ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠨᠤᠳᠤᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020-07-03
    ᠦᠳᠡᠰᠢ ᠶᠢᠨ ᠪᠦᠷᠦᠢ ᠪᠠᠷ ᠬᠦᠬᠡᠬᠤᠳᠠ ᠠᠴᠠ ᠬᠦᠭᠯᠡᠭᠰᠡᠨ ᠭᠠᠯᠳᠤ ᠠᠷᠪᠠᠭᠠᠳ ᠴᠠᠭ ᠬᠦᠷᠴᠢᠭᠢᠨᠡᠨ ᠪᠠᠶᠢᠵᠤ ᠬᠤᠰᠢᠭᠤᠨ ᠲᠦᠪ ᠬᠦᠷᠬᠦ ᠳᠤ ᠬᠤᠶᠠᠳᠠᠬᠢ ᠡᠳᠦᠷ ᠤᠨ ᠬᠢᠨ ᠦᠷᠯᠦᠭᠡ ᠪᠤᠯᠵᠠᠢ᠃    ᠬᠦᠰᠡᠵᠦ ᠮᠦᠷᠦᠭᠡᠳᠦᠭᠰᠡᠨ ᠬᠡᠨ ᠨᠢᠭᠡᠨ ᠲᠠᠢ ᠪᠠᠨ ᠬᠤᠷᠳᠤᠬᠠᠨ ᠤᠴᠠᠷᠠᠬᠤ ᠶᠢ ᠶᠠᠭᠠᠷᠠᠵᠤ᠂ ᠬᠦᠭᠰᠡᠭᠰᠡᠨ ᠰᠡᠳᠬᠢᠯ ᠢᠶᠠᠨ ᠳᠠᠷᠤᠵᠤ ᠶᠠᠳᠠᠨ ᠦᠷᠳᠡᠭᠡᠨ ᠤ ᠭᠠᠷᠤᠴᠠ ᠵᠦᠭ ᠪᠠᠶᠢᠨ ᠳᠠᠬᠢᠨ ᠬᠦᠵᠦᠭᠦᠦ ᠰᠤᠩᠭᠠᠬᠤ ᠳᠤ ᠤᠯᠠᠨ ᠤ ᠳᠤᠮᠳᠠ ᠠᠪᠤ ᠮᠢᠨᠢ ᠰᠠᠷᠠᠪᠴᠢᠯᠠᠨ ᠪᠠᠶᠢᠯ᠎ᠠ᠃ ᠦᠬᠢᠨ ᠢᠶᠠᠨ ᠰᠠᠨᠠᠭᠠᠯᠵᠠᠵᠤ ᠡᠳᠦᠷ ᠳᠤᠭᠠᠯᠠᠨ ᠬᠦᠯᠢᠶᠡᠵᠦ ᠪᠠᠶᠢᠭᠰᠠᠨ ᠠᠪᠤ ᠮᠠᠨᠢ ᠡᠷᠳᠡ ᠠᠴᠠ ᠨᠠᠮᠠᠢᠢ ᠤᠯᠵᠤ ᠬᠠᠷᠠᠭᠰᠠᠨ ᠢᠶᠠᠨ ᠭᠠᠷ ᠳᠠᠯᠠᠯᠤᠨ᠎ᠠ᠃   ᠠᠪᠤ ᠮᠢᠨᠢ ᠦᠡᠭᠭᠡ ᠰᠢᠷᠢ ᠨᠢ ᠤᠨᠠᠵᠤ᠂ ᠦᠨᠴᠦᠭ ᠪᠤᠯᠤᠩ ᠨᠢ ᠬᠡᠭᠵᠡᠷᠡᠵᠦ ᠦᠷᠦᠭᠡᠰᠦᠨ ᠰᠢᠯ ᠨᠢ ᠬᠠᠭᠠᠷᠬᠠᠢ ᠪᠠᠭ᠎ᠠ ᠮᠠᠰᠢᠨ ᠳᠠᠭᠠᠨ ᠪᠤᠭᠤᠳᠠᠯ ᠪᠠᠭᠯᠠᠭ᠎ᠠ ᠶᠢ ᠠᠴᠢᠶᠠᠯᠠᠬᠤ ᠳᠠᠭᠠᠨ᠄   — ᠬᠤᠳᠠ ᠠᠴᠠ ᠢᠷᠡᠭᠰᠡᠨ ᠰᠤᠷᠪᠤᠯᠵᠢᠯᠠᠭᠴᠢ ᠠᠪᠠᠭ᠋ᠠᠢ ᠶᠢ ᠬᠠᠷ᠎ᠠ ᠳᠤᠭᠤᠰᠤ ᠳᠠᠳᠠᠭᠤᠯᠤᠭᠰᠠᠨ ᠮᠤᠲ᠋ᠤᠷ ᠤᠨ ᠠᠷᠤ ᠳᠤ ᠰᠠᠭᠤᠯᠭᠠᠭᠠᠳ ᠴᠤ ᠶᠠᠭᠠᠬᠢᠬᠤᠪ᠂ ᠬᠡᠮᠬᠡᠷᠬᠡᠢ ᠪᠤᠯᠪᠠᠴᠤ ᠪᠠᠭ᠎ᠠ ᠮᠠᠰᠢᠨ ᠢᠶᠠᠷ  ᠳᠤᠰᠤᠶ᠎ᠠ ᠳ᠋ᠠ ᠭᠡᠵᠦ ᠱᠤᠭ ᠪᠤᠯᠭᠠᠭᠰᠠᠨ ᠢᠶᠠᠨ ︽ᠬᠡᠪᠡᠷᠡᠭ ᠬᠠᠷᠠᠭᠳᠠᠵᠤ ᠪᠠᠶᠢᠭ᠎ᠠ ᠪᠤᠯᠪᠠᠴᠤ ᠵᠠᠮ ᠬᠤᠷᠤᠭᠠᠬᠤ ᠳᠠᠭᠠᠨ ᠪᠤᠯ ᠯᠠᠪ ᠯᠠᠪᠳᠠᠭᠤᠨ︾ ᠭᠡᠵᠦ ᠳᠡᠷᠭᠡᠨ ᠤᠷᠤᠢ ᠳᠡᠬᠡᠷ᠎ᠠ ᠪᠠᠨ ᠬᠤᠶᠡᠷ ᠳᠠᠪᠰᠢᠭᠠᠳ ᠬᠦᠭ ᠬᠦᠭ ᠢᠨᠢᠶᠡᠨ᠎ᠠ᠃  ᠬᠤᠰᠢᠭᠤᠨ ᠳᠡᠭᠦᠷᠭᠡ ᠪᠠᠷ ᠳᠠᠪᠬᠢᠭᠰᠠᠨ ᠪᠠᠭ᠎ᠠ ᠮᠠᠰᠢᠨ ᠬᠤᠷᠳᠤ ᠰᠠᠭᠠᠷᠠᠭᠤᠯᠤᠭᠴᠢ ᠪᠦᠰᠡ ᠶᠢ ᠳᠠᠭᠠᠷᠢᠬᠤ ᠳᠠᠭᠠᠨ ᠪᠠᠶᠢᠨ ᠪᠠᠶᠢᠨ ᠫᠢᠰ ᠳᠠᠰ ᠳᠤᠤᠭᠠᠷᠬᠤ ᠪᠤᠯᠪᠠᠴᠤ ᠬᠠᠭᠠᠷᠬᠠᠢ ᠰᠢᠯ ᠢᠶᠠᠷ ᠨᠢ ᠳᠠᠯ᠎ᠠ ᠶᠢᠨ ᠰᠠᠯᠬᠢ ᠵᠦᠭᠡᠯᠡᠨ ᠦᠯᠢᠶᠡᠵᠦ ᠰᠡᠳᠬᠢᠯ ᠰᠡᠷᠭᠦᠭᠡᠨ᠎ᠠ᠃    — ᠬᠠᠷᠠ ᠳ᠋ᠠ ᠡᠨᠡ ᠵᠠᠮ ᠢ᠂ ᠦᠬᠡᠷ ᠳᠡᠷᠭᠡ ᠪᠠᠷ ᠨᠢᠭᠡ ᠰᠦᠨᠢ ᠨᠢᠭᠡ ᠡᠳᠦᠷ ᠠᠶᠠᠯᠠᠳᠠᠭ ᠪᠠᠶᠢᠵᠠᠢ ᠭᠡᠬᠦ ᠳᠤ ᠬᠦᠮᠦᠨ ᠢᠳᠡᠭᠡᠬᠦ ᠦᠭᠡᠢ ᠭᠡᠮᠡᠷ ᠪᠤᠯᠵᠤ ᠰᠢᠤ ᠭᠡᠵᠦ ᠠᠪᠤ ᠮᠢᠨᠢ ᠦᠡᠭᠭᠡᠷᠡᠭᠰᠡᠨ ᠢᠶᠠᠨ ᠦᠭᠡᠶᠢᠯᠡᠵᠦ ᠦᠨᠦᠳᠦᠷ ᠢᠶᠠᠨ ᠱᠠᠭᠰᠢᠨ᠎ᠠ᠃ ᠬᠡᠯᠡᠬᠦ ᠠᠴᠠ ᠨᠠᠮ᠎ᠠ ᠶᠢ ᠪᠠᠭ᠎ᠠ ᠠᠬᠤᠢ ᠳᠤ ᠬᠤᠰᠢᠭᠤ ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ ᠶᠢ ᠴᠢᠭᠯᠡᠵᠦ ᠮᠤᠲ᠋ᠤᠷ ᠢᠶᠠᠷ ᠪᠠᠶᠢᠡᠭᠭᠤ ᠵᠠᠮᠨᠠᠬᠤ ᠳᠠᠭᠠᠨ ᠡᠯᠡᠰᠦ ᠮᠠᠩᠬ᠎ᠠ᠂ ᠴᠢᠯᠠᠭᠤ ᠮᠤᠳᠤ ᠡᠯᠳᠡᠪ ᠤᠨ ᠲᠤᠷᠤᠭᠠᠰᠤᠨ ᠳᠤ ᠠᠳᠡ ᠳᠡᠨᠳᠡ ᠦᠭᠡᠢ ᠲᠦᠡᠭᠰᠢᠵᠦ ᠪᠠᠶᠢᠭᠰᠠᠨ ᠤᠷᠤ ᠮᠦᠷ ᠪᠠᠷ᠎ᠠ ᠳᠠᠰᠤ ᠠᠷᠢᠯᠵᠤ ᠬᠤᠰᠢᠭᠤᠨ ᠲᠦᠪ ᠠᠴᠠ ᠬᠦᠳᠡᠭᠡ  ᠭᠡᠷ ᠢ ᠴᠢᠭᠯᠡᠭᠰᠡᠨ ᠰᠢᠯᠤᠭᠤᠨ ᠳᠠᠷᠳᠠᠩ ᠴᠠᠷᠳᠠᠮᠠᠯ ᠵᠠᠮ ᠳᠠᠯ᠎ᠠ ᠶᠢ ᠵᠦᠰᠦᠨ ᠵᠢᠷᠢᠯᠵᠡᠨ᠎ᠠ᠃    ᠮᠠᠨ ᠤ ᠬᠢᠨ ᠬᠦᠮᠦᠨ ᠤ ᠭᠠᠵᠠᠷ ᠬᠦᠨᠳᠡᠯᠡᠨ ᠤ ᠨᠤᠳᠤᠭ ᠢᠶᠠᠷ ᠬᠦᠴᠦᠨ ᠤ ᠠᠵᠢᠯ ᠳᠤ ᠶᠠᠪᠤᠵᠤ ᠬᠦᠯᠢᠶᠡᠰᠦ ᠳᠠᠷᠤᠭᠠᠰᠤ ᠪᠤᠯᠤᠭᠰᠠᠨ ᠦᠷᠢ ᠰᠢᠷᠢ ᠪᠠᠨ ᠴᠡᠭᠴᠡᠯᠡᠵᠦ ᠳᠠᠭᠤᠰᠬᠠᠭᠠᠳ ᠬᠤᠷᠤᠭ᠎ᠠ ᠪᠠᠨ ᠴᠢᠮᠡᠬᠦ ᠬᠡᠳᠦᠨ ᠢᠮᠠᠭ᠎ᠠ ᠳᠠᠭᠤᠵᠤ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠭᠰᠠᠨ ᠨᠢ ᠨᠢᠳᠤᠨᠤᠨ ᠤ ᠶᠠᠪᠤᠳᠠᠯ ᠶᠤᠮ᠃ ᠬᠠᠷᠢᠨ ᠠᠵᠢᠯ ᠰᠤᠷᠤᠯᠭ᠎ᠠ ᠭᠡᠵᠦ ᠮᠤᠩᠭᠠᠨᠢᠵᠦ ᠶᠠᠪᠤᠭᠰᠠᠨ ᠪᠢ ᠬᠦᠳᠡᠭᠡ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠭᠡᠵᠦ ᠬᠦᠯ ᠬᠦᠭᠡᠷᠴᠦᠭ ᠪᠤᠯᠵᠤ ᠪᠠᠶᠢᠭ᠎ᠠ ᠪᠠᠨ ᠪᠤᠳᠤᠵᠤ ᠦᠵᠡᠪᠡᠯ ᠠᠷᠪᠠᠭᠠᠳ ᠵᠢᠯ ᠦᠨᠵᠢᠵᠡᠢ᠃ ᠵᠠᠮ ᠳᠤᠵᠢ ᠳᠠᠨᠢᠯ ᠳᠠᠰᠤᠯ ᠠᠶᠢᠯ ᠳᠤᠰᠬᠤᠨ ᠤ ᠨᠡᠷ᠎ᠠ ᠤᠰᠤᠨ ᠤ ᠠᠷ ᠰᠢᠭ᠋ ᠨᠤᠳᠤᠭ ᠤᠨ ᠳᠤᠬᠠᠢ ᠳᠤᠷᠠᠰᠤᠮᠵᠢ ᠶᠢ ᠠᠷᠤ ᠠᠷᠤ ᠠᠴᠠ ᠨᠢ ᠬᠡᠯᠬᠢᠶᠡᠯᠡᠨ᠎ᠠ᠃ ᠬᠠᠷᠢᠨ ᠪᠦᠷᠦᠭ ᠪᠠᠷᠤᠭ ᠦᠯᠡᠳᠡᠭᠰᠡᠨ ᠡᠷᠭᠢᠴᠡᠭᠦᠯᠦᠯ ᠤᠨ ᠳᠤᠮᠳᠠᠬᠢ ᠰᠢᠪᠠᠷ ᠪᠠᠶᠢᠰᠢᠩ ᠮᠤᠬᠤᠷ ᠬᠦᠷᠢᠶ᠎ᠠ ᠶᠢ ᠤᠯᠠᠭᠠᠨ ᠸᠠᠭᠠᠷ ᠴᠠᠭᠠᠨ ᠴᠤᠬᠤᠢ ᠪᠠᠷ ᠴᠢᠮᠡᠭᠯᠡᠭᠰᠡᠨ ᠴᠡᠮᠴᠡᠭᠡᠷ ᠵᠦᠢᠷᠡᠢ ᠪᠠᠶᠢᠰᠢᠩ ᠤᠳ ᠤᠷᠤᠯᠠᠵᠤ ᠲᠠᠯ᠎ᠠ ᠶᠢᠨ ᠠᠶᠢᠯ ᠤᠨ ᠳᠠᠩᠰᠤᠭ ᠠᠮᠢᠳᠤᠷᠠᠯ ᠢ ᠴᠢᠮᠡᠭᠯᠡᠵᠦ ᠪᠠᠶᠢᠯ᠎ᠠ᠃    ᠬᠡᠮᠬᠡᠷᠬᠡᠢ ᠮᠠᠨᠢ ᠳᠠᠴᠢᠬᠢᠨᠠᠭᠰᠠᠨ ᠬᠡᠪ ᠢᠶᠠᠷ ᠢᠶᠠᠨ ᠵᠠᠮ ᠬᠤᠷᠤᠭᠠᠨ᠎ᠠ᠃ ᠬᠤᠯᠠ ᠠᠴᠠ ᠬᠠᠷᠠᠭᠳᠠᠬᠤ ᠳᠠᠨᠢᠯ ᠳᠠᠰᠤᠯ ᠦᠨᠳᠦᠷ ᠠᠭᠤᠯᠠ ᠶᠢᠨ ᠤᠷᠤᠢ ᠦᠷ᠎ᠠ ᠪᠠᠨ ᠬᠦᠯᠢᠶᠡᠭᠰᠡᠨ ᠡᠪᠦᠭᠡᠨ ᠪᠤᠭᠤᠷᠤᠯ ᠤᠨ ᠪᠠᠷ᠎ᠠ ᠰᠢᠭ᠋ ᠳᠤᠳᠤᠨᠤᠰᠤᠭ ᠬᠡᠪ ᠢᠶᠠᠷ᠂ ᠪᠢ ᠳᠡᠷᠡ ᠠᠭᠤᠯᠠ ᠶᠢᠨ ᠭᠤᠤ ᠭᠠᠨᠭ᠍ᠭ᠎ᠠ ᠶᠢ ᠳᠠᠪᠠᠵᠤ ᠰᠤᠷᠭᠠᠭᠤᠯᠢ ᠪᠠᠨ ᠴᠢᠭᠯᠡᠵᠦ᠂ ᠬᠦᠨᠳᠡᠢ ᠪᠠᠷ ᠨᠢ ᠬᠠᠯᠠᠭᠠᠢ ᠮᠦᠢᠯ ᠳᠡᠭᠦᠵᠦ᠂ ᠳᠡᠭᠰᠢᠬᠡᠨ ᠴᠢᠯᠠᠭᠤᠨ ᠳᠤ ᠨᠢ ᠳᠡᠭᠷᠢ ᠶᠢ ᠬᠠᠷᠠᠭᠠᠳ ᠬᠡᠪᠳᠡᠳᠡᠭ᠂ ᠳᠡᠷᠭᠡᠨ ᠰᠠᠭᠤᠳᠠᠯ ᠰᠢᠭ᠋ ᠬᠠᠳᠠ ᠪᠠᠷ ᠨᠢ ︽ᠪᠠᠭ᠎ᠠ ᠮᠠᠰᠢᠨ︾ ᠪᠤᠯᠭᠠᠵᠤ ᠪᠠᠬ᠎ᠠ ᠪᠠᠨ ᠬᠠᠨᠳᠠᠯ᠎ᠠ ᠳᠤᠭᠯᠠᠵᠤ ᠪᠠᠶᠢᠭᠰᠠᠨ ᠁ ᠲᠤᠭ᠎ᠠ ᠲᠠᠢ ᠰᠠᠭᠤᠭᠰᠠᠨ ᠬᠡᠳᠦᠨ ᠵᠢᠯ ᠤᠨ ᠳᠤᠭᠠᠯᠠᠰᠢ ᠦᠭᠡᠢ ᠤᠯᠠᠨ ᠡᠷᠭᠢᠴᠡᠭᠦᠯᠦᠯ ᠢᠶᠠᠨ ᠪᠢ ᠳᠡᠷᠡ ᠠᠭᠤᠯᠠ ᠶᠢᠨ ᠬᠠᠨᠠᠭᠠᠷ ᠴᠡᠭᠡᠵᠢᠨ ᠳᠤ ᠬᠠᠳᠠᠭᠠᠯᠠᠵᠤ ᠳᠠᠯᠪᠢᠵᠤ᠋ ᠳ᠋ᠠ᠃ ᠠᠶᠢᠯ ᠢ ᠳᠤᠭᠤᠷᠢᠭᠰᠠᠨ ᠠᠭᠤᠯᠠᠰ ᠮᠠᠨᠢ ᠤᠨ ᠵᠢᠯ ᠤᠨ ᠤᠯᠠᠷᠢᠯ ᠢ ᠠᠵᠢᠭ ᠦᠭᠡᠢ ᠦᠡᠭᠭᠡᠷᠡᠭᠡᠵᠦ ᠬᠤᠪᠢᠷᠠᠭᠰᠠᠨ ᠵᠦᠢᠯ ᠭᠡᠵᠦ ᠪᠠᠷᠤᠭ ᠦᠭᠡᠢ᠃ ᠬᠠᠷᠢᠨ ᠬᠦᠮᠦᠨ ᠤ ᠦᠪᠡᠷ ᠤᠨ ᠬᠢ ᠭᠡᠵᠦ ᠢᠯᠭᠠᠵᠤ ᠰᠤᠷᠤᠭᠰᠠᠨ ᠨᠡᠶᠢᠭᠡᠮ ᠤᠨ ᠤᠷᠤᠰᠬᠠᠯ ᠤᠨ ᠳᠦᠷᠤᠳᠠᠰᠤ ᠪᠤᠯᠤᠭᠰᠠᠨ ᠳᠤᠤᠷ ᠬᠦᠷᠢᠶ᠎ᠠ ᠯᠠ ᠬᠦᠷᠦᠰᠦᠨ ᠳᠤ ᠪᠤᠯᠠᠭᠳᠠᠭᠰᠠᠨ ᠮᠤᠳᠤᠨ ᠠᠴᠠ ᠪᠠᠨ ᠴᠢᠩᠭ᠎ᠠ ᠵᠢᠭᠤᠷᠠᠵᠤ ᠠᠭᠠᠯᠵᠢᠨ ᠳᠤᠤᠷ ᠮᠡᠳᠦ ᠠᠷᠵᠠᠶᠢᠨ ᠬᠠᠴᠢᠨ ᠡᠪ ᠦᠭᠡᠢ ᠬᠠᠷᠠᠭᠳᠠᠨ᠎ᠠ᠃    ᠬᠦᠮᠦᠨ ᠮᠠᠯ ᠤᠨ ᠷᠠᠰᠢᠶᠠᠨ ᠪᠤᠯᠠᠭ ᠪᠤᠯᠤᠭᠰᠠᠨ ᠨᠠᠷᠢᠨ ᠪᠦᠳᠦᠭᠦᠨ ᠵᠦᠢᠷᠡᠢ ᠬᠤᠶᠠᠷ ᠭᠤᠤᠯ ᠬᠤᠷᠴᠢᠬᠢᠨᠠᠨ ᠤᠷᠤᠰᠤᠨ᠎ᠠ᠃ ᠡᠷᠭᠢ ᠮᠦᠷᠭᠦᠴᠡᠭ ᠴᠤ ᠦᠶᠡᠷ ᠤᠰᠤᠳᠤᠯ ᠤᠨ ᠡᠷᠬᠡᠨ ᠳᠤ ᠢᠷᠮᠡᠭ ᠬᠦᠪᠡᠭᠡ ᠨᠢ ᠨᠡᠯᠢᠶᠡᠳ ᠢᠳᠡᠭᠳᠡᠵᠡᠢ᠃ ᠤᠨᠠᠭᠰᠠᠨ ᠨᠤᠳᠤᠭ ᠤᠨ ᠢᠶᠠᠨ ᠦᠨᠴᠦᠭ ᠪᠤᠯᠤᠩ ᠪᠦ᠋ᠷᠢ ᠳᠤ ᠦᠯᠢᠭᠡᠷ ᠪᠢᠴᠢᠭᠯᠡᠳᠡᠭ ᠲᠠᠩᠬᠢᠯ ᠨᠠᠰᠤ ᠮᠠᠨᠢ ᠡᠷᠭᠢ ᠮᠦᠷᠭᠦᠴᠡᠭ ᠲᠤ ᠨᠢ ᠴᠤ ᠨᠢᠭᠤᠭᠳᠠᠨ ᠪᠠᠶᠢᠳᠠᠭ᠃ ᠨᠡᠭᠦᠳᠡᠯ ᠤᠨ ᠬᠦᠮᠦᠨ ᠤ ᠬᠠᠶᠠᠭᠰᠠᠨ ᠨᠤᠮ ᠳᠡᠪᠳᠡᠷ ᠢ  ᠠᠷᠤᠭ ᠢᠶᠠᠷ ᠰᠠᠪᠠᠯᠠᠵᠤ ᠠᠯᠵᠢᠶᠠᠯ ᠦᠭᠡᠢ ᠵᠦᠭᠡᠭᠡᠵᠦ ᠪᠠᠶᠢᠭᠰᠠᠨ ᠠᠬ᠎ᠠ ᠪᠢᠳᠡ ᠬᠤᠶᠠᠷ ᠤᠨ ᠪᠠᠷ᠎ᠠ ᠲᠡᠶᠢᠨ ᠬᠦ ᠭᠢᠯᠠᠰᠬᠢᠨ ᠦᠡᠭᠭᠡᠷᠡᠨ᠎ᠠ᠃ ᠠᠶᠢᠯ ᠤᠨ ᠬᠠᠶᠠᠭᠰᠠᠨ ᠨᠤᠪᠰᠢ ᠶᠢ ᠭᠡᠷ ᠵᠦᠭ ᠢᠶᠠᠨ ᠵᠦᠭᠡᠭᠡᠯ᠎ᠠ ᠭᠡᠵᠦ ᠬᠡᠨ ᠨᠢᠭᠡ ᠨᠢ ᠱᠤᠭᠯᠠᠵᠤ ᠪᠠᠶᠢᠬᠤ ᠳᠤ ᠨᠤᠮ ᠡᠭᠦᠷᠦᠭᠡᠳ ᠢᠷᠡᠭᠰᠡᠨ ᠤᠬᠠᠭᠠᠨ ᠲᠠᠢ ᠬᠤᠶᠠᠷ ᠦᠷ᠎ᠠ ᠮᠢᠨᠢ ᠭᠡᠵᠦ ᠦᠵᠦᠭᠦᠷ ᠦᠭᠡᠢ ᠪᠠᠶᠠᠷᠯᠠᠳᠠᠭ ᠡᠵᠢ ᠶᠢᠨ ᠮᠢᠨᠢ ᠢᠨᠢᠶᠡᠭᠰᠡᠨ ᠴᠢᠷᠠᠢ ᠴᠤ ᠳᠡᠷᠡ ᠭᠱᠠᠨ᠎ᠠ ᠪᠦᠷᠳᠦᠯᠵᠡᠨ ᠬᠠᠷᠠᠭᠳᠠᠬᠤ ᠮᠡᠳᠦ ᠪᠤᠯᠤᠯ᠎ᠠ᠃ ᠰᠦᠮᠡᠯᠵᠡᠭᠰᠡᠨ ᠯᠠ ᠶᠢᠨ ᠭᠡᠷᠡᠯ ᠳᠤ ᠰᠦᠨᠢ ᠳᠤᠵᠢ ᠦᠯᠢᠭᠡᠷ ᠤᠡᠭᠰᠢᠵᠤ ᠦᠭᠳᠡᠭ ᠬᠦᠭᠡᠷᠦᠬᠦᠢ ᠬᠦᠮᠦᠨ ᠯᠠ ᠪᠠᠶᠢᠭᠰᠠᠨ ᠶᠤᠮ ᠳ᠋ᠠᠭ᠃    ︽ᠲᠡᠷᠡᠭᠦᠬᠡᠨ︾ ᠭᠡᠵᠦ ᠠᠪᠤ ᠮᠢᠨᠢ ᠮᠢᠷᠠᠯᠵᠠᠨ ᠤᠷᠤᠰᠬᠤ ᠭᠤᠤᠯ ᠠᠴᠠ ᠬᠤᠯᠠ ᠦᠭᠡᠢ ᠳᠠᠯ᠎ᠠ ᠶᠢᠨ ᠳᠤᠮᠳᠠ ᠪᠤᠰᠬᠠᠭᠰᠠᠨ ᠰᠢᠨ᠎ᠠ ᠭᠡᠷ ᠵᠦᠭ ᠢᠶᠠᠨ ᠡᠷᠡᠦ ᠪᠠᠷ ᠢᠶᠠᠨ ᠳᠤᠬᠢᠨ᠎ᠠ᠃    ᠬᠡᠨ ᠭᠡᠳᠡᠭ ᠠᠶᠢᠯ ᠤᠨ ᠬᠢ ᠠᠳᠡ ᠠᠵᠤ ᠲᠦᠷᠦᠵᠦ ᠪᠠᠶᠢᠭᠰᠠᠨ ᠭᠡᠳᠡᠭ ᠢ ᠮᠠᠷᠳᠠᠯ ᠦᠭᠡᠢ ᠳᠡᠮᠳᠡᠭᠯᠡᠬᠦ ᠭᠡᠵᠦ ᠴᠢᠷᠮᠠᠶᠢᠭᠰᠠᠨ ᠬᠠᠭᠤᠴᠢᠨ ᠭᠡᠷ ᠤᠨ ᠪᠠᠭᠤᠷᠢ ᠠᠴᠠ ᠦᠯᠡᠳᠡᠭᠰᠡᠨ ᠬᠡᠳᠦᠨ ᠤᠪᠤᠭ᠎ᠠ ᠰᠢᠷᠤᠢ ᠳᠡᠭᠦᠨ ᠤ ᠡᠮᠦᠨ᠎ᠠ ᠨᠢ ᠴᠢᠮᠡᠭᠡ ᠦᠭᠡᠢ ᠯᠠ ᠬᠡᠪᠳᠡᠨ᠎ᠠ᠃ ᠬᠠᠷᠢᠨ ᠰᠢᠨ᠎ᠠ ᠡᠬᠢᠯᠡᠯᠳᠡ ᠶᠢ ᠪᠡᠯᠭᠡᠰᠢᠶᠡᠭᠰᠡᠨ ᠰᠢᠨ᠎ᠠ ᠭᠡᠷ ᠤᠨ ᠬᠤᠯᠠᠩ ᠠᠴᠠ ᠰᠤᠭᠤᠨᠠᠭᠯᠠᠬᠤ ᠤᠳᠤᠭ᠎ᠠ ᠴᠤ ᠭᠡᠷ ᠮᠢᠨᠢ ᠭᠡᠬᠦ ᠠᠴᠠ ᠴᠠᠭᠠᠨ᠎ᠠ ᠪᠠᠨ ᠨᠢᠭᠡ ᠯᠡ ᠡᠭᠡᠯᠢᠳᠡᠢ᠃ ᠬᠤᠳᠠ ᠭᠠᠵᠠᠷ ᠤᠨ ᠳᠡᠪᠵᠢᠶᠡᠨ ᠳᠤ ᠬᠦᠯ ᠤᠯᠠ ᠪᠠᠨ ᠤᠯᠬᠤ ᠦᠭᠡᠢ ᠪᠢ ᠭᠡᠵᠦ ᠶᠠᠭᠤ ᠬᠢᠬᠦ ᠪᠠᠷ ᠠᠳᠡ ᠮᠤᠩᠭᠠᠨᠢᠵᠤ ᠪᠠᠶᠢᠭ᠎ᠠ ᠳᠤᠯᠤᠭᠠᠢ ᠪᠢᠯᠡ ᠭᠡᠳᠡᠭ ᠡᠭᠡᠳᠡᠷᠡᠭᠡᠨ ᠨᠦᠭᠦᠳ ᠳᠡᠷᠡ ᠯᠡ ᠮᠦᠴᠡ ᠳᠤ ᠬᠤᠭ ᠦᠭᠡᠢ ᠠᠷᠢᠯᠵᠠᠢ᠃  ᠪᠢ ᠭᠡᠳᠡᠭ ᠴᠢᠨᠢ ᠦᠪᠡᠷ ᠤᠨ ᠢᠶᠠᠨ ᠨᠤᠳᠤᠭ ᠤᠨ ᠡᠯᠢᠭᠡᠨ ᠳᠤ ᠪᠦᠪᠠᠶᠢᠯᠡᠭᠳᠡᠵᠦ᠂ ᠦᠯᠮᠡᠢ ᠳᠤ ᠳᠤᠷᠤᠭᠳᠠᠬᠤ ᠴᠢᠯᠠᠭᠤᠨ ᠠᠴᠠ ᠨᠢ ᠬᠦᠷᠳᠡᠯ᠎ᠠ ᠦᠯᠢᠭᠡᠷ ᠠᠭᠤᠳᠠᠯᠯᠠᠵᠤ ᠶᠠᠪᠤᠳᠠᠭ ᠪᠠᠶᠠᠨ ᠬᠦᠮᠦᠨ ᠪᠠᠶᠢᠵᠤ ᠳ᠋ᠠ᠃    ᠬᠡᠨ ᠢᠷᠡᠭᠰᠡᠨ ᠪᠤᠯ ᠭᠡᠵᠦ ᠬᠤᠴᠠᠨ ᠪᠠᠶᠢᠭᠰᠠᠨ ᠨᠤᠬᠠᠢ ᠬᠡᠮᠬᠡᠷᠬᠡᠢ ᠶᠢ ᠲᠠᠨᠢᠵᠤ᠂ ᠰᠡᠭᠦᠯ ᠢᠶᠠᠨ ᠬᠦᠳᠡᠯᠬᠡᠨ ᠡᠵᠡᠨ ᠢᠶᠠᠨ ᠤᠭᠳᠤᠨ᠎ᠠ᠃ ᠡᠭᠦᠳᠡᠨ ᠭᠠᠳᠠᠨ᠎ᠠ ᠠᠴᠠ ᠰᠦ ᠲᠠᠢ ᠴᠠᠢ᠂ ᠮᠢᠬᠠᠨ ᠱᠦᠯᠦ ᠶᠢᠨ ᠦᠨᠦᠷ ᠬᠠᠨᠭ᠍ᠬᠤᠯᠵᠤ ᠪᠢ ᠰᠠᠨᠠᠵᠤ ᠤᠳᠠᠭᠰᠠᠨ ᠭᠡᠷ ᠲᠡᠭᠡᠨ ᠠᠯᠬᠤᠨ ᠤᠷᠤᠯ᠎ᠠ ᠁          ᠢᠷᠡᠯᠲᠡ᠄ ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠡ ᠤ ᠰᠤᠨᠢᠠ ᠮᠠᠳᠡᠭᠡ ᠶᠢᠨ ᠰᠦᠯᠵᠢᠶ᠎ᠠ
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号