠶᠠᠪᠤᠴᠢᠬᠠᠵᠠᠢ᠃ ᠴᠤᠬᠤᠮ ︽ᠰᠢᠭᠦᠳᠡᠷᠢ ᠶᠢᠨ ᠤᠰᠤ ᠪᠠᠷ ᠴᠠᠢ ᠪᠦᠷᠢᠵᠦ ᠡᠵᠢ ᠳᠤ ᠪᠠᠨ ᠪᠠᠷᠢᠭᠰᠠᠨ ᠴᠦ ᠨᠢᠭᠡᠯᠭᠡᠨ | ᠰᠦᠨᠢ ᠶᠢᠨ ᠬᠦᠬᠦᠭᠦᠯᠦᠭᠰᠡᠨ ᠠᠴᠢ ᠶᠢ ᠨᠢ ᠬᠠᠷᠢᠭᠤᠯᠵᠦ ᠲᠠᠶᠢᠯᠬᠦ ᠦᠭᠡᠢ︾ ᠭᠡᠵᠦ ᠡᠭᠡ ᠶᠢᠨ ᠬᠠᠶᠢᠷᠠ ᠶᠢᠨ ᠠᠭᠤᠤ | ᠶᠡᠭᠡ ᠶᠢ ᠰᠠᠶᠢᠬᠠᠨ ᠴᠦ ᠤᠨᠤᠭᠠᠵᠦ ᠬᠡᠯᠡᠵᠡᠢ᠃ ᠬᠠᠳᠠᠭᠤ ᠪᠠᠷ ᠬᠠᠶᠢᠷᠠᠯᠠᠳᠠᠭ ᠠᠪᠤ ᠶᠢᠨ ᠬᠠᠶᠢᠷᠠ ᠶᠢ ᠬᠠᠯᠠ ᠲᠠᠢ | ᠬᠡᠴᠡᠭᠦᠦ ᠬᠡᠵᠦ ᠡ᠊ᠨᠳᠡᠭᠦᠷᠡᠵᠦ ᠶᠠᠪᠤᠭᠰᠠᠨ᠂ ᠬᠠᠷᠢᠨ ᠴᠦ ᠰᠠᠶᠢᠬᠠᠨ ᠲᠤᠩᠭᠠᠵᠦ ᠦᠵᠡᠪᠡᠯ ᠠᠪᠤ ᠶᠢᠨ ᠬᠠᠶᠢᠷᠠ ᠭᠡᠭᠴᠢ | ︽ᠬᠠᠯᠠ ᠨᠢ ᠭᠠᠳᠠᠨᠠ ᠪᠠᠨ᠂ ᠬᠠᠶᠢᠷᠠ ᠨᠢ ᠲᠤᠳᠤᠨᠠ ᠪᠠᠨ︾ ᠬᠠᠮᠤᠭ ᠤᠨ ᠦᠭᠬᠢᠶᠡᠮᠦᠷ ᠬᠠᠶᠢᠷᠠ ᠪᠠᠶᠢᠵᠠᠢ᠃ | ᠪᠠᠭᠰᠢ — ᠶᠠᠭ ᠯᠠ ᠲᠠᠢ ᠠᠳᠠᠯᠢ᠂ ᠦᠪᠡᠷ ᠢ ᠪᠠᠨ ᠦᠷᠡᠭᠳᠡᠭᠦᠯᠵᠦ ᠦᠷᠦᠭᠡᠯ ᠪᠤᠰᠤᠳ ᠲᠤ ᠭᠡᠷᠡᠯ ᠭᠡᠭᠡ ᠶᠢ | ᠤᠯᠭᠤᠳᠠᠭ᠃ ᠦᠢ ᠤᠯᠠᠨ ᠰᠤᠷᠤᠭᠴᠢᠳ ᠤᠨ ᠲᠦᠯᠦᠭᠡ ᠤᠷᠬᠢᠯᠵᠦ ᠪᠠᠶᠢᠭᠠ ᠵᠤᠷᠢᠭ᠂ ᠠᠪᠴᠦ ᠪᠠᠶᠢᠭᠠ | ᠠᠮᠢᠰᠬᠤᠭᠠ ᠪᠠᠨ ᠠᠯᠢ ᠶᠢ ᠨᠢ ᠴᠦ ᠬᠠᠶᠢᠷᠠᠯᠠᠯ ᠦᠭᠡᠢ ᠵᠤᠷᠢᠭᠤᠯᠳᠠᠭ ᠮᠦᠩᠭᠡ ᠶᠢᠨ ᠠᠷᠰᠢ᠃ | ᠠᠮᠵᠢᠯᠳᠠ ᠶᠢ ᠮᠢᠨᠢ ᠵᠤᠷᠢᠭᠵᠢᠭᠤᠯᠤᠯ ᠤᠨ ᠤᠴᠢ ᠪᠠᠷ ᠢᠪᠡᠭᠡᠭᠰᠡᠨ᠂ ᠰᠡᠳᠬᠢᠯ ᠢ ᠮᠢᠨᠢ ᠢᠳᠡᠭᠡᠯ ᠤᠨ | ᠲᠦᠯᠦ ᠪᠠᠷ ᠬᠦᠭᠵᠢᠭᠡᠭᠰᠡᠨ ᠪᠠᠭᠰᠢ ᠶᠢᠨ ᠬᠠᠶᠢᠷᠠ ᠭᠡᠵᠦ ᠶᠠᠨᠳᠠᠰᠢ ᠦᠭᠡᠢ ᠲᠠᠯᠠᠢ᠂ ᠤᠷᠤᠭᠰᠢᠯᠠᠬᠤ ᠢᠷᠡᠭᠡᠳᠦᠢ ᠳᠤ | ᠴᠠᠮᠬᠠᠭ ᠪᠤᠯᠤᠨ ᠭᠡᠷᠡᠯᠳᠦᠵᠦ᠂ ᠤᠶᠤᠨ ᠤ ᠠᠳᠠᠷ ᠲᠤ ᠮᠡᠳᠡᠯᠭᠡ ᠶᠢᠨ ᠦᠷᠡ ᠶᠢ ᠰᠠᠴᠤᠭᠰᠠᠨ ᠪᠠᠭᠰᠢ ᠶᠢᠨ ᠬᠠᠶᠢᠷᠠ | ᠭᠡᠵᠦ ᠤᠨᠳᠠᠷᠠᠰᠢ ᠦᠭᠡᠢ ᠵᠤᠯᠠ᠃ | ︽ᠠᠴᠢ ᠶᠢ ᠴᠢᠨᠢ ᠮᠠᠭᠳᠠᠬᠤ ᠶᠤᠮ ᠪᠤᠯ ᠠᠭᠤᠤ ᠨᠠᠮ ᠮᠢᠨᠢ ᠪᠢᠷ ᠤᠨ ᠦᠵᠦᠭᠦᠷ ᠬᠤᠮᠰᠠᠳᠠᠨᠠ᠃ ᠭᠠᠪᠢᠶᠠ ᠶᠢ | ᠴᠢᠨᠢ ᠰᠢᠯᠦᠭᠯᠡᠬᠦ ᠶᠤᠮ ᠪᠤᠯ ᠡᠭᠡ ᠤᠷᠤᠨ ᠮᠢᠨᠢ ᠪᠢᠯᠢᠭ ᠤᠨ ᠤᠬᠠᠭᠠᠨ ᠮᠡᠭᠦᠰᠳᠡᠨᠡ︾ ᠨᠠᠮ ᠤᠨ ᠬᠠᠶᠢᠷᠠ ᠶᠢ | ᠲᠠᠭᠤᠯᠠᠭᠠᠳ ᠪᠠᠷᠠᠰᠢ ᠦᠭᠡᠢ᠂ ᠰᠢᠯᠦᠭᠯᠡᠭᠡᠳ ᠬᠠᠨᠤᠰᠢ ᠦᠭᠡᠢ᠃ ᠵᠢᠷᠭᠠᠯᠳᠦ ᠠᠮᠢᠳᠦᠷᠠᠯ ᠢ ᠤᠯᠭᠤᠵᠦ ᠦᠭᠭᠦᠭᠰᠡᠨ | ᠠᠭᠤᠤ ᠨᠠᠮ ᠤᠨ ᠭᠡᠭᠡᠨ ᠲᠤᠶᠠᠭᠠᠯᠠᠯ ᠲᠠᠢ ᠡᠶᠡ ᠵᠤᠬᠢᠴᠠᠩᠭᠤᠢ ᠨᠡᠶᠢᠭᠡᠮ ᠳᠤ ᠰᠤᠷᠤᠯᠭᠠ ᠰᠤᠶᠤᠯ ᠳᠤ ᠪᠠᠨ ᠮᠡᠷᠡᠶᠢᠵᠦ | ᠶᠠᠪᠤᠨᠠ᠂ ᠰᠤᠯᠤᠩᠭᠠᠷᠠᠭᠰᠠᠨ ᠠᠮᠢᠳᠤᠷᠠᠯ ᠢᠶᠠᠨ ᠵᠢᠷᠤᠭᠯᠠᠵᠦ ᠶᠠᠪᠤᠨᠠ᠃ | ᠦᠰᠭᠡᠵᠦ ᠬᠦᠮᠦᠵᠢᠬᠦᠯᠦᠭᠰᠡᠨ ᠠᠪᠤ ᠡᠵᠢ ᠶᠢᠨ ᠬᠠᠶᠢᠷᠠ ᠨᠠᠳᠠ ᠳᠤ ᠦᠮᠦᠭ ᠲᠦᠰᠢᠭ᠂ ᠦᠭᠡᠳᠡᠯᠡᠬᠦ ᠢᠷᠡᠭᠡᠳᠦᠢ | ᠵᠦᠭ ᠬᠦᠳᠦᠯᠦᠭᠰᠡᠨ ᠪᠠᠭᠰᠢ ᠶᠢᠨ ᠬᠠᠶᠢᠷᠠ ᠨᠠᠳᠠ ᠳᠤ ᠵᠠᠯᠠᠭᠤᠷ ᠰᠡᠯᠢᠭᠦᠷ᠂ ᠦᠩᠭᠡᠳᠦ ᠠᠮᠢᠳᠦᠷᠠᠯ ᠢ ᠡᠳ᠋ᠯᠡᠬᠦᠯᠦᠭᠰᠡᠨ | ᠨᠠᠮ ᠤᠨ ᠬᠠᠶᠢᠷᠠ ᠨᠠᠳᠠ ᠳᠤ ᠬᠦᠴᠢᠷᠳᠡᠯ ᠪᠦᠬᠦᠨ ᠢ ᠲᠤᠭᠤᠯᠬᠤ ᠵᠤᠷᠢᠭ ᠬᠦᠴᠦᠨ ᠤᠯᠭᠤᠭᠰᠠᠨ᠃ | ᠬᠦᠰᠡᠯ ᠲᠠᠢ ᠠᠮᠢᠳᠦᠷᠠᠯ᠂ ᠵᠤᠯ ᠲᠠᠢ ᠬᠤᠷᠸᠠ ᠳᠤ ︽ᠠᠮᠢᠳᠦᠷᠠᠯ ᠬᠠᠶᠢᠷᠠ ᠲᠡᠭᠡᠷᠡ ᠲᠤᠭᠳᠠᠳᠠᠭ︾ ᠤᠨ | ᠵᠢᠮᠡ ᠪᠠᠷ ᠠᠪᠤ ᠡᠵᠢ ᠶᠢᠨ ᠪᠦᠪᠠᠶᠢᠯᠡᠯ᠂ ᠠᠴᠢᠳᠦ ᠪᠠᠭᠰᠢ ᠶᠢᠨ ᠰᠤᠷᠭᠠᠯ᠂ ᠠᠭᠤᠤ ᠨᠠᠮ ᠤᠨ ᠢᠪᠡᠭᠡᠯ ᠢᠶᠠᠷ | ᠮᠡᠳᠡᠯᠭᠡ ᠶᠢᠨ ᠲᠠᠯᠠᠢ ᠠᠴᠠ ᠰᠤᠪᠤᠳ ᠱᠦᠬᠦᠵᠦ ᠵᠢᠷᠭᠠᠵᠦ ᠶᠠᠪᠤᠨᠠ᠃ ᠮᠦᠩᠭᠡ ᠶᠢᠨ ᠰᠢᠳᠢ ᠶᠢ ᠤᠯᠬᠤ ᠡᠷᠳᠡᠨᠢ ᠶᠢᠨ | ᠦᠷᠢᠯ ᠢ ᠪᠠᠰᠢᠯᠭᠠᠵᠦ ᠶᠠᠪᠤᠨᠠ᠃ | ᠬᠠᠶᠢᠷᠠ ᠲᠠᠢ ᠠᠮᠢᠳᠦᠷᠠᠯ᠂ ᠨᠠᠶᠢᠷ ᠲᠠᠢ ᠤᠷᠴᠢᠯᠠᠩ ᠳᠤ ᠠᠪᠤ ᠡᠵᠢ ᠪᠠᠨ ᠠᠴᠢᠯᠠᠵᠦ᠂ ᠡᠨᠡᠷᠢᠯᠳᠦ ᠪᠠᠭᠰᠢ ᠪᠠᠨ | ᠬᠦᠨᠳᠦᠯᠡᠵᠦ᠂ ᠡᠪ ᠬᠠᠮᠳᠦ ᠨᠠᠮ ᠢᠶᠠᠨ ᠮᠠᠭᠳᠠᠵᠦ ᠠᠴᠢ ᠬᠠᠶᠢᠷᠠ ᠶᠢ ᠨᠢ ᠤᠬᠠᠭᠠᠷᠠᠵᠦ ᠶᠠᠪᠤᠨᠠ᠂ ᠨᠠᠶᠢᠷᠠᠭ | ᠰᠢᠯᠦᠭ ᠲᠤ ᠪᠠᠨ ᠤᠶᠠᠩᠭᠠᠯᠠᠵᠦ ᠶᠠᠪᠤᠨᠠ᠃ | ᠬᠠᠶᠢᠷᠠ ᠢᠪᠢᠯᠦᠭᠰᠡᠨ ᠠᠮᠢᠳᠦᠷᠠᠯ ᠭᠡᠵᠦ ᠡᠶᠢᠮᠦ ᠯᠡ ᠰᠠᠶᠢᠬᠠᠨ᠂ ᠲᠡᠶᠢᠮᠦ ᠯᠡ ᠭᠤᠶᠤᠬᠠᠨ ᠡ︕ | ᠵᠣᠬᠢᠶᠠᠭᠴᠢ᠄ ᠨᠤᠮᠢᠨᠳᠤᠯᠢ ︵ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠲᠦᠷᠦᠯᠵᠢ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠶᠢᠰᠦ ᠶᠢᠨ ᠨᠢᠭᠡ︶ | | ᠵᠢᠯᠤᠭᠤᠳᠤᠭᠴᠢ ᠪᠠᠭᠰᠢ᠄ ᠳᠦᠩ ᠢᠤᠢ ᠯᠢᠩ |