| ᠮᠤᠩᠭᠤᠯᠴᠤᠳ ᠶᠠᠮᠠᠷ ᠴᠤ ᠵᠤᠴᠢᠨ ᠢ ᠪᠦᠷ ᠬᠦᠨᠳᠤ ᠪᠠᠷ ᠬᠦᠯᠢᠶᠠᠨ ᠠᠪᠴᠤ ᠡᠶᠡᠯᠳᠡᠭ ᠢᠶᠠᠷ ᠤᠭᠳᠤᠨ | ᠬᠠᠯᠠᠭᠤᠮᠰᠤᠭ ᠢᠶᠠᠷ ᠵᠤᠯᠭᠠᠬᠤ ᠵᠠᠩᠰᠢᠯ ᠲᠠᠢ᠃ ᠵᠤᠴᠢᠨ ᠲᠠᠢ ᠵᠤᠯᠭᠠᠬᠤ ᠳᠤ ᠪᠠᠨ ᠮᠠᠯᠠᠭᠠᠢ ᠡᠮᠤᠰᠴᠤ ᠠᠯᠴᠢᠭᠤᠷ | ᠤᠷᠢᠶᠠᠨ ᠲᠠᠪᠠᠯ ᠬᠤᠪᠴᠠᠰᠤ ᠪᠠᠨ ᠲᠡᠭᠰᠢᠯᠡᠨ ᠵᠠᠰᠠᠵᠤ᠂ ᠡᠮᠡᠭᠳᠡᠶᠢᠴᠤᠳ ᠪᠤᠯ ᠤᠷᠳᠤ ᠤᠤᠵᠢ ᠡᠮᠤᠰᠴᠤ ᠵᠤᠴᠢᠨ | ᠲᠠᠢ ᠵᠤᠯᠭᠠᠳᠠᠭ᠃ ᠬᠠᠷᠢᠨ ᠢᠷᠡᠵᠤ ᠪᠠᠶᠢᠭᠠ ᠵᠤᠴᠢᠨ ᠢ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠵᠤ ᠬᠠᠷᠠᠬᠤ᠂ ᠵᠤᠴᠢᠨ ᠢᠷᠡᠭᠡᠳ | ᠤᠶᠠᠭᠠᠨ ᠲᠡᠭᠡᠷᠡ ᠨᠢ ᠪᠠᠭᠤᠵᠤ ᠠᠳᠠᠯᠠ ᠤᠶᠢᠰᠢᠶᠠᠬᠤ ᠦᠭᠡᠢ ᠪᠠᠷ ᠭᠡᠷ ᠲᠤ ᠪᠠᠨ ᠤᠷᠤᠬᠤ ᠪᠤᠶᠤ ᠠᠭᠤᠯᠵᠠᠵᠤ | ᠮᠡᠨᠳᠤᠯᠡᠬᠦ ᠦᠭᠡᠢ ᠪᠠᠷ ᠵᠦᠷᠢᠵᠤ ᠭᠠᠷᠬᠤ ᠵᠡᠷᠭᠡ ᠶᠢ ᠶᠤᠰᠤᠷᠬᠠᠭ ᠪᠤᠰᠤ ᠵᠤᠴᠢᠨ ᠢ ᠬᠦᠩᠬᠡᠪᠴᠢᠯᠡᠭᠰᠡᠨ ᠭᠡᠵᠤ | ᠦᠵᠡᠳᠡᠭ᠃ ᠵᠤᠴᠢᠨ ᠤ ᠦᠭᠡᠳᠡ ᠠᠴᠠ ᠱᠦᠬᠦᠷ ᠪᠠᠷᠢᠵᠤ ᠵᠤᠭᠰᠤᠬᠤ ᠪᠠ ᠵᠤᠴᠢᠨ ᠢ ᠦᠵᠡᠭᠡᠳ ᠭᠡᠷ ᠢᠶᠠᠨ | ᠱᠦᠬᠦᠷᠳᠡᠬᠦ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠳᠡᠭ᠃ ᠢᠷᠡᠬᠦ ᠬᠦᠮᠤᠨ ᠤ ᠦᠭᠡᠳᠡ ᠠᠴᠠ ᠬᠤᠭᠤᠰᠤᠨ ᠰᠠᠪᠠ ᠰᠠᠭᠤᠯᠠᠭᠠ ᠠᠪᠴᠤ | ᠭᠠᠷᠬᠤ᠂ ᠤᠰᠤ ᠤᠬᠢᠶᠠᠳᠠᠰᠤ ᠰᠠᠴᠤᠬᠤ ᠪᠤᠶᠤ ᠬᠤᠭ ᠦᠨᠡᠰᠤ ᠬᠠᠶᠠᠵᠤ ᠪᠤᠯᠳᠠᠭ ᠦᠭᠡᠢ᠃ ᠤᠷᠢᠯᠭᠠ ᠪᠠᠷ ᠢᠷᠡᠵᠤ | ᠶᠠᠪᠤᠭᠠ ᠵᠤᠴᠢᠨ ᠢ ᠪᠤᠯ ᠤᠨᠤᠭᠠ ᠬᠦᠰᠭᠡ ᠪᠠᠷ ᠨᠡᠯᠢᠶᠡᠳ ᠬᠤᠯᠠ ᠭᠠᠵᠠᠷ ᠤᠴᠢᠵᠤ᠂ ᠵᠤᠯᠭᠠᠨ ᠤᠭᠳᠤᠳᠠᠭ᠃ | ᠠᠶᠢᠯ ᠳᠤ ᠢᠷᠡᠭᠰᠡᠨ ᠬᠦᠮᠤᠨ ᠵᠤᠴᠢᠨ ᠤ ᠶᠤᠰᠤᠭᠠᠷ ᠤᠭᠳᠤᠵᠤ ᠠᠪᠤᠭᠰᠠᠳ ᠲᠠᠢ ᠮᠡᠨᠳᠤ ᠮᠡᠳᠡᠨ ᠵᠤᠯᠭᠠᠵᠤ | ᠲᠦᠪᠯᠡᠬᠦᠨ ᠯᠠᠪᠳᠠᠭᠤᠨ ᠵᠤᠴᠢᠳ ᠤᠨ ᠦᠷᠤᠭᠡ ᠳᠤ ᠤᠷᠤᠬᠤ ᠬᠡᠷᠡᠭᠳᠡᠢ᠃ ᠦᠨᠳᠤᠷ ᠨᠠᠰᠤᠳᠠᠢ ᠬᠦᠨᠳᠤᠳᠤ | ᠬᠦᠮᠤᠨ ᠢ ᠪᠤᠯ ᠬᠠᠮᠳᠤ ᠢᠷᠡᠭᠰᠡᠳ ᠨᠢ ᠪᠤᠶᠤ ᠵᠤᠯᠭᠠᠨ ᠤᠭᠳᠤᠭᠰᠠᠳ ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠲᠤᠬᠤᠢ ᠠᠴᠠ ᠨᠢ | ᠲᠤᠯᠤᠰᠬᠢᠨ ᠲᠦᠰᠢᠵᠤ ᠶᠠᠪᠤᠳᠠᠭ᠃ ᠵᠢᠭᠠᠯ ᠬᠡᠤᠭᠡᠳ ᠢ ᠬᠦᠳᠤᠯᠤᠨ ᠲᠠᠭᠠᠭᠤᠯᠬᠤ ᠳᠤ ᠪᠠᠨ ᠪᠠᠷᠠᠭᠤᠨ ᠲᠠᠯᠠ ᠳᠤ | ᠪᠠᠨ ᠶᠠᠪᠤᠭᠤᠯᠳᠠᠭ᠃ ᠢᠷᠡᠭᠰᠡᠨ ᠵᠤᠴᠢᠨ ᠲᠦᠪᠯᠡᠬᠦᠨ ᠰᠠᠶᠢᠬᠠᠨ᠂ ᠨᠠᠮᠵᠢᠭᠤᠨ ᠲᠤᠭᠳᠠᠭᠤᠨ ᠪᠠᠶᠢᠬᠤ ᠶᠢ | ᠠᠩᠬᠠᠷᠴᠤ ᠦᠪᠡᠷ ᠬᠤᠭᠤᠷᠤᠨᠳᠤ ᠪᠠᠨ ᠢᠪᠡᠷ ᠰᠢᠪᠡᠷ ᠶᠠᠷᠢᠯᠴᠠᠬᠤ᠂ ᠢᠨᠢᠶᠡᠯᠳᠤᠬᠦ ᠪᠤᠶᠤ ᠢᠰᠭᠡᠷᠬᠦ᠂ ᠨᠢᠷᠤᠭᠤ | ᠡᠬᠦᠷᠬᠦ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠳᠡᠭ᠃ |