| ᠬᠦᠮᠤᠰ ᠠᠯᠤᠰ ᠬᠡᠳᠤ ᠶᠢᠨ ᠬᠠᠷᠠᠯᠳᠠ ᠲᠠᠢ ᠪᠠᠶᠢᠳᠠᠭ᠃ ᠬᠡᠬᠦ ᠳᠤ ᠲᠡᠷᠡ ᠬᠠᠷᠠᠯᠳᠠ ᠳᠤ ᠪᠠᠨ ᠬᠦᠷᠦᠭᠰᠡᠳ | ᠴᠦᠬᠡᠩᠬᠢ ᠲᠤᠭᠠ ᠶᠢ ᠡᠵᠡᠯᠡᠳᠡᠭ᠃ ᠤᠯᠠᠩᠬᠢ ᠬᠦᠮᠤᠰ ᠠᠯᠤᠰ ᠤᠨ ᠬᠠᠷᠠᠯᠳᠠ ᠪᠠᠨ ᠪᠠᠶᠠᠯᠡᠬᠦᠯᠬᠦ ᠪᠠᠷ ᠲᠡᠮᠡᠴᠡᠵᠤ | ᠪᠠᠶᠢᠭᠠ ᠶᠠᠪᠤᠴᠠ ᠲᠤᠮᠳᠠ ᠪᠠᠨ ᠲᠠᠰᠤᠷᠠᠯᠳᠠ ᠦᠬᠡᠢ ᠬᠠᠷᠠᠯᠳᠠ ᠪᠠᠨ ᠰᠢᠯᠵᠢᠬᠦᠯᠦᠭᠰᠡᠨ ᠪᠤᠶᠤ ᠪᠠᠷᠢᠮᠳᠠᠯᠠᠭᠰᠠᠨ | ᠦᠬᠡᠢ ᠶᠢᠨ ᠤᠴᠢᠷ ᠠᠴᠠ ᠪᠤᠯᠵᠤ ᠬᠦᠰᠡᠯ ᠢᠶᠠᠨ ᠪᠠᠶᠠᠯᠡᠬᠦᠯᠵᠤ ᠲᠡᠶᠢᠯᠦᠭᠰᠡᠨ ᠦᠬᠡᠢ ᠪᠠᠶᠢᠳᠠᠭ᠃ ᠡᠨᠡ ᠪᠤᠯ ᠦᠢᠯᠡᠰ | ᠪᠦᠳᠤᠬᠡᠬᠦ ᠶᠠᠪᠤᠴᠠ ᠲᠤᠮᠳᠠᠬᠢ ᠲᠡᠰᠪᠤᠷᠢ ᠬᠠᠳᠠᠭᠤᠵᠢᠯ ᠤᠨ ᠤᠴᠢᠷ ᠪᠢᠯᠡ᠃ ᠬᠡᠬᠦ ᠳᠤ ᠢᠨᠢᠶᠡᠮᠰᠦᠭ ᠴᠢᠷᠠᠢ᠂ | ᠦᠬᠡᠳᠡᠷᠬᠡᠭ ᠪᠤᠳᠤᠯ ᠪᠤᠯ ᠮᠥᠨ ᠴᠤ ᠦᠢᠯᠡᠰ ᠪᠦᠳᠤᠬᠡᠬᠦ ᠶᠢᠨ ᠡᠬᠢᠯᠡᠯᠳᠡ ᠮᠥᠨ ᠪᠢᠯᠡ᠃ ᠬᠦᠰᠡᠯᠡᠩᠳᠤ | ᠦᠢᠯᠡᠰ ᠢᠶᠠᠨ ᠪᠦᠳᠤᠬᠡᠶᠡ ᠬᠡᠬᠦ ᠳᠤ ᠶᠡᠷᠤᠳᠡᠬᠡᠨ ᠤᠷᠴᠢᠨ ᠲᠤᠭᠤᠷᠢᠨ ᠪᠠ ᠬᠤᠪᠢ ᠬᠦᠮᠤᠨ ᠤ ᠬᠤᠭᠤᠷᠤᠨᠳᠤᠬᠢ | ᠬᠠᠷᠢᠴᠠᠭᠠ ᠠᠴᠠ ᠪᠤᠯᠳᠠᠭ᠃ ᠨᠢᠬᠡ ᠬᠦᠮᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠪᠠᠨ ᠭᠡᠷᠬᠢᠨ ᠬᠠᠨᠳᠤᠬᠤ ᠬᠡᠳᠡᠭ ᠨᠢ ᠦᠢᠯᠡᠰ | ᠪᠦᠳᠤᠬᠡᠬᠦ ᠶᠢᠨ ᠬᠢᠨᠢ ᠬᠠᠭᠠᠰ ᠢ ᠡᠵᠡᠯᠡᠵᠤ ᠪᠠᠶᠢᠳᠠᠭ᠃ ᠶᠠᠮᠠᠷ ᠰᠠᠶᠢᠨ ᠤᠷᠴᠢᠨ ᠳᠤ ᠤᠴᠢᠯᠠ ᠴᠤ ᠬᠡᠰᠡᠨ ᠤᠪᠤᠷ | ᠰᠤᠷᠳᠠᠯ ᠴᠢᠨᠢ ᠠᠨᠠᠢ ᠪᠠᠶᠢᠵᠤ ᠰᠠᠶᠢᠨ ᠤᠷᠴᠢᠨ ᠪᠢᠰᠢ ᠬᠡᠵᠤ ᠪᠤᠳᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠪᠠᠨ ᠬᠠᠨᠳᠤᠪᠠᠯ | ᠤᠷᠴᠢᠨ ᠲᠤᠭᠤᠷᠢᠨ ᠨᠢ ᠴᠤ ᠴᠢᠮᠠ ᠳᠤ ᠠᠨᠠᠢ ᠬᠠᠨᠳᠤᠳᠠᠭ᠃ ᠲᠡᠬᠡᠬᠦᠯᠡᠷ ᠦᠢᠯᠡᠰ ᠬᠦᠰᠡᠯ ᠴᠢᠨᠢ ᠪᠠᠶᠡᠯᠡᠭᠳᠡᠵᠤ | ᠴᠢᠳᠠᠬᠤ ᠦᠬᠡᠢ ᠬᠠᠭᠠᠴᠠ ᠳᠤ ᠤᠴᠠᠷᠠᠭᠠᠳ ᠯᠠ ᠪᠠᠶᠢᠳᠠᠭ᠃ ᠲᠤᠮᠳᠠᠳᠤ ᠤᠯᠤᠰ ᠤᠨ ᠨᠢᠬᠡ ᠡᠯᠴᠢᠨ | ᠡᠸᠦ᠋ᠷᠤᠫᠠ ᠳᠤ ᠠᠶᠢᠯᠴᠢᠯᠠᠭᠰᠠᠨ ᠦᠯᠢᠬᠡᠷ ᠪᠠᠶᠢᠳᠠᠭ᠃ ᠠᠩᠬᠠ ᠠᠶᠢᠯᠴᠢᠯᠠᠬᠤ ᠳᠤ ᠤᠪᠤᠷ ᠰᠤᠷᠳᠠᠯ ᠢᠶᠠᠨ ᠲᠦᠪ | ᠬᠢᠨᠠᠮᠠᠭᠠᠢ ᠪᠤᠯᠭᠠᠵᠤ ᠶᠠᠪᠤᠭᠰᠠᠨ ᠠᠴᠠ ᠪᠤᠴᠠᠭᠠᠳ ᠢᠷᠡᠬᠦ ᠳᠤ ᠪᠠᠨ ᠶᠡᠬᠡᠳᠡ ᠭᠠᠶᠢᠬᠠᠵᠤ ᠡᠨᠡ ᠡᠸᠦ᠋ᠷᠤᠫᠠ ᠶᠢᠨ | ᠬᠦᠮᠤᠰ ᠶᠠᠭᠠᠬᠢᠭᠠᠳ ᠢᠨᠢᠶᠡᠳᠡᠭ ᠦᠬᠡᠢ ᠪᠤᠢ ᠬᠡᠰᠡᠨ ᠪᠤᠳᠤᠯ ᠤᠷᠤᠭᠠᠳ ᠲᠠᠭᠠᠭᠰᠠᠳ ᠠᠴᠠ ᠪᠠᠨ ᠠᠰᠠᠭᠤᠬᠤᠯᠠᠷ | ᠲᠠᠭᠠᠭᠰᠠᠳ ᠨᠢ᠄ ᠲᠠ ᠴᠤ ᠨᠢᠬᠡ ᠴᠤ ᠢᠨᠢᠶᠡᠭᠰᠡᠨ ᠦᠬᠡᠢ ᠰᠢᠤ ᠬᠡᠵᠤ ᠬᠠᠷᠢᠭᠤᠯᠵᠠᠢ᠃ ᠡᠬᠦᠨ ᠳᠤ ᠨᠦᠬᠦᠬᠡ | ᠡᠯᠴᠢᠨ ᠲᠠᠬᠢᠨ ᠤᠳᠠᠭᠠ ᠠᠶᠢᠯᠴᠢᠯᠠᠬᠤ ᠳᠤ ᠪᠠᠨ ᠢᠨᠢᠶᠡᠮᠰᠦᠭ ᠴᠢᠷᠠᠢ ᠲᠠᠢ ᠶᠠᠪᠤᠵᠤ ᠶᠦᠮᠦᠷᠯᠢᠭ ᠬᠠᠨᠳᠤᠭᠰᠠᠨ ᠠᠴᠠ | ᠡᠸᠦ᠋ᠷᠤᠫᠠ ᠶᠢᠨ ᠬᠦᠮᠤᠰ ᠲᠡᠬᠦᠨ ᠠᠴᠠ ᠨᠡᠩ ᠢᠯᠡᠬᠦᠤ ᠢᠨᠢᠶᠡᠮᠰᠦᠭ ᠤᠭᠳᠤᠯᠠ ᠬᠡᠰᠡᠨ ᠪᠠᠶᠢᠳᠠᠭ᠃ ᠴᠢ | ᠬᠦᠮᠤᠨ ᠳᠤ ᠬᠡᠷᠬᠢᠨ ᠬᠠᠨᠳᠤᠪᠠᠯ ᠬᠦᠮᠤᠨ ᠴᠢᠮᠠ ᠳᠤ ᠬᠡᠷᠬᠢᠨ ᠬᠠᠨᠳᠤᠨᠠ ᠬᠡᠰᠡᠨ ᠦᠬᠡ ᠨᠢ ᠶᠠᠭ ᠡᠬᠦᠨ ᠢ | ᠤᠨᠤᠭᠠᠭᠰᠠᠨ ᠳ᠋ᠠ᠃ ᠲᠡᠬᠡᠬᠦᠯᠡᠷ ᠬᠦᠮᠤᠰ ᠲᠤ ᠬᠠᠨᠳᠤᠬᠤ ᠳᠤ ᠪᠠᠨ ᠬᠡᠵᠢᠶᠡᠳᠡ ᠢᠨᠢᠶᠡᠮᠰᠦᠭ ᠴᠢᠷᠠᠢ ᠲᠠᠢ ᠪᠠᠶᠢᠵᠤ | ᠠᠵᠢᠯ ᠦᠢᠯᠡᠰ ᠢᠶᠠᠨ ᠯᠠᠪᠲᠠᠢ ᠪᠦᠳᠤᠵᠤ ᠤᠷᠤᠭᠰᠢᠲᠠᠢ ᠪᠤᠯᠤᠨᠠ ᠬᠡᠵᠤ ᠦᠬᠡᠳᠡᠷᠬᠡᠭ ᠪᠤᠳᠤᠯ ᠢᠶᠠᠷ ᠬᠠᠨᠳᠤᠪᠠᠯ | ᠬᠦᠰᠡᠯᠡᠩᠳᠤ ᠦᠢᠯᠡᠰ ᠢᠶᠠᠨ ᠪᠠᠶᠡᠯᠡᠬᠦᠯᠬᠦ ᠲᠠᠪᠠᠭᠤᠯᠢᠭ ᠲᠠᠯᠠ ᠶᠢ ᠠᠳᠬᠤᠴᠢᠬᠠᠭᠰᠠᠨ ᠤᠴᠢᠷ ᠲᠠᠢ᠃ ᠡᠶᠢᠮᠤ ᠠᠴᠠ | ᠢᠨᠢᠶᠡᠮᠰᠦᠭ ᠴᠢᠷᠠᠢ᠂ ᠦᠬᠡᠳᠡᠷᠬᠡᠭ ᠪᠤᠳᠤᠯ ᠪᠤᠯ ᠬᠦᠮᠤᠰ ᠤᠨ ᠨᠢᠬᠡ ᠵᠦᠢᠯ ᠤᠨ ᠰᠡᠳᠬᠢᠴᠡ ᠶᠢᠨ ᠬᠡᠯᠪᠡᠷᠢ | ᠮᠦᠷᠳᠡᠬᠡᠨ ᠤᠬᠠᠮᠰᠠᠷ ᠤᠨ ᠠᠰᠠᠭᠤᠳᠠᠯ ᠮᠥᠨ᠃ ᠬᠦᠮᠤᠰ ᠤᠨ ᠬᠦᠰᠡᠯ ᠬᠢᠰᠡᠯ ᠪᠤᠯ ᠬᠡᠵᠢᠶᠡᠳᠡ ᠲᠦᠬᠦᠷᠡᠰᠢ ᠦᠬᠡᠢ | ᠬᠦᠨ ᠠᠩ ᠮᠥᠨ᠃ ᠲᠡᠬᠦᠨ ᠢᠶᠠᠨ ᠲᠦᠬᠦᠷᠬᠡᠵᠤ ᠶᠠᠪᠤᠶᠠ ᠬᠡᠪᠡᠯ ᠴᠢᠨᠤ ᠤᠷᠴᠢᠨ ᠪᠠᠶᠢᠳᠠᠯ ᠬᠡᠳᠤᠢ ᠮᠠᠭᠤ᠂ ᠬᠡᠳᠤᠢ | ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠲᠠᠢ ᠪᠠᠶᠢᠯᠠ ᠴᠤ ᠬᠡᠰᠡᠨ ᠤᠪᠤᠷ ᠰᠤᠷᠳᠠᠯ ᠢᠶᠠᠨ ᠲᠦᠪ ᠪᠤᠯᠭᠠᠵᠤ ᠢᠨᠢᠶᠡᠮᠰᠦᠭ ᠴᠢᠷᠠᠢ | ᠦᠬᠡᠳᠡᠷᠬᠡᠭ ᠪᠤᠳᠤᠯ ᠢᠶᠠᠷ ᠬᠠᠨᠳᠤᠨ ᠨᠢᠬᠡ ᠰᠡᠳᠬᠢᠯ ᠢᠶᠠᠷ ᠬᠦᠴᠤᠯᠠᠨ ᠴᠢᠷᠮᠠᠶᠢᠳᠠᠭ ᠯᠠ ᠶᠤᠮ ᠪᠤᠯ ᠪᠠᠷᠳᠠᠭᠠᠳᠤ | ᠵᠠᠮ ᠢ ᠲᠤᠭᠤᠯᠤᠨ ᠬᠦᠷᠤᠶᠠ ᠬᠡᠰᠡᠨ ᠨᠤᠶᠠᠨ ᠤᠷᠬᠢᠯ ᠳᠤ ᠪᠠᠨ ᠯᠠᠪᠲᠠᠢ ᠬᠦᠷᠴᠤ ᠴᠢᠳᠠᠬᠤ ᠶᠤᠮ᠃ | |