ᠵᠠᠯᠠᠶᠢᠳ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠵᠠᠩ ᠤᠶᠢᠯᠠ —  ᠵᠤᠴᠢᠨ ᠤᠭᠳᠤᠬᠤ ᠪᠠ ᠦᠳᠡᠬᠦ ᠶᠤᠰᠤᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2025/4/2
     ᠮᠤᠩᠭᠤᠯᠴᠤᠳ ᠶᠡᠷᠤ ᠠᠴᠠ ᠮᠤᠷᠢ ᠪᠠᠨ ᠤᠨᠤᠵᠤ ᠠᠶᠢᠯ ᠰᠠᠭᠠᠬᠠᠯᠳᠠ ᠪᠠᠨ ᠲᠤᠭᠤᠷᠢᠳᠠᠭ ᠵᠠᠩᠰᠢᠯ ᠲᠠᠢ ᠶᠤᠮ᠃ ᠭᠡᠷ ᠤᠨ ᠤᠶᠢᠷᠠᠬᠠᠨ ᠮᠤᠷᠢᠨ ᠤ ᠤᠶᠠᠭᠠᠨ ᠤ ᠲᠡᠷᠭᠡᠳᠡ ᠢᠷᠡᠭᠡᠳ ᠲᠤᠰᠴᠤ ᠭᠠᠷᠬᠤ ᠬᠦᠮᠤᠨ ᠦᠭᠡᠢ ᠪᠤᠯ ᠵᠠᠪᠠᠯ ︽ᠨᠤᠬᠠᠢ ᠪᠠᠨ ᠬᠤᠷᠢᠭᠠᠷᠠᠢ︾ ᠭᠡᠵᠤ ᠲᠠᠭᠤ ᠴᠢᠮᠡᠭᠡ ᠦᠭᠳᠡᠭ᠃  ᠢᠩᠬᠢᠵᠤ ᠭᠡᠷ ᠠᠴᠠ ᠬᠦᠮᠤᠨ ᠭᠠᠷᠴᠤ ᠨᠤᠬᠠᠢ ᠪᠠᠨ ᠬᠤᠷᠢᠬᠤ ᠶᠢᠨ ᠲᠠᠭᠠᠤ ᠮᠤᠷᠢᠨ ᠤ ᠤᠶᠠᠭᠠᠨ ᠤ ᠤᠶᠢᠷ᠎ᠠ ᠤᠴᠢᠵᠤ ᠵᠤᠴᠢᠨ ᠢᠶᠠᠨ ᠤᠭᠳᠤᠵᠤ ᠠᠪᠴᠢᠷᠠᠳᠠᠭ᠃       ᠮᠤᠷᠢᠨ ᠤ ᠤᠶᠠᠭ᠎ᠠ ᠨᠢ ᠮᠤᠩᠭᠤᠯ ᠠᠶᠢᠯ ᠤᠨ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠤᠨ᠎ᠡ ᠪᠤᠶᠤ ᠡᠮᠤᠨ᠎ᠡ ᠵᠦᠭ ᠠᠴᠠ ᠨᠡᠯᠢᠶᠡᠳ ᠵᠠᠶᠢᠳᠠᠢ ᠪᠠᠶᠢᠳᠠᠭ ᠶᠤᠮ᠃  ᠢᠷᠡᠭᠰᠡᠨ ᠵᠤᠴᠢᠨ ᠢ ᠤᠭᠳᠤᠵᠤ ᠠᠪᠬᠤ ᠳᠤ ᠪᠠᠨ ︽  ᠰᠠᠶᠢᠨ ᠢᠷᠡᠪᠡ ᠤᠤ︖︾᠂  ︽  ᠵᠠᠮ ᠳᠤ ᠪᠠᠨ ᠵᠦᠳᠡᠷᠡᠪᠡ ᠤᠤ︖︾ ᠭᠡᠬᠦ ᠮᠡᠳᠤ ᠠᠰᠠᠭᠤᠨ ᠮᠡᠨᠳᠤᠴᠢᠯᠠᠵᠤ ᠭᠡᠷ ᠤᠨ ᠡᠭᠦᠳᠡᠨ ᠳᠤ ᠢᠷᠡᠭᠰᠡᠨ ᠤ ᠲᠠᠷᠠᠭ᠎ᠠ ᠵᠤᠴᠢᠨ ᠢᠶᠠᠨ ᠤᠷᠢᠳ ᠢᠶᠠᠷ ᠭᠡᠷ ᠲᠤ ᠪᠠᠨ ᠤᠷᠤᠭᠤᠯᠳᠠᠭ ᠵᠠᠩᠰᠢᠯ ᠲᠠᠢ᠃ ᠭᠡᠷ ᠲᠤ ᠤᠷᠤᠭᠤᠯᠬᠤ ᠳᠤ ᠪᠠᠨ ︽  ᠵᠠ︕ ᠮᠤᠷᠢᠯᠠᠵᠤ ᠪᠠᠭᠤ︕︾ ᠬᠡᠮᠡᠨ᠂  ᠭᠡᠷ ᠲᠤ ᠪᠠᠨ ᠤᠷᠤᠭᠤᠯᠤᠭᠰᠠᠨ ᠤ ᠲᠠᠷᠠᠭ᠎ᠠ ︽  ᠲᠡᠭᠡᠭᠰᠢ ᠪᠠᠨ ᠰᠠᠭᠠᠳᠠ︕︾ ᠭᠡᠵᠤ ᠬᠦᠨᠳᠤᠳᠭᠡᠨ ᠰᠠᠭᠤᠯᠭᠠᠳᠠᠭ᠃  ᠭᠡᠷ ᠤᠨ ᠡᠵᠡᠨ ᠶᠡᠷᠤ ᠠᠴᠠ ᠭᠡᠷ ᠤᠨ ᠬᠤᠶᠢᠮᠤᠷ ᠲᠤ ᠵᠠᠪᠢᠯᠠᠵᠤ ᠰᠠᠭᠤᠨ᠎ᠠ᠃  ᠢᠷᠡᠭᠰᠡᠨ ᠵᠤᠴᠢᠨ ᠳᠠᠭᠠᠨ ᠴᠠᠢ ᠠᠶᠠᠭᠠᠯᠠᠵᠤ᠂  ᠴᠠᠭᠠᠨ ᠢᠳᠡᠭᠡ ᠲᠠᠯᠪᠢᠵᠤ᠂  ᠴᠠᠢ ᠪᠠᠨ ᠤᠤᠭᠤᠵᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭ᠎ᠠ ᠠᠷᠢᠬᠢ ᠭᠡᠮᠨᠡᠵᠤ᠂  ᠱᠦᠯᠤ ᠬᠤᠭᠤᠯᠠ ᠠᠮᠰᠠᠭᠤᠯᠳᠠᠭ ᠶᠤᠮ᠃ ᠢᠷᠡᠭᠰᠡᠨ ᠵᠤᠴᠢᠨ ᠪᠤᠴᠠᠬᠤ ᠦᠶᠡᠰ ᠲᠤ ᠮᠦᠨ ᠬᠦ ᠤᠶᠠᠭᠠᠨ ᠲᠡᠭᠡᠷ᠎ᠠ ᠤᠴᠢᠵᠤ ᠨᠤᠬᠠᠢ ᠪᠠᠨ ᠬᠤᠷᠢᠵᠤ᠂  ᠨᠠᠰᠤᠳᠠᠢ ᠲᠤᠮᠤᠭᠠᠳᠠᠢ ᠬᠦᠮᠤᠨ ᠤ ᠮᠤᠷᠢᠨ ᠤ ᠬᠢᠨᠢ ᠴᠤᠯᠪᠤᠭᠤᠷ ᠢ ᠨᠢ ᠲᠠᠶᠢᠯᠵᠤ᠂  ᠤᠯᠤᠩ ᠢ ᠨᠢ ᠴᠢᠩᠭᠠᠯᠠᠵᠤ᠂  ᠮᠤᠷᠢᠨ ᠳᠤ ᠨᠢ ᠮᠤᠷᠳᠠᠭᠤᠯᠵᠤ ᠦᠭᠳᠡᠭ ᠪᠦᠭᠡᠳ ︽  ᠵᠠᠮ ᠳᠤ ᠪᠠᠨ ᠰᠠᠶᠢᠨ ᠶᠠᠪᠤᠭᠠᠷᠠᠢ︕︾ ᠭᠡᠵᠤ ᠰᠠᠶᠢᠨ ᠰᠠᠶᠢᠬᠠᠨ ᠢᠶᠠᠷ ᠵᠦᠩᠨᠡᠨ ᠪᠡᠯᠭᠡᠳᠡᠵᠤ ᠶᠠᠪᠤᠭᠤᠯᠳᠠᠭ ᠵᠠᠩ ᠵᠠᠩᠰᠢᠯ ᠲᠠᠢ ᠶᠤᠮ᠃
 
ᠢᠷᠡᠯᠲᠡ᠄ ︽ᠵᠠᠯᠠᠶᠢᠷ ᠰᠤᠶᠤᠯ︾ ᠭᠡᠬᠦ ᠨᠤᠮ ᠠᠴᠠ ᠰᠢᠯᠵᠢᠬᠦᠯᠪᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
 
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号