| ● ᠲᠠᠭᠤᠳᠠᠭᠠᠴᠢ ᠡᠩᠬᠡᠬᠠᠳᠠ | ᠮᠢᠨᠤ ᠪᠡᠶᠡ ᠠᠯᠢ ᠵᠠᠪ ᠲᠤ ᠨᠢ ᠬᠤᠳᠠ ᠶᠢᠨ ᠢᠷᠭᠡᠨ ᠪᠤᠯᠤᠭᠰᠠᠨ ᠢᠶᠠᠨ ᠲᠤᠩ ᠡᠷᠭᠢᠴᠡᠬᠦᠯᠬᠦ ᠲᠤᠷᠠ ᠦᠬᠡᠢ | ᠪᠠᠶᠢᠨᠠ᠃ ᠬᠡᠵᠢᠶᠡ ᠠᠴᠠ ᠡᠬᠢᠯᠡᠵᠤ ᠬᠤᠳᠠ ᠳᠤ ᠲᠤᠷᠠᠯᠠᠭᠰᠠᠨ ᠢᠶᠠᠨ ᠴᠤ ᠮᠡᠳᠡᠬᠦ ᠦᠬᠡᠢ ᠪᠠᠶᠢᠨᠠ᠃ ᠭᠡᠳᠡᠯᠠ | ᠦᠨᠤᠳᠤᠷ ᠦᠪᠡᠷ ᠢᠶᠠᠨ ᠬᠠᠷᠢᠨ ᠶᠡᠭᠡ ᠬᠤᠳᠠ ᠶᠢᠨ ᠬᠠᠭᠤᠷᠮᠠᠭ ᠬᠠᠷᠢᠴᠠᠭᠠᠨ ᠳᠤ ᠨᠤᠤᠬᠠᠯᠠᠭᠤᠯᠵᠤ᠂ ᠬᠤᠳᠠ ᠶᠢᠨ | ᠠᠮᠢᠳᠤᠷᠠᠯ ᠳᠤ ᠮᠢᠨᠢ ᠲᠤᠭᠢᠶᠠᠯᠳᠤᠭᠰᠠᠨ ᠤᠴᠢᠷ ᠪᠤᠯᠭᠠᠨ ᠢ ᠠᠰᠢᠭ ᠬᠠᠷᠠᠬᠤ ᠦᠵᠡᠯᠳᠠ ᠪᠠᠷ ᠦᠵᠡᠭᠦ | ᠪᠤᠯᠤᠭᠰᠠᠨ ᠢᠶᠠᠨ ᠰᠠᠷᠡᠵᠤ ᠮᠡᠳᠡᠭᠡᠳ ᠦᠪᠡᠷ ᠠᠴᠠ ᠪᠠᠨ ᠦᠷᠭᠦᠭᠦ ᠰᠢᠭ ᠪᠤᠯᠪᠠ᠃ ᠠᠶᠤᠳᠠᠰᠤ ᠬᠦᠷᠬᠦ ᠰᠢᠭ ᠪᠤᠯᠪᠠ᠃ | | ᠢᠩᠭᠢᠭᠡᠳ ᠪᠢ ᠭᠤᠷᠪᠠᠨ ᠪᠤᠭᠤᠳᠠᠭ ᠡᠮ ᠪᠤᠶᠤ ᠭᠤᠷᠪᠠᠨ ᠪᠠᠳᠠᠭ ᠰᠢᠯᠦᠭ ᠬᠡᠮᠡᠬᠦ ᠡᠨᠡ ᠬᠦ ᠪᠤᠭᠤᠨᠢᠬᠠᠨ | ᠵᠦᠢᠯ ᠢ ᠪᠢᠴᠢᠮᠡᠷ ᠰᠠᠨᠠᠭᠳᠠᠭᠰᠠᠨ ᠶᠤᠮ᠃ ᠬᠤᠳᠠ ᠶᠢᠨ ᠢᠷᠭᠡᠳ ᠤᠨ ᠰᠤᠶᠤᠯ ᠤᠨ ᠲᠤᠳᠤᠷᠠ ᠭᠦᠳᠡᠭᠡ ᠶᠢᠨ ᠬᠢ | ᠰᠢᠭ ︽ᠠᠶᠢᠯ ᠠᠶᠢᠮᠠᠭ ᠤᠨ ᠠᠮᠢ ᠨᠢᠬᠡ᠂ ᠠᠨᠵᠢᠰᠦᠨ ᠦᠬᠡᠷ ᠤᠨ ᠲᠦᠷᠬᠦ ᠨᠢᠬᠡ︾ ᠭᠡᠰᠡᠨ ᠰᠤᠶᠤᠯ ᠤᠨ | ᠠᠭᠤᠯᠬᠤᠨ ᠲᠠᠭ ᠤᠷᠤᠰᠢᠳᠠᠭ ᠦᠭᠡᠢ᠃ ᠠᠰᠠᠷ ᠲᠤ ᠰᠠᠭᠤᠭᠰᠠᠨ ᠬᠤᠳᠠ ᠶᠢᠨ ᠬᠢᠨ ᠵᠡᠷᠭᠡᠯᠡᠳᠡᠭᠡ ᠠᠶᠢᠯ ᠤᠨ ᠢᠶᠠᠨ | ᠭᠦᠮᠤᠰ ᠢ ᠲᠠᠭ ᠲᠠᠨᠢᠳᠠᠭ ᠴᠤ ᠦᠭᠡᠢ᠂ ᠶᠠᠷᠢᠯᠴᠠᠳᠠᠭ ᠴᠤ ᠦᠭᠡᠢ᠂ ᠭᠡᠳᠡᠯᠠ ᠮᠠᠨ ᠤ ᠰᠠᠭᠠᠬᠠᠯᠳᠠ ᠶᠢᠨ ᠬᠢᠨ ᠬᠠᠷᠢᠨ | ᠠᠵᠠ ᠪᠠᠷ ᠮᠤᠩᠭᠤᠯ ᠭᠦᠮᠤᠨ ᠪᠠᠶᠢᠵᠤ᠂ ᠲᠠᠳᠡᠨ ᠤ ᠭᠡᠤᠭᠡᠨ ᠨᠢ ᠮᠢᠨᠤ ᠭᠦᠤ ᠲᠠᠢ ᠤᠨᠠᠭᠠᠨ ᠨᠠᠶᠢᠵᠢ ᠪᠤᠯᠤᠯᠴᠠᠨ᠂ | ᠬᠤᠶᠠᠷ ᠠᠶᠢᠯ ᠤᠨ ᠬᠠᠷᠢᠴᠠᠭᠠ ᠭᠡᠤᠭᠡᠳ ᠢᠶᠠᠷ ᠲᠠᠮᠵᠢᠨ ᠲᠤᠩ ᠰᠠᠶᠢᠨ ᠪᠠᠶᠢᠳᠠᠭ᠃ | ᠰᠠᠯᠠᠭᠠ ᠭᠡᠵᠢᠭᠡ ᠲᠠᠢ ᠨᠦᠭᠦᠭᠡ ᠵᠢᠭᠠᠯ ᠭᠡᠤᠭᠡᠨ ᠨᠢ ᠰᠢᠯᠦᠭ ᠤᠶᠠᠩᠭᠠᠯᠠᠬᠤ ᠳᠤ ᠪᠠᠨ ᠠᠪᠢᠶᠠᠰ ᠲᠠᠢ | ᠤᠴᠢᠷ ᠠᠴᠠ ᠲᠠᠳᠡᠨ ᠤ ᠬᠢᠨ ᠭᠡᠵᠢᠶᠡᠳᠠ ᠨᠠᠳᠠ ᠠᠴᠠ ᠰᠢᠯᠦᠭ ᠤᠨ ᠨᠤᠮ ᠵᠢᠭᠡᠯᠡᠭᠦ ᠪᠤᠶᠤ ᠰᠡᠭᠦᠯᠳᠡᠵᠤ ᠢᠷᠡᠭᠡᠳ ᠪᠢ | ᠪᠦᠷ ᠭᠡᠤᠭᠡᠨ ᠳᠤ ᠨᠢ ᠵᠤᠷᠢᠭᠤᠯᠤᠨ ᠭᠡᠤᠭᠡᠳ ᠤᠨ ᠰᠢᠯᠦᠭ ᠪᠢᠴᠢᠵᠤ ᠦᠭᠳᠡᠭ ᠪᠤᠯᠪᠠ᠃ ᠮᠠᠨ ᠤ ᠰᠠᠭᠠᠬᠠᠯᠳᠠ ᠶᠢᠨ | ᠵᠢᠭᠠᠯ ᠭᠡᠤᠭᠡᠨ ᠴᠤ ᠦᠪᠡᠷ ᠤᠨ ᠠᠪᠢᠶᠠᠰ ᠢᠶᠠᠨ ᠲᠠᠶᠢᠴᠢᠯᠠᠨ ᠤᠯᠠᠨ ᠤᠳᠠᠭᠠᠨ ᠤ ᠵᠢᠵᠢᠭ ᠲᠤᠮᠤ ᠰᠢᠯᠦᠭ ᠤᠨ | ᠤᠷᠤᠯᠳᠤᠭᠠᠨ ᠳᠤ ᠲᠠᠳ᠋ᠯᠡᠭᠦ ᠦᠭᠡᠢ ᠪᠤᠯ ᠲᠡᠷᠢᠭᠦᠯᠡᠵᠤ ᠮᠠᠨ ᠤ ᠬᠤᠶᠠᠷ ᠠᠶᠢᠯ ᠳᠤ ᠦᠩᠭᠡ ᠭᠡᠷᠡᠯ ᠪᠠᠶᠠᠷ ᠪᠠᠶᠠᠰᠤᠯ | ᠠᠪᠴᠢᠷᠠᠳᠠᠭ ᠪᠤᠯᠤᠯᠠ᠃ ᠡᠶᠢᠮᠤ ᠠᠴᠠ ᠭᠡᠤᠭᠡᠨ ᠤ ᠠᠪᠤ ᠡᠵᠢ ᠨᠢ ᠬᠠᠮᠢᠭᠠ ᠵᠤᠯᠭᠠᠭᠰᠠᠨ ᠴᠤ ᠨᠠᠳᠠ ᠳᠤ ᠪᠠᠶᠢᠨ | ᠲᠠᠭᠢᠨ ᠪᠠᠶᠠᠷ ᠲᠠᠯᠠᠷᠬᠠᠯ ᠢᠶᠠᠨ ᠢᠯᠡᠳᠭᠡᠳᠡᠭ ᠪᠤᠯᠪᠠ᠃ ᠪᠢ ᠴᠤ ︽ᠭᠡᠤᠭᠡᠳ ᠤᠨ ᠲᠦᠯᠦᠭᠡ ᠶᠤᠮ ᠴᠢᠨᠢ ᠬᠠᠮᠢᠶᠠ | ᠦᠭᠡᠢ︾ ᠭᠡᠵᠤ ᠲᠠᠷᠤᠤᠬᠠᠨ ᠬᠠᠷᠢᠭᠤ ᠦᠭᠳᠡᠭ᠃ | ᠨᠢᠭᠡ ᠤᠳᠠᠭᠠ ᠪᠢ ᠭᠦᠨᠳᠤ ᠲᠠᠭᠰᠢᠭᠤᠷ ᠤᠷᠤᠭᠠᠳ ᠤᠤᠯ ᠤᠨ ᠠᠳᠠᠯᠢ ᠡᠮ ᠤᠤᠭᠤᠬᠤ ᠦᠭᠡᠢ ᠪᠠᠷ | ᠲᠤᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠳᠡᠭ ᠢᠶᠠᠨ ᠪᠠᠷᠤᠭᠯᠠᠭᠠᠳ ᠨᠦᠭᠦᠭᠡ ᠭᠡᠤᠭᠡᠨ ᠤ ᠠᠪᠤ ᠡᠵᠢ ᠶᠢ ᠡᠷᠢᠵᠤ ᠤᠴᠢᠯᠠ ︵ | ᠵᠢᠭᠠᠯ ᠭᠡᠤᠭᠡᠨ ᠤ ᠠᠪᠤ ᠡᠵᠢ ᠨᠢ ᠡᠮᠴᠢ ᠶᠤᠮ︶᠃ ᠭᠡᠤᠭᠡᠨ ᠤ ᠠᠪᠤ ᠡᠵᠢ ᠶᠢᠨ ᠪᠠᠶᠠᠷᠯᠠᠭᠰᠠᠨ ᠭᠡᠵᠤ᠂ ᠮᠢᠨᠤ | ᠰᠤᠳᠠᠯ ᠢ ᠪᠠᠷᠢᠵᠤ ᠦᠵᠡᠴᠢᠬᠡᠬᠡᠳ ᠡᠮ ᠤᠨ ᠬᠤᠷᠭᠤ ᠪᠠᠨ ᠠᠭᠤᠳᠠᠯᠤᠨ᠂ ᠶᠡᠭᠡ ᠯᠠ ᠬᠤᠪᠤᠷ ᠨᠠᠨᠳᠢᠨ ᠤᠷᠬᠤᠳᠡᠢ | ᠰᠢᠭ᠋ ᠡᠮ ᠠᠴᠠ ᠪᠠᠨ ᠨᠠᠳᠠ ᠳᠤ ᠭᠤᠷᠪᠠᠨ ᠪᠤᠭᠤᠳᠠᠭ ᠢ ᠪᠤᠭᠤᠵᠤ ᠦᠭᠭᠦᠯᠠ᠃ ᠬᠠᠷᠢᠨ ᠡᠮ ᠤᠨ ᠮᠦᠩᠭᠦ ᠲᠦᠯᠦᠭᠦ | ᠭᠡᠰᠡᠨ ᠴᠢᠨᠢ ᠶᠠᠭᠠᠬᠢᠬᠰᠠᠨ ᠴᠤ ᠠᠪᠳᠠᠭ ᠦᠭᠡᠢ᠃ | ᠦᠨᠡᠭᠡᠷ ᠨᠦᠭᠦᠭᠡ ᠭᠤᠷᠪᠠᠨ ᠪᠤᠭᠤᠳᠠᠭ ᠡᠮ ᠤᠨ ᠭᠦᠴᠤ ᠪᠠᠷ ᠪᠢ ᠬᠤᠨᠤᠭ ᠪᠤᠯᠤᠯ ᠦᠭᠡᠢ ᠪᠠᠷ | ᠲᠠᠭᠰᠢᠭᠤᠷ ᠠᠴᠠ ᠰᠠᠯᠵᠤ ᠪᠡᠶᠠ ᠰᠡᠳᠭᠢᠯ ᠭᠦᠩᠭᠡᠷᠡᠯᠠ᠃ ᠭᠡᠪᠡᠴᠤ ︽ᠡᠮ ᠠᠪᠤᠭᠠᠳ ᠡᠮ ᠤᠨ ᠮᠦᠩᠭᠦ ᠲᠦᠯᠦᠬᠦ | ᠦᠭᠡᠢ ᠪᠤᠯ ᠡᠪᠡᠳᠴᠢᠨ ᠡᠳᠡᠭᠡᠷᠡᠳᠡᠭ ᠦᠭᠡᠢ︾ ᠶᠤᠮ ᠭᠡᠰᠡᠨ ᠶᠠᠪᠤᠭᠤᠯ ᠤᠨ ᠦᠭᠡ ᠡᠮ ᠠᠪᠤᠭᠰᠠᠨ ᠲᠡᠷᠡ | ᠲᠠᠷᠦ᠋ᠢᠬᠠᠨ ᠮᠢᠨᠤ ᠲᠠᠷᠢᠭᠢᠨ ᠤ ᠡᠰ ᠪᠤᠯᠭᠠᠨ ᠢ ᠡᠮᠵᠡᠭᠯᠡᠬᠦᠯᠵᠤ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠮᠢᠨᠤ ᠭᠡᠤᠭᠡᠨ ᠳᠤ ᠨᠢ ᠪᠢᠴᠢᠵᠤ | ᠦᠭᠭᠦᠭᠰᠡᠨ ᠭᠤᠷᠪᠠᠨ ᠪᠠᠳᠠᠭ ᠰᠢᠯᠦᠭ ᠴᠢᠨᠢ ᠡᠨᠡ ᠭᠤᠷᠪᠠᠨ ᠪᠤᠭᠤᠳᠠᠭ ᠡᠮ ᠤᠨ ᠵᠤᠭᠤᠰ ᠪᠢᠰᠢ ᠤᠤ︖ ᠭᠡᠰᠡᠨ | ᠪᠤᠳᠤᠯ ᠡᠨᠡ ᠡᠮᠵᠡᠭᠯᠡᠯ ᠢ ᠮᠢᠨᠢ ᠡᠷᠭᠡ ᠦᠭᠡᠢ ᠠᠷᠴᠢᠪᠠ᠃ ᠭᠦᠮᠤᠨ ᠳᠤ ᠢᠴᠢᠭᠦ ᠪᠤᠯᠴᠢᠷᠬᠠᠢ ᠭᠡᠵᠤ ᠪᠤᠢ᠂ ᠭᠡᠪᠡᠴᠤ | ᠪᠢ ᠶᠠᠭᠤᠨ ᠳᠤ ᠪᠠᠨ ᠢᠴᠢᠭᠦ ᠪᠤᠢ︖ ᠤᠶᠤᠨ ᠲᠠᠷᠢᠭᠢ ᠪᠠᠨ ᠨᠡᠷᠡᠵᠤ ᠪᠠᠶᠢᠵᠤ ᠪᠢᠴᠢᠭᠰᠡᠨ ᠭᠤᠷᠪᠠᠨ ᠪᠠᠳᠠᠭ | ᠰᠢᠯᠦᠭ ᠴᠢᠨᠢ ᠭᠦᠳᠡᠯᠮᠤᠷᠢ ᠶᠢᠨ ᠦᠷᠡ ᠪᠦᠳᠦᠭᠡᠯ ᠪᠢᠰᠢ ᠤᠤ︖ ᠡᠨᠡ ᠭᠦᠳᠡᠯᠮᠤᠷᠢ ᠪᠠᠨ ᠦᠪᠡᠷ ᠢᠶᠠᠨ ᠦᠨᠡᠯᠡᠭᠦ | ᠦᠭᠡᠢ ᠶᠤᠮ ᠪᠤᠯ ᠭᠡᠨ ᠴᠢᠮᠠ ᠶᠢ ᠤᠷᠤᠯᠠᠵᠤ ᠦᠨᠡᠯᠡᠭᠦ ᠪᠤᠢ︖ ᠭᠡᠰᠡᠨ ᠪᠤᠳᠤᠯ ᠰᠡᠳᠭᠢᠯ ᠢ ᠮᠢᠨᠢ ᠡᠷᠭᠡ ᠦᠭᠡᠢ | ᠲᠠᠶᠢᠳᠬᠤᠷᠠᠭᠤᠯᠤᠯᠠ᠃ | ᠲᠡᠷᠡ ᠭᠤᠷᠪᠠᠨ ᠪᠤᠭᠤᠳᠠᠭ ᠡᠮ ᠤᠨ ᠭᠦᠴᠤ ᠪᠠᠷ ᠲᠠᠭᠰᠢᠭᠤᠷ ᠠᠴᠠ ᠰᠠᠯᠤᠭᠰᠠᠨ ᠪᠤᠯᠪᠠᠴᠤ ᠲᠡᠷᠡ ᠭᠡᠳᠤᠨ ᠡᠳᠤᠷ | ᠰᠡᠳᠭᠢᠯ ᠰᠠᠨᠠᠭᠠ ᠮᠢᠨᠢ ᠬᠠᠪᠤᠷ ᠪᠤᠯᠤᠭᠰᠠᠨ ᠤ ᠬᠤᠶᠢᠨᠠᠭᠢ ᠰᠠᠷᠢᠮᠰᠤᠭ ᠤᠨ ᠭᠤᠤᠯ ᠰᠢᠭ᠋ ᠭᠦᠨᠳᠡᠶᠢᠷᠡᠵᠤ᠂ ᠴᠢᠷᠠᠢ | ᠵᠢᠰᠤ ᠮᠢᠨᠢ ᠮᠦᠩᠭᠦᠨ ᠤ ᠨᠢᠭᠤᠷ ᠲᠡᠭᠡᠷᠡᠭᠢ ᠬᠠᠭᠠᠨ ᠤ ᠴᠢᠷᠡᠢ ᠰᠢᠭ᠋ ᠬᠠᠷᠠᠭᠳᠠᠭᠠᠳ ᠶᠠᠮᠠᠷ ᠨᠢᠭᠡᠨ ᠠᠯᠳᠠᠭᠠ ᠭᠢᠭᠰᠡᠨ | ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠭᠠᠳ ᠪᠤᠯᠳᠠᠭ ᠦᠭᠡᠢ᠃ ᠢᠩᠭᠢᠭᠡᠳ ᠪᠢᠴᠢᠭ ᠤᠨ ᠭᠦᠮᠤᠨ ᠤ ᠤᠶᠤᠨ ᠤ ᠭᠦᠳᠡᠯᠮᠤᠷᠢ ᠶᠢᠨ | ᠲᠠᠯᠠ ᠪᠠᠷ ᠤᠯᠠᠨ ᠵᠦᠢᠯ ᠢ ᠬᠤᠯᠪᠤᠨ ᠪᠤᠳᠤᠵᠤ᠂ ᠴᠠᠭᠠᠨ ᠰᠠᠷᠠ ᠪᠠᠷ ᠵᠡᠭᠡᠯᠢ ᠲᠡᠭᠡᠷᠠ ᠤᠷᠠᠨ ᠪᠢᠴᠢᠯᠭᠡᠳᠠᠨ ᠰᠢᠨᠠ | ᠵᠢᠯ ᠤᠨ ᠬᠤᠤᠰ ᠤᠶᠠᠩᠭᠠ ᠪᠢᠴᠢᠭᠡᠳ ᠬᠤᠳᠠᠯᠳᠤᠵᠤ ᠪᠠᠶᠢᠳᠠᠯᠠ ᠪᠢ ᠶᠠᠭᠠᠭᠢᠭᠠᠳ ᠭᠤᠷᠪᠠᠨ ᠪᠠᠳᠠᠭ ᠰᠢᠯᠦᠭ ᠢᠶᠠᠨ | ᠭᠤᠷᠪᠠᠨ ᠪᠤᠭᠤᠳᠠᠭ ᠡᠮ ᠤᠨ ᠦᠨᠡ ᠪᠠᠷ ᠦᠨᠡᠯᠡᠵᠤ ᠪᠤᠯᠬᠤ ᠦᠭᠡᠢ ᠪᠤᠢ︖ ᠭᠦᠮᠤᠰ ᠮᠢᠨᠤ ᠪᠢᠴᠢᠭᠰᠡᠨ ᠰᠢᠯᠦᠭ ᠢ | ᠤᠩᠰᠢᠭᠠᠳ᠂ ᠰᠤᠨᠤᠰᠤᠭᠠᠳ ᠤᠶᠤᠨ ᠰᠠᠨᠠᠭᠠ ᠪᠠᠨ ᠠᠷᠢᠭᠤᠰᠬᠠᠨᠠ᠂ ᠪᠢ ᠭᠤᠷᠪᠠᠨ ᠪᠤᠭᠤᠳᠠᠭ ᠡᠮ ᠤᠤᠭᠤᠭᠠᠳ | ᠡᠪᠡᠳᠴᠢᠨ ᠢᠶᠠᠨ ᠠᠷᠢᠯᠭᠠᠨᠠ᠂ ᠨᠢᠭᠡᠨ ᠠᠳᠡᠯᠢ ᠦᠷᠡ ᠳ᠋ᠦᠩ ᠲᠠᠢ ᠭᠡᠵᠤ ᠪᠤᠳᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠡᠨᠡ | ᠤᠴᠢᠷ ᠢ ᠲᠠᠭ ᠰᠠᠨᠠᠭᠠᠨ ᠳᠤ ᠪᠠᠨ ᠠᠪᠤᠭᠰᠠᠨ ᠦᠭᠡᠢ ᠤᠯᠠᠨ ᠬᠤᠨᠤᠭ ᠦᠩᠬᠡᠷᠡᠯᠡ᠃ | ᠭᠡᠳᠡᠯᠠ ᠨᠢᠭᠡ ᠡᠳᠤᠷ ᠨᠦᠭᠦᠭᠡ ᠵᠢᠭᠠᠯ ᠭᠡᠤᠭᠡᠨ ᠤ ᠠᠪᠤ ᠨᠢ ᠨᠠᠮᠠ ᠶᠢ ᠡᠷᠢᠵᠤ ᠭᠡᠤᠭᠡᠨ ᠮᠢᠨᠢ ᠤᠳᠤ ᠤᠳᠠᠯ ᠦᠭᠡᠢ | ᠪᠦᠭᠦ ᠬᠤᠳᠠ ᠶᠢᠨ ᠰᠢᠯᠦᠭ ᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠬᠤ ᠭᠡᠵᠤ ᠪᠠᠶᠢᠨᠠ᠃ ᠵᠠᠪᠠᠯ ᠰᠢᠨᠠ ᠪᠠᠷ ᠪᠢᠴᠢᠭᠰᠡᠨ | ᠰᠢᠯᠦᠭ ᠠᠪᠤᠨᠠ ᠬᠡᠨᠡ᠃ ᠲᠠ ᠬᠡᠤᠬᠡᠨ ᠳᠤ ᠮᠢᠨᠢ ᠪᠠᠰᠠ ᠨᠢᠭᠡ ᠰᠢᠨᠠ ᠰᠢᠯᠦᠭ ᠪᠢᠴᠢᠵᠤ ᠦᠭᠭᠦᠨᠠ ᠤᠤ ᠭᠡᠪᠡ᠃ | ᠡᠨᠡ ᠦᠶᠡ ᠳᠤ ᠭᠦᠮᠤᠨ ᠤ ᠭᠤᠷᠪᠠᠨ ᠪᠤᠭᠤᠳᠠᠭ ᠡᠮ ᠢ ᠶᠠᠮᠠᠷ ᠴᠤ ᠲᠦᠯᠦᠪᠤᠷᠢ ᠦᠭᠡᠢ ᠪᠠᠷ ᠤᠤᠭᠤᠭᠰᠠᠨ ᠶᠤᠮ | ᠴᠢᠨᠢ ᠵᠦᠪᠰᠢᠶᠡᠷᠡᠬᠦ ᠯᠠ ᠬᠡᠷᠡᠭ᠃ ᠡᠭᠦᠨ ᠠᠴᠠ ᠡᠮᠤᠨᠠ ᠪᠢ ᠲᠡᠷᠡ ᠵᠢᠭᠠᠯ ᠭᠡᠤᠭᠡᠨ ᠳᠤ ᠤᠯᠠᠨ ᠴᠤ ᠤᠳᠠᠭᠠᠨ ᠤ | ᠤᠷᠤᠯᠳᠤᠭᠠᠨ ᠤ ᠰᠢᠯᠦᠭ ᠪᠢᠴᠢᠵᠤ ᠦᠭᠭᠦ ᠳᠤ ᠪᠠᠨ ᠵᠦᠪᠭᠡᠨ ᠯᠠ ᠡᠨᠡ ᠭᠡᠤᠭᠡᠨ ᠢ ᠦᠪᠡᠷ ᠤᠨ ᠭᠦᠤ ᠲᠠᠢ ᠪᠠᠨ | ᠠᠳᠠᠯᠢ ᠪᠠᠷ ᠡᠩᠭᠦᠷᠡᠶᠢᠯᠡᠨ ᠬᠠᠶᠢᠷᠠᠯᠠᠵᠤ᠂ ᠲᠡᠭᠦᠨ ᠤ ᠠᠪᠢᠶᠠᠰ ᠪᠢᠯᠢᠭ ᠢ ᠬᠠᠶᠢᠷᠠᠯᠠᠬᠤ ᠡᠭᠦᠳᠡᠨ ᠠᠴᠠ ᠯᠠ | ᠰᠢᠯᠦᠭ ᠢ ᠨᠢ ᠪᠤᠯᠪᠠᠯ ᠰᠠᠶᠢᠨ ᠯᠠ ᠪᠢᠴᠢᠵᠤ ᠦᠭᠭᠦᠶᠠ ᠭᠡᠵᠤ ᠪᠤᠳᠤᠳᠠᠭ ᠪᠠᠶᠢᠭᠰᠠᠨ᠃ ᠬᠡᠳᠡᠯᠡ ᠲᠡᠷᠡ ᠭᠤᠷᠪᠠᠨ | ᠪᠤᠭᠤᠳᠠᠭ ᠡᠮ ᠢ ᠲᠦᠯᠦᠪᠤᠷᠢ ᠦᠭᠡᠢ ᠵᠦᠭᠡᠷ ᠯᠠ ᠤᠤᠭᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠨᠢᠭᠡ ᠪᠤᠯ ᠭᠦᠮᠤᠨ ᠳᠤ ᠦᠷᠢᠳᠡᠢ | ᠶᠤᠮ ᠰᠢᠭ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ ᠪᠢ ᠭᠦᠮᠤᠨ ᠳᠤ ᠲᠤᠰᠠ ᠪᠤᠯᠤᠭᠰᠠᠨ ᠤᠴᠢᠷ ᠠᠴᠠ ᠡᠨᠡ ᠲᠤᠰᠠ ᠶᠢᠨ ᠢᠶᠠᠨ | ᠬᠠᠷᠢᠭᠤ ᠳᠤ ᠪᠠᠰᠠ ᠲᠤᠰᠠ ᠶᠢ ᠨᠢ ᠭᠦᠷᠳᠡᠭᠦ ᠶᠤᠰᠤᠳᠡᠢ ᠭᠡᠳᠡᠭ ᠪᠤᠳᠤᠯ ᠡᠷᠭᠡ ᠦᠭᠡᠢ ᠤᠶᠤᠨ ᠰᠠᠨᠠᠭᠠ ᠶᠢ ᠮᠢᠨᠢ | ᠡᠵᠡᠯᠡᠭᠦ ᠪᠤᠯᠪᠠ᠃ | ᠠᠪᠢᠶᠠᠰ ᠲᠠᠢ ᠵᠢᠭᠠᠯ ᠬᠡᠦᠬᠡᠨ ᠳᠤ ᠠᠩᠬᠠ ᠡᠬᠢᠯᠡᠨ ᠰᠢᠯᠦᠭ ᠪᠢᠴᠢᠵᠤ ᠦᠭᠴᠢᠬᠡᠬᠡᠳ ᠪᠢ ᠬᠡᠳᠦᠢ ᠠᠵᠠ | ᠵᠢᠷᠭᠠᠯ ᠲᠠᠢ ᠪᠠᠶᠢᠯᠠ᠃ ᠬᠡᠳᠡᠯᠡ ᠠᠪᠤ ᠡᠵᠢ ᠶᠢᠨ ᠬᠢᠨ ᠭᠤᠷᠪᠠᠨ ᠪᠤᠭᠤᠳᠠᠭ ᠡᠮ ᠢ ᠲᠦᠯᠦᠪᠦᠷᠢ ᠦᠬᠡᠢ | ᠤᠤᠭᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠬᠠᠷᠢᠨ ᠵᠤᠪᠠᠯᠠᠩ ᠨᠦᠮᠦᠷᠢᠭᠰᠡᠨ ᠰᠢᠭ ᠶᠠᠪᠤᠬᠤ ᠪᠤᠯᠪᠠ᠃ | ᠠᠵᠠ ᠵᠢᠷᠭᠠᠯ ᠬᠡᠭᠴᠢ ᠶᠠᠮᠠᠷ ᠡᠮᠵᠡᠭ ᠶᠠᠭᠤᠮᠠ ᠪᠤᠢ᠃ ᠶᠠᠭ ᠯᠡ ᠰᠡᠳᠬᠢᠯ ᠰᠢᠭ᠃ | ᠲᠤᠷᠤᠨᠠ ᠶᠢᠨ ᠵᠢᠷᠤᠬᠠᠢ ᠪᠠᠷ ᠮᠦᠷ ᠢᠶᠠᠨ ᠭᠠᠷᠭᠠᠵᠤ᠂ ᠲᠤᠯᠤᠭᠠᠨ ᠪᠤᠷᠬᠠᠨ ᠢᠶᠠᠷ ᠦᠷ ᠢᠶᠠᠨ ᠴᠠᠶᠢᠯᠭᠠᠳᠠᠭ | ᠭᠦᠳᠡᠭᠡ ᠨᠤᠳᠤᠭ ᠤᠨ ᠴᠡᠩᠬᠡᠷ ᠰᠠᠯᠬᠢ ᠵᠠᠯᠬᠢᠵᠤ ᠦᠰᠦᠭᠰᠡᠨ ᠬᠦᠪᠡᠬᠦᠨ ᠪᠢ ᠦᠨᠤᠳᠤᠷ ᠨᠢᠭᠡᠨᠳᠠ ᠬᠢᠷᠢ | ᠲᠡᠩᠴᠡᠭᠰᠡᠨ ᠬᠤᠳᠠ ᠶᠢᠨ ᠰᠡᠬᠡᠬᠡᠳᠡᠨ ᠪᠤᠯᠤᠭᠰᠠᠨ ᠭᠡᠳᠡᠭ ᠢᠶᠠᠨ ᠦᠭᠦᠨ ᠢᠳᠡᠬᠡᠯᠡ᠃ | ᠠᠮᠢᠳᠤᠷᠠᠯ ᠳᠤ ᠮᠢᠨᠢ ᠲᠤᠭᠢᠶᠠᠯᠳᠤᠳᠠᠭ ᠶᠠᠭᠤ ᠪᠦᠭᠦᠳᠠ ᠶᠢ ᠠᠰᠢᠭ ᠲᠤᠰᠠ ᠶᠢᠨ ᠨᠠᠨᠳᠢᠨ ᠬᠠᠷᠢᠴᠠᠭᠠ ᠪᠠᠷ | ᠬᠠᠷᠠᠵᠤ ᠰᠢᠢᠳᠪᠦᠷᠢᠯᠡᠬᠦ ᠪᠤᠯᠤᠭᠰᠠᠨ ᠢᠶᠠᠨ ᠡᠷᠬᠡ ᠦᠭᠡᠢ ᠢᠳᠡᠬᠡᠯᠡ᠃ ᠡᠨᠡ ᠴᠠᠭ ᠦᠶᠡ ᠭᠡᠵᠤ᠂ ᠡᠨᠡ | ᠬᠤᠳᠠ ᠶᠢᠨ ᠬᠢᠨ ᠭᠡᠵᠤ ᠨᠢᠭᠡ ᠯᠠ ᠮᠡᠳᠡᠭᠦ ᠳᠤ ᠴᠢᠮᠠ ᠶᠢ ᠬᠤᠭᠤᠰᠤᠨ ᠪᠤᠯᠭᠠᠨᠠ᠃ ᠨᠢᠭᠡ ᠯᠠ ᠮᠡᠳᠡᠭᠦ ᠳᠤ | ᠴᠢᠮᠠ ᠶᠢ ᠪᠠᠶᠠᠨ ᠪᠤᠯᠭᠠᠨᠠ᠃ | ᠬᠤᠭᠤᠰᠤᠨ ᠤ ᠲᠤᠳᠤᠷᠠ ᠠᠮᠢᠳᠤᠷᠠᠭᠴᠢ ᠬᠤᠳᠠ ᠶᠢᠨ ᠬᠢᠨ ᠤ ᠨᠢᠬᠡᠨ ᠬᠡᠰᠢᠬᠦᠨ ᠬᠡᠮᠡᠭᠴᠢ ᠮᠡᠬᠦᠰ ᠮᠢᠨᠤ ᠪᠡᠶᠡ | ᠠᠵᠤᠭᠤ᠃ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠠᠯᠠᠱᠠ ᠠᠶᠢᠮᠠᠭ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠵᠤᠬᠢᠶᠠᠨ ᠪᠦᠳᠦᠭᠡᠬᠦ | ᠦᠷᠤᠭᠡ | |