| ᠡ᠊ᠨᠡ ᠵᠢᠯ 45 ᠨᠠᠰᠤᠳᠠᠢ ᠴᠢᠤᠸᠠᠨ ᠱᠠᠨ ᠪᠤᠯ ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠵᠠᠯᠠᠶᠢᠳ ᠬᠤᠰᠢᠭᠤᠨ ᠤ ᠠᠷᠪᠡᠨᠬᠡᠷ | ᠪᠠᠯᠭᠠᠰᠤ ᠶᠢᠨ ᠬᠠᠶᠢᠯᠠᠰᠤᠳᠠᠢ ᠭᠠᠴᠠᠭᠠᠨ ᠤ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠵᠠᠯᠠᠭᠤ ᠮᠠᠯᠴᠢᠨ ᠤ ᠨᠢᠬᠡ ᠨᠢ ᠪᠤᠯᠤᠨᠠ᠃ ︽ | ᠡᠷᠳᠡᠡ ᠤ ᠬᠦᠮᠦᠰ ᠤᠨ ᠦᠬᠡᠨ ᠳᠤ ︿ᠶᠠᠭᠠᠷᠠᠪᠠᠯ ᠢᠮᠠᠭᠠ ᠠᠷᠠᠴᠢᠯᠠᠵᠦ᠂ ᠬᠤᠷᠳᠤᠯᠠᠪᠠᠯ ᠬᠤᠨᠢ ᠲᠡᠵᠢᠬᠡᠨᠡ﹀ ᠬᠡᠵᠦ | ᠪᠠᠶᠢᠳᠠᠭ᠃ ᠪᠢ ᠪᠤᠯ ᠶᠠᠭ ᠢᠩᠬᠢᠵᠦ ᠪᠤᠭᠤᠷᠤᠯᠴᠤᠳ ᠤᠨ ᠶᠠᠷᠢᠵᠦ ᠢᠷᠡᠭᠰᠡᠨ ᠢ ᠵᠢᠷᠤᠮᠯᠠᠵᠦ᠂ ᠬᠤᠨᠢ ᠲᠡᠵᠢᠬᠡᠵᠦ | ᠪᠠᠶᠠᠨ ᠴᠢᠨᠠᠬᠡᠯᠢᠭ ᠪᠤᠯᠬᠤ ᠪᠠᠷ ᠵᠢᠳᠬᠦᠵᠦ ᠢᠷᠡᠭᠰᠡᠨ ᠶᠤᠮ᠃ ᠬᠤᠨᠢ ᠲᠡᠵᠢᠬᠡᠵᠦ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠳᠤ | ᠲᠦᠷᠦ ᠶᠢᠨ ᠪᠤᠳᠤᠯᠭᠠ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠳᠤ ᠲᠦᠰᠢᠭᠯᠡᠵᠦ᠂ ᠨᠤᠳᠤᠭ ᠪᠡᠯᠴᠢᠬᠡᠷ ᠫᠧᠩ ᠰᠠᠷᠠᠪᠴᠢ ᠶᠢᠨ | ᠦᠨᠳᠦᠰᠦᠨ ᠪᠦᠳᠦᠬᠡᠨ ᠪᠠᠶᠢᠭᠤᠯᠤᠯᠳᠠ ᠶᠢ ᠰᠠᠶᠢᠳᠤᠷ ᠬᠢᠬᠦ ᠠᠴᠠ ᠭᠠᠳᠠᠨᠠ ᠭᠤᠤᠯ ᠨᠢ ᠬᠤᠨᠢ ᠶᠢᠨ ᠵᠠᠬᠠ | ᠲᠡᠯᠬᠡᠬᠦᠷ ᠤᠨ ᠬᠤᠪᠢᠷᠠᠯᠳᠠ ᠶᠢ ᠴᠠᠭ ᠲᠤᠬᠠᠢ ᠳᠤᠨᠢ ᠠᠩᠬᠠᠷᠴᠦ᠂ ᠵᠠᠬᠠ ᠲᠡᠯᠬᠡᠬᠦᠷ ᠤᠨ ᠬᠤᠪᠢᠷᠠᠯᠳᠠ ᠪᠠᠷ | ᠲᠡᠵᠢᠬᠡᠵᠦ ᠠᠷᠠᠴᠢᠯᠠᠬᠤ ᠬᠤᠨᠢ ᠶᠢᠨ ᠲᠤᠭᠠ ᠲᠤᠯᠤᠭᠠᠢ ᠪᠠᠨ ᠲᠤᠭᠳᠠᠭᠠᠵᠦ᠂ ᠪᠡᠯᠴᠢᠬᠡᠷ ᠰᠡᠯᠬᠦᠵᠦ ᠠᠷᠠᠴᠢᠯᠠᠬᠤ ᠪᠤᠯ | ᠶᠡᠭᠡ ᠴᠢᠬᠤᠯᠠ ᠪᠠᠶᠢᠳᠠᠭ ᠶᠤᠮ︾ ᠬᠡᠵᠦ ᠴᠢᠣᠸᠠᠨ ᠱᠠᠨ ᠦᠷᠬᠦᠯᠵᠢ ᠬᠡᠯᠡᠵᠦ ᠶᠠᠪᠤᠳᠠᠭ ᠲᠡᠳᠦᠢ ᠦᠬᠡᠢ ᠮᠦᠨ | ᠢᠩᠬᠢᠵᠦ ᠬᠢᠵᠦ ᠢᠷᠡᠭᠰᠡᠨ ᠪᠠᠶᠢᠨᠠ᠃ | ᠡ᠊ᠨᠡ ᠵᠢᠯ ᠤᠨ ᠬᠠᠩᠰᠢ ᠪᠤᠯᠳᠠᠯᠠ᠂ ᠴᠢᠤᠸᠠᠨ ᠱᠠᠨ ᠲᠡᠵᠢᠬᠡᠵᠦ ᠠᠷᠠᠴᠢᠯᠠᠵᠦ ᠪᠠᠶᠢᠭᠠ 900 ᠡᠬᠡ | ᠬᠤᠨᠢ ᠠᠴᠠ ᠪᠠᠨ 800 ᠭᠠᠷᠤᠢ ᠲᠦᠯ ᠲᠤᠰᠴᠦ᠂ ᠡᠳᠡᠬᠡᠷᠡᠯᠳᠡ ᠶᠢᠨ ᠨᠤᠷᠮᠠ ᠨᠢ 95% ᠳᠤ ᠲᠤᠯᠵᠦ᠂ ᠬᠤᠨᠢ | ᠲᠡᠵᠢᠬᠡᠬᠡᠳ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠤᠯᠤᠭᠰᠠᠨ 25 ᠳᠠᠬᠢ ᠵᠢᠯ ᠤᠨ ᠬᠠᠪᠤᠷ ᠢᠶᠠᠨ ᠤᠭᠳᠤᠵᠦ ᠪᠤᠢ᠃ ᠤᠳᠤ | ᠲᠡᠬᠦᠨ ᠤ ᠲᠡᠵᠢᠬᠡᠵᠦ ᠠᠷᠠᠴᠢᠯᠠᠵᠦ ᠪᠠᠶᠢᠭᠠ ᠶᠡᠭᠡ ᠪᠠᠭᠠ ᠬᠤᠨᠢ ᠨᠢ ᠨᠡᠶᠢᠯᠡᠬᠡᠳ 1700 ᠲᠤᠭᠠ ᠲᠤᠯᠤᠭᠠᠢ ᠳᠤ | ᠬᠦᠷᠴᠦ᠂ ᠪᠦᠬᠦ ᠪᠠᠯᠭᠠᠰᠤ ᠶᠢᠨ ᠮᠠᠯᠵᠢᠬᠤ ᠡᠷᠦᠬᠡ ᠶᠢᠨ ᠲᠤᠮᠳᠠ ᠪᠠᠨ ᠪᠠᠰᠠ ᠦᠵᠦᠬᠦᠷᠯᠡᠪᠠ᠃ ᠴᠢᠤᠸᠠᠨ ᠱᠠᠨ ᠤ | ᠪᠦᠰᠡᠬᠦᠢ ᠶᠢᠨ ᠯᠢᠶᠠᠨ᠄ ︽ᠮᠠᠨ ᠤ ᠬᠢᠨ ᠬᠤᠷᠢᠨ ᠬᠡᠳᠦᠨ ᠵᠢᠯ ᠢᠶᠠᠷ ᠬᠤᠨᠢ ᠲᠡᠵᠢᠬᠡᠵᠦ ᠢᠷᠡᠭᠰᠡᠨ ᠭᠤᠤᠯ | ᠰᠢᠯᠳᠠᠭᠠᠨ ᠤ ᠨᠢᠬᠡ ᠪᠤᠯ ᠲᠠᠷᠤᠢ ᠪᠡᠯᠴᠢᠬᠡᠷ ᠰᠡᠯᠬᠦᠵᠦ ᠲᠡᠵᠢᠬᠡᠵᠦ ᠠᠷᠠᠴᠢᠯᠠᠬᠤ ᠶᠢ ᠪᠠᠷᠢᠮᠳᠠᠯᠠᠵᠦ ᠢᠷᠡᠭᠰᠡᠨ ᠳᠤ | ᠪᠠᠶᠢᠨᠠ᠃ ᠮᠠᠯᠵᠢᠵᠦ ᠲᠡᠵᠢᠬᠡᠬᠦ ᠶᠢ ᠵᠤᠭᠰᠤᠭᠠᠵᠦ᠂ ᠬᠠᠰᠢᠶᠠᠯᠠᠵᠦ ᠲᠡᠵᠢᠬᠡᠬᠦ ᠶᠢ ᠵᠤᠷᠢᠭᠵᠢᠭᠤᠯᠬᠤ ᠪᠤᠯᠤᠭᠰᠠᠨ ᠤ | ᠬᠤᠶᠢᠨᠡ᠂ ᠪᠢᠳᠡ ᠵᠢᠯ ᠪᠦᠷᠢ ᠶᠢᠨ 5 ᠰᠠᠷᠠ ᠳᠤ ᠶᠡᠭᠡ ᠪᠠᠭᠠ ᠬᠤᠨᠢ ᠪᠠᠨ ᠲᠠᠭᠤᠭᠠᠳ᠂ ᠬᠦᠯᠦᠨ ᠪᠦᠢᠷ ᠤᠨ ᠲᠠᠯᠠ | ᠨᠤᠳᠤᠭ ᠲᠤ ᠬᠦᠷᠴᠦ᠂ ᠨᠤᠳᠤᠭ ᠪᠡᠯᠴᠢᠬᠡᠷ ᠬᠦᠯᠦᠰᠯᠡᠵᠦ᠂ 10 ᠰᠠᠷᠠ ᠳᠤ ᠰᠠᠶ᠋ᠢ ᠪᠤᠴᠠᠵᠦ ᠢᠷᠡᠨᠡ᠃ ᠪᠤᠴᠠᠵᠦ | ᠢᠷᠡᠭᠰᠡᠨ ᠤ ᠲᠠᠷᠠᠭᠠ᠂ ᠬᠠᠰᠢᠶᠠ ᠰᠠᠷᠠᠪᠴᠢ ᠪᠠᠨ ᠵᠠᠰᠠᠵᠦ ᠰᠢᠨᠡᠳᠬᠡᠨ᠂ ᠡᠪᠡᠰᠦ ᠪᠤᠷᠳᠤᠭᠠ ᠪᠠᠨ ᠪᠡᠯᠡᠳᠬᠡᠵᠦ᠂ | ᠨᠤᠳᠤᠭ ᠲᠠᠭᠠᠨ ᠡᠪᠤᠯᠵᠢᠵᠦ᠂ ᠴᠠᠭᠠᠨ ᠰᠠᠷᠠ ᠠᠴᠠ ᠡᠬᠢᠯᠡᠵᠦ ᠲᠦᠯ ᠲᠤᠰᠬᠤ ᠶᠠᠭᠠᠷᠠᠤ ᠬᠤᠭᠤᠴᠠᠭᠠ ᠳᠠᠭᠠᠨ | ᠤᠷᠤᠨᠠ᠃ ᠦᠨᠡᠨ ᠳᠡᠭᠡᠨ᠂ ᠬᠤᠨᠢ ᠲᠠᠵᠢᠬᠡᠵᠦ ᠠᠷᠠᠴᠢᠯᠠᠬᠤ ᠨᠢ ᠮᠠᠰᠢ ᠵᠦᠳᠡᠷᠡᠯ ᠲᠠᠢ ᠶᠤᠮ᠃ ᠬᠡᠶᠡ᠂ ᠵᠠᠬᠠ | ᠲᠡᠯᠬᠡᠬᠦᠷ ᠤᠨ ᠬᠤᠪᠢᠷᠠᠯᠳᠠ ᠶᠢᠨ ᠬᠠᠨᠳᠤᠰᠢ ᠶᠢ ᠰᠡᠷᠬᠡᠭ ᠢᠶᠠᠷ ᠡᠵᠡᠮᠳᠡᠵᠦ᠂ ᠴᠠᠭ ᠲᠤᠬᠠᠢ ᠳᠤᠨᠢ ᠦᠨᠳᠦᠷ | ᠦᠨᠡ ᠪᠠᠷ ᠬᠤᠨᠢ ᠪᠠᠨ ᠵᠠᠬᠠ ᠲᠡᠯᠬᠡᠬᠦᠷ ᠲᠤ ᠭᠠᠷᠭᠠᠬᠤ ᠶᠢ ᠪᠡᠶᠡᠯᠡᠬᠦᠯᠦᠭᠰᠡᠬᠡᠷ᠂ ᠨᠢᠬᠡ ᠵᠢᠯ ᠤᠨ ᠶᠠᠳᠠᠷᠠᠯ ᠵᠦᠳᠡᠷᠡᠯ | ᠠᠶᠠᠨᠳᠠᠭᠠᠨ ᠦᠬᠡᠢ ᠪᠤᠯᠴᠢᠬᠠᠨᠠ︾ ᠬᠡᠵᠦ ᠰᠤᠷᠪᠤᠯᠵᠢᠯᠠᠭᠴᠢ ᠳᠤ ᠶᠠᠷᠢᠵᠦ ᠪᠠᠶᠢᠯᠠ᠃ | ᠴᠢᠤᠸᠠᠨ ᠱᠠᠨ ᠪᠠ ᠶᠢᠨ ᠯᠢᠶᠠᠨ ᠡᠷᠡ ᠡᠮᠡ ᠬᠤᠶᠠᠭᠤᠯᠠ᠂ ᠬᠤᠨᠢ ᠲᠡᠵᠢᠬᠡᠵᠦ ᠠᠷᠠᠴᠢᠯᠠᠬᠤ ᠳᠠᠭᠠᠨ | ᠬᠤᠨᠢᠨ ᠤ ᠪᠠᠨ ᠬᠢᠵᠢᠭ ᠬᠡᠮ ᠢ ᠴᠠᠭ ᠲᠤᠬᠠᠢ ᠳᠤᠨᠢ ᠤᠷᠢᠳᠴᠢᠯᠠᠨ ᠰᠡᠷᠬᠡᠶᠢᠯᠡᠬᠦ ᠶᠢ ᠪᠠᠷᠢᠮᠳᠠᠯᠠᠵᠦ ᠢᠷᠡᠭᠰᠡᠨ ᠲᠡᠳᠦᠢ | ᠦᠬᠡᠢ ᠪᠠᠰᠠ ᠡᠪᠡᠰᠦ ᠪᠤᠷᠳᠤᠭᠠ ᠬᠦᠢᠴᠡᠳ ᠪᠡᠯᠡᠳᠬᠡᠬᠦ ᠶᠢ ᠤᠨᠴᠠ ᠬᠢᠴᠢᠶᠡᠳᠡᠭ ᠪᠠᠶᠢᠵᠠᠢ᠃ ᠨᠢᠳᠤᠨᠤᠨ ᠡᠪᠤᠯ | ᠬᠤᠨᠢᠨ ᠰᠦᠷᠦᠭ ᠢᠶᠠᠨ ᠮᠡᠨᠳᠤ ᠡᠪᠤᠯᠵᠢᠬᠦᠯᠬᠦ ᠶᠢᠨ ᠲᠤᠰᠠᠳᠠ᠂ ᠲᠡᠳᠡᠨ ᠤ ᠬᠢᠨ ᠡᠪᠡᠰᠤ ᠪᠤᠷᠳᠤᠭᠠ ᠬᠦᠢᠴᠡᠳ | ᠪᠡᠯᠡᠳᠬᠡᠵᠦ᠂ ᠰᠢᠷᠠ ᠪᠤᠷᠴᠠᠭ ᠤᠨ ᠡᠰᠢ ᠰᠦᠷᠡᠯ ᠢ ᠨᠡᠶᠢᠳᠡ 60 ᠲᠤᠨ ᠨᠦᠬᠡᠴᠡᠯᠡᠭᠰᠡᠨ ᠪᠠᠶᠢᠵᠠᠢ᠃ | ᠤᠢᠢᠯᠠᠭᠠᠭᠰᠠᠨ ᠢᠶᠠᠷ᠂ 2023 ᠤᠨ ᠳᠤ ᠴᠢᠤᠸᠠᠨ ᠱᠠᠨ ᠪᠠ ᠶᠢᠨ ᠯᠢᠶᠠᠨ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠶᠢᠨ ᠬᠤᠨᠢ | ᠲᠡᠵᠢᠬᠡᠭᠰᠡᠨ ᠤᠷᠤᠯᠭᠠ 30 ᠲᠦᠮᠡᠨ ᠲᠦᠬᠦᠷᠢᠭ ᠲᠤ ᠬᠦᠷᠴᠤ᠂ ᠬᠡᠷ ᠪᠦᠯᠢ ᠶᠢᠨ ᠬᠦᠮᠦᠨ ᠲᠤᠮᠳᠠᠴᠢ ᠶᠢᠨ | ᠤᠷᠤᠯᠭᠠ ᠨᠢ 10 ᠲᠦᠮᠡᠨ ᠲᠦᠬᠦᠷᠢᠭ ᠲᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ | | ↓ ᠵᠢᠷᠤᠭ ᠲᠤ᠂ ᠴᠢᠣᠸᠠᠨ ᠱᠠᠨ ᠬᠤᠨᠢ ᠳᠠᠭᠠᠨ ᠡᠪᠡᠰᠤ ᠬᠠᠶᠠᠨᠠ᠃ | ᠤᠷᠤᠭᠰᠢᠯᠠᠯᠳᠠ ᠰᠡᠬᠦᠳᠡᠷᠯᠡᠨ ᠮᠡᠳᠡᠭᠡᠯᠡᠪᠡ |