| ᠪᠣᠭᠳᠠ ᠠᠭᠤᠯᠠ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ | | ᠪᠣᠭᠳᠠ ᠠᠭᠤᠯᠠ ᠨᠢ ᠵᠠᠯᠠᠶᠢᠳ ᠬᠤᠰᠢᠭᠤᠨ ᠤ ᠪᠠᠶ᠋ᠬᠠᠣᠯᠠᠭᠠᠨ ᠰᠣᠮᠣ᠂ ᠪᠠᠳᠠᠷᠠᠬᠤ ᠪᠠᠯᠭᠠᠰᠣ᠂ ᠠᠷᠪᠡᠨᠭᠡᠷ | ᠪᠠᠯᠭᠠᠰᠣᠨ ᠤ ᠠᠭᠤᠯᠵᠠᠷ ᠲᠤ ᠪᠠᠶᠢᠷᠢᠯᠠᠵᠣ᠂ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠰᠠᠭᠤᠭᠠ ᠭᠠᠵᠠᠷ ᠢᠨᠳᠡᠷ | ᠪᠠᠯᠭᠠᠰᠣ ᠠᠴᠠ 70 ᠺᠢᠯᠣᠮᠧᠲᠷ ᠵᠠᠢ ᠲᠠᠢ ᠣᠷᠣᠰᠢᠵᠣ᠂ ᠶᠡᠭᠡ ᠬᠢᠩᠭᠠᠨ ᠳᠠᠪᠠᠭᠠᠨ ᠤ ᠨᠢᠭᠡ ᠰᠠᠯᠪᠣᠷᠢ ᠪᠣᠯᠣᠭᠰᠠᠨ | ᠤ ᠬᠤᠪᠢ ᠳᠤ ᠵᠡᠭᠦᠨ ᠬᠤᠶᠢᠨᠠ ᠠᠴᠠ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠦᠷᠬᠦᠯᠵᠢᠯᠡᠵᠦ ᠬᠤᠶᠠᠷ ᠴᠣᠪᠣᠭᠠ ᠪᠣᠯᠣᠨ | ᠬᠤᠪᠢᠶᠠᠭᠳᠠᠵᠣ᠂ ᠡᠮᠦᠨᠡ ᠬᠡᠰᠡᠭ ᠢ ᠨᠢ ᠶᠡᠭᠡ ᠪᠣᠭᠳᠠ ᠠᠭᠤᠯᠠ᠂ ᠬᠤᠶᠢᠨᠠ ᠬᠡᠰᠡᠭ ᠢ ᠨᠢ ᠪᠠᠭᠠ ᠪᠣᠭᠳᠠ ᠠᠭᠤᠯᠠ | ᠭᠡᠳᠡᠭ᠃ ᠶᠡᠷᠦᠩᠬᠡᠢ ᠳᠤ ᠪᠠᠨ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 500 — 900 ᠮᠧᠲᠷ ᠡᠷᠭᠦᠭᠳᠡᠵᠦ᠂ ᠬᠠᠷᠢᠴᠠᠩᠭᠤᠢ | ᠡᠷᠭᠦᠭᠳᠡᠴᠡ ᠨᠢ 300 — 400 ᠮᠧᠲᠷ᠂ ᠬᠠᠮᠤᠭ ᠦᠨᠳᠦᠷ ᠣᠷᠭᠢᠯ ᠨᠢ 1158.8 ᠮᠧᠲᠷ ᠦᠨᠳᠦᠷ᠂ ᠡᠮᠦᠨᠡᠰᠢ | ᠣᠮᠠᠷᠠᠰᠢ 20 ᠺᠢᠯᠣᠮᠧᠲᠷ ᠦᠷᠬᠦᠯᠵᠢᠯᠡᠵᠦ᠂ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 260 ᠲᠡᠭᠰᠢ ᠳᠦᠷᠪᠡᠯᠵᠢᠨ ᠺᠢᠯᠣᠮᠧᠲᠷ | ᠪᠣᠯᠣᠨᠠ᠃ | ᠪᠣᠭᠳᠠ ᠠᠭᠤᠯᠠ ᠦᠨᠳᠦᠷ ᠰᠦᠷᠯᠢᠭ ᠮᠦᠷᠲᠡᠬᠡᠨ ᠦᠵᠡᠮᠵᠢ ᠭᠤᠶᠢᠲᠠ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ ᠪᠣᠭᠳᠠ | ᠬᠠᠶᠢᠷᠬᠠᠨ ᠤ ᠣᠷᠣᠢ ᠳᠡᠭᠡᠷᠡ ᠭᠠᠷᠴᠣ ᠬᠠᠷᠠᠭᠠ ᠪᠡᠯᠴᠢᠭᠡᠪᠡᠯ᠂ ᠠᠭᠤᠯᠠ ᠬᠠᠶᠢᠷᠬᠠᠨ ᠰᠡᠭᠦᠶᠢᠨ ᠰᠦᠨᠳᠡᠷᠯᠡᠵᠦ᠂ ᠶᠡᠭᠡ | ᠪᠠᠶᠢᠭᠠᠯᠢ ᠶᠢᠨ ᠭᠠᠶᠢᠬᠠᠮᠰᠢᠭ ᠢ ᠬᠦᠮᠦᠰ ᠲᠤ ᠭᠠᠶᠢᠬᠠᠭᠤᠯᠣᠨᠠ᠃ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠶᠢᠨ ᠵᠦᠷᠢᠭᠳᠡᠯ ᠪᠠ | ᠡᠯᠡᠭᠳᠡᠯ ᠵᠡᠷᠭᠡ ᠠᠴᠠ ᠪᠣᠯᠵᠣ ᠰᠣᠨᠢᠨ ᠬᠠᠴᠢᠨ ᠠᠭᠤᠯᠠᠨ ᠣᠷᠭᠢᠯ᠂ ᠭᠤᠪᠢ ᠭᠠᠩᠭᠠ᠂ ᠠᠭᠤᠢ ᠳ᠋ᠦᠩ ᠵᠡᠷᠭᠡ | ᠭᠠᠶᠢᠬᠠᠮᠰᠢᠭᠲᠣ ᠦᠵᠡᠮᠵᠢ ᠪᠦᠷᠢᠯᠳᠦᠭᠰᠡᠨ ᠶᠣᠮ᠃ ᠪᠣᠭᠳᠠ ᠠᠭᠤᠯᠠ ᠶᠢ ᠬᠤᠯᠠ ᠠᠴᠠ ᠪᠠᠷᠠᠯᠠᠪᠠᠯ᠂ ᠬᠦᠬᠡᠮᠳᠦᠭ | ᠰᠦᠭᠯᠡᠶᠢᠵᠦ᠂ ᠣᠶᠢᠷᠠᠲᠣᠵᠣ ᠣᠴᠢᠭᠠᠳ ᠦᠵᠡᠪᠡᠯ ᠭᠦᠨ ᠬᠠᠪᠴᠢᠯ᠂ ᠪᠠᠷᠲᠠᠭᠠᠲᠣ ᠠᠭᠤᠯᠠ᠂ ᠡᠷᠪᠡᠭᠡᠷ ᠰᠡᠷᠪᠡᠭᠡᠷ | ᠬᠠᠳᠠ ᠬᠠᠷᠠᠭᠳᠠᠵᠣ᠂ ᠬᠦᠮᠦᠰ ᠲᠤ ᠡᠷᠬᠡ ᠦᠭᠡᠢ ᠭᠠᠶᠢᠬᠠᠯ ᠲᠦᠷᠦᠭᠦᠯᠦᠨᠡ᠃ | ᠪᠣᠭᠳᠠ ᠠᠭᠤᠯᠠ ᠶᠢᠨ ᠣᠢ ᠰᠢᠭᠤᠢ ᠢᠭᠴᠣ ᠰᠠᠬᠤᠯᠢᠭ᠂ ᠡᠳ᠋ ᠭᠠᠷᠣᠯᠲᠠ ᠡᠯᠪᠡᠭ ᠪᠠᠶᠠᠯᠢᠭ ᠪᠠᠶᠢᠳᠠᠭ᠃ | ᠪᠣᠭᠳᠠ ᠠᠭᠤᠯᠠ ᠶᠢᠨ ᠦᠵᠡᠮᠵᠢ ᠶᠢᠨ ᠣᠷᠣᠨ ᠳᠤ ᠬᠤᠰᠣ ᠮᠣᠳᠣ᠂ ᠣᠯᠢᠶᠠᠰᠣᠨ ᠮᠣᠳᠣ᠂ ᠭᠦᠢᠯᠡᠰᠦᠨ ᠮᠣᠳᠣ᠂ | ᠴᠠᠷᠠᠰᠣᠨ ᠮᠣᠳᠣ ᠵᠡᠷᠭᠡ ᠬᠡᠳᠦᠨ ᠠᠷᠪᠠᠨ ᠵᠦᠢᠯ ᠤᠨ ᠮᠣᠳᠣ ᠪᠠᠶᠢᠳᠠᠭ᠃ ᠢᠭᠴᠣ ᠰᠠᠬᠤᠯᠢᠭ ᠣᠢ ᠰᠢᠭᠤᠢ ᠳᠤ ᠨᠢ | ᠡᠯᠪᠡᠭ ᠪᠠᠶᠠᠯᠢᠭ ᠣᠰᠣᠨ ᠰᠣᠷᠪᠣᠯᠵᠢ ᠲᠠᠢ ᠪᠠᠶᠢᠵᠣ᠂ ᠷᠠᠰᠢᠶᠠᠨ ᠪᠣᠯᠠᠭ ᠣᠨᠳᠣᠷᠣᠨ ᠣᠷᠣᠰᠴᠣ ᠪᠠᠶᠢᠳᠠᠭ᠃ | ᠠᠭᠤᠯᠠ ᠬᠦᠪᠴᠢ ᠳᠤ ᠲᠣᠷᠤᠭ ᠪᠣᠭᠤ᠂ ᠪᠣᠷᠣ ᠭᠦᠷᠦᠭᠡᠰᠦ᠂ ᠵᠡᠷᠯᠢᠭ ᠭᠠᠭ᠋ᠠᠢ᠂ ᠬᠤᠶᠢᠯᠤᠭ ᠵᠡᠷᠭᠡ ᠬᠤᠪᠣᠷ ᠴᠣᠬᠠᠭ | ᠵᠡᠷᠯᠢᠭ ᠠᠮᠢᠲᠠᠨ ᠂ ᠵᠢᠭᠦᠷᠲᠡᠨ ᠰᠢᠪᠠᠭᠤ ᠪᠠᠶᠢᠵᠣ᠂ ᠪᠠᠰᠠ ᠬᠤᠷᠳᠣᠨ ᠴᠠᠭᠠᠨ ᠵᠡᠷᠭᠡ ᠡᠮ ᠤᠨ ᠮᠠᠲ᠋ᠧᠷᠢᠶᠠᠯ ᠪᠠ | ᠮᠦᠭᠦ᠂ ᠰᠢᠳ ᠭᠦᠢᠯᠡᠰᠦ ᠵᠡᠷᠭᠡ ᠣᠨᠴᠠ ᠭᠠᠷᠣᠯᠲᠠ ᠡᠯᠪᠡᠭ ᠪᠠᠶᠢᠳᠠᠭ᠃ | ᠪᠣᠭᠳᠠ ᠠᠭᠤᠯᠠ ᠪᠣᠯ ᠬᠤᠯᠠ ᠣᠶᠢᠷᠠ ᠳᠤ ᠪᠠᠨ ᠠᠯᠳᠠᠷᠰᠢᠭᠰᠠᠨ ᠦᠨᠢ ᠣᠳᠠᠭᠠᠨ ᠰᠣᠶᠣᠯ ᠲᠡᠣᠬᠡ ᠶᠢᠨ | ᠣᠯᠠᠮᠵᠢᠯᠠᠯ ᠲᠠᠢ ᠡᠷᠲᠡᠨ ᠤ ᠰᠢᠲᠦᠭᠡᠨᠲᠦ ᠠᠭᠤᠯᠠ ᠪᠣᠯᠬᠤ ᠶᠣᠮ᠃ ᠪᠣᠭᠳᠠ ᠠᠭᠤᠯᠠ ᠪᠣᠯ ᠶᠣᠸᠠᠨ ᠣᠯᠣᠰ ᠠᠴᠠ | ᠴᠢᠩ ᠣᠯᠣᠰ ᠤᠨ ᠡᠬᠢᠨ ᠤ ᠦᠶᠡ ᠪᠣᠯᠲᠠᠯᠠ ︽ᠡᠬᠡ ᠳᠣᠶᠣᠨ ᠦᠨᠳᠦᠷ︾ ᠭᠡᠵᠦ ᠳᠠᠭᠤᠳᠠᠭᠳᠠᠵᠣ ᠪᠠᠶᠢᠵᠠᠢ᠃ | ᠵᠠᠷᠢᠮ ᠡᠷᠳᠡᠮᠲᠡᠳ ᠨᠣᠲᠠᠯᠠᠭᠰᠠᠨ ᠨᠢ᠂ ᠪᠣᠭᠳᠠ ᠠᠭᠤᠯᠠ ᠪᠣᠯ ᠴᠢᠩᠬᠢᠰ ᠬᠠᠭᠠᠨ ᠤ ᠬᠠᠮᠤᠭ ᠪᠠᠭᠠ ᠳᠡᠭᠦᠦ ᠲᠡᠮᠦᠭᠡ | ᠣᠳᠴᠢᠬᠢᠨ ᠨᠣᠶᠠᠨ ᠪᠠ ᠦᠭᠡᠯᠦᠨ ᠡᠬᠡ ᠬᠠᠲᠣᠨ ᠤ ᠣᠷᠳᠣ ᠬᠠᠷᠰᠢ ᠶᠢ ᠰᠠᠬᠢᠨ ᠬᠠᠮᠠᠭᠠᠯᠠᠵᠣ ᠪᠠᠶᠢᠭᠰᠠᠨ | ᠣᠷᠢᠶᠠᠩᠬᠠᠶᠢᠴᠣᠳ ᠠᠴᠠ ᠦᠭᠡᠯᠦᠨ ᠡᠬᠡ ᠳᠤ ᠲᠠᠬᠢᠯᠭᠠ ᠬᠢᠵᠦ ᠪᠠᠶᠢᠭᠰᠠᠨ ᠭᠠᠵᠠᠷ ᠪᠣᠯᠣᠨᠠ᠃ ᠳᠣᠶᠣᠨ ᠦᠨᠳᠦᠷ | ᠤᠨ ᠲᠠᠬᠢᠯᠭᠠ ᠣᠷᠢᠳ ᠬᠤᠵᠢᠳ ᠭᠤᠷᠪᠠᠨ ᠵᠠᠭᠤ ᠢᠯᠡᠭᠦᠦ ᠵᠢᠯ ᠦᠷᠬᠦᠯᠵᠢᠯᠡᠵᠡᠢ᠃ ᠴᠢᠩ ᠣᠯᠣᠰ ᠤᠨ ᠲᠡᠭᠷᠢ | ᠳᠡᠳᠭᠦᠭᠴᠢ ᠬᠠᠭᠠᠨ ᠤ ᠦᠶᠡ ᠳᠤ ᠵᠠᠯᠠᠶᠢᠳ ᠬᠤᠰᠢᠭᠤᠨ ᠤ ᠨᠠᠢᠮᠠᠳᠣᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠪᠡᠶᠢᠯᠡ ᠮᠠᠰᠢᠪᠠᠲᠣ᠂ | ᠲᠦᠪᠡᠳ ᠤᠨ ᠯᠾᠠᠰᠠ ᠳᠤ ᠬᠦᠮᠦᠨ ᠲᠣᠮᠢᠯᠠᠨ ᠠᠭᠤᠯᠠᠨ ᠰᠠᠬᠢᠭᠤᠰᠣ ᠶᠢ ᠠᠮᠢᠯᠠᠭᠤᠯᠣᠨ ᠵᠠᠯᠠᠵᠣ᠂ ᠳᠣᠶᠣᠨ | ᠦᠨᠳᠦᠷ ᠵᠡᠷᠭᠡ ᠲᠠᠪᠣᠨ ᠠᠭᠤᠯᠠ ᠶᠢ ᠲᠠᠬᠢᠯᠭᠠ ᠶᠢᠨ ᠠᠭᠤᠯᠠ ᠪᠣᠯᠭᠠᠵᠣ᠂ ᠳᠣᠶᠠᠠ ᠦᠨᠳᠦᠷ ᠠᠭᠤᠯᠠᠨ ᠤ ᠨᠡᠷᠡ ᠶᠢ | ᠦᠯᠵᠡᠶᠢᠴᠣᠭᠲᠣ ᠠᠭᠤᠯᠠ ᠬᠡᠮᠡᠨ ᠬᠠᠯᠠᠵᠣ᠂ ᠲᠦᠪᠡᠳ ᠢᠶᠠᠷ ᠷᠠᠰᠢᠵᠠᠯᠪᠤ ᠭᠡᠵᠦ ᠨᠡᠷᠡᠶᠢᠳᠪᠡ᠃ ᠲᠡᠷᠡ ᠨᠢ ᠦᠯᠵᠡᠢ | ᠪᠡᠯᠭᠡ ᠲᠠᠢ ᠡᠵᠡᠨ ᠰᠢᠲᠦᠭᠡᠨ ᠭᠡᠰᠡᠨ ᠣᠳᠬᠠ ᠲᠠᠢ᠃ ᠡᠭᠦᠨ ᠤ ᠣᠯᠠᠮ ᠠᠴᠠ ᠰᠢᠲᠦᠭᠡᠨ ᠤ ᠨᠡᠷᠡ ᠶᠢ ᠴᠡᠭᠡᠷᠯᠡᠵᠦ | ︽ᠪᠣᠭᠳᠠ ᠠᠭᠤᠯᠠ︾ ᠭᠡᠵᠦ ᠦᠨᠦ ᠪᠣᠯᠲᠠᠯᠠ ᠳᠠᠭᠤᠳᠠᠵᠣ ᠢᠷᠡᠵᠡᠢ᠃ ᠪᠣᠭᠳᠠ ᠠᠭᠤᠯᠠ ᠪᠣᠯ ᠶᠣᠸᠠᠨ ᠤ ᠦᠶᠡ | ᠶᠢᠨ ᠡᠷᠬᠢᠮ ᠨᠠᠨᠳᠢᠨ ᠭᠠᠵᠠᠷ ᠵᠦᠢ᠂ ᠰᠣᠶᠣᠯ ᠤᠨ ᠬᠠᠭᠤᠴᠢᠳ ᠪᠣᠯᠣᠨᠠ᠃ ᠪᠣᠭᠳᠠ ᠠᠭᠤᠯᠠ ᠶᠢᠨ ᠲᠠᠬᠢᠯᠭᠠ | ᠠᠭᠤᠯᠭᠠ ᠪᠠᠶᠠᠯᠢᠭ᠂ ᠬᠡᠯᠪᠡᠷᠢ ᠳᠦᠷᠢᠮᠵᠢᠯ ᠲᠠᠢ᠂ ᠳᠡᠰ ᠳᠠᠷᠠᠭᠠ ᠲᠣᠭᠲᠠᠮᠠᠯ ᠣᠨᠴᠠᠯᠢᠭ ᠲᠠᠢ ᠪᠠᠶᠢᠵᠣ᠂ ᠵᠢᠯ ᠪᠦᠷᠢ | ᠶᠢᠨ 5 ᠰᠠᠷᠠ ᠶᠢᠨ 20 ᠳᠤ ᠶᠠᠪᠣᠭᠳᠠᠭᠤᠯᠳᠠᠭ᠃ ᠪᠣᠭᠳᠠ ᠠᠭᠤᠯᠠ ᠶᠢᠨ ᠲᠠᠬᠢᠯᠭᠠ ᠨᠢᠭᠡᠨᠲᠡ ᠣᠯᠣᠰ ᠤᠨ ᠳᠡᠰ | ᠤᠨ ᠪᠣᠳᠠᠰ ᠤᠨ ᠪᠣᠰᠣ ᠰᠣᠶᠣᠯ ᠤᠨ ᠦᠪ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠡᠷᠡᠰ ᠲᠤ ᠵᠢᠭᠰᠠᠭᠠᠭᠳᠠᠭᠰᠠᠨ ᠪᠠᠶᠢᠨᠠ᠃ | | |